رسائل المجموعة

قصيده ياهلي لاتحرموني

السلام عليكم ورحمه الله

اعزائي اعضاء قروب ابو نواف .. اسمحولي على الغيبه ..لظروف خارجه عن ارادتي ..
اظن ان اكثركم مايذكرني لان كانت لي مشاركه وحده (قصيده ..يبكي طفلي البائس)

واحب اني اشارككم بقصيده جديده وذات فكره اجتماعيه مختلفة ..
واتمنى انها تنال اعجابكم ..


يا هلي لاتحرموني

ياهلي .. لاتحرموني .. لي مشاعر عاطفيّة
هل احبه ؟؟ ايه احبّه !! ..مب غلط حبٍ عفيف

ياهلي .. لو تفهموني .. كيف حبّي فاض بيّه
الصفا في هالمشاعر .. هاج بي هيجن عنيف

والقلوب اليا استهامت .. هامت بها كل خليّه
والخلايا في خفوقي .. ظمّها قلبٍ رهيف

هو يحبني وآنا احبّه .. ليش بس هالعنصريه
عز قلبي .. يهوى غيره ..مايبي غيره وليف

يوم اذكر .. يوم قلّي : كيف عيني جاذبيّه
ان نظرته في عيونه ذاب قلبي .. يالطي!!!ف

كنت احسبه .. مثل غيره .. حاب بس يلعب عليّه
يوم اثبت لي يحبني .. صدق انّه جد شريف

حُب حَبيبي ..حَب حَبيبه .. قلب عمري هام فيّه
هو هيامه .. آنا اعرفه .. زود اوراق الخريف

مثل عنتر حَب عُبيْلة .. مثل قيس العامرية
فاق حبهم عن حدوده ..عيّا يوصفهم وصيف

يا هلي .. لو تفهموني كيف حبّي فاض بيّه
والله حبّه .. والله حبّه .. مب غلط حبٍ عفيف

سوالم .
اكتوبر 2002
اخوكم قلب الطفل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى