.::مخــ2ــاويــات::.


سلام عليكم
حياللله ذا الخشش الزينه والمنتازة !!
ومنورين ياحلوين

طبعا بعد ماشفنا تفاعل الشباب مع الصور والخنبقة
مدري استحليت الموضوع كذا
قلت خلني ادفكم بدفعه جديده !!
<<يدف !!
وش ذا الكلام ..وين الرقابه !!
وين وزارة الاعلام !!!
وين الدفاع المدني !!
وين الخياط البنقالي شكيل !!!
<< وش يبي ذا

نرجع لهدرتنا
ماودي اطول واكبر حجم الرسالة
همن يرجع بونواف يعدل ويضبط وعقبها يلعن ابو اليوم
اللي سوا فيه تنشيط لعضويتي
ويقول اذانا هالمستلج !!!
وإلا لو ان الود ودي كان مسكت بكم خط !!

بس في شي بخاطري ودي ابته واسدحه لكم
بعدها ننطلق للصور
 صوره
الحين هالفضائيات ليش مستقصدين السعوديين يامال الوجع!! يعني مافيه إلا السعوديين معهم جوالات وتلفونات  وإلا مافيه فلوس إلا عند السعوديين
وإلا وش الهدف من نشر اسم السعودية وارقام التلفون  بالخط العريض يشوفه حتى اللي نظره نص على سته الظاهر السبب انهم يعتقدون  ان السعودي خيشة فلوس !!على طاري خيشة الرز
خبركم حبايبنا السياح اول مايروحون يصيفون وإلا يتمشون أول مايدورون عليه عقب مايخرجون من المطار مطاعم المندى والكبسات
طبعا في شغلات يدورون عليها السملح ولكن مانبي الرؤية تتسع همن تنشق القربة !!!وعلى قولتهم ضربتين بالراس توجع
المهم اني ودي اعرف سر النظرة الغريبة من الشعب العربي الحبيب ليه يعتقدون ويجزمون
أن السعودي بصفه خاصة ماهو   إلا برميل نفط
لايحمل في راسه إلا اشباع رغباته  ويضرب بالدنيا عرض الحائط!!

إلا متى هالنظرة الدنيئة …
70%
او يمكن اكثر من اسباب هالنظرة  !!!سببها الشعب نفسه
,
,
يعني بالله فيه واحد عاقل  يتصل عشان يحل
نملة راحت لبقالة..طيب النملة الثانية ليش ماراحت؟؟
صوره
وهذا بعد نموذج للأسئلة الماصخه  واللي تستخف بعقلية المشاهد هما الدعوا فسقه واغاني
يعني لازم تحوسونها بهالمصالة !! أكثر من تفاهه ومصخره هالأسئلة اظن مافيه لا فيه؟؟؟ فيه عقول هاللي يتصلون !!! الحمد لله والشكر
زبدة الكلام الفضائيات نصابه  والأتصالات انصب وانصب  والمواطن هو الفريسة ..اقصد المواطن الخبل طبعا  قال ايش قال يبي يفوز ب 15000 الف دولار
ياشيخ افلقني بس لا والمذيعه بالعه راديو وإلا وش سالفتها !! ماتتعب من الهدرة لا ومسوية اسلوب تشويق
وتقول يعني لو فزتو بالمبلغ  ممكن تسافرو اوربا  وومكن تعملو شوبينق  ووممكن تاكلو اكل نطيف!! يامال المشعاب ليه حاد قالها انا عايشين في مزبلة
نعنتله على ذيك الخشة اللي كنها  خمسة زيود مقيتين في خنشليلة!! <<تحسون اني منقهر .. بعد مافضفضت  ولو انه مهب كل الكلام اللي بخاطري
لكن  الأستخفاف بالعقول  ذا واضح  واكيد انه مايخفى عليكم طبعا !!
نرجع لمحور الموضوع << ياحبي للثقافة بس  اليوم عندنا قفشة صور سريعه  وإن شاء الله بتكون جديده نوعا ما  والنوعا ما الباقيه
بتكون قد شافها واحد ملقوف منكم !! وما انسى هل الدايل اب لايشغلون انفسهم  كل شوي ناطين بالصفحة فوق وتحت !!تركدو ..وإن شاء الله مايصير إلا خير

=======================
صوره
وين البلديةعن ذا الشارع!! مدري هم شايفين العمود وإلا العمود ماشافهم
والأ اللي زفلت الشارع لوح  وإلا الشارع لوح واللي زفلت شارع  وإلا وش السالفة!!

تصدقون يمكن العمود نبت فجأة كذا عقب المطر !!! كل شي جايز  ياملغك بس>>
==========================
صوره
يلوموني على النظرة

وإلا لون العيون !! يلوموني في الهجين بس!!
هذا ذيب ابوه من ساحل العاج بس عاش في سيبيريا فترة شبابه  بعدين نقل مع امه وخواله للربع الخالي !!
وامه اصلها من بيروت وعاشت فترة مراهقتها في اديس ابابا وكان لها بوي فرند اصله برازيلي
وخواله من الهند وكان عايش في كندا وكان شغال في بيتزا هت قبل ما يحول ويشتغل سباك تحت كفالة هيئة الأمم المتحدة!!
<<لايكثر بس  المهم ان الموضوع كبير ومالكم دخل فيه شوفو هالذيب  وكل واحد يدفع قطته قبل لايطلع !!
بس مدري على لون عيونه احسه خكري ذا الذيب!!!
=========================
صوره
ياشين اللي يمزح بس وش ذخل ذا الأندونيسية في ذا البعير!! بس معروف عن الجمال ان مزحها شين
وانها انواع الحقد وهم بعد تنقهر وتعصب بسرعه !! يعني هل الأبل اللي عندهم بعير فحل يضرب لهم نوقهم ونوق جماعتهم
الظاهر انهم يفتون له حشيش مع الرفه عشان يكون مزاجه اوكي !! مهب كل شوي واهو ناطن عليهم وماكل خشه واحد و
إلا كاسر حوض الراعي السوداني  وإلا ممزع له خشه بزر حوله  ممزع مأخوذه من ممزق = مزق = يمزق !!
========================
صوره
يعني القعيطية واللي مايبون يدفعون عشرة اريل قيمة شماسة للسيارات  ويجون ويصفطونها تحت الأشجار مع القوايل هاذي تاليتها
!!!!
==================
صوره
ذا العسكري شكله انواع الهياط لا يحل ولايربط  و قاعدوه الرجال
وقاعد يشرح للضابط اللي جنبه وش سوو ذيك الأيام  في فيتنام  يوم شل خمسة رجاجيل  ثمن جدعهم في حفره
وخذا بريال بنزين  وش دخلهم بالريال الله يصلحك>>  .. وصب فوقهم هالبنزين
وكان فيه سقارة في فمه … بس مانطلها عليهم !!! خخخخخخخخخخخخخخخ
والضابط اللي جنبه يقول والله ابتلشنا مع هالشايب .. ومابيخلينا نشوف مصالحنا!!
======================
صوره
وش ذا الضفدع يامال الشوزن !! أبي اعرف وش ياكل بس!! شكلهم لاقين في حفرة صرف صحي والحبيب مغذي نفسه هناك !!!
================
صوره
هاذي الظاهر المدمرة كول بعد مالعنو جدانها بوحضرم !!! ابي اعرف شلون شلوها بس!!
=================
صوره
الكيس رجج !! لو اني اعرف هالمحل بروح له  ومابتقضى من عندهم ..بس
بازرف لي كيس واقعد اهايط به عند اي ثنوية يعنني قوي خخخخخخخخخخخخخخخخ ياشين تفكير المراهقين
==============
صوره
سبحان الله!! اظن والله العالم ان هالمكان بروسيا !! الظاهر بروسيا وهالدول شمال اسيا الثلوج عندهم ..مثل العج والغبار عندنا

سبحانك ياربي اللي عطاهم بكريك  يعطينا بملعقة شاهي صغيرة !! ومهيب كاملة بعد نصها بس!!!
ذبحنا هالعج والغبار .كل يوم رايحين جايين من البنشري نشحم خششنا !!!

======================
صوره
خلاص عشان مايزعلون الحريم يقولون يمكن يوفرن لهم مثل هالسياره  يشخصون فيها ويروحون داوماتهم ويخلصون شغلهم <<يعيشكم الجو مع ان ماحولكم احد ترى !!
========================
صوره
ابي اعرف ذا كله هارد وير وإلا قله حيا !!! من الفاضي اللي جلس يربط ويألف !! انا اشهد انه معطيها لين ما قال راسه انا اهوه !!!  معطيها لبن يعني لحد يفكر غلط !!!
==========================
صوره
والله في هالزمن يبيلنا هالنوعيه من الوجيه !!! يعني عندك مناسبة تكشخ بالوجيه المبتسمه ..وانت اصلا  المناسبه مهيب فارقه معك !!!
يعني لزوم البرستيج الواضح والمنتشر في  مجتمعاتنا المتحضرة ؟؟؟؟ وإلا حتى
واحد مات وإلا جاه شي لاقدر الله … تديها يابعدهم الوجه الحزين .. وهمن اللي صار له شي  ظني مايفرق معك !!! عاد شوفو انواع اللحسة
تحط شفه تضحك .. وعيون تبكي !!! !!! واحيانا… لا ويمكن باغلب الوقت
تتبع نظريه  لا اسمع  لا ارى  لا اتكلم يعني ياحلو  ركب لك خشم عشان تتنفس هوا وابصم احسن لك   واحسن للمصلحة العامة بعد !!وإلا كيف
========================
صوره
وش ذا اللحسة وش جاب ذا القرش في ذا الوادي ياحبي لك يالفوتوشوب !!!
==========================
صوره
الجيش الألماني ايام هتلر فك مفعول البقدونس اللي في روسهم  فرجعو قلبوها صدام سيارات !!!
=========================
صوره
التصوير فن ياجامعه  والشعر الناعم بعد فن والمويه فن  والمسبح كخا  خخخخخ وكيف الحال طيبين !!!
=========================
صوره
والله شيبان الغرب فاضييييين ماعندهم شغل إلا ذا الخضروات يقابلونها يوم قرع كبر راس تريلا!! ويوم طماطم كنها تيرسل عزابي ساكن بحي النفل !!
ويوم ملفوف كنه المخيم الأنتخابي حق حسن ال مهدي !!!!!!!! خخخخخخخخخخخخ

المهم ان هالزهرة مدري شسمها .. بخاطري اجيبها لبيتنا كود تكفيهم لرمضان وإلا حوله !!!
===============================
صوره
خخخخخخ اما ذا الباكستاني صاحب ذا السكوتر شكله انواع الفصلة  نعنبوه ذا سكوتر وإلا ملاهي عطالله !!
======================
صوره
الحين من اللي سادح الثاني ياشين المراهقه المتاخره !! ياخي رح اعرس  الله من شين ريحه السمك الحين !! الحمد لله يارب
طيب يمكن الرجال جيعان وش ياكل << عفريته بنشري  !!!!!!!!! والله السي فود ذا مشكلة للعزابية
وخرو عنه …!!! طبعا ننصح المتزوجين فيه !! <<طيب انقلع بس
========================
صوره
هاذي حمامة واصله  شكلها من حمام حي النخيل وإلا المحمدية !! ياااااي بس
=======================
صوره
الحين الشي الكبير اللي هناك وشو بالضبط اول شي قلت طيارة بلاستيك من ذي اللي نشوفها على كورنيش ابحر مع المبزرة
همن رجعت قلت لا ذا سفينه منقلبه  همن رجعت انلحست ومدري وش السالفة  اللي يعرف وش ذا يقلي !!!
========================
صوره
هههههه يلوموني بالشغل الزقرتي هاذي اقدع سيارة  يعني الناس اللي ماتحب حد يقلدها تشتري مثل هالموتر مدري السفينه
يعني اعرف واحد مشتري له موتر ب 400 الف ريال وبعد 3 شهور راح باع موتره  قلت افا يبو فلان ليش موترك زقرتي ومايستاهل
قال لا شفت واحد زيه بالضبط في التخصصي !! قلت طيب ياخي مافيك خير
عطني لفة فيه طيب قبل لاتبيعه !! <<ياشين المحرومين  بالله ذا وش اسوي به  يبيله والله مربوعه طيبه من الخشب المنتاز
واصكه بها على ضروسه  عشان اعرف تفكيره بس وش يطلبني << وش قاعد اقول انا
!!!!!!! انواع القهر …وانواع التبذير  والحمد لله على النعمة والصحه والعافية  ووميتين مليون فوقها  !!!!!
====================
صوره
هذا واحد قاطع سقاير  ويوم جا عقب الغدا  اختلطت عليه الامور  الحين بيرجع يدق له بذاك الكرز الجديد ويقول بلا بطلنا بلا هرج
الزقارة اللي عقب الغدا تسوى شي واجد !!! اقدر هالمزاج الصعب وهاللحظات الواجدانية
والتآلف المحموم بين دماغ الشخص وبين حنينه للسقارة  وكلها  هلاك للصحة ..وحرق للمصاري تأبر البي !!
========================
صوره
ترا مهب صادم  بس صافط سيارته.. اي سيارته  صافط سيكله بالعرض عشان الزحمه !!! والله حرام فيها الفلوس هالسيارة
مدري احس اني اسبقها على رجلي !!! كنها الجويستك ..اليد يعني حقت البلاي ستيشن !!
=============================

خلاص بح … وآسفين ياحلوين  طولنا عليكم ..اليوم بالهدرة والمصالة الزايده  بس معليش كله باجره !!! واهم شي قدرنا ولو نزرع
حلوة نزرع اقصد نرسم الأبتسامه على وجيهكم  هالسمحه زي الحبيب ذا
صوره
وقبل ما انسى شكرا لكل من تفاعل معي في  الموضوع السابق وآسف للي ارسلي ومارديت عليه لظروف دراستي والله
والحوسة اللي انا فيها  لكن انتو بعيوني كلكم … تحياتي
لكم حبي << جمانة ملاح داق باللطمة !!!





اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

.::مخــ2ــاويــات::.

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول