طبخ ونفخ : كل واحد يدخل ويجيب بيالته الشاهي معه


السلام عليكم ورحمة الله وبركاته
في البدايه حابه اشكر كل من راسلني وشجعني على الموضوع الاول وارسل تطبيقه لي
وان شاء الله نشوف همتكم وتطبيقكم من هذا الموضوع
هالمره اطبقنا موالح ان شاء الله تعجبكم وللمعلوميه تقدرون تفرزنونها ومتى مابغيتوا طلعتوها وقليتوها


نقيت خفيف


اعلان





هذا مالح سريع وينفع للعزوبيه وبديت فيه لانه اسهل طبق

المقادير

خبز مفرود وفي روايه اخرى خبز لبناني
تونه
شوب بقدونس مقطع قطع صغيره جدا
مايونيز
جبن
شوي فلفل اسود – 2 م ليمون

الطريقه

نجيب خبز المفرود ونقص شوي جوانبها مثل الصوره رقم2
نفك خبزة المفرود من الوسط بحيث يصبح عندنا خبزتين

ندهن الخبزه من داخل بجبن سائل ولاتكثرون مره فقط مسحه
نخلط التونه بعد ماهرسناها مررره ونحط عليها المايونيز و شوي فلفل اسود و 2م ليمون وشوي بفدونس ناعم (مقطع قطع صغيره )0
بعدها نحطها فوق الخبزه مثل الصوره رقم 4 ونلفها كويس

ونغطيها بالقصدير ونحطها بالفريزر ربع ساعه عشان تتماسك
بعدها نطلعه ونقطعها ونحطها بالبيض والبقسماط ونقليها
كل خطوه موضحتها بالصور

ملاحظه : طعم التونه ماراح ينبان للي مايحبه التونه

وبالف صحه وعافيه


أفخاذ الدجاج المحشية

المقادير:

العجينة:
3 ك طحين
4/1 ك زيت
1 م ص بيكنج باودر
1 ك ماء

الحشوة:
2/1 دجاجة مسلوقة ومقطعة
1 جزرة كبيرة مبشورة
1 حبة بطاطس كبيرة مبشورة
2/1 ك بقدونس مفروم
ملح ،فلفل أسود ، كركم
أعواد بطاطس الجاهزة للقلي
للتغطية:
بيضة + حليب سائل
وبقسماط

الطريقة:

تخلط مقادير العجينة جيدا حتى تتكون العجينة ملساء.
ملاحظهبامكانك عمل العجينه الي تزبطينها

لتحضير الحشوة: يسخن قليل من الزيت ويوضع الجزر مع البطاطس ويقلب على النار حتى يذبل ثم يضاف الدجاج
والبقدونس

نفرد العجينه على شكل دائري ونقطعه مثل الصورة
نحط الحشوة ونصفط طرف المثلث ونحط مكانها بطاطس
نلفها مثل الصوره
وبعدها نغمسها بالبيض والبقسمطا
واخيرا نقليها في زيت ساخن غزير على نار معتدلة حتى تتحمر ، وتقدم ساخنة


ريسول ( بالبان كيك)

طعمها لذيذ ماينشبع منها

المقادير
العجينة :
1ونص ك طحين
نص م ص ملح – 2 بيض
1ونص ك حليب سائل

تخلط معاً في خلاط اليد

الحشوة :
3م زبدة
ملح
1ثوم مهروسه
1بصل
فلفل اسود
2صدر دجاج مسلوق (مقطع صغير )
2جزر (مقطع صغير )
تحمس مع بعض وتوضع على جنب

البشمل :
3م طحين – فلفل اسود
1ونص ك حليب سائل
ملعقة زبدة – ملح

تذوب الزبدة مع الطحين والفلفل الاسود وملح واذا صارت بنيه نضع الحليب وتحرك إلى ان تثقل

الطريقة :

تخبز العجينة مثل البان كيك ( بالالة البان كيك او الرصع ) ونخليها تكون رقيقه
وتخلط الحشوة مع البشمل
وتلف البان كيك على شكل السبرنق رول ثم توضع في البض ثم البقسماط ثم تقلى
، وتقدم ساخنة
في النهايه لاتحرموني من دعاويكم الحلوه
وانتظر تطبيقاتكم
EMERALD


تعليقات 30

  1. يالبيه ما تعطيني وحده ههههههههههههههههه :$:$:$ يعطيك الف عافيه والحين متجه للمطبخ اسوي وحده هههههه 😀

  2. إن شاءالله مجربتها مجربتها تشهييي .. يعطيك العافيه ما قصرت ..وشرح مفصل وحلو… يسلمو..

  3. ياحبي لك ياشيخ توني اقول وش بصلح لعيال عمي جاييني في المزرعه تسلم دياتك خيوو

  4. انا في الهند وحايس مع الاكل الاسبايسي والملحقيه ماهي موفره لنا ولا اي شي على الاقل قشطة التاج بس انته جيت في وقتك وربي اكل عزبيه راح اسويها لشباب معايه بسوي عليهم شيف شويه يالله ربنا يجزاك خير

  5. اول طبخه ذقتها رمضان الي فات كانت روووووعه اكلت خبزتين كامله (: افخاذ الدجاج لذيذه بس من الي بيعجنها لي ): ننتظر ابداعك

  6. صرإحـه مدري وش إقووول.. بـس يعطيك العآفيـــــه إختـي..مشإءلله عليك..رإعية إكل شكلك دووبـه عشآن كذ1 جآيبـه ذ1 الموضوع…

  7. والله انتس اطلز طباخه نابة عن خواتي احب ان اشكرك على الموضوعين ونقول استمري ..ونبي شي جديد رمضان على الابواب مكسيا وخواته 😀

  8. .. جزاك الله خير وما شاء الله عليك وعلى تقريرك التوضيحي .. وكم فرجتي على بعض الشخصيات 🙂 .. ثابري وإلى الأمام .. .

  9. وربي جوعتني مررره اطباااق مررره حلووة يارب اني اعرف اسويها بجرب اليوم وانشاء الل تنجح الطريقه وشكرا لك يالغلا على المجهود الاكثر من رائع

  10. والله بدل القهر قهرين الاول اني في الدوام وعندي بريك من 12.30الى1.30ويعني باختصار وقت صلاة الضهر والقهر الثاني اني مجربهم وذايقهم وعارف طعمهم (ما اقدر اكمل بدت عيوني تزغلل احس اني بدوخ بعد شوي )

  11. يعطيك الف عاااااااااااافيه:D ونتمى المزيد شغل حلو نضيف يسلموووووو:)

  12. مشكووووووره حبيبيتي ع الاطبااق الرووووووعه مثلك.. زييييين أهلي لقولهم عشاء اليوم حظهم .^_^. دمتي بود

  13. مشاءلله عليكي بس نبي اكلات نقدر نسويها حنا يالعزابية في رمضان يعطيكي الف عافية

  14. ماشالله تبارك الله يعطيك الف عافيه والله يمتعك بموهبتك هذي طول حياتك

  15. اممم يمي يمي شهيتني يعطيك العافيه على الوصقات الحلووه وتسلم ايدك يا قلي

  16. كثري من المواضيع هذي ترى العزابيه بيدعون لك ودهم يغيرون من اكلهم .. اللوزين طلع مع خشومهم ههههههه

  17. اطباق حلوة والله يعين هالعزوبيه .. كثري لهم من هالاطباق وراح يدعون لك .. الله يوفقك ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

طبخ ونفخ : كل واحد يدخل ويجيب بيالته الشاهي معه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول