السلام عليكم ورحمة الله وبركاته
أولاً أصبح عليكم بالخير ان كان صباح أو امسي عليكم بالخير إن كان المسا << من اولها الرجال مشتط
كيف حالكم ان شاء الله بخير ومرتاحين
طبعا هذي اول مشاركة لي في هالقروب الي لطالما تمنيت اني اشارك فيه ولو برسالة وحدة بس
في قصة سمعتها وعجبتني وايد الصراحة وحبيت اني انقلها لكم مع اني ما ادري ان كانت جديدة عليكم ولا قديمة المهم يقولكم: كان
كان في رجال كبير في السن كان يمشي بالليل وتعبان حيييييييل وشاف مسجد قدامه قال ابغي اروح وارتاح في بيت الله شافة المؤذن مقبل بيدخل داخل المسجد فقال له ممنوع تنام في المسجد قاله العجوز ليش هذا بيت الله وانا ابغي ارتاح فيه قاله مافي ما تنام يعني ما تنام قاله العجوز خلاص انا بنام مكان ما انا واقف وانبطح الريال مكان ما كان واقف وجاله المؤذن امسكه وتم يجر فيه بعيد عن المسجد وبالصدفة كان في خباز مار بجنب المسجد وشافة الي يصير بالعجوز ووقف المؤذن وسأله ليش تسويه فيه كذا ؟؟ قاله المئذن يبغي ينام في المسجد وانا ما اقدر اخليه. فالعجوز كسر خاطر الخباز وقاله بس انا بخليك تنام عندي في البيت وشال العجوز ووداه لبيتهم ودخل معاه وراح العجوز انبطح في زاويه وكان بينام الا لمح الخباز كان يعجن العجين عشان الصبح يسوي الخبز للناس ولاحظ بعد انه الخباز كان في كل حركه بيده في العجينه كان يردد استغفر الله استغفر الله استغفر الله فاستغرب العجوز وراح للخباز وسأله انا لاحظت انك وايد تستغفر تعرف ثواب الاستغفار وفضائله عليك شنو ؟ قاله العجوز ايه اعرف قاله شنو؟ رد الخباز عليه ان الله ما يرد لي طلب ولا امنية ودعواتي كلها مستجابة الا دعوة وحدة بس ما تحققت. فساله العجوز وشنو هذي الدعوة الي ما تحققت لك قاله اني اشوف إبن حنبل فاستغرب العجوز وقاله" والله العظيم اني ما ما تجرجرت في الشارع وتبهدلت هالبهدله الا عشان ربي يحقق لك امنيتك " طلع العجوز هو إبن حنبل
تقبلوا تحياتي واتمنى انها تعجبكم يا جماعة وآسف على الاطالة عليكم
أخوكم
{ هـــاوي } @ { غـــزال }
بــو سعــــــود
