في السيارة المتوجهه للسوق
ام حمودي : كلمت راعي العمارة ؟
ابوحمودي : لا بنجتمع اليوم ونكمله ..اجل جايب لنا عزابي ومسكنه في عمارتنا ؟
ام حمودي : او كلموا المستأجر نفسه ..اذا يبي نفس الحي فيه شقق عزابيه جديدة بالمنطقه
ابو حمودي : ايه شفتي وين حاطينهم ؟جنب ثنويه بنات ..ولله خطر عليهم مايصلح
حمودي : بابا يعني ايش عزابي؟
ام حمودي : اجلس اجلس حبيبي وسكر الشباك
رن الجوال
ابو حمودي : هلاا خالد ….لا والله طالع مع الاهل…..داري وين تبي تروح له وانت عزوبي ؟
(وفي بوابة السوق )
وقد علت الاصوات
…..يااخوي والله بس برجع ملابس الاهل معي
رجل الامن : قلت لك اسف مااقدر ممنوع ادخل عزابيه
…. مااقدر اجي الصبح يااخي ورانا دوامات والترجيع بيخلص وقته
رجل الامن : يااخوي حتى انا عندي شغل وهذي اوامر مقدر اخالفها قلت لك لو سمحت ارجع
حمودي : ماما يعني ايشش عزابي؟
(وفي طريق العودة)
ابو حمودي : لحووول وش هالشارع مااحد يقدر يمشي فيه مع اهله
ام حمودي :مع انهم كاتبين مب للعزابيه!؟
تحدث حمودي مع نفسه بهدوء ( ايييه عرفت عزابي يعني مرض)ا
ثم رفع صوته : يبه ؟ بس عمي خالد مب مريض ؟!!؟