فيديو + صور : فله شمعه منورهـ + مطعم الصهاريج + لكزس قراندي .. والمزيد


صبحكم ومساكم الله بالخير
على حسب التوقيت المحلي لكل واحدن فيكم

الله يالدنيا زماااان ياااا فن
من زمااان ودي اكتب موضوع
بس ماش ماش كل ماجيت ابي اكتب لي موضوع اصير فاضي
وانا بالعادهـ ما اعرف اسوي مواضيعي الا اذا انشغلت < والله من زين العذر
وعاد الحين مالي عذر .. مشغول لين راسي وتوني متغدي ومكثر في الكبسه
ومطلع الببسي من الفريزر
وأقول:


اعلان





ياما حلا الببسي ليا جاك بآآآرد
…………. بعد الغدا وتوك من الاكل شبعآآآن

الله الله
يازين الشبعه زيناااهـ .. تخلي الواحد يصير شاعر وهو مايدري .!!

نرجع لموضوعنا
اللي هو كم حبة فيديو على كم صورهـ مع الرز <مازالت الكبسه مأثرهـ
………………..

أبداع اليابانيين .. حرب الظل
هذي الناس اللي تستاهل انك تقول لها :
فوووله .. شمممعه .. منووورهـ .. وغصبن معانا
ملاحظة : يحتوي على موسيقى


………………..

حاجه غريبه جداً .. تحرك بالتراب


………………..

شايب يسمع بالتمارين الرياضيه


………………..

ضحكة بزر صغير .. تجنن


………………..

تذكرون الشرطان القديييمه
هذي اللي على ايام من دلعك وصارحيني ؟!!

لقيتها لكم بس على شكل كفرات جوال ايفون فور جي
وخذيت لي واحد من ريد سي مول بـجده

وعندهم اشكال وألوان للايفون فور و للبلاك بيري توها نازله

المهم الله يسلمكم وانا طالع من المحل وخذيت لي كوفي
وانا اتمشى و اشوف لكمالزحمه والعالم متجمعين
يعنني يعنني .. يعنني يعنني
قلت خلني اشوف وش السالفه ؟!!
وصار العالم متجمعه على فايز المالكي
كان حاظر معرض تصوير لمصوري جده
وطبوا عليه العالم

قلت ياولد خلني اخذ له لقطه
وفجأهـ وانا رافع ايدي واصورهـ الا يناظر فيني ويضحك ويقول ياقدمك انت من وين طلعت ؟؟!!
انا قلت شكله مشبه علي .. و اثاريه يقصد الكفر اللي بجوالي وانا ناسيه
وجاني وخذاهـ مني العالم تجمعت عليه وماقدرت اصور معه
حتى ماقدرت اصورهـ زين من قوة التدافع

المهم ان ابو ازرق ذا متمسكن فيه وعيا يفكه نشب له
مع انه كان يبيني و ودهـ يسولف معي
المهم انه قال لي ممكن اخذ الكفر منك ؟
قلت لا والله اسمح لي انت دراهمك واجد رح اشتر لك <لا لا أمزح
……………………

اكشششخي يالسويده


…………..

عندما تتربى القردهـ عند الخوال ماذا يحدث ؟؟

يالتاااااكسي خذني لها يالتاااكسي

صح يالخاااال
……………….

أيييس كلااااام ؟؟؟

شف عيونها بس شلون مطيرتها من الخوف
……

هذا يا أنه كهربائي غبي .. يا انه نذل وحدهـ من الثنتين

وهذا لاقالوا لك مقاول أحول

صورة
………………

لكل واحد طريقته في الانتحار
فيهم من ينتحر شنقاً بالنقانق

وفيه من ينتحر تفجيراً بالزبدهـ ؟

وفيه من ينتحر بـ تعاطي كميات مفرطه من الـ أم آند أمز

وأختلفت الاسباب والموت واحد
……………….

شكلهم طايحين فيها تبويس خلال فترة الزيارهـ

قال لك قل تشيييز .. ما قال ورني أمعائكم ؟؟


……………..

تذكرون النكته القديييمه .. اقدم نكته طلعها محمد السليم على ايام شرطانه
اللي يقول واحد لحجي شراله بنز وحط علامة قراندي ؟؟ < على ايام البنز
جبته لكم على الطبيعه

لكزس وقراندي ..يالله فيه ناس تقدر القراندي للحين ؟؟
………….

هذي اجنبيه اول حرمه تمشي بالشوارع الرياض وهي كاشفه
شف الحريم وشلون متهولين منها

والله من الحرص في راعي الجمس .. تجوري ماصارت سياره

يذكرني بـ أبو يحي فراش مدرستنا مبطي
عياله ثمانطعش ومعه نفس الجمس .. ما ابي احلف انه هو < اعرفه حريييص
…………….

كلك حركات

لفت مدرس رياضيات

ويقولون وش فيحريمهم مايعجزون بدري
شف العناية بس اثناء الولادهـ

الله يخلف على حريمنا بالشميسي والعسكري .. مافيه الا قوة تمصيع
……………..

طباخ مبدع يرسم بالاكل

والنتيجه مثل ما انتم شايفين
صور جورج بوش وزير الداخليه البريطاني سابق< والله من زين الثقافه
……………..

اسهل طريقه لحل مشكلة تقطيع البصل


…………

مكتبة الفيس بوك

اهم شي اللوق ان بـ تانكي البنزين

على فكره ياشباب ترى خوال نوعين
نوع أبولمعه .. ونوع مطفي


……………..

هذا اللي ينقال عنه مبدع منذو نعومة اظافرهـ


………………

وش تبي تفطر بس ؟
فول كلابه ولا عدس ذيابه ولا بيض اسود ؟ < اسود جمع أسد

ابي القى كلمه وحده صح ؟؟

اهم شي لبن بلخياض لايفوتكم رهيييب
………….

الاضابير


………….

وش حادك تسوي اللقاء أجله ياخوي

عالم مشقيه نفسها

قايل لكم عالم تحب الشقا


…………..

هذولي المذيعين يا أنهم مواصلين سوا
يا أنهم ماناموا من البارح وحده من الثنتين

وياقربهم من الأولى
………………..

اطلق طريقه للغش

بس مشكلتنا اختباراتنا بالصيف
…………..

يقول لك الفرق بين العبقري والحمار شعرهـ

والظاهر انه حمار والله العالم ؟؟؟
……………..

يقول المثل :اللي مايعرف للطير يحسبه دجاجه

واللي ماتعرف للطير تلبسه فونكه


………………..

لاتخلوني احلف انه حصان بنت فاااااااضيه


……………

احلى تحيه للبلديه


………………

ثقف نفسك اثناء الوشسمه

يعني ترى الكرتون بيغطي كلش


…………………..

تعرفون الراقل اللي واقف ورى عمر سليمان ؟؟
لقوه شباب وصوروا معه ..!!

وصار الراقل اللي واقف ورى الراقل اللي واقف ورى عمر سليمان
……………….

طيب درينا انك تبي تسوي مظاهرات وش مرقيك فوق ؟؟

دباب جامبوووو

أبو بكس ماعندهـ شي اسمه مستحيل ..!! كل شي قدااام


……………..

شطحات المترجمين
كنه تحمس شوي وهو يترجم

اجل ابي كنت كوالد لي < لايكون القذافي اللي مترجمها ؟؟

على طاري القذافي
ترى جد جد والله تحلمت به قبل كم يوم اني من أعوانه
وأنه منزلني مع الوادي اللي ورى السلام مول ويقول يلله انزلوا الواديبنروح لعطارد
واقول له ياريس عطارد حر جنب الشمس .. يقول لي لا لا هناك ورى بلوتو امش بس
ياليل النكبه ثقافته زيرو حتى بالحلم
عاد بيني وبينكم خفت اروح افسر الحلم وتجيني مصيبه من وراهـ

……………..

هذا جيريمين جاكسون اخو مايكل جاكسون سابقاُ
بالزي الاماراتي بعد مادخل الاسلام وغير اسمه لمحمد بن عبدالعزيز <الله يثبته


……………….

منتج جديد دبي كولا بطعم التمر < هذي المريسه بعينها


…………….

اما رز مفرقع؟؟< اممم الغباااء ياشيييخ


…………….

مشروع اسد

مشروع زوووول <مدري مين اللي كابه هنا

احس لو يمشي خمسه كيلو زيادهـ بينفجر الدباب


…………

لقينا حل لمن يعاني من السمنه في ركوب السياكل

ولقينا حل للي بزارينهم مقروشينه في التلفزيون

ولقينا حل للمشكلة الفارهـ

ولقينا حل لمشكلة ضعف السماعات < حلول ورقيه بأقل الخسائر


………………

احس انه كان يستعرض وغفصه .. النطه ماااش مهيب قويه

عرفتوا اللي على جيب الربع اللي يرفعون على كفرين ويفكون الكفر
ماخذين الفكره من هنا ترى


……………….

صح يالقووووي

تخيل انك ماسك خط اخر الليل لحالك وتلقى رجال يأشر في الخط
واذا قربت منه وقفت كبست النور في وجهه يطلع لك كذا < يالهوتي لهوتاااهـ


…………..

مبدع


…………..

مره واقف عند اشارهـ وسألني ولد اختي الصغير
وقال ليش اللوحه هذي ثلاث ادوار

بصراحه انحرجت وماعرفت وشهي له ولا حبيت اقول له مدري
قلت هذي مخصصه للوزراء < صرفت لهاقرب شي
……………….

حبتييييين يا منيييرهـ

اتعب على الغزاله هههههه
……………..

معتمر في دبي مول <من جدهـ ذا ولا يستهبل ؟؟


…………..

بياع مخدرات مطور عملية البيع لعدم التفرغ
يمين كوكائين و يسار هروين <حط فلوسك وأخذ صنفك

وهذولي زباينه قبل وبعد

اللهم لك الحمد والشكر والله ياهو منعفط اخر واحد
………………..

فك و أفك

من شابه أباهـ فما ظلم

ترى الابو الصغير مهوب الكبير
………………….

سبحان الله بعض الاطفال يشبهون ناس كبار
يعني عندك هذا مثلا

يشبه هاري بوتر يومه صغير
,,

وهذي عندك من تشبه ؟؟

تشبه شوجي .. وشيطانيه مثلها
,,

عاد ذا الصغير واضحه مايبي لها

يشبه ويلهامسون < لا لا امزح يشبه كاكا
…………………

ياذا السبونج بوب ياكثرهـ في كل شي تلقاهـ حتى بسجادة الصلاهـ


…………

مره كنت بجدهـ ومشتهين ريدان وقعدنا ندورهـ مالقيناه
المهم وحنا نحوس له قلنا اقرب مطعم بس اهم شي نلحق قبل الصلاه
وطحنا على ذا المطعم< صهاريج خلصت الاسامي

المهم اني قلت لخويي خلنا ناكل فيه قال والله ما اطبّه لو اموت من الجوع
…………..

عاد شف اللي اردى منه
تخيل انت واخوياك تتعشون لكم صحن معصوب و اثنين مطبق
وثلاثه برستد حراااق وعصير طبقات< آآآي بطنيي وش ذا الكبد عليكم؟؟


………………

بقاله للتقبيل .. ويقولك تدخل ذهب < بااااين


………………

عفواً .. الأخت حامل بـ سلفحاهـ مثلاً ؟


……………

وبس خلصنا
واللي يحب يتابعني اما من المتوترين أو من الفيسبوكيين
حياكم هنا

واللي مايداني التويتر ولا الفيس بوك
حياهـ الله على مدونتي الخاصه

سبحان الله وبحمدهـ .. سبحان الله العظيم
أستودعكم الله


تابعوا جديد شبكة أبونواف على فيس بوك وتويتر

   


تعليقات 93

  1. نورت جدة فارس بعدين ادلك على مطعم احسن من ريدان تراك قديم ي حلو ريدان بطلوه 🙂 موضوعك مررررررررررررررررررة فانتاستيك وبالنسبة لصهاريج عدن تضيف لمعلوماتك طال عمرك انها منطقة تاريخية في عدن باليمن وأثرية تحفظ الماء لأحدى الحضارات التي قامت في تلك الفترة لا اذكرها تماما فلاتستغرب طال عمرك

  2. ليتك جربت صهاريج عدن قبل ما تحش فيه 😀 خف من العنصريه اللي فاقعه ام الموضوع اخوي!!! ما في مشكله نضحك وانا اخوك لكن اللي اشوفه استهبال على خلق الله!!

  3. يعطيك العافيه اخوي فارس الكلمه على مجهودك :):) امااااااااااااا الصور وربي تووووحفه:$:$ولا الشايب ابي افهم وش يحس به :$:$ وش اقول وايش اخلي الصور والمقاطع كلهاا على بعضهااا خيااال8)8) :)ولا تحرمنااا من جديدك 🙂

  4. مو من حقك تتكلم عن مطعم صهاريج عدن بهذي الطريقة هذا تشهير ولا وبعد تشهير كاذب يا اخي استح على نفسك

  5. يعطيك الف عافيه ع المجهود ……اووما قصة القذافي خطييييرة ,,,,وفسرت الحلم لك قالو بتقابله وبتصير خوووية.ههههه

  6. صهاريج عدن هي خزانات طبيعيه لمياه الامطار انشئها البريطانيين عند استعمار اليمن . وانا زرتها في اليمن بس الطريق لها متعب سلالم تمتد مئات الامتار صعودا خصوصا وهي في الجبال.. يعني الماء نازل الجبل ويتمع في مكان ني الحفره كبيره جدا وملسه بالاسمنت وبعد ماتمتلئ تصب في الاخرى وهكذا ويعدين يستعمل للشرب

  7. هههههههههههههههههههههههه :D:D:D:D اما حلمك في القذافي لحاله وراعي الجمس ابو يحي انتبه يا فارس وانت راجع للرياض لايطلع لك الحمار والكلب والقطو والديك **زعلت ربع اوبرا :$:D

  8. كل شعب بأمكانه أن يكون مبدع لو توفرة الأمكانيات ولو توفر الشباب الذي يريد أن يبدع وينتج ويصبح فرد مفيد ومنتج في رفعة أسم بلده وأسمه والاوطان ترتقي وتعلو هممها بأبناءها وشعوبها المنتجه علــم:~

  9. وربي من زماااااااان ماضحكت زي كذا مشكووور صراحه الصور روعه والاروع تعليقاتك عندك حس فكاهي وااضح ماشاء الله عليك

  10. موضوع ملئ بالعنصرية المقيته والصور المكررة سواء بقسم الملتميديا او مواضيع اعضاء سبقوك

  11. الي في التعليق ليش معصب على مطعم الصهريج لايكون لك هههههههههههههههههههه

  12. هههههههههه الله يسعدك دوم زي ماضحكتني وانا بعز ضيقي لدرجه ان دموعي خلصت من كثر ماطلعت من الضحك فله شمعه منوره وبنتظار جديدك :$

  13. :D:D:D:D:D المقاطع والصور منوعه وحلوه كثير ومشكور اخوي على المجهود وبانتظاركل جديدك

  14. انت قاعد تحش صهاريج عدن دي اقدم منك واقدم من قصر المصمك وكل الآثار اللي عندنا .. لإنها حضارة وتاريخ .. ما يجي اللي مثلك دوبه تعلم يقرأ ويكتب ويحش فيها .. اقرأ يا اخوي وقوقل قبل ما تتحمس .. على فكرة كل صورك قديمة ونازلة من قبل !!!

  15. ههههههههههههههه صراحه الصورررررر فللللله وجديده بانتظار جديدك ع طاري الفله والشمعه المنوره مره قلنا لاخوي نبي البقاله قال اي بقال؟ قالت كتكوتتنا الصغيره بقااااله …. كبييييره….. منوره :$

  16. أخوي موضوعك جدا مضحك وأنا اشكرك يالغالي ,, ولكن عندي لك نصيحة أرجو أن تتجنبها أنت أو أي شخص: بالنسبة لمطعم صهاريج عدن ,هذا يعتبر تشهير للمطعم! تخيل لو إن المطعم لك وواحد نشره بصوره سلبيه وش شعورك؟ لا بد من تغطيه اسم الطعم! ثانيا: صورت السوداني وهو نايم: وش شعوره لا شاف الصورهـ منتشرهـ فالانترنت . وهو ماعنده علم بهذا ! الله يجزينا ويجزاك خير

  17. هههههههه :D:D مررررة رووعة الصور يسلم ايدينك ويعطيك الف عافية ننتظر جديدك

  18. الله يسعد كل من مر على الموضوع سواء رد علي او ما رد .!! وحبيت أنوهـ على شغلتين قبل لايكثر الكلام .!!! الأوله : العنصريه .. يعلم الله اني من أعداء العنصريه والعنصريه مالله حبها .!! لكن الصور اللي تقول عنصريه كلها ماخذها من موقع اجنبي واحد والظاهر والله العالم انه من ربع أوبرا على ما قال خالد .. والمقصد الوناسه وليس الاستهزاء او شي آخر .!! الثانيه :الصهاريج الصهاريج يا أخي عندنا معناها وايتات البيارات اكرمكم الله بغض النظر عن معنى تسميتها عندكم ان شاء الله تقصدون العسل المصفى .. والله ما اكل فيه :$ ياخي كلن وحسب فهمه المتعارف لديه .!! وبخصوص اللي فسر حلمي .. اقول الله لايسمع منك , فالك ماقبلناهـ :$ شكراً للجميع .. وأعذروني على القصور .!!!!! علم :~

  19. اخوووووووي مطعم صهاريج عدن تراه كويس بس القهر ان ريدان قريبه منك مسافة دقيقتين من مطعم صهاريج عدن شمال شرق صهاريج عدن .

  20. حكمت على المطعم من الخارج بالاسم ؟! صرآحه افضل مطعم يقدم الاكلات الشعبيه اليمنيه من وجهة نظري << مو دعايه 😀 ——– اعتقد كثير من تعليقات تجاوزت فيها المألوف ملأتها عنصريه

  21. اسلوب في قمه الروعه , تشكراتي لك اخوي حمود(فارس الكلمه) وفي انتظار جديدك,,,

  22. الموضوع راح يكون اجمل لو ابتعدت عن العنصرية و الاستهزاء بخلق الله اتمنى انك ما تكررها في مواضيعك القادمة

  23. بخصوص مطعم صهاريج عدن -ترى صهاريج عدن معلم اثري في اليمن والمطعم لاكلات اليمنيه ولوكان صاحبك جربه ماكان بيقول كده ترى لو مايشتغل ماكان عنده زحمه لاوجرئ مصور اللوحه اذالم تستحي فاصنع ماشئت؟؟

  24. موضوع جميل وروعه بس بالنسبه لصهاريج عدن فهذه منطقه تراثيه لها اكثر من 180 سنه ومنطقه خياليه وتوجد في جنوب اليمن (عدن) يعني قبل السعوديه فلا تضحك إذا كانت جاهل التاريخ هههههههههههههههه

  25. يعطيك العافيه بس مااحد يعرف اجابه سؤال الولد لوحه السياره ليه ثلاث ادوار؟؟ :D:D

  26. استهزائك بأصاحب البشرة السوداء ليس من شيم الرجال المسلمين .. وان كنت تنفي ذلك بغرض الضحك لا اكثر ..فتعليقاتك لاتدل على ذلك .. ماذا تقصد بالذات عندما تقولعندما تتربى القردة عن الخوال وتضع صورً مثيرة للإشمئزاز تحاول بها عكس شخصية الرجل الاسود ؟؟؟ اتق الله في نفسك ..ولا تحاول اضحاك احد بشيء غير لائق ولا يرضاه الله ورسوله .. واعلم ان لقمان ..لقمان الحكيم الذي وردت له سورة كاملة في القرآن الكريم سورة بإسمه كان عبداً كان خادماً كان اسود اللون .. واغلب صورك قديمة وتم نشرهآ في المدونه مسبقاً

  27. اولا ترى هذا اول موضوع ارد عليه ولي الشرف8) مع ان اشتراكي بالقروب له سنتين:( ~~~ موضوع مميز جدا اشكرك فارس الكلمة ~~~ وبالنسبة لصهاريج عدن وفى وكفى اخونا السبيعي بذكر معلومات عنه وشكرا للقروب المتعه<<لاحد يفسرها غلطB :):o:$

  28. يبدووولي ان خويك حرمك من الذ مأكولات شعبيه ممكن انك تذوقها في جده صهااااريج عدن من ارووع الاماااكن في الطهمجه

  29. بصراااااااحه وربي كل الصور والاسلوب رووووووووووووعه وشفيكم قمتوا عليه بقيامه ترى والله مايقصد هو تفكيره كوم وانتوا تفكيركم كوم ثاني حراااام عليكم الى الامااااااااااااام يابطل ولا يهمك كلام العذااااااااااااال

  30. حبيت بس اوضح أن اللكزس قراندي انها موجوده وهذي خليجية من الوكالة تجي كذا قراندي فإذا فيه لحجي فهو الي صورها 8)

  31. صح الموضوع فيه عنصريه … B لو بس بطلت منها بيصير الموضوع جنان من كل النواحي وصهاريج عدن من المطاعم المشهوره … واللزيزه بس هالنقطتين لو استثنيتها تصير تمام :$ صدق لا قالوا الزين مايكمل :$:D

  32. أحب أعلق على موضوع مطعم صهاريج عدن أخوي صاحب الموضوع خذ العلم اللي ما راح تندم عليه لو نزلت جدة مرة ثانية صوم 3 أيام ومـــر صهاريج عدن صدقني صدقني ثم صدقني أنك لن تنسى هذا المطعم أبدا لأنه ثاني أفضل مطعم في المنطقة الغربية بعد مطعم باب اليمن في تقديم الأكلات اليمنية و الشعبية وبالنسبة للمظاهر الخارجية شوف جوالك من الخارج شريط لبشير حمد شنان ومن الداخل آيفووون هههههههه ولك مني ووووودي

  33. اتقان و تركيز لا مثيل له مع الدقة في التنفيد…يا سلام عليه…الله يحفظوا لأمه و أبيه…شتان بيننا و بين اليابانيين…ههههه

  34. الله يعطيك العافية صراحة صور جنااان ,, اما من ناحي صهاريج عدن فاخويك خبل اسمحلي روح لذا المطعم واطلب واهزم خويك بعد ,, وشوف الاكل مشاءلله شي ثان اكلات يمنيه وربي يشيخ تاكل اصابع ورا ه هههه لا منجد مره حلو ونضافه لايعلا عليها جرب وادعيلي 😀

  35. الفيديوهات كلها جميلة و مضحكة و دات معنى معين في حد داته …أما الصور حلوة و اللي أضحكتني كثيرا اللي عامل في راسو مجموعة حلويات زوينة…و القرد اللي عامل في نفسو كدا…ههه…و صور الانتحار الفكرة حلوة آآآآآآآآآآآوي…و الصور كلها حلوة و رغم أنها كثيرة بس ما شعرنا بها و بكثرتها… مضحكة…لووول…ههه

  36. دندن ياكنق مووضوع ولا في الخيال والي يقوول .> لا تحش في مطعم صهاريج اقوله استريح كل شخص وله رأي وله وجهة نظرر وبعدين من جد صهاريج وش يحسس فيه راعي المطعم ..:$

  37. حلللللللللللوه يامحمد العتيبي بصراحه يعجبني الانسان الفاااااااااااهم رد متفتح….يسلمووووووو

  38. :$B من جد وااااااااااااااااااااااااااااااااااااااااااااااااااااااااااااااااااااااااااااااااااااااااااو :$B وااااااااااااااااااااااااااااااااااااااااااااااااااااااااااااااااااااااااااااااااااااااااااااااو :$B واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااو سبحااان الله حسبته واحد من الشباب والله انت منوع تسلم على الابداع

  39. ياشباب مطعم فاشل واسم فاشل وانتهى الموضوع تعليقات كثيره ومامنها فائده كأنكم محامين للمطعم الله يعطيك العافيه عالصور الحلوة والـ(جديدة)

  40. :>:>:D غيرك ماينوع بمواضيعه بس تكون جديده وممله انت تجيبها منوعه حتى لو معيوده وشفناها حلو منك وتسلم

  41. استغفرك ياربي واتوب اليكــ شنو ذا .. شنوو اكشخي يا سويدهـ شنو خال مطفي وخال ابو لمعه اخوي وينّا قاعدين .. عيب عليك .. بعدين تبي تقنعن انك من اعداء العنصريهـ .. ياكبرها شلخه مانفتهم مثلا .. او دلوخ قدامك موضوعك كله حش فيهم وتمصخر على الناس حسبنا الله ونعم الوكيل .. ونبي انتطور وننافس الامم امححححححححححححححححححححق بشر امحححححححححححححححق ثقافهـ

  42. إخواني أخواتي الكرام السلام عليكم ورحمة الله وبركاته أسعد الله صباحكم ومسائكم بكل خير توجد لدي مشكلة وهي عدم ظهور الصور الفيديوهات هي الي تطلع بس ما أدري ووين المشششكلـة لو يتكرم وآحد(ن) منكم ويحلها لي الله يوفقكم لما يحبه ويرضاه . ===== رد من المشرف : سوف تجد حل لمشكلتك على هذا الرابط : http:www.abunawaf.comfaq-5.html

  43. :$ يا سلام يا فارس الكلمة فلة .. شمعة .. منورة .. ايوا معانا .. هاخحهخحههخحجحدجحخخهحج >> هذي أصوات الجمهور يوم يصيحون خخخخ >> بيتصفق وبالنسبة للي يقولون صهاريج عدن .. قسم أني ما أدري وش صهاريج عدن بس يوم شفت الاسم جاني انفصام في الشخصية وصداع في كتفي اليسار >> لحد يدقق وبعدين في كل الحالتين المطعم أبو يمن قابر >> جابر (باليمني) بجد والله أنا ضحكت حتى شعرت بالإعياء بس الحمد لله ما وعيت ولا جاني شي .. ويوم قريت الردود !! حطيت يدي على فمي وقلت شو هيدا الحتسي !!؟؟ يعني بليز من جد ما نبي نشوه المواضيع بردود مثيرة للجدل ومحبطة للأمعاء .. والا ترى بنقلبها زنقة زنقة حمرا خضرا

  44. روعه روووووعه ما نشرت واختيارات موفقه وصائبه ..واللي يزيدها روعه وجمال تعليقــــــــــاتك اللي ضحكتني كثييييييي:$:$:Dـــــر من جد انت فار بكلمتك اسم على مسمى & ويعطـــــــــ العافيه ـــــــــــــــــــــــــك&

  45. ردا للاخ عبيد العتيبي صهايج عدن ليس البريطانيين من بنوها تاريخها قديم قدم التاريخ ولا يعرف بالتحديد من بناها منهم من قال ان عمرها يتعدى الثلاث قرون من الزمن والله اعلم ابحث عن الموضوع قبل ما تقط شي من راسك.

  46. الله يجزاك خير على الصور الحلوة هذي أما هذاك معليش ما يشبه كاكا يشبه ميسي وهو صغير هههههه:$ عطونا رأيكم يا جماعه يشبه له ولا لا اهم شيء الله يوفقك وتكفى ارسل صورك الحلوة هذي اسبوعيا….

  47. يا أخي الكريم سمي المطعم بهذا الاسم نسبة لصهاريج عدن التاريخية والتي تعود إلى عهد مملكة سبأ وعددها 50 صهريجا والآن يعمل منها 18 فقط ولايستوعب إلا 20 مليون جنيه ويقصدها الزوار والسياح من جيمع أنحاء العالم وهي كانت تحجز المياه في أحواض عملاقة وهي بالقرب من حي كريتر والذي يقع بدوره على فوهة بركان وبما أن المطعم يمني والقائمين عليه وأصحابه كذلك فمن الطبيعي جدا أن يحتاروا مثل هذه الاسماء فأرجوا أن تكون هذه المعلومات الضئيلة قد أقنعتك بعدم السحرية من الآخرين .. مع خالص شكري وتقديري لكل من قدمته لنا في هذه الرسالة الممتعة .. بارك الله فيك

  48. :D:D:D:Dأسفه يافارس على تعليقي فيه غلط مطبعي ولا تفهمنا غلــــــــــــــــط:D:D:D:D:Dمو قصدي فار خخخخخخخخ اقصد فارس بكلمتك انت اسم على مسمىخخخخخخخ

  49. حراام عليييك انا ساكن بجده ومن عشاااق صهاريج عدن انصحك جربه ادخل وجرب المعصووووب حتاكل اصابعك وراااه صدقني

  50. موضوعك فيه اشيا تونس وحلوه بس ملاحظه بسيطه لاتنسى ان كل كلمه تكتبها راح تتحاسب عليها يوم القيامه يعني قبل لاتنزل موضوع شوف هل يرضي ربك (اولا )ولا لا وتذكر ان الموضوع باقي لسنين طويله وملايين راح يقرونه . .. الله يوفقك

  51. لايهمك الي يقولون انت بطل وموضوعك ممتع وواضح انك مو عنصري, وان قصدك المتعه والي يقول عنك عنصري عشان قلت كم كلمه عن الخوال ,,هذا طارق العلي يتطنز بالخوال ويضحك على اشكالهم ويحبهم و يبوسهم بعد بس كلن يرى الناس بعين طبعه والي علقو ,والله مالكم حق في الكلام الي قلتوه عنه هو قصدك شي وانتم تفكيركم شي ثاني . على نياتكم ترزقون :~ لايهمك العذال ولاتطول علينا انت بطل وعضو نادر تسلم يدينك استمتعت بموضوعك الله يعطيك العافيه ننتظر جديدك فروووس 🙂

  52. B وش رايك انا اسير مثلك:( او احسن منك:D واعلق على صورك :> شبع من الكبسه وقام يقطع من كل وادي عصى ههههههههه كان ولد اختي الصغير جنبي وانا قاعد اطالع موضوعك:$ قالي هاذي وشي قصص اطفال:~ بصراحه انحرجت وماعرفت وشهي له ولا حبيت اقول له مدري قلت هذي مخصصه للي مايصحو بدري للمدرسه:( < صرفت له اقرب شي وحبتين يامنيره وفك وافك:o صور ومقاطع على كيف مخك ولو ان بعظها قديم لاكن يسلمو على السدحه وننتضر جديدك……..

  53. مع كل احترامي ل الشخص الذي اضاف صورة صهاريج عدن يا اخي اامووت واعرف ايش الشي المضحك في الاسم صحيح لك حرية التعبير والتصوير كمان بس ايش الشي المضحك في اسم المطعم

  54. بخصوص فيديو حاجه غريبه جداً .. تحرك بالتراب هذي باين أنها فوهة بركان لا غريبة ولا شيء ولا هو جني ولا شيطان بس نعذر العرب مش متعودين يشوفوا الكوارث الطبيعية ما أقول غير الله يكفينا شرها بس ….

  55. :(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:( B B B وش فيكم ياشباب ذبحتم الرجال علشان صهريجB B الرجال تعبان ومتعب نفسة علشان ترتسم البسمه على شفايفكم وانت تتكلمون عنه كذا علشان صهريج بيارات جعلة يطبخ صراصير وش دخلنا فيه اسمه وغريب وبعدين خلصنا فارس الكلمة والله ماقصرت وتكفى لاتلتفت للاشكال هذي الله لايكثرهم سلمت يدينك يالذيب

  56. عفواً .. الأخت حامل بـ سلفحاهـ مثلاً ؟ فيديو صور : فله شمعه منورهـ مطعم الصهاريج لكزس قراندي .. والمزيد سلفحاه ولا سحلفاه ولا سلحفه ولا سلفحه ^_^

  57. .. عندي لك ملاحظه اخوي.. أنت تقول إنك حلمت بمعمر القذافي..وأنت تمزح ..صح إذا كنت تمزح ..يعني ماحلمت ..هذا يسمى كذب بالحلم والشي هذا مايجوز..لان المشايخ كلهم حرموا هالشي..وعلى مأعتقد إنه فيه حديث يدل على إن الكذب بالحلم لايجوز وكمان عندي لك ملاحظات ثانيه بسيطه زي السخريه بخلق الله.. الله بصلحك ويهديك وإيانا يارب.. جزيت خيرا ودمت بحفظ الله ورعايته

  58. :~انا ابي اعرف شي واحد انت ردك طول ساقي ولا ذكرت شي زين اقول الله يهديك بس الكلمه الطيبه حلوه ترا واذا مو عاجبك غظ النظر اذا هاذا مستوى تفكيرك :$شفت العالم يهوشون قلت وش زودي عنهم والى الامام سر:$

  59. السلام عليكم ورحمة من الله وبركاته و تحية طيبة عاشت الايادي وربي يسلمك اشبعت والتوفيق لما فية الضحك للجميع والله كنت مغموم شوي بس من شفت ايميلك ضحكت شوي ربي يفرج عنك في الدنيا والاخرة

  60. ماعلييييييك منهم ياحمود :~ والله انك ابدعت ههههههههههههههههه لاهنت وفي انتظار الجديد =)) صهلله ههههههه

  61. هههههههههههههههههههه موضووعك بطل بس ابغى اعرف كيف صورت فايز المالكي وجوالك معه ؟؟:D والبسه تدننننننن

  62. والله انواع التخلف فيكم ياناس..؟ الحين الرجال تعبان على الموضوع ومجمع لكم صور وفديو ومنها من عنده… وانتم تعرفون انه مجرد لضحك والفرفشة,وأنتم قمتو على الرجال بتقليل منه..!!! يعني اولاً.. قمتو عليه بسبت مطعم ! يعني اذا مافهمتو وش يقصد او ماعرفتو وش معنى كلمة صهاريجعندنى في نجد او الحجاز معنها مثل ما قال أخوي فارس الكلمة..’اي:وايتات البيارات’ ! يعني لا صار كل الموجودين متعصبيناومايقبلون بتشهير في الاخريناو اني احسنكم ’******؟!! يعني من جد وش اقول بس.. :~ مالت على الي يتعب ويحطلكم شي :> وماعليك منهم يا فارس الكلمةأنت اكبر منهم وكمل ابداعك ولا يهمونك ..8)

  63. سلام .. لصاحب الموضوع وللأخ محمد العتيبي والثاني الفاشل إلي قال على اسم المطعم فاشل .. روحوا تعلموا إش هي المعالم التأريخية وبعدين تعالوا تفلسفوا !! 8) ومو من حق صاحب الموضوع أو أي أحد ثاني التهكم بمعلم تأريخي لأي دولة .. وإن دل هذا الأسلوب الجاهل على شي فإنه يدل على سطحية التفكير وإضمحلال الثقااافة ..

  64. والله احنا مقدرين عفويتك بس لالغلط على الاخرين اتقبل يااخوي المدح واستمر واعترف بالغلط ولاتستحي لاتخسر احدواتعلم من اخطائك لاتضحك ناس على حساب ناس!!!!!!

  65. شكراً لكل من رد علي .. سواء بـ رد او بدون رد :$ ونشوفكم في اقرب وقت .. تحياتي للجميع ..~

  66. ههههههههههههههههههههه أقول على طاري اللكزس طال عمرك يجي قراندي وسعودي بعد :$

  67. بالنسبة لإسم المطعم — انا زرت عدن— فيه مكان اثري قديم نوعاًُ ما يعود للعصر العثماني يشبه الحصن لحد كبير ويطلق عليه الصهاريج — وبالمناسبة المكان روعه وفيه تصميم ابداع وفي المدخل مدفع عثماني منتهي الصلاحية طبعاً — وأظن أصحاب المطعم من مدينة عدن وحبوا يفتخروا بالآثار اللي عندهم ويسولها دعايه (إذا عرف السبب بطل العجب)

  68. لما قرأت الموضوع .. ولي زمان عن القروب .. ضحكت من القلب خاصة صور الانتحار كانت جميلة .. ورايقة .. ومو بالعاادة لكني قرأت التعليقات .. ورغم اني مااتفق مع الكثير منها .. ضخموا الموضوع مره .. لكني مستمتعة .. ماعاد الشعب شقرا اللي تركض مع الخيل .. وصار يفكر وينتقد ويتكلم بحرية تعبر عن مبادئه .. مواقف حضارية جميلة .. شكرا أيها الفضلاء .. أحبكم .. وشكرا فارس الكلمة .. دمك شربات ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فيديو + صور : فله شمعه منورهـ + مطعم الصهاريج + لكزس قراندي .. والمزيد

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول