بسم الله الرحمن الرحيم
أسعد الله أوقاتكم بكل خير
أعود بقصيدة جديدة .. أتمنى ان ترتقي لذائقتكم …
(( خمسـة وخمسـين ))
مسكين من لا شاف عيناك مسكين
والمسكنة هم ٍ على قلوب الأحرار
العين تجرح دون خنجر وسكين
والرمش دايم يمتهن خطف الأنظار
والخد ، احلى من ورود البساتين
والقد ، تضرب له تحيات الإبهار
واليد ، كنه مزهرية رياحين
والند ، يخسر مابها اي محتار
والرد ، دايم موضعه بالميادين
والشد ، معها مايجيب الا الاضرار
الجـِدّ ، تسحر كل حزة وكل حين
والصد ، في قاموسها عشـّـق و سار
لو قلتوا فيها عيوب خلق الله تبـيـن
وفيها عذاريبن طويلات وكثار
ماجيت ابطلب رايكم يالمجانين
عافاكم الله ارقدوا داخل شهار
والله ورب البيت انْـكم مساكين
لو شفتوا رمشه ، قلتوا استر يا ستار !
فيها حلا يقهر بنات السلاطين
مو بيدها تقهر طويلات الاعمار
له مبسمن كنه من عصارة التين
وجسمن متكتك كنه الطير لاطار
وشعرن سواده من صخور البراكين
وقلبن صفاوة داخله مثل الامطار
وزنه على الميزان خمسه وخمسين
ووزنه في قلبي واحد وعشرة اصفار
اسألها بعض الوقت ، مخلوقة من طين ؟
لو ماني مؤمن قلت من ورد وازهار
انتي فخر للكون لو كنتي تدرين
وان كان ماتدرين اجل هاك الاخبار
الموجز اني اعشقك واسمعي زين
وباقي تفاصيل الخبر ضمن الاسرار
— وسلامتكم —
* تهمني آرائكم وانتقاداتكم جدا ً …
صلوحكا
رسائل المجموعة
انتي فخر للكون لو كنتي تدرين وان كان ماتدرين اجل هاك الاخبار الموجز اني اعشقك واسمعي زين وباقي تفاصيل الخبر ضمن الاسرار لا فض فوك اخي صلوحكا تسلم كلمات ولا اروع دمت بخير اختك سمراء
يسلم الخافق اللى يحمل هذي المشاعر
بصراااااااااااااحه عجيبــــــــــه وخصوصا اخر مقطع….
قصيدة راءعة وجميلة اتمنى لك التوفيق تقبل امنياتي الطيبة
ماجيت ابطلب رايكم يالمجانين عافاكم الله ارقدوا داخل شهار ماشاء الله ابدعت وصح لسانك
قصيدتك رائعه اعجبتني…مرررره
أوووووووووخس .. منهي ذااا الزييينه 😀 نزززغرط ؟ ولا ما نزززغرطشي ؟
ماجيت ابطلب رايكم يالمجانين عافاكم الله ارقدوا داخل شهار الله الله صح لسانك عساك على القوه
وزنه على الميزان خمسه وخمسين ووزنه في قلبي واحد وعشرة اصفار ….صح لسانك وبصراحه قصيده رائعه وعجبني كثييرالبيت ذا يسلموو
صح لسانك بصراحه القصيده حلوووه…وما فيك حيله…..ونتريا جديدك
صح لسلانك اخوي وتسلم يمناك على هذه القصيدة بصراحة روووووووووووعة يعطيك العافية بانتظار المزيد من قصايدك