صور ومقارنات : هل نحن عالم ثالث أم عاشر ..ونداء للقائمين على الرياضة السعودية !


لا أعلم ما الذي دعاني لكتابة هذا الموضوع ..

هل هو الغيرة على بلدي ..؟؟
و ألمي وحزني على التخلف الذي نعيشه ..


اعلان





هل هو إعجابي الشديد بما وصلت إليه أوروبا ..
من تطور وحضارة واحترافية ونظام ..

هل هو لتأكيد أننا ( مقارنة بهم ) ليس عالم ثالث فقط .. بل عالم عاشر ..!!

هذا الموضوع هو رسالة ( صادقة ) للقائمين على الرياضة لدينا ..
رسالة صادقة .. لمسئولي الملاعب ..
رسالة صادقة .. لرجال الأمن ..
رسالة صادقة .. للجمهور ..

رسالة .. اشعر بـ ( الألم ) وأنا أكتب أحرفها .. وأصيغ عباراتها ..
مقارنة .. بين ما وصلنا إليه .. وما وصلوا إليه ..

@ الكثير منكم يعلم برحلتي لمدينة ( برشلونة ) خلال الأيام الماضية ..
وزيارتي في الأسبوع الأول لملعبهم العملاق وقلعتهم المشيدة ( 
الكامب نو ) ..
والمرافق المصاحبة له ..

ومن ثم حضوري في الأسبوع الثاني لمباراة ( برشلونة ومايوركا ) ..

قامت كاميرتي بتصوير كل شيء هناك ..
اضغط هنا

ولكن موضوعي هذا مختلف قليلا ..
هو مقارنة بين ما لدينا وما لديهم ..
مقارنة بين ملاعبنا وملاعبهم .. أنظمتنا وأنظمتهم .. جمهورنا وجمهورهم ..

وعلى بركة الله نبدأ ..

وسوف اكتفي بتعليقات بسيطة على الصور ..
التي بالأساس لا تحتاج إلى تعليق …!!!

الازدحام البسيط حول بوابة ملعب برشلونة :

الازدحام حول بوابة استاد الملك فهد :

مع ملاحظة أن صورة بوابة برشلونة تم التقاطها قبيل المباراة بساعة وربع فقط ..
وفي استاد الملك فهد قبل المباراة بأربع ساعات …!!
ومع العلم أيضا أن الحضور كان في مباراة برشلونة حوالي التسعين ألف ..
وفي استاد الملك فهد لم يتجاوز الخمسة والثلاثين ألف ..!!

@ صورة للجماهير في ساحات ملعب برشلونة قبيل المباراة بساعة وربع :

وهنا صورة للجماهير في ساحة أحد ملاعب دوري زين قبل المباراة بأكثر من أربع ساعات :

@ صورة للبوابة الداخلية في ملعب برشلونة قبل المباراة بساعة :

@ صورة للبوابة الداخلية في أحد مباريات الهلال قبل المباراة بساعتين :

@ مطاعم الوجبات السريعة خلف مدرجات برشلونة :

وهنا مطاعم ( عفوا بوفيات أو محلات بيع الطعام ) خلف مدرجات استاد الملك فهد ( الدولي ) :

والحال ليس أفضل في استاد الأمير عبدالله الفيصل ( الدولي ) بجدة :

@ مبيعات احد مطاعم ملعب برشلونة :

وهنا مبيعات بوفية استاد الملك فهد :

مع ملاحظة بأني اخترت أشهر ( استادين ) في ملاعبنا ..
واللذان يملكان أفضل مطاعم وبوفيات في الملاعب السعودية ..!!

@ صورتين لمحلات مبيعات الأعلام والشالات في ملعب برشلونة :

وهنا مبيعات الأعلام والشالات في ملاعبنا :

@ صالة المؤتمرات الصحفية في ملعب الكامب نو :

وهنا صالة المؤتمرات الصحفية في استاد الملك فهد :

@ ساعة النتائج في ملعب برشلونة :

وهنا ساعة النتائج في أحد ملاعب دوري زين :

@ تذكرة حضور مباراة عادية في الدوري الأسباني :

وهنا تذكرة ( منصة ) لحضور مباراة ( نهائية ) في المنافسات السعودية :

@ في الصورتين السابقة لاحظوا معي بأن مباراة برشلونة ومايوركا مباراة عادية في بداية الدوري ..
ومباراة الهلال والشباب نهائية ..
في مباراة برشلونة تذكرة الفئة العادية ..
في مباراة الهلال والشباب تذكرة منصة ..
في مباراة برشلونة رقم البوابة الخارجية والداخلية والممر ورقم الكرسي ..
في مباراة الهلال والشباب رغم أنها منصة ومباراة نهائية ..
إلا أنها لا تحمل أي بيانات تحمي حقوق المشجع ..!

@ صورة لمدرجات برشلونة قبل المباراة بساعة إلا ربع تقريبا :

وهنا صورة لمدرجات استاد الملك فهد قبل المباراة بأربع ساعات :

@ في الصورتين السابقة لاحظوا معي :
المدرجات شبه خالية في ملعب برشلونة رغم أنه لم يتبقى على المباراة سوى 45 دقيقة ..
وفي الصورة الثانية مدرجات الواجهة شبه ممتلئة .. رغم الحر الشديد .. 
ورغم أنه تبقى على المباراة أربع ساعات ..
والسبب بسيط :
في ملعب برشلونة لو لم تأتي إلا قبل المباراة بدقيقة .. فإن مقعدك محجوز برقم التذكرة ..
أما في ملاعبنا .. فأمامك احد حلين :
1 / واحد يحجز لك المكان من بدري ..
2 / تحضر قبل المباراة بعدة ساعات لتحجز مكانك المناسب .

@ صورة لغرفة الملابس في ملعب برشلونة :

وهنا صورة غرفة الملابس في احد ملاعبنا :

@ صورتين لمدرجات برشلونة :

وهنا صورتين لمدرجات أحد ملاعب دوري زين :

طبعا الصورتين الماضية تم التقطاها في الشوط الأول لأحد مباريات دوري زين الموسم الماضي ..!

@ ودعوني اختتم الصور .. بصورتين .. 
المقارنة بينهما .. مفجعة ..!!

كيفية بيع التذاكر في مباراة برشلونة :

وهنا كيفية بيع تذاكر المنصة في استاد الملك فهد :

واعتقد بأن الصورتين الماضية لا تحتاج إلى تعليق أكثر ..
ولا تحتاج للمزيد من العبارات التي توضح مدى الفرق بين أنظمتنا وأنظمتهم ..
وبين الفرق في ثقافة الشعوب ..!!

وأخيرا فأنني أوجه ندائي للقائمين على الرياضة السعودية ..
للمسئولين الكبار .. لإدارات الملاعب :

أنقذوا ما يمكن إنقاذه ..
دعونا نذهب إلى الملاعب ونحن نرغب بالذهاب لها ..
لا تدعونا نذهب لها ونحن حمل هم الكثير من الأمور :
نحمل هم الزحام قبل وأثناء وبعد المباراة ..
نحمل هم سوء الخدمات المقدمة ..
نحمل هم شراء التذاكر والحصول على أماكن مناسبة ..
نحمل هم الساعات الطويلة التي نقضيها ..
نحمل هم ( كل شيء ) ونحن نذهب إلى الملاعب …!!

@ مسموح نشر هذا الموضوع في أي منتدى دون الرجوع لي ..
لرغبتي في وصوله إلى أكبر ( شريحة ) ..
لتصل ( 
أصواتنا ) واضحة للمسئولين .

الإمضاء : عين . ضاء 

 


تابعوا جديد شبكة أبونواف على فيس بوك وتويتر

   


تعليقات 39

  1. الي ابي اقوله المفروض ان السعوديه تكون افضل من ناحيه التذاكر لان ناس تحجز من ساعات وتترك الصلاه بحجة الكرسي لايطير وين حنا لنا عقيده تطلب منا اننا نكون اكثر ترتيب ونظام ومسئةليه

  2. بسم الله الرحمن الرحيم … صراحة واقولها وقلبي يمتلي حسرة, التنظيم والانتظام و مفهوم الإحترام مفقود عندنا ,,, رجاء لا احد يجي ويقول في وفي وفي والشي اللي انا اقوله مو صحيح, احنا شعب وانا واحد من الشعب كلنا شايفين وعارفين ان هالشي حاصل , احنا شعب عشوائي في كل شي وفوضوي لأبعد حد , والحل موجود لكن يحتاج ناس توقف وقفه حازمة وتبدأ بالجيل الناشئ الجديد الطري وعزل ما يشوب هذا الجيل عزلا تاما ومحاولة معالجة هذه الشائبة والتعامل معها وكانها أخطر فايروس لان مثل ما انتم عارفين كرتون طماطم من اجود وأفخر الانواع من بينها وحده معطوبه راح تعطب باقي الصندوق بكامله . اتمنى اشوف شعب المملكة العربية السعودية من الشعوب اللتي يضرب فيها المثل في التنظيم والانتظام والشي الي تتكلم عليه اخوي هلالي وان جار الزمن نقدر نسويه ونعمله لكن مو من شخص او اثنين يبي له وقفه خاصة لكل شخص يحاول يغير من نفسه وطريقته في تعاطي الامور حتى اتفهها إلى اسلوب منظم ويعود ويدرب نفسه على الالتزام . وثقافة الاحترام معدووووومه عندنا الا من شملهم ربي برحمته . الله يجزاك خير على موضوعك وفعلا كلامك في الصميم حتى لو كان موضوعك على مستوى الرياضة, اللي انا ابيه يتحقق على كافة المستويات التربوية التعليمية الاجتماعية الرياضية . لكن مثل ما قال اللي قال الضرب في الميت ………. تحياتي لك .

  3. انا معك ان شعبنا متاخر كثير عن شعبهم نظامنا حياتنا تفكيرنا اهتماماتنا كلها دونيه مقارنه فيهم… وان احنا نتطور بس بشكل ابطأ من امه تبي يكون لها مكانتها في هالعالم بس مقارنك غير عادله بنسبه كبيره انا تكفيني صوره التذاكر تذكرتهم ب

  4. اخوي الغالي وش نقول وش نخلي . انا كنتب في الصيف قبل الماضي في لندن وحضرت مباراة بين مانشستر و تشلسي في ملعب ويمبلي الشهير ، وياليتني لم احضر المباراة عشان ما اتحطم. حضرنا قبل المباراة بربع ساعة والدخول كان بانسيابيه تامة رغم تواجد اكثر من سبعين الف متفرج ، حتى لم اشاهد احداً يقص التذاكر ، فقط تمررها بالجهاز ويفتح لك الجاجز حتى تدخل إلى الملعب ، أيضا لم اشاهد احداً يفتشك كما هو معمول في ملاعبنا بطريقة مقززة جداً !!!! المطاعم كانت نظيفة والخيارات كثيرة !!! الدرج او السلالم في الملعب كهربائية والممرات نظيفة وحتى دورات المياه يمكن انظف من نص فنادق الرياض . عندنا في السعودية مكانك سر !!! تصدقون كتبت اكثر من مائة مقال وموضوع في الصحف والانترنت بضرورة منع التدخين في المدرجات او على الاقل وضع قسمين واحد لأخواننا المدخنين والآخر لغير المدخين . يعني وش ذنبي انا وغيري ندخل الملعب بثياب نظيفة وروائح طيبة ونخرج منه تقول ( كنك طالع من ورشة حدادة ) لكن لاحياة لمن تنادي ، حتى أن هاتف الصديق الدكتور حافظ المدلج أكثر من مرة بضررورة تطوير ملاعبنا ومدرجاتنا وركزت على ضرورة منع التدخين في مدرجاتنا ، وهو الاكاديمي المثقف خريج مهد كرة القدم بريطانيا . لكن الشق اكبر من الرقعة ، لن نتطور او نتغير إلى الأفضل إلا بتغيير رأس الهرم الأداري ومنع ومحاربة الفساد الاداري والمادي . لاتطوير ولا حتى توجد بنية تحتية ، والطاسة ضايعة بجد !!! والمشكلة ميزانيات ضخمة مدري وين تروح ؟ والمعذرة على الإطالة وشكراً على طرحك وتقبل تحياتي

  5. اخوي مشكور ع طرحك الرائع ومقارنتك اللي جت في محلها بس وش الفايده مسؤولين الرياضه عندنا خذ كلام بس فعل مافيه كل واحد ماتهمه الا مصلحته ومنصبه لا يروح عليه اما مصلحة البلد وشعبه فاانسى انه يتغير شي ولو بعد مئة سنه يعني اغسل ايدينك منهم كلهم وتقبل تحياتي

  6. اول شي اشكرك اخوي على الموضوع وشكلك انت رحت اسبانيا وكرهت السعوديه كلها هههههههههه اول شي مقارنتك للامانه غير عادله يعني انت تقول انك جالس تقارن بافضل ملعبين بالسعوديه مع انك ببعض الصور تجيب صور لملاعب بالاحساء وغيرهاا بس عشان تطلع صوره بشعه وتكون المقارنه قويه وفيه بعض الصور صراحه احسها عاديه مثل صور الجماهير خارج الملعب مادري اييش المشكله فيهاا فقط الفرق ان بمبارات برشلونه مافيه زحمه ومبارات الهلال زحمه بس هذا الفرق انا معك فقط بمساله حجز الكراسي ولا باقي الصور اختلاف مباني لا اكثر ولا اقل مع احترامي الشدبد لك اخوي وعلى فكره اخوي صدقني لو قارنت بينا وبينهم بشي غير الكوره بيكون موضوعك اقوى لو قارنت بالشوارع وبتريب السيارات بالمواقف بالمحلات بيكون الموضووع لكن بالنسبه للملاعب احسها عاديه ماتوصل لدرجه انك تقول عنا اننا شعب (( متخلف )) لان كلمة متخلف لها وقت معين لا تقال مجرد لان تقال دمت بود ياعزيزي الهلالي

  7. 🙁 🙁 🙁 🙁 🙁 🙁 🙁 🙁 🙁 🙁 🙁 🙁 أقــسم بالله ..(( لآآ تعلييق )).. تكفووون توصل للروس الكبآآآآ{ر ,,,,

  8. كلن بهمه سرى .. الله يعينك ياهلالي هذي بس مشاكل الرياضة بلدي كله مشاكل وللحين مافي حل لمشاكل استغلال طاقة المراة اعتقد مستوانا كذا تو على قدنا ( لان فاقد الشي لايعطيه ) التطور لايمكن تقبل فيه جدتي وهذي مشكلة بلدنا يشبهون جدتي من اكبرهم لاصغرهم .. وعجبي

  9. نعم الموضوع لايستحق ياأخي كل هذه الصور والمقارنات لمجرد حضور مباراة …. نحن نريد تقارير تشجع شبابنا وشاباتنا للوصول لما وصلوا إليه من علوم وتكنلوجيا … وحينئذ صدقني أن بقية هوامش حياتنا تترتب … نحتاج فقط أن نرتب أولوياتنا ….

  10. الصراحه انا اهنيك اخوي هلالي على التغطيه الجميله وانا جداً جداً معجب بالتقرير الي قدمتوو فكل الشكر لك وكلام سليم واضم صوتي لصوتك فديتك مجهود تشكر عليه فعلا فرق كبير تقبل تحياتي عاشق اتحادي

  11. اخوي الهلالي انا رديت احتراما لموضوعك وطرحك المميز .. وبصراحه اللي سبقوني بالتعليقات كفوو ووفو مع انه فيه اختلاف بالراي لكن الاختلاف لايفسد للود قضيه . شكرا لك هلالي وان جاراني الزمن

  12. طبعا من ناحية المقارنه فشتان مابينهما الكاتب وفق في كيفية الطرح وتبيان عملية البيع والاكل وانسيابية الدخول والخروج من الملاعب وهذا مايعيب عليها ملاعبنا نعم حاولو انقاذ ما يمكن اقاذه وشكرا للكاتب الرائع

  13. والله يا عزيزي أؤيد كل كلمة قلتها ومع الأسف المشكلة مشكلة ثقافة ونفس الفوضى في الملاعب نشوفها في كل مكان آخر يعني ما عندنا نظام في أي شي،،،، ألف تحية لك

  14. من جد فرق شآسع وملحوظ بس المشكلة … رسالتك لو وصلت للمسؤولين > رآح يحركو سآكن ؟!!

  15. يمكن تعليقي خارج عن الموضوع بس هذي المقارنات انا من لمن شفت موضوعك الاول قارنت وانتهيت بس ياغلا لقبك ( هلالي وإن جار الزمن ) مش كويس قال الله تعالى في الحديث القدسي : ( يؤذيني ابن آدم يسب الدهر , وأنا الدهر , بيدي الأمر , أقلب الليل والنهار ) . الدهر = الزمن ..

  16. اخوي هلالي وان جار الزمن كلامك بمحله .. ولاكن الحل لمشاكل الزحمه بالملاعب والتدخين والتنظيم ووو الخ .. كلها سهله وحلولها سهله منها 1- المرور الكهربائي زي ماقلت يعني تحط التذكره وتدخل 2- ترقيم المقاعد كل واحد وله مقعد خاص 3- وضع مكان مخصص للمدخنين 4- تنظيف الكراسي والحمامات الله يكرمكم 4- وهي الاهم تعاون المواطن ( المتفرج ) هو اهم شي . وزي ماقلتم حنا ناقصنا وعي وشكـرآ

  17. كل جروح الدول تبرأ الا جرحنا يالعرب ما يبرأ السبب ان لديهم اطباء اكفاء يعالجون جروحهم وينصتون للمرضى فيصلو الى الداء بسهولة ويستأصلو الداء فيبرأ مرضهم ولكن عندنا العرب لايوجد اطباء ولايوجد من يعالج جروحنا فنجعلها تنزف تنزف حتى الهلاك واذا اشتكيت لمن تشتكي فطالما شكواك لاتسمن مسؤلا فلا حاجة لهم بها

  18. يآهلا والله اخووي والله ياخوك مانقول إلا الله يعين بس عندي نقطه مهمه حبيت اعلق عليها وان شاء الله ماتزعل مالقيت إلا اتفه واسخف واسمج موضوع تقارن بها اسبانيا إلا هو موضوع الرياضه يعني لو تقارن بشيء اهم من الرياضه مثلاا بالعلم و الصناعات ولا اي شيء افضل لان حتى لو رتبنا الملاعب وطلعت منظمه بشكل جيد يبقى ايضا موضوع مابعد تنظيم الملعب من تفحيط وتكسير وضرب حتى انه يوصل للعداوه بين الفريقين حسبنا الله ونعم الوكيل هذا رايي وارجو ان تتقبله بصدر رحب (اختلاف الراي لايفسد للود قضيه) اخوك : ابو لجين

  19. شف وانا اخوك لايمكن السعودي يفتخر انه سعودي تدري ليش؟؟ لاننا حنا المفروض نكون محط انظار العالم بسبب انظمتنا وتطورنا وذلك لاننا عندنا المقومات الكبيرة اللي تخلينا نكون الاكثر تطوراً بين الشعوب اولها النفط اللي رايح ثلاثة ارباعه ومع ذلك وربي كأننا افقر دولة بالعالم عشان كذا اقول هذا اللي يخلي المواطن السعودي اذا كان بدولة اخرى وسأله مواطن من وين؟؟ يستحي يقول سعودي و يقول من دبي وهذا اللي حاصل معي واصحابي واقاربي وكل اللي اعرفهم اذا سافرنا برا السعودية الامارات وهي الامارات اللي ابنائهم الى الان بدو صارو افضل دولة من ناحية النظام والتقيد بالنظام والهدوء والتطور لكن بقولك شئ حطه فبالك مادام الرئيس العام لرعاية الشباب سلطان بن فهد والله ثم والله ماتشوف النظام والتطور مهما صار مااقول الا الله يصبرنا على السعودية المتخلفه <<<على فكرة لاتحسبوني اسب السعودية اني خائن او اتمنى لدولتي الشر لالالالا مو هذا قصدي انا اقصد ان السعودية ماتتطور ابد بس

  20. ياخوي وربي نفس المعاناه من زين ملاعبنا في الكويت .. نفس الشي بس احنا ربي راحمنا ان مافي شباب وايد يحبون الرياضه الكويتيه عشان جذي ربي ساتر علينا واذا تبون نرتاح لا تقارنون عيشو حياتكم وبالتوفيق للهلال والشباب ممثلين العرب

  21. أعتقد أننا نحتاج إلى وقت طويل لتلافي هذه السلبيات تعرف لماذا ، لأن أكبر جزء من المشكلة هو فينا وليس من الأنظمة خذ مثلاً إشارات المرور موجودة عندنا زي ماعندهم ، هم يحترمون الاشارات ونحن انظر لكثرة من يقطعونها

  22. بالنسبة للاحبة اللي قالوا ليه ما اقارن في أمور ثانية غير الرياضة .. حبيت اوضح بأنني صحفي رياضي .. واعمل في شركة تعني بالاستثمار الرياضي .. فلذلك فإن أغلب مواضيعي هي في صميم تخصصي .. أعلم بأننا خلف أوروبا في الكثير من الأمور .. ولكنني تحدثت في تخصصي .. وسلامتكم

  23. تدرون وش اللي يقهر ؟ يجيك واحد ويقولون تكفون وصولها للمسؤول يا ناس البلاء كله من هالمسؤول مدري متى راح نتطور ونصير اوادم :~ وبعدين اللي يقولون مالقيت الا موضوع الرياضة تقارن فيه لانه سخيف ؟ بالعكس هذاك اكبر دليل على التخلف والجهل اللي حنا عايشينه .

  24. افففففف وش ذا من جد ما تووقعت لها الدررجهB B وانتو تقوولوون سخيف الموضوع الرياضي بالعكس مو سخييف … خلاص الاشياء اللي اكبر من كذا عاارفينها وانتهينا منها ولو بنتكلم عنها عز الله ما خلصنا… لو بس يكوون عندنا العلم والرقي اللي هم فيه ولله نصير احسسن دووله بالعالم ورقم1 بعد.. نصيير اسلام وحضارة ونفط وعلم ورقي ووكل شي.. بس اذا احنا الدووله قبل الاخيرة في منااهج الدراسة ووالدراسة والله مستحيييييل نتطوور…

  25. لكن عندي سؤال يفحط في بالي !! كم تكلفة بناء استاد الكامب نو مقارنة بإستاد الملك فهد او مدينة الملك عبدالعزيز بمكة؟؟!!!!!!!!! :~

  26. هههههههههه هذي بس بالكوره والأمور الثاااااانيه ألعن والعن هههههههههههههههههههههههههههههههههههههههههههه وربي ضحتني بمقارنت المطعم وبيع التذاكر

  27. أنا تمنيت انك توضح اكثر وين التطاول بأن الواحد يعبر عن حاجة شافها يعني تغطيت العيون وقولة أحنا أحسن من غيرنا ماتودي قدام ياليت تبين وين التطاول على بلدي الكريم وأحنا راح ندافع عنه قبلك أما أنك تقول كلام وخلاص لا مرفوض ثم مرفوض ثم مرفوض.

  28. مرحبا التقرير الي ذكرته مئة بالمئة صحيح بس في شي واحد احب أذكره احنا الصراحه مانستاهل .. احنا شعب للأسف غجري .. أعتقد لو احنا اتحضرنا وتعاملنا في حياتنا على ان احنا مترتبين ونواكب الحداثة في النظام وغيرها من الاشياء الحسنة ماكان هذا وضعنا الحين واعتقد ان ممكن ادارات الدول الي احنا عايشين فيها تعاملنا على اساس التطور بس احنا للأسف مانطبق الي الله سبحانه فرضه علينا من قوانين وطرق التعامل في الحياة يعني نتعامل كله بفوضويه ونستخدم القوه اكثر من مانستخدم عقولنا يعني ما أقول كله الخطأ علينا احنا متشاركين في الاخطاء من ادارات دول وشعوب وهذا كله ينم طبعا عن اخلاقنا وسلوكياتنا وطبعا الحل في كلمة وحده محد يختلف فيها .. كل شخص يكون تجسيد الي النبي محمد ص وآسف اذا أخطأت ..

  29. ارى ان كرة القدم اخذت حقها اضعاف مضاعفه من الاهتمام هناك مجالات هي احق بالمقارنة من كرة القدم التي صرف عليها ملايين ضائعة فلا كاس ولا بطولة قارية او دوليه وليس لكرة القدم فائدة اصلا الرياضه لك ولجسمك وليست سينما ناكل ونشرب ونتابعها ونقول والله اهتمامنا رياضي ..

  30. أتوقع موشي صعب أنهم يسوون تنظيم ويظيفون شبابيك تتعامل الكترونيا ويظفون فيها كم واحد براتب معقول !! ولا هو شي أصعب أنهم ينظفون الكراسي أو يستبدلونها ثم يحطون ساتر الكتروني لكل الملعب عشان يبقى نظيف !! لكن مين تقدم بإقتراحات معقوله أتوقع الجميع يفكر أنه لازم يبنون ملاعب أخرى لكن الأفضل انهم يوظفون من المهندسين المتفوقين من سعوديين أو عرب يقترحون لهم طرق أفضل !! في الحقيقة العيب منا ،، عندنا أحنا في **جامعة الإمام محمد بن سعود **في قسم الطالبات بالملز يوجد عاملات كثير ،، لكن مستحيل إنهم يمسحون الطاولات الي غبرت لها من قبل الإجازة مثل ما هي ،، أو يمسحون بلاط القاعات بديتول ومويه والأكثر إستحاله إنه مجموعة من الطالبات يروحون مبنى العماده ويسون شكوى ،،، لانه لو اشتكينا كان تعدلوا ،، هههههههههههههه

  31. طيب فى مصر بقى نعمل ايه؟ انتم بالنسبة لنا كااوروبا ،هههههه أه والله ، عندنا فى مصر قمة العشوائية فى كل حاجة، فى الأستاد تعالوا شوفوا ايه اللى بيحصل من زحمة وخناق وعدم نظام فى كل حاجة ، وعليكم تخيل كل هذا على كل شىء فى مصر . يابختكوا

  32. ههههههههههه الحمدالله اني بنت اولا ومااحب الكرة ثانيا بس الفرق موبس بالملاعب ياخوي كان تهون وماخفي كان اعظم 🙁

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور ومقارنات : هل نحن عالم ثالث أم عاشر ..ونداء للقائمين على الرياضة السعودية !

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول