أشكر قروب ابو نواف اللي يتيح لنا الفرصة دائما للمشاركة والإلتقاء بحبايبنا ، واشكر بعد كل من ينتسب لها القروب اللي يشجعوننا داااائما على التواصل معهم
اخواني واخواتي ..
أنا ماعندي إلا قصايد وياريت انكم تتواصلون معي وتشجعوني فأنا ما استغني عنكم ياحبايبي .
يالربع .. تذكرون القصيدة اللي شاركت فيها قبل كذا واللي تعتبر أو ل مشاركة لي .. وكانت عن الطفولة وكان عنوانها
(يازين يوم اني انا وانتي اصغار)
الحين حبيت اشارك بعد اذن إدارة القروب في هالقصيده ايضا عن الطفولة وارجوكم تتقبلوها وتتقبلوني بعد .. اتفقنا ؟
طيب .. بما أن الطفوله دااااااااااااااااائما حلوه بكل ماتحمله من مفارقات عجيبه .. اقرأوا مشاركتي المتواضعه ويارب تعجبكم . .
أكبر طموحي علك وإلا حلاوه
يازين يومني طفل ماعرف شي// اكبر طموحي علك والا حلاوه
العب والى مني تعبت ارقد شوي // والى صحيت اصير كلي شقاوه
ألهى مدام ان اللعابيب بيدي // واصيح لامني سمعت القطاوه
مبهذل امي بس ودي وجيبي // وابوي اصجه بالطلب والرضاوه
والى زعق بي جدي وقال ياصبي // حسيت كن بيني وبينه عداوه
وان جا يطل بوجهي وقال لي (دي) // زادت غلاته وسط قلبي غلاوه
وافرح الى لعبني (ياحدي يابدي) // وتعال شف ذاك العقل والهداوه
ويومن كبرت وصرت فاهم بكل شي // صارت حياتي مالها اية حلاوه
الهم واجد وان فرحت افرح شوي // والعمر كله صار غم وشقاوه
شرح الكلمات للي مافهموها
(ارقد = انام )( القطاوه = القطط) (دي = تقال للمداعبة) (ياحدي يابدي= يداعب الكبار بها الأطفال)
راشد السكران (شاعر المشاعر )
