يسـعـد لي هالمسااااااا 
يا هلا والله ومليون غلا
هلا والله بحـبايبي أنا
مشتاق كثيرررررر لأحلى قروب .. قروب أبو نواف …
أتمنى أن الجمـيع بألف صحـه وعاااااااااااافيه ياربـ
موضوعنا اليوم .. في مخـيخـي من زمان …. عاد خـبركم شغـل الزوله وهيك 
من زمان وأنا ملاحـظ شغـله في قسم الأستفسارات السياحيه … أو حتى في أي جلسه شبابيه … ملاحظ الحيره الكبيرررررره في التجهـيز لأي سفرة سياحـيه …
أول شي … إذا أنت من اللي يقول لا والله .. ما أحب أجهز لشي .. أحـبها تـجي على عماها 
فبليز يعـني .. ما تضيعـشي وأتك معـنا
لكن اللي يبي تكون رحـلته مخـطط لها من الألف للياااااااااء … يتابع معـنا الموضوع
لأن كـثير من اللي يبي يجهز لرحلة .. والا أهله موكلينه يضبط رحـله لهم … تلاقيه مطنـقـر 
طيب من وين تبدأ ؟ … وكيف تبدأ .. ؟.. وهل شغـلك سليم ؟ .. وإلا ممكن يكون فيه لخـبطه ؟ …
كل هذا نبي نعـرفه في هالموضوع …
لا تجيب مفرحاتك ولا شي 
طيب …….
لازم تحـط في بالك شغـله معـينه … أنه نسبه نجاااااااح رحـلتك تعتمد على تخـطيطك لها …
وأصلا … تقدر تحـس .. وترتاح لنجاح هالرحـله .. وأنت اًصلا هنا .. لسى ما سافرت …
ترتاح لترتيبك .. ترتاح لشغـلك .. ترتاح أنك تبي تسافر وتشوف شي اوكي
بعـكس اللي تارك كل شي على عمااااااااها … مثل ما تجي تجي .. وهذا اللي ما أحـبهــ …
طيب من وين تبدأ ؟ … امممممممممم 
لا ان شاء الله ما في حيره ولا شي
نتابع مع بعـض … الرسم التالي …
….!~¤§¦ ،،،……… خطط لرحلتك………. ،،، ¦§¤~!….
الرسمه اللي فوق .. ضبطته من راسي … يعـني حسيت هو الأمثل … بس الله أعلم اذا هو الأفضل …
راح نبدا شرح خطـوه خـطوه … وبحـسب أرقامهن .. ( الأرقام مذكر والا مؤنث؟
قبل ما نبدا في شرح كل نقطه … نبي نتفق على شي …
الدوائر اللي فوق مرقمه من 1 – 6 … وكل دائره طالع منها سهم .. للدائره اللي بعـدها … صح والا لا ؟؟
طيب … لما تجـي تخـطط … بليز .. بليز .. بليز …
لا تـطلع من دائره لدائره ثانيه .. وأنت لسى ما خلصت من أمور الدائرة اللي أنت فيها …
الشي الثاني .. لما تكون في أحد الدوائر … أنسى .. أنسى .. أنسى كل شي عن الدوائر الثاني .. وفكر في اللي أنت فيها … لأنه بيكون تركيزك أكبر …
يـعني مو أنت في حجز الطيران … وتقعـد تقول .. هالحين الفندق اللي نبي نسكن فيه 4 أو 5 نجوم
وتجلس تلحـس مخـك وهو منلحس خلقه
فحـبيت أنبه عن هالنقطتين … لأن الكثيررررررر … ما يحوسه الا الشي هذا …
( لا تـنـتـقـل من دائرة إلى أخـرى … حتـى تنتـهي من جميع أمور دائرتك الحـاليهـ )
^^
^^
ترى هالمبدأ أستخدمه في حياتي كلها … مو بس في التخطـيط للسفر …
نجـي للخـطوات .. وحـده وحـده 
….!~¤§¦ ،،،……… 1 – تحديد مدة السفر………. ،،، ¦§¤~!….
هااااااالحين خلاص … ( ماسكه اليوم على هالحين
المهم أنكم أجتـمعـتو <<<< طيب وش فيك معـصب
في هالدائرة تحـدد مدة السفر … ممكن الميزانيه هي اللي تحـددك … بس ما كتبتها ليش ؟ …
لأنه ما تكون هي عامل أساسي .. ممكن يكون ما عندك ألا ايام معـينه للاجازه …
ممكن عندكم عرس .. وبااااااااالشين لازم ترجعـون قبله .. وما ضبط الفستان .. ولا شريتو شي .. أموركم معـروفه 
هيك يعـني 
اوكي … الحين حـددنا المده … بس ما نبي ألا تحـديد المده … لنفرض مثلا أسبوعين … عشان يمدي نشوف الزفه
تم تـحديد المده ؟ … خلااااااص .. سكر على هالدائره .. وانتقل للدائره رقم ( 2 ) …
….!~¤§¦ ،،،………. 2 – تحديد تاريخ السفر……… ،،، ¦§¤~!….
التاريخ مهم جـدا
التاريخ تعتمد عليه نقاط كثيره … من أهمها الوقت اللي تبي تختاره .. مو أي ديره تبي تسافر لها تكون حلوه
يعـني مثلا حددت شهر معـين … هالشهر معـروفه لندن فيه برررررررد .. ومطر … لا يا حبيبي .. وش يوديك هناك في هالوقت …
اللي منعـنا من أختيار لندن .. هو الوقت اللي انت حددته .. مو لندن كوجـهه سياحيه …
هذا شي …
الشي الثاني .. يفيد تحـديد التاريخ .. في مسأله استخراج الفيزه …
وقررتو تروحون باريس الأسبوع الجاي … مو على كيفكم طبعـا
ع كيذا .. تحـديد تاريخ السفر … اساسي جـدا في الاعتماد على الخطوات اللي بعـد هذه …
خلاااااااااااص يا باشا 
حـددنا التااااااااريخ … وكل شي أوكي
الحين وش سوينا ؟ … حـددنا مدة السفره ( دائره 1 ) … وتاريخ السفر ( دائره 2 ) …
بدت الحين تتضح الرؤيه امامك … طيب دعونا ننتقل للدائره الثالثه
^^
هالسطر برعايه جريده الرياض
…..!~¤§¦ ،،،……… 3 – تحديد وجهة السفر + الميزانية……… ،،، ¦§¤~!….
برضو هالدائره مهمه كثيرررررر … وهي تحـديد وين تبي تسافر ؟ … وش ناااااااوي عليه
يعـني شغـل الهياط وأنك تروح تتسلف على تروح تسافر .. خـله عنك
إذا أنت عائله … ضبطو الوضع مع الوالد
عاد إذا كـنتم شباب … فضبطو موعد السفرة بثاني يوم من نزول الراتب
ممكن تكون السفرة لأكثر من وجهة سياحية … وغالبا تكون مدن قريبه مع بعـض ….. يعـني دامك مسافر مسافر … ليش ما تغـير وتبدا ..
وخاصه اذا كان مود اللي بيسافرون .. يعني يحبون التغـيير …
اعطيك مثال ….
مثلا فيه ناس تحب التسوق + الطبيعـه … فوش تسوي …. ( قويه وش .. حسيت هوا طالع
ممكن تجمع بين جنيف و باريس … جنيف فيها الخـضره والمناظر اللي تجـنن
فهذا مثال بس …
لكن لا تنسى عزيزي القاريء
لا تنسى أن كثرة التنقل مو حـلوه
يعـني مو تـطير في العـجه … وتقول ياااااااااااااربيه 
لا يا حبيبي
اللي اقصده أنه بيكون متعـب عليك جـدااااااااا التنـقل من مكان لآخـر … وخاصه اذا كانت معـاك عاااااائله 
لأنه لا تنسى .. أنك أول ما توصل الأوتيل تبي تفتح شناطكـ
تبي تطلع للمدينه الثاني .. طبعا تبي مره ثانيه تضف شناطكـ 
ثم توصل المكان الثاني .. تبي تدخل الأوتيل .. وترجع تفتح شناطكـ
ثم يومين الا انت راجع مره ثاني .. وش تسوي ؟ .. تضف شناطكـ
وتروح كل ابو الرحله فك وترتيب وضفضفه .. <<< كررها 5 مرات
غير جـرجره الشناط في المطارات .. او القطارات … والأمور تكون جـدااااااااااا متعـبه …
فمن هالمنطلق
الحـين خلاص … حـددنا وين نبي نروح له
اوكي
سكر لي على هالدائره … وبرضو دعـنا .. ننتقل للدائره اللي بعـدها …
قبل ما نروح للدائره اللي بعـدها .. حبيت أقول لك …
أنك الحين عرفت متى تبي تسافر ؟ .. بأي تاريخ ؟ .. ووين ؟ .. وكم ميزانيتك ؟ …
شفت وش حـلوووووووووووه الترتيب
نبص مع بعـض ع الخطوه رقم 4 …
….!~¤§¦ ،،،……… 4 – حجز الطيران والقطارات……… ،،، ¦§¤~!….
هذه الخـطوه سهله تقريبا … ما يبي لها شي كبير … ما راح توصل انت هالنقطه الا عارف وين تبي تروح .. وكم ميزانيتك ….
فأيش تبي تسوي ؟ … يا تحـجز الطيران عن طريق مواقع النت … أو انك تروح المكتب … أو انك تطير بنفسك
وبخصوص القطارات … اذا كنت تبي تروح أكثر من مدينه … وبينهم قطارات .. يفضل أنك تحجز وتقص التذاكر من هنا .. يعـني من موقعهم ع النت … عشان ترررررريح دوماغـك هناك
الحين كل امورك ماشيه اووووووكي
الطيران وحجـزناه … وكل شي تمام …
ننتقل للخـطوه أحـبها كثيررررررر
….!~¤§¦ ،،،……… 5 – حجز الفنادق والشقق……… ،،، ¦§¤~!….
هالخطوه مهمه كثير
مثل ما اتفقنا فوق
حجز الفنادق … يعـتمد على اكثر من نقطه … أولها الميزانيه … فرق أنك تسكن في فندق 5 نجوم .. أو 4 نجوم …. أو 3 نجوم …
برأيي … الميزانيه 75 % منها طيران وفنادق ….
طيب الفنادق كيف تحددها ؟ … تحددها مثل ما قلنا بالنظر للميزانيه … ثم النظر كم واحد معاك مسافر
يعـني أذا انتم عائله كبيرررررره .. وش يسكنكم في أوتيل
همزو ابوكم لييييين تدوخون
الشي الثاني … يعتمد تحـديد الأوتيل المناسب … على المكان اللي هو فيه 
البحث عن اوتيل مناسب .. انصح داااااااائما .. أنك تبدا بمواقع البحث الاساسيه للفنادق .. مثل بوكينق واكسبيديا .. والعيال ذولي … لأنهم دائما ينزلون عروض .. وغالبا تكون ارخص من المكاتب السياحيه المتــنطله في الشوارع
هالحين خلاااااااص … <<< رجع لهالحين 
ما بقى شي
هالنقطه اذا كنتم عائله … ما تحتاج تهميز أبو
نشوف النقطه الأخيره مع بعـض ….
….!~¤§¦ ،،،………. 6 – وضع البرنامج السياحي……… ،،، ¦§¤~!….
مثل ما ذكرت لك فوق … هذه يبي لها مخـمخـه
تجـيب لك جـدول … فيه التواريخ والأيام اللي راح تسافرون فيها … وتبدون تخـططون وين تبون تطلعـون اليوم ؟ … وين راح تكون السعـسعـه فيه
عاد أنتم ونظامكم … يا ناسن تقوم من صباح الله خير
أو ناسن تناااااااااااااااام لين تخيس المخـده
فهذه الأمرو راجعـه لك … وعلى اللي معـاك …
البرنامج السياحي ممكن ترجع لتقارير سياحيه سابقه لنفس المدن اللي أنت ناوي تسافر لها …. وتقتبس بعـض الأماكن الحـلوه …
ممكن تبحـث بالنت عن هالمدن .. وتشوف اللي على موووووووودك
يعـني مثلا أنا ما أحـب أدخـل متاحـف
فأشيلها من الجـدول مررررررره
لكن فيه ناس غـير … تحـب هالاماكن وهيك … فتكون هي من أولوياتها … …
لاحـظت شي ؟ ….
أن كل شي مشى معـنا بترتيب
صدقنـي ما يخـرب كل شي .. إلا الحـوووووووووسه
أنت ممكن تشوف الرسمه اللي فوق .. وتقول يااااااربيه وش هالتعـقيد
والا تقول أووووووما أسوي كل هذا
لا حـبيبي …
من هالترتيب … راح تشوف نجـاح رحـلتك وأنت في بيـتكم … جاااااااالس وتحـس أن كل أمورك أوكي
وأهم شي أنه أصلا يمديكـم ترجعـون وتحـضرون العـرس .. وتشوفون الزفه
إلى هنا نكون وصلنا لنهايه الموضوع ….
أتمنى أني قدرت أوصل لك نبذه بسيطه عن كيفيه التخـطيط السليم لأي رحـلة سياحيه
وأتمنى أنك أنبسط واستفدت بكل دقيقه بقراءه هالسطور ….
وأي سؤال … الجميع حاضر .. سواء انا أو أي واحـد عنده معـلومه ممكن يفيدنا فيها
والموضوع فري … أنـقـله لأي منتدى ولأي مكان .. وأرسله لأي أحد … عااااااااادي
بس لا تغـيير شي …
اشوفكم على خير …
دمتم في أمان الله وحفظهـ …
لكـــ
المايسترو
