صور : نسيتيني.. مثل ماتنسى الأمطار الصحاري..!!


 

///
.
بسم الله الرحمن الرحيم..
السلام عليكم ورحمة الله وبركاته /
صباحكم مسك وجوري.. ومساءكم فل وقرنفل.. /
ويحلفون أني مدري وشو القرنفل بس أسمع به.. //
يالله حيّهم شخباركم إن شاء الله تزقحون؟؟ /
والله ياجانا برد(ن) مهوب صاحي.. لدرجة أني أكتب ع الكيبورد وأحس أني بكسره من قوّة الطقطقة هههه //
لابس(ن) بجامتين وثوب صوف وجاكيت حق الشتاء اللي راح (لونه أخضر مشجر بأصفر مع كحلي) هههه
ولا حياء مع شتاء 2010, /
على طاري الشتاء, والله يا جوّ الرياض عجيب, تخيلوا تمرّ علينا الفصول الأربعه يومياً..
جلست أحللها ذاك اليوم وطلعت زي كذا:
فصل الخريف:
8الصباح – 12الظهر
فصل الصيف:
1الظهر – 5العصر
فصل الربيع:
6العصر-12الليل
فصل الشتاء:
1الفجر – 7الصباح
<< صاير بدر كرّاني اليوم // هههههه
على طاري كرّاني والصيف والشتاء.. وراه قناتنا الخشبية مايسوون زي القنوات الأجنبيه؟
يعني يجيبون واحد يلبس صروال سناوي ويشرح درجات الحرارة!! //
أو لابس جكيت (كاروهات اصفر واخضر زي حق الفريان) يعني ترى الدنيا برد!! //
أو يمسك شمسية (مظله) يعني ترى مطر ههههه //
مدري متى بيشفرونها ذالقناة؟! /
,
على طاري التشفير,,
أحب أبارك لأطلق صديق فالعالم أبو عبدالعزيز تخرجه هذا الترم والحمدلله.. //
وأهديه كل اللي يبي :$ /
وعقبال الوظيفة السنعه ياااااارب.. /
وأبارك لكل اللي تخرجوا من صبيان وبنات.. /
وعؤبال الباقين ياااارب.. /
,
أحس أني أسهبت فالمقدمه <<متعوب عليها أسهبت // ههههه
نروح لفقرات الموضوع,, ويارب تعجبكم وتنال ذائقتكم.. /
.

/




][مدخ ـل][
.
من اللي جاب لك طاري..؟
من اللي وصل أخباري..؟
نسيتيني..
مثل ماتنسى الأمطار الصحاري..!
تركتيني..
دمعة شوق في عزّ الظهاري..!
وتقولين.. إقبل أعذاري..!!
.
//
.

/

][القرية وبائعوا اللحم!!][
.
كان يا مكان في قديم الزمان في سالف العصر والأوان (الله يرحمتس يامزنه)
كانت هناك قرية كبيرة تحيط بها المياه من ثلاث جهات, وكان أهلها طيبون, وعلى قول عادل إمام (على أدّ نياتهوم),
كانت القرية تعتمد على بائع لحم وحيد وكان يذبح ويسلخ ويبيع ويسرق…ألخ,
ورغم سعره المبالغ فيه ولحمه الفاسد والغش الواضح أمام مرأى الجميع, إلا أنه لم يستطع أحد المعارضه أو النقاش معه.
ربما لأنه الوحيد في هذه القرية!! , وربما لأنه يملك (الواو) التي ظلمت كثيراً من فئات المجتمع (وأنا أولهم)!!
مرّت الأيام والسنين والجيوب تـُستنزف, حتى جاء اليوم الذي حضر فيه بائع لحم جديد إلى هذه القرية من إحدى القرى التي يفصل بينها وبين هذه القرية (شوية مويه), وجاء بلحم أطيب وألذ وأرخص, وقدّم عروضاً لاتقاوم, لكن وطنية أهل القرية جعلتهم لايستغنون عن لحم البائع الأول الغشاش, ربما ليس لوطنيتهم بل لأنهم إعتادوا الغش في بضاعته وسرقة مافي جيوبهم برضاهم!! أو لنقل (ما كانشي باليد حيله)!!
وبعد سنوات جاء بائع لحم ثالث وقال لأهل القرية هالشهر لحمكم عليكم والشهر الجاي علينا, وأنكب السكان عليه كأنهم (ماصدقوا خبر)!!
في ظل منافسة الملاحم الثلاثة وفي ظل غياب الرقابة عليهم, وفي ظل السرقات من أحدهم, إن لم يكن كلهم, أرسل البائع الأول فواتيراً لـ(العملاء المميزين) الذين لم يسددوا (فاتورة اللحم), وضرب الفواتير في الرقم 10 ثم في الرقم 20 ثم في الرقم 30 ليصبح معدل فاتورة كل (عميل مميز) تقارب 1500-3000 ريال, منهم من أعرفه شخصياً وصلت فاتورة لحمه إلى 15000ريال, نعم ثلاثة أصفار!! وهي فاتورة لإمرأة كبيرة في السن كانت أكبر فاتورة إتصال تصلها 300ريال فقط..!! , عفواً أقصد أكبر فاتورة لحم وليس إتصال..!! (ماتلخبطونيش ياقماعه)..
كان الناس يسمون هذه العملية (بالسرقة الأكبر), ولذلك لوجود سرقات قبلها كبيرة وصغيرة أيضاً, لم يحرّك فيها ساكن..!
وكان كل من يريد أن يشتكي لصاحب الملحمة يردّ عليه ويقول (سددّ أول بعدين تعال أشتك)!!, وحينما يسدد ويأتي ليشتكي يردّ عليه (ليش تسدد خلاص راحت عليك)!!
,
بعدها أخذ الناس يزحفون للملحمتين الأخيرتين, نظراً لما وجدوه من حسن المعاملة, وجودة اللحم, وإنخفاض الأسعار, وإحترام المواطن (وجيب المواطن نوعاً ما) ..
بعد مرور عدة أسابيع أحس البائع الأول أنه إرتكب خطأ كبيراً, فـ صنع عرضاً أسماه بـ (عرض تكريم العملاء) وجعل اللحم مجاني لشهر كامل..
ووضع شروطاً عديدة كان من أهمها:
1- لايشمل العرض (اللحم الخارجي), فقط اللحم المحلي.!!
2- لايشمل العرض (لحم البرابر), لأنهم مايستاهلونه!!
3- لايشمل العرض (رسوم اللحم), لأنها مبلغ مسلـّم به يجب دفعه في كل الأحوال!!

* ومضة:
– يقول النبي –صلى الله عليه وسلم-: ((لا يلدغ المؤمن من جحر واحد مرتين)), وهؤلاء يلدغون عشرات المرات..!

/

][ماذا يحدث بداخل المكائن الفورية؟][

/
//

/
//

/

][فاص ـل][
.
هجرتي والهجر كايد..
وينك والوعد وينه؟!
تأخرتي علي واجد..
وأنا أدور شواطينا!!
ومن مينا.. إلى مينا..
مواني الدنيا عنواني!!
.
//

/

][وقفه][
.
لا تحزن: لأنك جربت الحزن بالأمس فما نفعك شيئا، رسب ابنك فحزنت، فهل نجح؟! مات والدك فحزنت فهل عاد حيا؟! خسرت تجارتك فحزنت، فهل عادت الخسائر أرباحا؟!
لا تحزن: لأنك حزنت من المصيبة فصارت مصائب، وحزنت من الفقر فإزددت نكداً، وحزنت من كلام أعدائك فأعنتهم عليك، وحزنت من توقع مكروه فما وقع.
لاتحزن: فإنه لن ينفعك مع الحزن دار واسعة، ولا زوجة حسناء، ولا مال وفير، ولا منصب سام، ولا أولاد نجباء.
لا تحزن: لأن الحزن يريك الماء الزلال علقمة، والوردة حنظلة، والحديقة صحراء قاحلة، والحياة سجناً لا يطاق.
لا تحزن: وأنت عندك عينان وأذنان وشفتان ويدان ورجلان ولسان، وجنان وأمن وأمان وعافية في الأبدان: { فبأى آلآء ربكما تكذبان}.
لا تحزن: ولك دين تعتقده، وبيت تسكنه، وخبز تأكله، وماء تشربه، وثوب تلبسه، وزوجة تأوي إليها، فلماذا تحزن؟!
.
الشيخ: عائض القرني
كتاب: لاتحزن
.

/

/

][أكياس الشاي الجديدهـ][
.
/
//

/
//

/

][مـ خ ـرج][
.
وين ماروح..
حبك قمرا وأنا الليل..
وين ماروح..
ألمّك شوق وقلبي يشيل..
أركض وأنتي كل الأرض..!
أغرق وأنتي مايل حظ..!
ياحظي اللي بكاني..
نسيتيني..!!
.
//
.
للشاعر الكويتي/ فايق عبدالجليل – رحمه الله

/

خ ـتاماً .. أتمنى أن تحوز الفقرات على رضاكم وإستحسانكم.. وتنال ذائقتكم ..
/
اللهم إغفر لي ولكم .. ولوالديّ ووالديكم .. وأجدادي وأجدادكم ..
/
سبحانك اللهم وبحمدك , أشهد ألا إله إلا أنت , أستغفرك وأتوب إليك
/
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ
/
اللهم صلي وسلم على سيدنا ونبينا محمد وعلى آله وصحبه آجمعين..
/
من إختياري:
www.tvquran.com
http://al-kahf.com
/
وهالله هالله بالردود والتقييمات السنعه
/
كتبه وأملاهـ / باء نقطه شين
بدر.الشوق
وفي رواية / أبو س ـعد
/
للتواصل:
b.s9@hotmail.com
http://www.formspring.me/bs1

/
ســـلام
/

/

///


تعليقات 26

  1. مع قناعتي ان هالبائع نصاب الااني اشوف انه افضل من غيره من ناحية الخدمات عموما الله يعطينا خيرهم ويكفينا شرهم والله كلهم ماهمهم الا جيوبهم موضوع مميز ويعطيك الف عافيه

  2. اولا اشكرك اخوي جداااااا ورسالتك واااااااضحه العبره منها 8) والقصد من الرساله صحيح مفروض الواحد ماينخدع مرتين او يمشي حاله ويرضى بالغش من الغيييييييييييييير لانه اتعود وموضوعك يستحق القراءة وقصتك حلوة :):):) 🙂 🙂 🙂 مشكوورة ويعطيك العافيه

  3. اولا اشكرك اخوي جداااااا ورسالتك واااااااضحه العبره منها 8) والقصد من الرساله صحيح مفروض الواحد ماينخدع مرتين او يمشي حاله ويرضى بالغش من الغيييييييييييييير لانه اتعود وموضوعك يستحق القراءة وقصتك حلوة :):):) 🙂 🙂 🙂 مشكوورة ويعطيك العافيه

  4. أشكركـ أخي على مقتطفآتك الزينة > حلوة الزينة ذي ههه و أحسن شيء أعجبني .. قصة بآئع اللحم و [ الوآو ] خخ أجدد شكري لكـ و لآ هنت يآ غآلي .

  5. انا اريد ان اشكرك على طرحك المميز والفريد للموضوع….(بانتظار المزيد منك) بالنسبة لمحتوى الموضوع بصراحة شركة STC ودعوني اسميها لاني بصراحة مظلوم ظلم شديد منها انا اقولكم وش السالفة: اانا كل يوم الساعة 12:30 ظهرا تجيني رسالة ماادري وش مصدرها تسحب 5 ريال مني رصيدي>>>بدون رجعة<<<< الرسالة محتواها راوابط انترنت تحميل…. رحت عند شركة STC وقدمت بلاغات اكرر بلاغات وفي المرة الاخيرة قالوا بيقدموا بلاغ لشركة STC في الرياض وان شاء الله خلال 72 ساعة تستلم رسالة بالغاء هذه الخدمة ولكن لا فائدة… طيب وش الحل معقولة انت كل يوم 5 ريال تروح من رصيدك B <<<< مزلط<<<< شوفوا الحل الي جاء في راسي ومازلت اطبقه الى الحين …( اقفل الجوال يعني اغلقه من الساعة 12 الى الساعة1 ظهرا لانه هذا هو الوقت الي تجي فيه الرسالة)….. ودي اغير الشريحة لكن المشكلة انه فيها ارقام ناس كثيرررررررررررر ويعني في ارقام مهمة كثيرة>>> فارجوكم الي عنده حل اخر يقولي لانه بعض الاحيان انسى اطفي الجوال فيسحبوا مني… شركة STC معاناة لا نهائية(هذا هو الشعار الصحيح)

  6. هيـــــــــــــــــــــــــــه << تتنهد ترى:( هيـــــــــــــــه هيـــــــــــــه … يقولون .. اقضب قردك لآ يجيك اللي أقرد منه .. وفي روآية دَرِّك مجنونكـ لا يجيك اللي أجن منه..:~ وربي إذا شفت شركآت الاحتيآلآت .. أقصد اللحوم.. أتأكد إنا دولة نآمية صدق…<< جآبت الغآيبة:D ~ بدر الشوق .. أتآبع موآضيعك بشغف ..<< متعوب عليهاآ شغف..:D إذآ شفت إيميلآت القروب.. عيوني تلآقط أدور بدر الشوق.. << ولا يهونون البآقيين..8) يعطيكـ العآفية خيوو ..

  7. مشكور على الكتابة حلوة كتير والمقتطفات ايضا ولكن انا سعيدة لاي شيئ يحدث معي بحياتي اشعر بالحزن بالفرح اوالتعاسة والى مالا نهاية خير من ان لا اشعر بشيئ واكون وحدية في هذا العالم المظلم يوجد ثلاث طرق للموت خذ سيجارة يوميا …ستموت قبل عشر سنوات أكثر من المشروب …. ستموت قبل ثلاثين سنة أحب شخص بصدق … ستموت كل يوم

  8. بدرررررررر إبداااااااااااااااااااااااع ×××××××× إبدااااااااااااااااااااااااع .,, تسلم يديـــــــــــــــــــــــــــــــــــــــك والله ,,, 8) موودتي ~

  9. وأشكرك ع القصه الرآئعه والواقعيه.. وبإنتظار المزيد من إبداعاتك المميزه… وبالنسبه لأخوي بدون إس————-م أنا عندي لك الحل بالنسبه للشركه النصابه.. إنك تغير رقمك وتروح لموبايلي وتكون عميل عندهم هذا أفضلك .. وأنا سمعت كثير يمدحون الشركه هذي ..وأنا نفسي أغير شريحتي وأحول لموبايلي..لكن ما بليد حيله.. وبالنسبه لأرقام الناس اللي أنت مسجلهم بجوالك ..هذي بسيطه سجل أرقامهم بورقه ..وأحفظ الورقه زين.. وبعدين غير شريحة جوالك لموبايلي.. أريحلك من الحراميه .. وبــــــــــــــــــس.. ودمتم بحفظ الله ورعايته…

  10. آآآآآآآآآآآآآخ بس يا بدر الشوق .. جبتها ع الجررررح 🙁 وش نسوّي ما باليد حيلة .. بس وش أزين حل .. لنآآآ ولصآحب الرّد [ بدون إسم ] اللي طلب حل .. أزين شي وأنا أختك إنّك تحوّل شبكتك عآدي .. من الإتصالآت لموبآيلي .. تروح تقدم طلب لآي مكتب STC ويحولونك .. مدري وش لون بس إسأل كيف الطريقة 😀 وإن شالله ترتآح من سحب الرصيد …~ ،،،،،،،،،،،،،،،،،،،،،،،

  11. هااي أخوي بدر تسلم يدينك على هالكلام اللي في الصميم وتعقيباً على كلامك في ظل أزمة الفواتير أنا أعرف ناس كثير حولت أرقامهم إلى البائع الثاني يعني طبقو المثل القائل {05 والباقي ما أتغير ,,,,,,, بكذا ما تضطر تخبر كل الناس أنك غيرت رقمك ههههههه بالنسبه للأخ بدون اسم تقدر تكلم موظف خدمة العملاء تشرح له مشكلتك و يلغي اي خدمه ممكن تكون مشترك فيها بآآآآآيو

  12. الله يعطيك العافيه يا اخ بدر ماقلته هوالصحيح القريه قريت لاتصالات والاخر وشنسوى مغلوبين على امرنا مساكين حنا تتكلم تروح فيها

  13. اشكرك ع التلميح واكل للحم هههههههههههههههههههه والله. لو نجلس طول عمرنا ما نتعظ هههههههههه راح ناخذ لدغااااات يا كثر ههههههههههههههههههههههههههههه ثانيا انت جدا ررررررررررررررررررائع والتمنى لك التوفيق واهم شي اكياس الشاهى لااااااااااااااااااااااااااازم يدخلون باي مدخل لنا واحنا عرب يلااااااااااااااااااااااااااااا نبلع ههههههههههههه واعجبتني هلبيتين . من اللي جاب لك طاري..؟ من اللي وصل أخباري..؟ نسيتيني.. مثل ماتنسى الأمطار الصحاري..! تركتيني.. دمعة شوق في عزّ الظهاري..! وتقولين.. إقبل أعذاري..!! اشكرك من صميم قلبي ع موضوعك تحياتى اسير الحب

  14. الله يعطيك العافيه بدر الشوق كالعاده امتعتنا وافدتنا بموضوعك الرائع واااخ بس من النصب اللي حاصل لكن باليد حيله……ايوه فيه حيله>>هدي اعصابك:$ يعني الاخ بدون اسم والباقين حول جوالك موبايلي انا توي لي شهر بس محولته وبالنسبه للارقام والمعارف الكثير ماراح يتغير شي رقمك بيضل نفسه والارقام اللي عندك احفظها عالجهاز مو بالشريحه زي ما سويت انا والله ولا شي كل ما عليك انك تقدم الطلب او مدري وشو للاتصالات وتسدد كل الفواتير المستحقه وبعدين تسويه تصفيه يعني ماعاد تتصل لحد ما يتحول عشان ما ينشبولك بالفواتير الباقيه وبس اسبوعين بالكثير وتوصلك رساله انه تم التحويل لموبايلي وعلى قوله احد الاعضاء والله كلهم ما همهم الا جيوبهم بس شي اهون من شي… وبالتوفيق للجميع:D

  15. مرحبااا اخوي بدر الشوق ….. يعطيك العافيه على الموضوع المميز والاكثر من حلو…. تحياتي لك..

  16. مشكوووووور بدوري صرااااااااااحه عجز لساني يعبر عن فقراتك صراااااااااااااااحه قمة الرررررررررررررررررررووووووووووعهـ من جد متعوب عليهـ يعطيك الف الف الف عااااااااافيهـ لاعدم ولاخلا

  17. يقول [email protected]:

    يازين عرعر :$

  18. لالالالالالالا امبييييه جتة ناس من العصر الحجري ماعندهم مكاين ولا صج نسيت ان كل شي عندهم فريــــــــــــــ:$ـــــــــــش هههههههههههااااي هههههههههههاااي حمدلله والشكر الحمدللله ا احنا تطورنا اللهم لا شماته

  19. لا تفتح الجروح خلها على الله انا بالنسبه لي مااقدر اغير من الاتصالات الى موبايلي << بس لا احد يسالني ليه حتى بالشهر المجاني مااستعملته كثير لاني كنت مشغوله واختبارات قالوا ايش لخدمه افضل الا وانتم الصادقين لسرقه افضل

  20. قـصـــــــــــة ألـييييييييييييييييـــــــمــــمــــــــــــــــــــــــــه ــه ــه .. أبــــدعـــت فيــهآآآآ ..!!

  21. :$ مووضوع تحفه صراحهـ 8) الله يكفينا شر بياعين اللحوم كلهم 🙁 *ومن فيه شر * ويحاسبهم ع قد نياتهم 🙁 ماورااا لطشوا فلوس النااس حسبي ع الظالم 🙁 يدآآ بيد ضد stc :$ \ ^بدر الشوق^ اتشوق لمواضيعك واقيعه & خفيفه وزريفه >اهم شي زريفهB دمت مبدع ودمتُ متابعه لك 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : نسيتيني.. مثل ماتنسى الأمطار الصحاري..!!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول