مساكم الله بالخير واهلن وسهلن ومرحبن
مرحبا اعضاء القروب الغالين
اليوم رجعت لكم بعدة صور من رحلتي لاندونيسيا او كما يقولون بلاد العمه
طبعا للأسف أغلب الصور اللي عندي راحت اهئ اهئ
بس إن شاء الله تعجبكم المجموعة هذي
المهم اندويسيا كلنا نعرف انه شعب فقير ومعدم وهذا اللي اتضح لي يوم رحت هناك
بس اللي استغربت منه ان عندهم عماير وناطحات على سحاب على مستوى
وحنا فرحانين بالفيصليه والمملكة وهم على فقرهم شوفوا كيف عمايرهم
ناظروا كيف بيوتهم مرتبه مب حوارينا إذا دخلتها كأنك داخل تبحث عن الكنز المفقود
بس مع ذلك مسكين الشعب اللي مستولي على أغلب تجارتهم الصينين
وهذي صورة اقرب
هذي بعض الصور من ملاهي آنجول
هذي الملاهي متنوعه فيها الألعب المايئة وفيها تلفريك والشاليهات وغيرها
بس أحسن شي فيها هو عالم البحار وهو عباره عن مجموعة من أحواض الماء حاطين فيها انواع كثير من الحيوانات المائية
هذا احد مداخل الملاهي
هذي بعض الحيوانات بعالم البحار
سبحان الله الوان واشكال
تكفون هالحيوان وشو؟؟؟؟؟؟
سبحان الله حتى البحر فيه ثعابين
وهنا الألعاب المائية الموجودة
هنا نشوف الشاليهات على المحيط <<يعني إذا جاك تسونامي ما يمديك تهج
هذا الشاطئ من بعيد
شكلهم يوزعون الدبابات البحرية ببلاش
شوفوا كيف روعة الشاطئ
وهذا سوق شعبي بنفس الملاهي
وأحسن ما فيه انه ارخص من ابو ريالين
هذا أحد المجمعات التجارية بالعاصمه واسمه اتريوم
حلو وجديد بس غالي ودايم زحمه
والحين مجموعة صور عن الرحلة اللي قضيناها في ربوع بنتشاك
اللي نسميها بالسعودية الجبل
والصور تغني عن أي تعليق
وهذي مجموعة من الفلل
الحين نبي نشوف حدائق الشاي والمنطقة هذي معروفة بكثرة زراعة الشاي
طبعا فيه هناك حديقة حيوانات اسمها حديقة سفاري
طبعا الحديقة مفتوحة تدور فيها بالسيارة وانت مقفل الدرايش لا ينط عليك وحش كاسر بعدين تروح من كيسك وترجع لأهلك بتابوت
طبعا بنشوف هنا بعض المناظر من الحديقة وما حرصت إني انزل صور الحيوانات
إلا هالقرد الله يكرمكم لأني ما شفت قرد صغير مثله
منظر للحديقة من التلفريك بس ما تشوفون شي من كثر الأشجار
هذا أحد عروض الفيلة
وهنا المسبح بالحديقة
وهذا أحد الشلالات
وهذي أحد الأكلات بأندونيسيا واسمها ناشي قرونق
بتقولون من وشو تتكون يقولكم من كل شي
يعني رز وفيه مكسرات <<<ما تجي صح
وفيه قطع رز وفوقها بيض عيون مع السلطة وشي مدري وشو بس انهم يقلونه بالزيت ويطللع مقرمش
وبالأخير أتمنى انكم تكونوا استمعتم بهالصور
وتقبلوا تحياتي
أخوكم عبداللطيف
