رسائل المجموعة

مدائن صالح الاثرية – Madain Saleh Antiquities

السلآم عليكم ورحمـة الله وبركآتهـ ..
آخبآركم ،، آن شاء الله بخيـر ونعمـة ..
اليوم رآح آنزل لكم تقرير بسيط عن رحلتي لمدآئن صآلح قبل كم يوم ..
وآن شاء الله تستفيدون منهآ كمرجـع للي نآوين يزورون هذي آلآثآر ..

* نبذهـ عن المدآئن :-
مدائن صالح أو اسمها القديم مدينة الحجر ..
موقع أثري في المملكة العربية السعودية تقع في محافظة العُـلا التابعة لمنطقة المدينة المنورة ..
والحجر اسم ديار ثمود بوادي القرى بين المدينة المنورة وتبوك ..
تقع الحجر على بعد 22كم شمال شرق مدينة العلا ـ عند دائرة عرض 47ـ26 شمالاً، وخط طول 53ـ37 شرقاً ويطلق الحجر على هذا المكان
منذ أقدم العصور ويستمد الحجر شهرته التاريخية من موقعه على طريق التجارة القديم الذي يربط جنوب شبه الجزيرة العربية والشام ..
ومن اصحابه المعروفين بقوم ثمود الذي جاء القرآن بذكرهم بأنهم لبوا دعوة نبي الله صالح ثم ارتدوا عن دينهم وعقرهم الناقة التي أرسلها الله لهم آية ..
حسب علم الآثار فقد سكنت مدينة الحجر من قبل المعينيين الثموديين في الألفية الثالثة ق.م. ومن بعدهم سكنت من قبل اللحيانيون في القرن التاسع ق.م ..
وفي القرن الثاني ق.م احتل الانباط مدينة الحجر وأسقطوا دولة بني لحيان واتخذوا من بيوت الحجر معابد ومقابر، وقد نسب الأنباط بناء مدينة الحجر
لنفسهم في النقوش التي عثر عليها. تحتوي مدينة الحجر على كمية هائلة من النقوش المعينية واللحيانية والتي تحتاج لدراسة وفك رموزها ..
مناطق العلا وديدان والخربية هي آثار لحيانية وأقدمها ربما يعود إلى 2110 ق.م وقد دمر جزء منها بزلزال وأما مدينة الحجر فهي آثار المعينيين
التجار الثموديين الأوائل القادمين من جنوب الجزيرة العربية.
* في 2008، أعلنت منظمة الأمم المتحدة للعلوم والتربية والثقافة أن مدائن صالح موقع تراث عالمي ..
وبذلك يصبح أول موقع في السعودية ينضم إلى قائمة مواقع التراث العالمي ..

* الصـور ،،

* مخرج تبوك – العـلآ ..

* الطريق المؤدي إلى العـلآ ..

* تآبع – الطريق المؤدي إلى العـلآ ..

* آنتبهوآ من البعآرين ،، كل 10 كيلو لآزم توقف من كثر البعآرين على طريق الـعـل ..

* من مخرج تبوك – العلا ،، رآح تشوف تضآريـس جميلـة ..

* مآبقى شيء للعـل .. 60 كم ..

* وتستمر الآشكآل الصخرية الجميلـة ..

* قـربنا .. 40 كم ..

* عجبتني الصخرهـ هذي وصورتهآ .. مرتكزهـ على قآعدة صغيرهـ ” سبحآن الله “

* قبل لا تآصـل لـ العلا بـ 10 او 15 كيلو ،، يجيك مخرج لـ مدآئن صآلح والمدينة المنورهـ ..

* بعد ما تأخـذ المخرج ،، بعد فتـرة تجيك لوحـة [ مدآئن صآلح ] يمين ..

* بعد فتـرة تجيك لوحـة آرشآديـة لمدآئن صآلح ..

* تبدآ آلآشكآل الصخرية كل مآقربت للمدآئن ..

* بدآيـة مدخل المدآئن في آصلآحآت وكذآ .. بعد البـوآبـة مبآشـرة ..
وبالنسبـة لآجرآئآت الدخول مآتآخذ أقل من دقيقة ،، بطآقـة آحوآلك ورقم لوحـة موترك .. وبس ..
ولك كل الوقــت آهم شيء تطلع قبل المغـرب ..

* آول مآتدخل المدآئن يكون على يمينك هذي القصـور ..

* الصخرة هذي قريبة من القصر آعلآهـ ..

* صورة آقـرب من القصـر ..

* صور قصـور آخـرى ..
للمعلوميـة كل قصر لهـ آسم [ قصر البنت ،، قصر الفريد … إلخ ]
لكن مآهو مبين لك شيء ولا مكتوب شيء ،، حتى المرشد أو المرآقب مآتشوفهـ دآيم ..
يدور على جيب مكتوب عليهـ الهيئة العليا للسيآحـة ..

* القصـر مقآرنـة بالسيآرة ..

* آحد القصـور المزخرفهـ ..
في بعض القصـور مزخرفهـ مثل هذا ،، ودآيم القصور المزخرفـة
تلقى فوق البآب مربـع منحوت ودآخلهـ كلآم ،، يعني يمكن لو يجي عالم
آثآر ويكتشف لغتهم يمكن كآتبين آسم صآحب كل قصـر .. < آتوقـع ..
وفي بعض القصور عآديـة ماهي مزخرفـة بس بآب مثل الصور اللي ببدآيـة المدآئن ،،

* بآب القصـر اللي فـوق ..

* هذي صورة من الدآخـل للقصر اللي فـوق ..
هذي شكلهآ رفوف ولكن بعض النآس يقولون مقآبــرهم ..

* صـور آخـرى لـ القصــور ..

* صـورة آقـرب للقصور .. ولآحظوآ النسر اللي فوق البآب آلآيمن ..

* صـورة آخـرى لـ القصور ..
سبحآن الله ،، قـوة جبآرهـ لهؤلآء القـوم ..

* صـورة للزخآرف اللي فوق بآب القصـر ..
يقآل النسر دلآلـة على التخويف والترهيب للي يدخلون القصر ..
مثل شعار العظآم لـ القرآصنـة .. < بدآ يفتي الولد

* صـورة آخـرى لبعض القصـور ..
ومثل مآذكرت آعلآهـ لكل قصـر آسم ،، لكن مآهو موضـح لنآ ..
حآولت آدور لوحآت توجيهيـة لكن مآفـي ..

* هذآ يختلف عنهم قصـرهـ مفتوح ..
لكن في بآب دآخـل ،، دخلت هذآ البآب لكن مآفي شيء مهم غير الرفوف أو المقآبـر ..

* آحـد القصـور عن قـرب ..

* اللي على اليمين معآلمهـ رآحت من عوآمل التعريـة الظآهر ..
بس فيه فتحـة عند البآب صورت منهآ آكثر من صـورة ..

* هذي الصـورة من الفتحـة اللي قلت لكم عنهآ فـوق ..

* وآيضآ هـذي من نفس الفتحـة .. < حللت الفتحـة ..

* من زآويــة آخـرى للقصـور آعلآهـ ..

* صـورة عن قرب لبآب القصور آعلآهـ ..

* مجمـوعـة من القصـور ..

* صـورة من الدآخـل لـ القصر اللي فوق ..

* صورة الزخآرف آعلى البآب ..

* صـورة من الدآخـل لآحد القصور وتكثر فيه الرفوف آو المقآبـر ..

* هذآ القصـر عجيب ،، حآط له فتحـة فـوق .. هو القصر الوحيد اللي مسوي الفتحـة ..

* صـورة محدثكم وهو يتآمـل المدآئن من آحد القصـور ..

* آيضآً صـورة لآحد القصور ..

* هذآ قصـر الفريد ،،
هو القصر الوحيد اللي بعيد عن كل القصور ،، مآفي حولهـ آي قصر ..
والقصر هذآ مشهور ،، آغلب الصور عن مدآئن صآلـح لآزم تلقى صورة القصر هذآ فيهـ ..

* سبب تسميـة هذآ القصر بهذآ الآسم :-
يقع قصر الفريد ضمن آثار مدائن صالح الواقعة شمال مدينة العلآ
وهذه التسمية محليه وسمي بذلك لانفراده بكتله صخريه
ضخمه مستقله وكذلك لإنفراده بواجهه كبيره ومميزهـ ..

* من زآويـة آخرى لقصر الفريد ..

* قصـر الفريـد عن قـرب .. ولآحظـوآ الصخور اللي عند البآب مثل الكرآسـي ..
الظآهر آنهم يتجمعـون بالقصـر هذآ ..

* من زآويـة آخرى لقصـر الفريد عن قرب ..

* هذي الصـورة لقصر الفريد من جنب ،، لآحظت آنه مستند على الجزء هذآ
يعني لو آجي وآكسر الجزء هذآ يمكن يطيح القصـر ..

* صورة ودآعيـة لـ قصر الفريـد ..

* آلآن توجهنآ لمحطـة القطآر في نفس المدآئن .. هذي الصـورة للمحطـة من بعيد ..

* معلومات عن المحطـة ..
محطة مدائن صالح تقع في مدينة مدائن صالح السعودية وهي إحدى محطات الخط الحديدي
الحجازي. يأتي ترتيبها بين محطة الدار الحمراء ومحطة العلا ..

صورة لـ محطـة القطآر عآم 1909 م ..
المؤسس : السلطان عبد الحميد الثاني
سنة التأسيس : 1900 م
الرحلة الأولى 22 أغسطس 1908
إلى : الحج
مدة الرحلة 5 أيام
يبدأ الخط من دمشق
ينتهي في المدينة المنورة
طول الخط 1320 كم
عرض السكة 1050 مم
المحطات الرئيسية : دمشق – عمّان – حيفا
معان – تبوك – مدائن صالح – المدينة المنورة
سنوات الخدمة 9 سنوات

* بـوآبـة المحطـة اللي يطلع منهآ القطآر .. آو يدخـل ..

* صـورة جآنبيـة للمحطـة ،، شوفوآ الجدآر والحجر والشبآبيك من الدولة العثمآنيـة إلا آلآن صآمدة ،،
والمكيف اللي على اليمين من الدولة العثمآنية < بدآ ينصب

* مبنى قـريب من المحطـة ،،

* صـورة لمقدمـة القطآر ..

* صـورة جآنبيـة للقطـآر ..

* لآحظـوآ الكتآبآت ..
9500 ثقلب – 879 تارا ..

* صـورة آخـرى للقطآر ..

* 1906 .. < صآر عليهـ آكثر من 100 سنـة ..

* المكآن اللي يحطون فيه الفحم ..

* القطآر اللي على اليمين ،، هذآ في عمآل يشتغلون عليهـ ..
مدري وش القصـة بالضبط ،، لكن مصممين القطآر نسخـة مطآبقـة للقطآر آلآصلي ..
آتوقع يمكن نآوين يسوون قلم وثآئقي ويحآكون رحلآت القطـر .. < يمكن مو آكيد ..

* صـورة للمحطـة من الخآرج ..

* الحفـرة هذي مدري وش مهمتهآ .. يمكن مسبح ..

* صـورة آخرى للمحطـة من الخآرج ..

* لآحظوآ العمآل اللي على يمين الصـورة ،، هم اللي قلت لكم آنهم يشتغلون
على القطآر اللي دآخـل ،، ويشتغلون برآ قآعدين يسون رصيف وبلآط ووو ..
ـــــــــــــــــــــــــــــــــــــ

آلى هنآ آنتهى التقرير ،، آتمنى آنكم آستفدتوآ من التقرير لو الجزء البسيـط ..
وفعلآ مدآئـن صآلـح تستحق الزيآرة ،، بغض النظر عن مآقيل عن تحريمهآ ..
لكن فعلآ آثآر رآئـعـة ،، وتدل على القـوة اللي منحهآ الله لقـوم ثمود ،، لكن كفروآ
بمآ آنعم الله عليهم ،،

تقبلوآ تحيآتي ..
لكم جميعآ ..
albasil4u 

 


تابعوا جديد شبكة أبونواف على فيس بوك وتويتر

   

 

 

مقالات ذات صلة

‫13 تعليقات

  1. تَقرير رآئع ومميّز ، ومِن أروع التقآرير عن الأثرية مدآئن صآلح مُبدع وآصل رَعآك ربّي

  2. سبحان الله وانا اشاهد الصور جالس اتخيل كيف اشكال اللى عاشو في هالمكان وكيف كانو عايشين حياتهم

  3. يعطيف الف الف الف عإأإأإأإأإأإأإأفيه على الموضوع :>نتضر جديدكـٍ

  4. مشكور على الصور الجميله وعلى فكره… الحفره اللي ما تدري ليش عشان يغيرون منها زيت القطار انا كان معي قطار ومسويله حفره زيه ههههههههه

  5. في الحقيقة لقد قمت بتعريفنا عن مدائن صالح يعنيمدينة الحجرهدا الموقع في المملكة العربية السعودية، لم نكن لنعرفه لولا افادتنا بهدا الموضوع، بارك الله فيك يا أخي…فالمنطقة جميلة من تضاريس، و صخور متنوعة سبحان من سواها في هده الأشكال…قلت:الحجر و الشبابيك لمحطة القطار من الدولة العثمانية الى يومنا هدا بقت صامدة…لأنو ما في غش في البناء، و الناس مزيانة…ما بالك في بناية أو عمارة تبنى و بعد ما يسكن فيها الناس ببضع أسابيع تنهار على الناس بأولادهم و تشتت عائلاتهم…لن تصمد حتى لخمسة شهور …فكيف تصمد لسنوااااااااااات…..ههههه

  6. من جد موضوع رائع ومفيد وقد عرفتني على الاثار التي تمنيت طوال حياتي ان اراها بارك الله فيك

  7. زيارة موفقه وموضوع جيد تشكر عليه ولكن هناك من قال ان الموقع فقط هو موقع عاش فيه قوم ثمود يبتعد أو يقترب منها قليلآ ولكن هذه الآثار ليس لها اي علاقه بقوم ثمود انما هي آثار لدولة الانباط ودولة لحيان وياليت نتعلم من مصر و ندرس طلابنا هذي الآثار في الجامعات لحفظ التراث ولكي نحفظ تراثنا بأنفسنا بدل ما يحفظه لنا الغرب تحتاج دراسات لفك الرموز وفهم الالغاز وهذا نداء الى وزير السياحه والآثار لشد الحيل وشحذ الهمم فالموضوع أكثر من مستحق وأنا أول تلميذ في جامعة العلا للآثار اذا تم إنشاؤها دمتم بخير

  8. اللة يعطيك العافية كان خاطري اشوفها من زمان بس قالوا محد يدخلها سؤال غبي لوسمحت تجاوبني علية يعني يصير اروح مع الاهل ولا وصلت بس يطلبون بطاقة الاحوال ورقم السياره ؟ يعني لا وصلت مايطردوني؟ وبالنسبة لمحطة القطار دايم اسمع عنها مس ماقد شفت صوره لها ولا حت في كتاب المدارس وفعلا مشكور ويعطيك العافية

  9. يعآفيك ،، آي آخوي آكثر المتوآجدين بـ المدآئن عوآئـل .. آكثر من 6 او 7 عوآئـل شفتهم آنآ ،، وسيآرآت الشبآب مآتتعدى 2 الى 4 سيآرآت .. حيآك ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى