مستقبل اجيال


السلام عليكم
وكل عام وانتوا بخير
وتقبل الله من حجاجكم
وكل عام وانتوا بخير على السنه الجديده


موضوعي غريب وعجيب ومحرج لكن لابد من طرحه
اللي يكون عارف موضوعي فانا متاكد انه مقهور مثلي
واللي مو عارفه احاول انه اوصله مقصدي علشان يحتاط منه
 يااخوان واخوات
تغير الوقت وتغير الناس انفتحت ثقافات جديده وانفتح معاها مجالات في العقل كانت العقل مغلقه من فتره بارادتنا لان كنا نعرف انها ليست صحيحه
جا الوقت الي نشوف الغلط ومانقدر نقول انك غلط

موضوعي عن كليات البنات 
يمكن تسئلون وش عرفك انت لما تتكلم عنها
انا بقولكم عندي اخوات مثل ماعندكم عندي اهل عندي قرايب
الوضع صار مخيف ياناس لا مراقبه لا متابعه
صار فيه انحلال اخلاقي بالجامعات والكليات  
انتشر ظواهر لم نكن نعرفها ابد مثل الشذوذ الجنسي و مثل بعض الحركات الصبيانيه و تسلط الدكاتره والمحاضرين
حاولت اجري تحقيق عنهم وعن الجامعات صراحه وقفت بعد مااكتشفت ان الجامعات والكليات فيه فساد لا يعلم فيه الا الله
طبعا مو كلها لكن معضمها




الاسباب
المشرفات في الجامعات والكليات يسهلون دخول البنات لصديقاتهم يسهلون دخول الجوالات
عدم الحرص على الطالبات ومخافه الله والعلم انها امانه تتوجب الحرص عليها
المراقبه من العميده والاداره المعنيه بالطالبات قليله
والدور الاكبر للدكاتره والمحاظرين الذين هم للاسف من الجنسيات الغير سعوديه وهم على قولتها بالعاميه ساس البلا
والله ياتصير امور من دكاتره غير سعوديه اشياء ياناس والله والله مخله بالاداب
لماذا يفعلونها لانهم ضامنين الوضع معاهم رئيسه القسم من نفس الجنسيه وباقي الدكاتره من نفس الجنسيه
صارت احتلال
هل تصدقون ان الكليات والجامعات السعوديه للشباب واللي
المفروض يكون عندهم المشاكل
لكن هنا العكس صار الشباب اقل مشاكل من كليات البنات
لكن لا اخاف وانا اعلم ان هنا جنود مجهولين مثل 
 الدور الفعال من بنات جزاهم الله خير يقومون يوميا بجهد شخصي
بمحاوله اصلاح مافسده الادراه من اموره تسببت في تدهور الاوضاع
ولا انسى ان اقولكم ان كلامي عن فئه معنيه
وان الفئه هذي محاربه بشكل كبير من كثير من الطالبات
لكن ما العمل اذا كان هناك طالبات يحاولون اصلاحهم من جهه  وادراه تخرب من جهه ويمكن تساعدهم بدون علمهم

اخواني واخواتي والله اتكلم من واقع يمكن كلامي صعب لكن
لم اعرف ان اوصلهم لكم لكن الي اعلمه ان فيه ناس فاهمين معنا كلامي زين  
يمكن صدمه يمكن ماتصدقون لكن اسئلوا

اخواني واخواتي موضوعي موجه للمسؤولين بشكل خاص ولكم بشكل عام
احبائي الي في الجامعات والكليات
اخواتنا واهلنا لازم نراعيهم وندلهم ونساعدهم
مستقلبهم هو مستقبلنا

وشكرا
واتقبل انتقادكم

My Best Regards,,,
SoMe OnE


تعليقات 11

  1. جزاك الله خير على غيرتك على نساء المسلمين اولا انا خريجة لي سنتين والاشياء هذي ماكانت موجودة بكثر او موجودة بس ما اشوفها ثانيا::السبب الاول من الاهل لتقصيرهم في تربية بناتهم ثالثا:الادارة صراحة مالهم دور قوي وفعال والي صار في جامعة ام القرى شيء يشيب الراس والمصيبة الاكبر الي في المدينة استاذة توقع عقود الزواج بين البنات الله المستعان أسأل الله ان يصلح الاحوال أمـــــــــــــــــــــــــــــــــــــــــــــــــــــــين

  2. السلام عليكم و رحمة الله و بركاته أول شي شكرا لطرحك للموضوع….وللي لاحظته انك تتكلم عن المجتمه السعودي….للأسف الظاهره هاي عندنا في دبي من زمان….لكن صدقني اغلب الحالات ما حصلت للي يوجها بالطريقه الصح. نحن جربنا على اغلب البنات و حاولنا النصح يكون بطريقه غير مباشره …مثلا بالابتسامه و الكلام عن الدين…. عن الاخلاق عن الدنيا و زوالها …. والطريقه الثانيه انجرهم للصلاه و بعض العبادات …. والطريقه الثالثه هيه النقاش باللين وصدقني لقينا غلب البنات كانن محتاجين لكلمه طيبه…. لطريق للهدايه وصدقني…لو كانت الادراه خربااااااااااانه و البنات رافضين داخليا الشي هذا محد بيقدر يجبرهم والسموحه على التعليق

  3. كلام اخونا الله يحفظة ويخلية كلام صحيح وانا جزء من الناس الي شاف وسمع من اغلب المواضيع الي تحصل في الجامعات والكليات وايضاً المدارس خلافا عن موضوع اخي ولاكن انتشرت فضائح لم نسمع بها ولم تكن في مجتمعنا ابداً ياناس ياشعب ياسعودي يا مسلم ظهر اشياء في بلدنا الحبيب وفي مجتمعنا المسلم وبالذات في الجامعات والكليات والمدارس يشيب منها الرأس والله مواضيع اسمعها قسم بالله منها ما نمت الليل حل هذا يحصل في بلدنا ومجتمعنا ياناس كنت اقول ممكن الرجال يسوو الاشياء هذي لاكن من الجنس الناعم من البنات فضائح فضائح فضائح ما توقعتها والله ان المواضيع الي اسمعها من قوتها ما توقعت البنت بتكون بالجراءة هذي حتى الرجل ما يسويها وتعليق على جوالات الكاميرا هي من اكبر الاسباب للتدهور وبالذات عند البنات اخواني اخواتي نحن في اخر الزمان والعمل الصالح يحسب لصاحبه وهذي الاشياء والي يصير فينا وفي مجتمعنا علامة من علامات القيامة واخر الزمان اوصيكم بالعمل الصالح والمحافظة على اهليكم وبالذات البنات منهم لان الرجل بطبعه ولاكن يختلف عن البنت جرحه بسيط وكن البنت جرها جرح اهلها ابوها امها اخونها اخوتها عائلتها مجتمعها اعتذر عن الاطاله ولاكن من جرح اريده ان يبرا اخوكم دبدوب

  4. السلام عليكم ورحمة الله وبركاته اخي الكريم .. جميل ان نناقش قضايا مجتمعنا بواقعيه لكن الاجمل اننا عندما نتحدث عن مشكله واقعه ونريد اصلاحها ..ان نبتعد عن الرموز قدر الامكان حتى يلقى الموضوع صدا .. ونسهم ان شاء الله في علاج تلك المشكله لكن عندما تعمم جميع كليات البنات وبها مشاكل لن تصدقوها .. ماهي هذه المشاكل وماهو الموقف الذي حدث وجلك تطلق هذا الحكم ؟ بالنسبه لي لم اخرج بفائده من هذا الموضوع ولا اعلم عن اي كليه تتحدث لكي اسهم ولو بالقليل في حل مشكلتها

  5. صحيح كلامك وهالموضوع سمعت فيه كثير بس مانقول إلا الله يستر من العواقب

  6. أخى الكريم تسرعت فى اطلاقك للأحكام مااقولك ان مافي هالأشياء بالجامعات موجوده لكن الأيجابيات من الجامعات والكليات تغطي على سلبيتها بحيث لانلتفت لها يعنى وش تبينا نسوي نمنع البنات من الجامعات والمعاهد بسبب هذا الشي . وانا طالبه فى الجامعه وأشوف ان البنت اللى تبي الشر تدوره لو وين ماكان سوا فى الجامعه او في كليه او في مكان عاام او حتى في بيتها والبنت المتزنه اللى جايه عشان طلب العلم ماراح يأثر فيها هالموضوع لو بنسبه 1% وأنت مو ادرى بالأمور التى تحصل لأنك ماتعايشت مع الموقف يعنى مثلا لو اجي انا واقووول في جامعات الشباب في انحلال اخلاقي بتقولون لى وش دخلك فى هالأمور وعلى اي اساس تحكمين بمجرد السماع أو وصف احد . وحلو لو تسمع كم من رأي ووجه نظر عشان يكون فيه مصداقيه فى المووضوع . وعلى اى اساس تقول معضمها يفضل ان تحدد كليه او تقول كليه من الكليات . . الله يهديك لما تحبه وترضاه

  7. بجد صرت أكره أداوم بسبب هالشغلات .. صارت علني !! ولا مشرفات يتكلمون ولا يحزنون … للأسف ماهم فالحين إلا بتحرير مخالفة عن لبس وياليت انه يكون غير محتشم بس!! ولا جوالات الكاميرا وهذي بعد ع حسب مزاجهم … للأسف فيه تسيب من إدارة الجامعة سواء العميدة أو الوكيلة او اي مشرفة أو حتى دكتورة!! والله الواحد يحزن عليهم و على مناظرهم … بس للأسف ما أملك غير الدعاء لهم بأن ربنا يهديهم ويصلحهم .. لك مني خالص إحترامي … Ms. NoNa

  8. قد تكون هناك جذور للموضوع وقد تكون هناك ممارسات سلبية دخيلة لكن أعذرني أن أتقبل طرح شخص لا يعرف الفرق بين حرف الظاء وحرف الضاد في لغة إسمها لغة الضاد … في المطلق … الممارسات التي أدت بشخصية المدرس ودوره التعليمي الى صفيحة القمامة فأصبح يمشي بجوار الحيط ويقول يارب الستر … أين منزلة المدرس التي تغنى بها شوقي: قم للمعلم وفه التبجيلا ..كاد المعملم أن يكون رسولا؟؟؟ آسف على تعليقي … ولكن إن لم نقم برد دور وهيبة المعلم بالتدريس والتهذيب والتربية فلن نسترجع أجيال الرجال والسيدات ولن تكون مدارسنا وجامعاتنا مصانع لقادة وقائدات ولكن ستكون ما أراد كاتب المقال أن يسميها… تحياتي،،،

  9. كلامك عين العقل ليت لي سند مثلك وربي ازيدكم من الشعر بيت كليتي عميدتها مصريه وكمان اللي قبلها مصريه والبلاوي عندنا واصله الوزاره ولاكن لاحياه لمن تنادي. المشكله ان التهم دائم تتوجه للصالحات والهاديات ودائم مايفصلون تأديبي اما راعيات البلاوي ما اسرع ما تتخرج.. الامر الثاني كوادرنا كلها غير سعوديه اقصد المحاضرات وهالسنه جابو بنتين من دفعه العام للعملي لا وبربع راتب بعد.. وش اقول وش اخلي عندهم النجاح بالمقابل والله طلعت عيوننا منهم تبون تأكيد ابشروا من عيوني وانا تحت امركم بس نبي حل لهل المهزله.. واللي بسأل مجرد يدخل على منتديات المجمعه ا وحوطه سدير وشوفوا البلاوي المتلتله طبعا السبب ماعندنا يد توصلنا للسلطات المعنيه الابواب مسكره ولاتقولون حاولوا جربنا ولا استفدنا الا الهم والتهم سلامي واحترامي ودعواتي لك تابع المسير فنحن من ورائك

  10. زي ما قال صاحبنا في الأعلى .. جميل أنه نناقش بعض قضايا المجتمع .. لكن أنا أحب أعدل تعديل بسيط أو بالأصح أضيف : أنه مجرد النقش والحديث عن المشاكل والبحث في التفاصيل لا يكفي .. حتى ندخل للمشكلة ونعالحها ونبحث لها عن أفضل الحلول !! * لا يفهم من كلامي أن المناقشة وبحث التفاصيل لا يفيد .. بل هو بداية الطريق !! وباتأكيد ما يفيد أننا ننتظر العلاج وحنا ما كملنا هذا الطريق !! يعن لو حاولنا نجمع بعض الحلول أعتقد هذي خطوة جيدة .. لكن أن نبقى نتحدث ونقول ونذكر .. فلن نغير من الواقع شيء !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مستقبل اجيال

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول