فضيحه من فضائح بنده


… السلام عليكم …

كيفكم اعضاء القررروب .. ان شاء الله بخير ..


اعلان





موضوع اليوم آخر

فضيحه من فضائح بنده
وهذا الأمر حصل لي شخصياً وليس نقلاً عن شخص آخر

لاأعلم الى متى هذا التسيب والإهمال بل والإستهتار بالمستهلك ..
ويقولون حمايه مستهلك ..!! عجباً والله

اتصلت بالبلديه …ماعندك احد
حمايه المستهلك … لاحجت البقره على قرونها ردو عليك
البلاغ عن المطاعم .. 940 مكالمتك لاتتم حسب الطريقه الي استخدمتهاا فضلاً اعد المحاوله لو فيك خير

وزاره الغش التجاري .. الحمدلله اسم بس

حمايه المستهلك في الهيئه الملكيه بينبع الصناعيه ..ماقصر معي الرجال حاول يوصلني بكذا شخص ولكن .. هل من مجيب ..!!

اتصلت على بنده فرع جده حتى استفسر في هذه الحاله مالذي يمكنهم فعله .. الرد .. والله ماعندنا قسم اسمه الشكاوي شوف الصباح يمكن تلاقي احد << لو مارد كان احسن
والنتيجه … ماطلعت بفايده غير اني بحذر كل واحد يشتري من بنده فرع ينبع الصناعيه او غيره ينتبه لايغرك تاريخ الإنتاج ولا الإنتهاء ..

اترككم مع الصور ..وانت خير حكم

فضيحه

هذا المنتج جبنة بنده قابله للدهن

فضيحه

فطريات وعفن .. وانتو بكرامه ..

فضيحه

الشكل الخارجي للزجاجه وبداخلها التعفن

فضيحه

فاتوره توضح انه من بنده في الهيئه الملكيه في ينبع

فضيحه

panda jar chseاسم المنتج

فضيحه

تاريخ الشراء 9-1-2008 الساعه 17:49
..
اعتذر عن الصور السيئه.. ولكم مني جزيل الشكر
اخوكم
}{..BaShaR..}{


تعليقات 10

  1. يا ساتر … على العفن ذا كله شكلها ذا الجبنه من الف واربعميه وحطبة وهي على الرف ؟؟ معقوله لهالدرجه الاهمال يعني لو التعفن فيها بسيط نقول معليش خطا او او .. لكن كذا بالقرف هذا … صحيح بعض البشر ارواح الناس عندهم بريال و ارخص ): بس صراحه اهم شئ ان اي واحد يصير له مثل هالموقف يفضحهم على النت في قروب كبير زي ابو نواف او اي منتدى المهم انه تصير فضحيه بجلاجل و لا يفكر ينشر الخبر بجريدة من جرايدنا الموقرة .. حدهم يحطون الخبر ويقولون ( تحتفظ الجريدة باسمها) طيب وش الفايدة ؟؟؟ الله يجزاك خير اخوي

  2. معليش بندة شركة كبيرة وسعودية وقوية جدا أرجوا عدم الكتابه عنها لأنها وطنيه 100

  3. بالبدايه اقول لا حول ولا قوة الا بالله ومعوض اخوي وطالع للأسوا الحمد لله انك ما اشتريتها وانت ماتدري . انا اول مقاضي لي بعد زواجي – ثالث يوم – ويجيك ابو عمر مكشخ وفرحان بيتقضى للبيت اول مره واتقضى – بإخلاص – يعني فوق الثمان ميه ريال ويوم رحت البيت وبعد اسبوعين تقريبا اكتشف ان اغلب الاغراض الي اشتريتها باقي على انتهائها ايام قلائل .. بمعنا انهم مسوين عروض على الاشياء الي باقي عن انتهائها اقل من شهر .. لكني طالعت للجانب المشرق من القصه واخذت درس قااااسي بإني ما اشتري شي بدون ما اقرا تاريخ الصلاحيه .. تحياتي

  4. المنتج ينتج كميات كبيره ومن نفس الماده اي لابد ان يكون معظم الموجودفي السوبر ماركت فاسدوحيث ان التاريخ حديث يجب عليك تفحص باقي العبوات ولو ظهر في اخريات يجب تبليغ الشرطه فورا ملحوظه:عدم الغلق الجيد للعبوه يؤدي الي فسادهاحتي لو في الثلاجه ومن المفترض ان يكون هزا العبث ناتج من الزبائن او اطفالهم وانا اري اطفال كثير تلعب بحريه وهزا تقصير منا وليس منهم

  5. يا أخــوان لو صار ولقينا علبة جبنه معفه ,, طيب مستحيل يعني مايكــون فيه أخطــآء ابدآ !! يعني بنده منهيين عن الاخطاء لو مهما كبرة !!؟ فنظري شي طبيعي ,, يعني بنده وتقريبا وطني هم الوحيدين اللي يبيعون للمستهلك بقيمة الجمله .. شي طيب فالواحد مننا مو شرط يكبر الصغائر ويخلي الحبه قبه .. غلطه وما اعتقد تستاهل كل اللي اشوفه واقراه

  6. في الواقع اخوي الله لايلوم اللى يلومك.من امن العقوبه اساء الادب لو فية رقابه او رقابة من الخهات المسؤلة كان احنا بخير . ياقلب لاتحزن.

  7. جزاكم خيرا واكيد هدا الشي مايسير وفين المسؤولين؟؟؟؟؟؟؟؟ بالاصح فين المستهترين!!!!!!!!

  8. السلام عليكم … اول شي مشكورين وجزاكم الله خير على الردود والله يجعله بميزان حسناتكم الى الاخ جمال العمودي راح اخذ بكلامك وارسله للاداره بالموقع ومشكور يالطيب ……………. الاخ ..akaai الدوائر الحكوميه وردي كان قبيح اذا ردي قبيح اجل الكلام النابي هذا وش تسميه بنظرك ؟؟ كلام معسول ؟؟ وش القبيح بنظرك؟؟ على العموم المفروض مااعلق على كلامك بس حبيت اقولك … وانا اقولك لو تراجع الايميلات السابقه في القروب تلقى ماهو بس انا الي اشتكي من بنده في قبلي كثير الي منهم لقى دود في المكرونه والي ارسل انهم ضاحكين علينا باالاسعار وجاب الاختلاف بين السعوديه ودوله اخرى لكن بقولك شي واحد احفظه لبنده ولغيره .. ((( من امن العقوبه اساء الادب))) على قوله الاخ الزائر محمد عبدالعزيز ويعطيك العافيه وتحرى الدقه في الرد جزاك الله خير ………………… الاخ محمود عبد الودود يعني ارسلت الفاتوره والعلبه وماانت مصدق .. شي راجع لك يالاخوو والله التشهير بالناس الي تستخف بالمستهلك وغرضها تجاري وش الي يمنع انك ماتوعي الناس؟؟ ولا عاجبك وانت نايم على ودانك وبعد هالايميل اتحدك ان مارحت لبنده وطالعت بكل غرض تشتريه تخاف انه يصير لك مثل هالامر ومشكور على ردك .. …….. الاخ يوسف .. والله انك فكيت عنها النايلون الشفاف بعد بس الله المستعان .. ………….. الاخ النادر .. يعني عشان وطنيه نسكت ونعدي .. بالعكس عشان يتنبهون اكثر مشكور على الرد …………………. الاخ alialfzzany العجيب انها ماهي منتيه الصلاحيه ..!!! ………………….. يعطيكم الف عااافيه }{..BaShaR..}{

  9. يعني ضمير نايم-وحماية مستهلك رواتب وبطانيه مع الراتب علشان يتدفى عن البرد- وش تتوقع بعد كذا-كل واحد يصير حامي لنفسه- وعساك تلحق شيء من ورا هالصور الا الاعذار اللي مالها اخر كافك الله شر العفن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فضيحه من فضائح بنده

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول