لوس انجلس و زمان الضيعه


هاااااااي قروووووووبي<<<<<<<< انواع البراءة اللي تنقط مع اذنها

كيف الحال طيبين كل شي تمام التمام

ماحب الهذرة الواجد عشان كذا بدخل لكم في سالفتي دايركت <<<< يمديكم على الانقليزي خخخخ
وتراها ياجماعة الربع صدق …لحد يقولي نسج خيال والا كذب




والله وبينما يومن من الأيام الوالد العزيز الله يطول بعمره <<<<<<< تبي تعلمكم انها تحب ابوها
طاقه زود دراهم …قال لازم امشي بزاريني وعايلتي في ديرتن زينه

ويجي ويكلمنا قال بوديكم لوس انجلوس

عاد حنا زعلنا…وقمنا نصيح وسوينا مظاهرات

وش ذا يبه وش ذا؟؟؟ ..كل يوم تودينا بقاله شكل

طفشنا من ذا البقالات …ودنا على الاقل الهاف مون <======= طموحها بسيط

قال وجع …لوس انجلوس ذي ديرة بامريكا <====== الله من زين التوصيف
والله يوم قال امريكا إلا كن احد مصحيني من نومي
قلت وشو امريكاااااااااا
قال الوالد ايه امريكا شيكا بيكا..<===== مهب صاحي ابوي قمة التنسيييم
ويطق لنا تذاكر ….وعلى لوس انجلووووس

اول ماوصلنا وبسم اننا متشوقين نلعب قلنا له الحين يالله من المطار على ملاهي
يالله يالله … و بدينا بالحنه والزنه … يالله يبه يالله ودنا يالله
قال اسمعو والله لا تزيد وحدة منكم تقول واااا
لأحطها في اقرب خيشة على ام الجماجم <<<<< وشي ذي .. مادري
ونجلس نصايح ونخانق…
قالت الوالدة <===== وزارة الداخلية
ودهم..خل البنات يستانسون
المهم
… وافق وهو مايشوف الدرب <<< ياعمري ابوي يجنن كذا
دخلنا الملاهي… مفهييييين كنا اول مرة نشوف ملاهي
<===ايه اول مرة تشوفين ملاهي اجل حقت الحكير ذي تسمونها ملاهي ذي كنها علبة فلين طايحه وسط سحلبة لبن
المهم
قال ابوي يالله روحي انتي واختك والعبو في الألعاب ذيك حقت البزارين وانا وامك بنروح عند الألعاب
حقت المهيب بزارين
<===انا طبعا انواع الحقد ليه يقول لنا بزارين بس يالله ابي الفلة Swaffff.gif
والله ونتمشى انا وخيتي ومابقينا لعبتن شينة وإلا زينة ماركبناها
حتى من كثر مالعبنا…صرنا نلعب <==== وش تبي ذا الجملة
قضينا من اللعب والوناسة وكنا موعدين ابوي وامي في مكان عشان ندق في الغدا
رحنا المكان اللي كنا متواعدين فيه
وننتظر
وننتظر وننتظر
و ننتظر

وقلت لأختي اسمعي ما فيه امل لازم ندور عليهم
<=== بتسوي كبيرة انطقي في مكانك وجع
قالت اختي يالله <=====اختي شقردية تحب التمشية
عاااد مدينة الملاهي عندهم كبيرتن حييييييل
حتى من كبرها يبيلك تاخذ من اولها لأخرها يومين ونص هذا وانت تجري طبعا
<====اخلصي علينا وبلاش ارانب بليييييز
والله وبينما نحن ندور في كل مكان
مرينا من عند لعبة مهيب صاحية
شي كذا تلف زي البراشوتاااات وتطلع فووووق مرة

هذا هي اللعبه .. اللي ورا ماهيب قطار الموت tongue.gif
المهم
قلت لأختي يالله خلينا نركبها…عشان نشوف وش سالفة ذولا
واكييييييد بنشوووف امي لأنها لابسة شيلة سودا وباصيدها في الزاوية التسعين
المهم …
وحنا في اللعبه فوق و قاعدين نقز ندورهم
شفت امي فقلت لذا اللي يتحكم باللعبة وقف وقف <== بالأنقليزي
قال اصه ما اوقفها لو تحبون السما
شوي ووقفت اللعبة وانزل منطلقة ابي اشوووووف امي
وما حصلناها … ويييييييييييينها
واااااااااااااااااااااااااااااع

مدري وين راحت ….
بغيت اصيح ..بس اخااااااف تصيح اختي اللي معي …
ويالله ذلحين حلووووولي من بيسكتنا….
واتشجع cool.gif انا وقلت لأخيتي اسمعي
خلينا نروح عند سيارتنا يمكن نحصلهم
<=======انواااااع المطمطة في المواضيع
عاد عندهم نظااام هناك انه الواحد اذا كان طالع من الملاهي يدقونه بذاك الختم على دمجته
عشان لاجاء يبي يدخل مرتن ثانية يدخل ببلاش
(يازينهم صدق..انواع الاخلاص..)
والله ويختمون على دميجتي انا واختي ونطلع
ونروح عند سيارتنا
ونشوووف السيارة صافطة
ارتحنا قلنا اجل اكيد هم داااااااخل
<======قمة الذكاء اللي يخر مع جبهتها
ونجلس وننتظر ونجلس وننتظر
ونقعد نسولف عن حالات الاختطاف ومدى تاثيرها على القرن العشرين
حسب رواية ابن الظامي المقرقص
<======طاقتهم الفلسفة مع جنوبهم هي واختها
راح الوقت وحنا جالسين ونتناقش في ذا الموضوع
المهم … زهقنا من الانتظار
قلت لاختي لازم نرجع
رجعنا للملاهي …
والاقي ذاك التليفــــــون الزين

والقطه واتصل وجاء في بالي رقم الشرطة
999 وادق محد يرد … مدري وش سالفتهم
طبعا اختي اللي اصغر مني كانت اذكى شوي
قالت اتصلي على 911
<<<< هذا وهو مكتوب على التلفون
والله و اطق ذا الرقم
شوي إلا يوم رد علي واحد خرعني
فاقفل في وجه
و ارجع اتصل
وردت علي مرة هالمرة
بغيت اتفلسف عليهم
بس خفت لايصير شي وإلا ماشيات
عودت كنسلت الفكرة من راسي <==== زي اسلوب مكتب الحجز
سكرت التلفون .. و قعدنا نمشى و يائسين من الدينا
شوي
و نشوف واحد من حقين النظافة
قلت له :كسكيوزمي يامنظف
قال :يس ليدي
قلت له انا منيب ليدي انا مهيب للبيع
شوي إلا يوم بقق عويناته يحسبني قلت له شي مهب زين
ورجعت عدلت الوضع
قلت : مي مهيب للبيع … يو نو ؟؟
قال لا مب يو نو المهم قال وت دو يو ونت (اخلصي علي)
قلت والله اي لوست مس مذر وفذر والله وش السواة
قال ههههههههههههههههه
عاد انا شرقت عيوني
قلت يمه هذا ناوي شر بيستفرد فينا .. الله ياخذه
والله و ياخذنا صوب مكتب كنه مكتب سفريات <<<< مسكين ضلمناه
ويسألونا وين ساكنين الله بالخير ؟؟؟
قلت اسمعو تعرفون الشارع ذاك اللي فيه لمبات
بتحصلون عنده مطب كبير خلوه علي يمينكم وروحو سيده
بتحصلون بقالة فيها ناس كثير حنا ساكنين بعد ذيك البقاله بشوي عند المطعم اللي يبيع بطاطس بالكتشب
8

8

8

8
((الله من زين الوصف))
طبعا اللي سألتنا بغت تبكي يوم سمعت وصفي
قالت دو يو هاف اني كارد اباوت يور سلف <====وش ذا السؤال المعفوط جنبه
قلت ايه معي ماي كارد حق الهوتيل
واعطيهم….. ويودنا في سيارة اخلاء طبي .. خخخخخخ
على الفندق يوم وصلنا عند الفندق إلا الشرطة والعالم


ونشوف ابوي مترزز بينهم يقول لهم اوصافنا
و اول ما شافناه قمنا نبكي
واهو يبكي وحنا نبكي
وجات امي وتبكي معنا و الناس تبكي وصرنا كلنا نبكي ونبكي ونبكي
حتى من كثر البكا
غنى محمد عبده
وبعد البكا بابكي <==هاذي من كلمات ابوي
المهم بعد مابكينا وخلصنا وشبعنا

مسكنا ابوي على جنب وصك كل وحدة منا طراااق
احس بواحد صفر في اذني يوم عطاني إياه وقال مالت على اللي يفكر يسفركم
انتوا حدكم الحكير و تخب
8
8
8
8
8
السالفة ياجماعة الخير صدقيه
مهيب كذب .. زي ماقلت بس فيها بهارات خخخخخخخخخخخخخخ
تحياتي المعطرة بنكهة لوس انجلوس الله ياخذها من ديرة

بايوووو


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

لوس انجلس و زمان الضيعه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول