فيديو : قديمك نديمك لو جديدك أغناك


بالخير لجميع الأعضاء والعضوات
في قروب أبو نواف
نقولكم مبارك عليكم الشهر من بدري وقبل الزحمة لأن تعرفون الخطوط الدولية راحت تكون مشغولة


المهم أخر الأخبار عندنا
صاحب الشركة حقت المنجم أكل هواء قاعد يرقع بالأعلام عن العمال اللي ماتوا عنده
ودموعة أربع أربع والاعلام شاب عليه كل شوي مسوي معه مقابلة ومشرشحينه–> أدري والله إنكم تقولون يلعن أم الحرية اللي عندهم .


والأعصار اللي اسمه ديين مقرب حولنا حولينا
يعني هاليوم بيضرب تكساس بعد ماخفت سرعته عاد إذا صارت فيه كوارث
وأموات أرسلت لكم كم صورة وإذا ماصار فيه شيء تابعوا فيدتكم العربية 
تراي أستهبل يالربع ماهو بكرة تقولون عني منحرف ويدعوا للتغريب





المهم موضوعي اليوم  —-> ترى اللي فوق بس مقدمة صغيطونه
عن بعض الأعلانات القديمة
اللي يوم شفتها بكيت على أيام الطفولة —-> تكفى يالشايب


المهايط بالرز أيام زمان   —-> أعتذر للسعوديين لذكر الرز في هذا الوقت
بصراحه شكل ذاك الوقت هالأعلان مكسر الدنيا

دعاية قديمة لأرز الشعلان


 لاف شكري لاف شكري
مذاق فريد
جبنة البقرة الضاحكة هههههه

 لعنبوا إبليسهم عجزانين يسوون لنا دعاية بملابسنا حنا إلا كل شيء بس يسوون له ترجمه
بالله عمركم شفتوا هالخضرة الطبيعية بديارنا وإلا تركض أنت وأهلك بالبر وأخرتها جبنة

دعاية قديمة : البقرة الضاحكة

والله أيام زمان نلحس الجبنة بالأصبع


 من جد أياااااااااااااااااااااااااام زماااااااااااااااااااااااان
بصراحه كم لكم سنة ماشفتوا تيم
تيم  ياهووووه

دعاية قديمة : تيم


 يؤ يؤ يؤ يؤ يؤ يؤ
إنهو مستر سن توب في عالم المغامرات
تذكرون الدفتر حقه والصور اللي تلقاه على جنب وتقعد تلصق في هالصور
وتلقاك بعد تسرق من عيال عمك بعض الصور اللي هم ملصقين وإلا تلقى
علبة طايحه وتفرح إن الصورة مأحد أخذهااااااااااااااا
أياااااااااااااام زمااااااااااااااان وش عرفكم أنتم يهالصغاااار
جيل كله واحد —-> خخخ مسوي فيها شايب

دعاية قديمة : سن توب


 ماابغى أكذب عليكم وأنكشف لأنوا ماكان فيه دش أيام كنت
صغيرووون
ماكان فيه إلا غ ..1و 2
طبعاً غ.. 2 ماكان نشوفه بعد

أيام زمااااااااااااااان يالكويت
إنا ماادري لسه موجود وإلا لا

دعاية قديمة : همبورجر الديرة – دعاية هارديز


عمركم سمعتوا بالمذاق العصري للحياة العصرية
في بر يعني في صحراء
بالطبع لا
بس سلمني على الثقل أيام زمان
أيام حتى التي شيرت نفقل أزرارة كلها…
والشعر نمشطه على قدام
أيييييييييييييييييييه ياذيك الأيام
الحمدلله إن التصوير ماكان منتشر زي هالوقت وإلا كان فضايح
خخخخخخخخخخخخخخخخخخخخخخخخخخ
أترككم مع تويكس أيام زمان
أيام قطعتااااااااااااان

دعاية قديمة لككاو تويكس Twix Chocolate


ولا أنسى أني اقولكم إن المقاطع جميعها ملطوشه كالعادة
والتدخين سبب رئيسي لمرض السرطان

كان معكم
عبود سليم


تعليقات 1

  1. كان بودي اشوف دعاية مكنسة الظاهر ماركة مولينكس اللي تركب عليها الفأرة وتخرع القطوة بصوت المكنسة << كانت تعجبني كثير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فيديو : قديمك نديمك لو جديدك أغناك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول