فلم : ( سبايك في مهمة خاصة ) + خيشة رز 45 كيلو مليانتن صور


بسم الله الرحمن الرحيم
السلام عليكم ورحمة الله وبركاته


اعلان





مسيك بالخير يا أبونواف ومسيكم بالخير يالمنطلدزين يا أعضاء أطلق قروب بالمجموعة الشمسية ، وش الأخبار طيبين إن شاء الله ، وشلون الربع والأمطار والجماعة << خلاص ماهوب حلى

الإيميل ذا يتكون من عدة مواضيع :

1- فلم ( سبايك في مهمة خاصة ) أكشن من إخراج د. جنط السفينة .
2- خيشة رز بسمتي 45 كيلو مليانتن لما راسه صور من تصويري أنا .
3- دعوة .

أكيد بعضكم فاقدن ويقول الله يستر وين هف هالأشهب ، وطبعاً تحسبون إني بالسجن حتى أنا أحسب إني
بالسجن بس أشوى طلعت مسافر.

سافرت لي كم يوم لأمريتسا ماغيره USB<< سوالي فاهم

أكاليوم قاعد أتقهوى أنا والوالدة مادريت الا يوم دق الجوال وقطع وأزلبة مادريت الا يوم دق مرة ثانية وقطع قلت ذا شكله واحد يبي شي ضروري وأجي أدق عليه تدرون من طلع ؟

طلع ميل قيبسون المخرج الأمريكي الي مثل فلم القلب الشجاع

قلت : هلا من معي ؟ .
قال : معك ميل قيبسون طال عمرك .
قلت : سم يا أبوقيبسون تبي شي << بيخلص الشحن
قال : إي والله نبيك تخرج لنا فلم عجزنا لانخرجه .
قلت : أبشر … بس وين أطلعه له .
قال : يا ابن الحلال نبيك تخرجه .. بيجيك اليوم المغرب واحد وبياخذك للمطار وتجي لامريكا ويصير خير .

المهم رحت لأمريكا وصورنا الفلم وأخرجته ، حتى وأنا بذاك سيرت على أبوقيبسون وقاعد أسولف أنا وإياه مادريت الا يوم قال : والله يالجنط أحسن مافيكم يالعرب قروب أبونواف << طقها بوجهي
قلت : يالزلابة هذا وأنا جالسن معك .
قال : يابن الحلال أنت أحسن واحد بالعالم ماهو بالعرب بس.

8

8
قسم بالله إن ماخشيت بالموضوع إني لأوسط الشاحن بجبهتك

ابشر طال عمرك


الموضوع الأول :

فيلم : ( سبايك في مهمة خاصة )

يقدم لكم :

الفلم متعوبن عليه تعب لدرجة إنه حصل على عشروطعشين جايزة أوسكار وسبع طعش جائزة من مهرجان كان السنمائي حتى محطة الحارة عطوني كرتون فاين جايزة << اول مرة يعبي فل ويحسبه عشان الفلم
عشان تسذا أرجو من إخواني الحرامية إنهم يقدرون التعب لو هالمرة ، وترى جميع الحقوق محفوظة .


ملاحظة : لأفضل مشاهدة للفلم حط الأبعاد 240 × 320 ، وملاحظتن أخرى : سبايك جمع سبيكة والسبيكة معناها الغبي .
* ولا أنسى أن أشكر الأخت NOOR الي صممت لنا شعار الفلم والصور الأخرى .


الموضوع الثاني :
( خشية رز مليانتن صور )

هذي طول الله عماركم صور لقطتها عدستي الكريمة خلال الاجازة الماضية في القصيم .

-1-
ثياب العيد
ذا الصور لقطتهن من خياط ليلة العيد :

خخخخخخخخ
والله إني كنت أحسب بناتنا برستيج بس الحمد لله إنهن يلبسن عبايات << ما أنت بعاقل يالبرستيج

-2-

عليكم أسماء

-3-

خخخخخخ
أما أسواق الملك فيصل ، يحلفون إنه قاطن بالفيصلية

-4-

بعير مسوي بس

-5-

هذا وهو بك !!

-6-

يقولون إن البلاد منقطع جواله ولا سدد ، ويقولون إنه هالحين مطلعن سوى ويرسل بليز كول مي << يقطع أبو الفقش

-7-

طيب أنا وش أقول لأمي

العلمين وإلا الحلمين ؟

-8-

يقولون إنهم متاقطين بالعمارة وإن الاثنين الي على اليمين ماكملت قطتهم وإذا كملوها بيحطون لوحاتهم على الكراون مركيز

-9-

قوية بحق الديك

-10-

يقول لي واحد بالمرور إن هالإشارة إذا قربت منها السيارة وهي مسرعة تجي تركض الإشارة وتصير بنص الشارع << ماتعوق معه

-11-

هالحين بنك بكبره وعرضه ولا فيه واحد يعرف إملاء يعني بالله ماتفرقون بين ( استرداد و اسنزداد )


الموضوع الثالث :
( دعوة )
تجيني رسايل تسأل عن مواضيعي القديمة ، عشان تسذا قمت بجمعها أنا وبعض الإخوان ، وأحاول إني أعيد رفع الصور وتنسيق المواضيع من جديد ، وتم فتح قسم خاص لمواضيع د. جنط السفينة ، يحتوي على أكثر من (34) موضوع .

تسعدن وتبهجن زيارتكم

***

خلاص انتهى الإيميل
دمتم بأحلى ابتسامة
أحسن واحد بالعالم
د. جنط السفينة


تعليقات 5

  1. موسعن صدره هلا والله وغلا صبحه بالنور ورا ماتعلم نفسك يالسرسري نسأل الله حسن الخاتمة وأنت تمون يابعد كل الحتة وهذاك ماحلفتن اني قبل شوي ابقطع تسلوتي واحلته للتسلاب كله في سبيل حبك حتى اسأل ابو نواف << تلقى ابونواف وهو يعتمد هالرد يقول بنفسه والله من التسذب والعلاقة بيني وبين الشاحن أنت قلت عنه سر أجل خله شر << من بيشرح له ذا تؤبرن ياموسع على هالطلة الحلوة ******* بطاطس قوطا خخخخخخخخخخخ قسم بالله انك مهوي أجل الشيحااان خخخخخخخخخ وبالنسبة للوالد الله يحفظه قله بس يسلم عليك جنط السفين ويقول شطب الملحق بعدين غمض عيونك << بينكبه لأن الشايب بيفتح بقاله بجبهته تسلم والله يا بطاطا على هالمرور والكلام السنع ******** ورقة بلوت تسذب المقطع زين وكل الناس شافوه << أسلوب عرابجي أصلا أنا حاطن الفلم على البصمة ومسجل بصمتك مع الي مايشغل معهم الفلم خخخخخخخخخخ لا صدز وراه جهازك يامال الي مانيب قايل ياخي الفلم شغال بكل البرامج حتى الخبل وندوز ميديا بلاير يشغله نزله على جهاز ثاني ياخلفهم << وجه يوزع بوسات

  2. الحين أبفهم < ماسكن مربوعة به مسمار ويفكر ينشبه بخشة الجنط .. وراي ما أقدر أحمل الفلم يالسرسري .. وش معنى أنا لحالي عجزت أحمله .. قصم قصمات إن أجلدك إن ماعقلت .. لاتحسبك قدام القروب يعني أبستحي ولانب مسطرك .. ماعلي منك انت وياهم .. الحين أحجرك بذا زي الايام الخوالي واسنعك .. إلا على طاري التسنيع .. الحين الإشارة .. تهقون إن الي ينشب به أشخاص كثيرين ولا واحد أرفل .. كل ماجا من عنده شطفه بالصدام واخذه معه البيت .. الحين عنده بالدار 7 إشارات ينظم بهن الحركة .. باقي 3 ويكملهن عشر ويفتح مدينه ببيتهم .. شف يالشيبن .. لاتحسبن جلست أسولف يعني إني بمشيه لك .. أبسنتر بذا لمين يقول لي المقطع تعال حمل .. ولا تراو مهب أزين لك إن ما نادان عقب شوي (خشة تهوش)

  3. في البدايه احب اشكرك على الموضوع الحلو والكلام الاحلى وان دل على شي فهو دليل على خفه روحك ودمك العسل الله لايحرمك الجنه قل امين ثانيا بصراحه ضحكتني كلاماتك من قلب وتعليقك كان حلو …ومن كثر الضحك دمعت عيوني …ياويل حالي انا …كانت اخلاقي تجاريه قبل مااقرى الموضوع بس بعد القراءه ضحكت واستانست رح الله يونسك وين ماتوجهت وتسلم ايدينك اللي كتبتها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فلم : ( سبايك في مهمة خاصة ) + خيشة رز 45 كيلو مليانتن صور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول