صور : مكة المكرمة 2009


بسم الله الرحمن الرحيم
موضوعنا عن مكه المكرمه .
الجميع يعرف مكه والاغلبيه قدر زارها
لكن هناك بعض المعلومات والتي قد تكون تخفى على البعض حيث ان الصور دائماً تكون للكعبه فقط !

وهذي صوره كلاسيكيه ومعروفه منذ الأزل !!!
ولكن ما احد فكر مره ياخذ لفه بعز القايله حوالين المسجد الحرام ؟
طبعا هذي من اختصاص الملاقيف مثلي اللي يحبون التفرفر وسط الحواري وتعريض انفسهم للخطر !!!

نرجع الموضوعنا ..
انا اخذت لفه بسيطه حوالين المسجد الحرام واخذت لكم صور وتقارير اتمنى انها تفيدكم
نبدأ اول شي بمنارة الحرم والمسعى الجديد ..

زي ما انتم شايفين هذي صوره من الاعلي للمناره والمسعى الجديد
وما زالوا تحت الإنشاء
يقولون ان المسعى زاد كم متر !!
وصار ثلاث ادوار مع السطح .. الله يوسع لهم مثل ما وسعوا علينا يااااارب
ويخلي لنا حكومتنا الرشيده
وهذي صوره قريبه للمناره

ولاحظوا لما نقرب اكثر

العمال يتمشون على الحافة !!!
ما يعطين قلبه !! والله لو يقولون نعطيك راتب وزير واشتغل هنا ما اشتغلت !

طيب الحين ننتقل لجهه ثانيه ..
كلنا نعرف الشاميه وغزه وخاصه اللي اعمارهم فوق الثلاثين كانت تحكي تلك المنطقه عندهم 🙂
مع الأسف يا إخوان تم مسح المنطقه بالكامل 🙁

وهنا منظر الـ آلآت وهي تشتغل بالهدم

خلف هذا الحاجز كانت الذكريات والدكاكين والشقق ايييييييييييييه كنت اركض من هنا
تطرد وراي تكرونيه !!!

وهذي صوره من جهه اخرى للموقع من عند باب العمره

وهذا باب الندوه اللي مقابل الشاميه ويطلع على السوق اللي مقابل المسجد مباشرة

السووووووووق الله من التخطيم بهالاسياب !!
كانت كبيره أول .. !





وهذا جسر الندوه اللي فوق ,, ويطلع على الشاميه مباشرة

الان نروح ماشين جهة جبل عمر
وعلى فكره تراي امشي على رجولي مو على دباب !!!
هذا مشروع جبل عمر الضخم واللي صار له اكتتاب قبل كم سنه

المشروع من جهة باب الملك فهد

والله شغالين الجماعه لا تخافون على اسهمكم تراها تبي تجيب نتيجه ان شاء الله 🙂

الآن وصلنا للمنطقة الحديثة من جهة باب الملك فهد (التوسعة)

واللي تعتبر الفنادق فيها من اغلى الفنادق بالعالم
بحيث ان سعر الغرفه في غير المواسم يصل الى 800 ريال سعودي وهي غير مطله على المسجد
وهذه الغرفه قد تصل في المواسم كرمضان الكريم الى 3000 ريال سعودي لليله الواحده !!
وبالحجز بعد !!
اما المطله فحط اي سعر ممكن تتخيله !!!؟؟؟
نبدأ من جهة التوسعه بفندق دار التوحيد ..

وبعده نجي على شركة مكه وهي تعتبر من اقدم العقارات الموجوده حالياً من جهة باب الملك عبدالعزيز

بعد شركة مكه مبنى اكبر وقف بالعالم !!!!!!!
وقف الملك عبد العزيز
شف شركة مكه وش صغره عنده ؟؟!؟؟!؟!؟
طبعاً تم بناء اربع ابراج فقط والان البرج الخامس تحت الإنشاء
ويوجد برج الساعه واللي راح تكون اكبر ساعه بالعالم

وهذي صور التقطتها بنفسي للأبراج

مدخل الأبراج

برج الساعة تحت الإنشاء

صور للأبراج من داخل المسجد

مقارنه مع شركة مكه على اليمين
وفندق الصفوه على الشمال !!

ننتقل الان الى المنطقه من جهة مستشفى اجياد
وهذا فندق الصفوه جديد بني في مكان عماير الاشراف سابق


مدخل الفندق والسوق

ومقابل هذا الفندق مستفى اجياد
وهذي صوره من الاعلى للمنطقه والشارع ويتضح فيها فندق المريديان

ونصل الان إلى القصور الملكية وهذي الجميع يعرفها

وهذي صوره لجبل النور والذي نزل فيه الوحي على الرسول صلى الله عليه وسلم

.
والان نرجع للمسجد الحرام وناخذ لكم صور من الأعلى
في النهار


في الليل

وهذي محاوله بسيطة لأخذ صوره نصف احترافية لغروب الشمس

وفي الختام ولحظة خروجنا من المسجد الحرام وجدت هذه الحمامة مودعه لنا
على أمل اللقاء بنا في القريب العاجل بإذن الله


أتمنى أن يكون هذا التقرير مفيد ونافع
ولا نريد منكم سواء الدعاء لنا في ظهر الغيب
شاكرين ومقدرين حسن اطلاعكم
مع تحيات
ابداعي Ebda3i


تعليقات 75

  1. انا عمري ماعلقت على اي موضوع لاكن موضوعك يستحق الشكر جزاك الله خير

  2. ممكن نعرف وش قصدك بوضع صورة الشخص اللي في بداية الموضوع. هل تريد ايهام القاريء أنه من أهل مكة؟ أو أن مثله موجود في مكة؟ أو أن الصورة ملتقطة في مكة؟ وعن أي خطر تتحدث؟ الا تعلم أن من دخله كان آمناً. قليلاً من الموضوعية بارك الله فيك. أبو الحسام.

  3. اخوي الله يعطيك العافيه على الصور الرائعه بس ابي اعرف ممكن وين انت ساكن بأي فندق لأن موقعك بصراحه ممتاز شكرا

  4. يعطيك العافية والله يوفقك صراحة الصور رائعة وتشجع اللي ماراح مكة يروحها:$:D لكن تذكروا جميعا ان من علامات يوم القيامة ان تصبح مكه خالية من البشر لا يسكنها إلا الكلاب والحيوانات وتهدم الكعبة فيا ربي ارحمنا برحمتك……..ز

  5. ان اكرمكم عند الله اتقاكم وليه امثال هؤلاء…ماهم بشر امثالك….؟ ماتدري…يوم القيامة يكونو اعلى وافضل منك .. ما ادري متى نرتقي بالتفكير العنصري المتشبع في عقول امثالك..عيب والله عيب… للمعلومية فقط…. الاستهزاء بقبيلة او جنس..يوم القيامة لن يقتص منك شخص واحد…ولكن كل افراد القبيلة من اول ماخلقهم الله الى آخرهم سيقفون صفا امام جبال حسناتك لياخذوا مايشاؤوون!! ان استطعت منعهم…فافعل……فكر في ذلك… ** أصرف لك:D *** صور حلوة على فكرة :$

  6. هالحين ما تقول لي وش مطلعك بهالحر أو ان كاميرتك ما به فلاش ههههههه وانت تصور من فوق انا جتن النفاظة وش لون عاد لو بأرقى فوق المنارة —– أول ما بديت أشوف الصور ما كنت متوقع اني بألقاك مصور بالليل بس اشوى آخر الصورة حلواات بالحيل ( أي وقت بالليل أو الفجر ؟ ) ——- والصورة اللي نص احترافية .. ما طلع بها أحد قاعد يتفرج على المنظر ابد ابد ابد ههههههه وحاطن ايده على خشته وطاقته الهواجيس هههه :$

  7. اهم شي السيف ليه ؟لكن تبارك الخالق كيف جمال الالوان الاسود والذهبي…..على العموم الصور في منتهى الجمال ومشكور علىيها.

  8. هذا اول تعليق لي عمري ما علقت ولا على اي موضوع انما ذكرتني بايام الحج الله يعيدها يا رب وطعمني العوده

  9. [جزاك الله خيرا علي المجهود الراءع جعله الله في ميزان حسناتك محمد الشيخ مصر الاسكندريه

  10. ما شاء الله التقرير والمعلومات والصور اكثر من رووووووعة عسى ربي يحفظك ان شاء الله وتسلم على التقرير

  11. والل ما لقيت اجمل الصور ديت وباشكرك شكر كبير جدا وادعوا الله ان يرزقني برزيارة الاماكن المقدسة واشوف الاماكن بنفسي والماسها متشكر جدا

  12. .. من قريب 3 اسابيع كنت في السعوديه ،، زرت مكه والمدينه والرياض وشي اكيد اعتمرنا ،، نزلنا في فندق باب التوحيد حلاته له اطلاله مباشره ع الحرم واذكر كنا ندخل من باب الملك فهد -رحمه الله – ،، كنا نبي غرفه مطله ع الحرم لكن للاسف كلها فل ،، بس خذينا وحده ع الزاويه يبان لنا جزء منه ،، المهم بهالصور ذكرتني بالايام الحلوه اللي قضيتها والله الواحد مناك ينسى الدنيا بما فيها ،، ان شاء الله ازورها بعد مره و ع فكره سعر الفندق مب غالي كان للشخص 1000 ريال في الليله الوحده اكيد يكون اغلى في المواسم بس الصراحه يستاهل ،، عموما مشكور اخوي ع الصور الحلوه ،، ربي يعطيك الف عافيه : ) .. :

  13. .. ما أجمل الكعبة وما أجمل تأثيرها علينا .. .. فندق الصفوة كان لنا سكن في الإجازة الماضية .. .. فندق راقي وجديد وقرررررررررررررريب من الحرم .. .. خاصة لمن كان معه نساء كبيرات بالسن .. .. ششششششكرا لك على هذا الطرح .. .

  14. روووووووووووووعهـ تصويركـ .. يعطيكـ العافيهـ .. ^_^ .. قسم انكـ خليتني أشتهي أرووح مكـهـ 🙁 .. ونشالله انروحهآآ عن قريب 😀 .. ][ دمتـ بـ خ ير ][

  15. موضوووع رائع عشنا لحظاته بكل سرور وسعاده ولا تنسى التكارنه ذكريات معاهم انواع التسحيب ^_^ فديتك وعسى ربي يوفقك الاجازه خميس وجمعه على مكه ان شاء الله لأفضل وأطهر بقعه في العالم

  16. الاخ الكريم ابداعيات وصور حلوة ورائعة واللة اني اشتقت لك يامكة مشكور على الصور

  17. ابدأ اولا بالسلام عليكم جميعا هذه اول مرةاكتب تعليق او الاصح هو شكري لكم على الجهد الذي تبذله من اجل ايصال هذه المعلومات والصور الينا فاقول لك جزاك الله خيرا

  18. الله يعطيك العافيه ع الصور أتمنى اشوف مكه لو مره ان شاء الله اشوفها عن قريب ….امين يااااارب

  19. السلام عليكم ورحمة الله وبركاته شكرا وبارك الله فيك على الصور الجميلة والوصف الوافي لمكة المكرمة . والله ياخي عندما رأيت الصور سالت دموعي من عيني وزاد خشوعي وتلهفت أكثر لأداء مناسك العمرة أو الحج لانني وعائلتي لم يتسنى لنا الزيارة لحد الآن بسبب الظرف المالي . أنا اخوك في الله من العراق الجريح من محافظة صلاح الدين(السكن فقط) وأصلاً من البصرة الفيحاء.وأرجوك ورجائي طلب أن تدعو ن لنا عند كل صلاة في الحرم المكي الشريف أن يمن الله علينا بزيارة بيت الله الحرام وقبر رسوله (ص) ولو مرة واحدة في حياتنا. وتفبل وافر حبي وتقديري أخوك أبو عبد الرحمن

  20. سلام عليكم احسنت يااخي العزيز شكرا علي الصور الجميله انتم به هذه الصور تستحقون شكر .جزاكم عند الله من جنوب ايران اخوكم فريد

  21. بارك الله فيك اخي ,, يعلم الله كم من الشوق في قلبي لأن اكون في الحرم المكي الشريف ,, سعدت جدا بهذه الصور ,, وزاد بها حنيني للحرم ,, ولاول مرة ارد على موضوع ,, فليس أغلى على القلب من مثل هذه الصور ,, جزيت خيرا ,, ووفقت لكل خير ,,

  22. اخى الكريم ابدعت فيما نقلت جزاك الله خير على هذه الصور الممتازه لك منى الشكر والتقدير

  23. الصور جميلة جدا و أسأل الله تعالى صلاة في مكة المكرمة و مدينة الرسول صلى الله عليه و سلم أدعولي يا اخوتي عمرة أو حج أن شاء الله

  24. كل يوم نشاهد تطولر في الحرم وهذا بسبب ما أنعم الله على هذه البلد بعد دعوة سيدنا إبراهيم أن يعم عليها الخير ، والله يعطينا شرف الزيارة إلى هذا المكان الطاهر

  25. لأنى أقيم بمكة ومن هواة التصوير فقد أبهرتنى الصور جزاك الله خيراً أخى الكريم تحياتى

  26. بسم الله ما شاء الله اللهم ارزقنا الحج والعمرة ماشاء الله هاي معلومات بترفع الراس جزاك الله عنا كل خير وسدد خطاك نحو جنانه اللهم آمين مالك _ الأردن

  27. يسلمووووو يعطيك 100000000000000000009 عافيه صراااااااااااحه جناااااااااااااااااااااااااااااااااااااااااان

  28. الردرقم 8 لا تتفلسف هويقصدالسحرةوالعياذ بالله ونت عارف انهم مليانين فمكة شكرا على الصور اخوي

  29. ما شاء الله الله يزيد ويبارك في فعل الخير جزاهم الله كل خير من ساهم في هذه التوسعة بعمله ودعمه :>

  30. صور جميلة جداً كونا شركة حج وعمرة ونحتاج من الأخ الكريم تصوير فنادق منطقة خزة ومنطقة شعب عامر و منطقة اجياد ومنطقة فندق الشهداء

  31. شيىء جميل ورائع ما قمت به من ابداع كنت موفق في التقاط الصور والتعليق وليس غريب على المبدع يا ابداعي

  32. :D:D:$:$اه دكرتني بمكة يا الله شو صور رائعة شكرا على هده الجهودواتمنى ان ارى صور للمدينة

  33. باررك الله فيك اخي الكريم لقد فتحت منافسنا لزيارة البيت العتيق نسأل الله العلي العظيم ان يكتب لنا حجا فيه … ولكن سأنتظر بعد عشرين سنة حسب كوتة السن في وزارة الاوقاف… شكرا اخي الكريم صور رائعة سلمت يداك

  34. روووووووووووووووووووووعة ما شاااء الله عليك أخويه …تصوريك ما عليه كلام واختيارك للموضوع كان مناسب … والله يرزقنا زيارة البيت الحرام يــــــــا رب …!!

  35. بهذه اللقطات التي تدل على أن من قام بها فنان محترف فشكرالله مسعاك وبيض الله وجهك لقد أعدتني بصورك هذه عشرات السنين للوراء الى ذكريات مكة المكرمة قبل التوسعة فجزاك الله خيرا

  36. بارك الله فيك على هذا الموضوع المميز . والله يعطيك العافية على تعبك في التصوير والرفع .

  37. السلام عليكم ورحمة الله وبركاته الاخ كاتب الموضوع المحترم موضوعك رائع رائع جدا انت غطيت على كل الموضوع اوحيت لنا بانه نحن مشاهدي الموضوع كاننا معك لحظة تصوير المكان وكاننا فعلا موجيدين هناك. تحياتي لك وننتظر منك المزيد من ابداعاتك.نسأل المولى القدير ان يحفظك ويسدد خطاك اخوك/سلطان الرملاوي

  38. اولا اول مرة ارد على موضوع … صراحة الموضوع قمة في الروعه بس حبيت اسالك ويش قصدك باول صورة الصورة لها اكثر من معنى والمعنى الغالب هو الاستهزاء باهل مكة ترا مكة هذولي اللي تشوفهم مو من اهلها هؤلاء زوار مثلك ومثل غيرك يعني ما عجبك الا هالنوعية وثانيا حبيت ارد على سويت انتي لاتتفلسفين احنا نعرف ويش قصدة وثانيا من قال ان مكة فيها السحرة والمشعوذين كثير ولنفترض ان فيها كثير ما يجوز انك تشهرين بهالشي وانا اقوللك ان مكة اطهر من ان يكون فيها هالاشياء من سحر وشعوذة تقبلوا مروري

  39. الصورة الاولى بالعقل واضحة مايحتاج توضيح قال صاحب الموضوعركزوا على السيفيعني لاتطالعون في الباقي ركزوا في السيف والصورة القصد منها لااستهزاء ولا شئ القصد منها ان مكة خارج الحرم المكيالأفارقة اللي يخطفون الأطفال…ويبترون أعظائهم .ويطلقونهم في الشوارع ويستخدمونهم لأغراض مالية..مثلا الشحاذة.وبس,, هذا مافي الموضوع واللي ينتشر فيهم خطف اأطفال هم الأفارقة فقط.يعني ماتنتشر في غيرهم.فأصبحوا رمز لهذه العملية لكن ليس كل الأفارقة…..هم الافارقة القاطنين في جنوب شرق افريقيا..وليس جميعهم بل بعضهم… وألحين كافحوا هذه الظاهرة أعتقد انها اختفت تماما. لكن البعض فهم من الصورة العنصرية…..اتوقع انهم فهموها عنصرية ,,لأن قلوبهم مليئة بالعنصرية أتوقع لو كانت صورة ابيض مافهموها عنصرية وشكرااااااااااااا

  40. عقبال مانشوف تقارير عن المدينه المنوره والمسجد الاقصى واتمنى من اخواننا بالخارج اللي متابعين يرسلون تقارير واسأل الله التوفيق للجميع اخوكم ابوسليمان التميمي . الرياض

  41. سبحان الله هذي الصور فيها حياة,مشى ميتة يعني اذا طالعت فيها تحس انك تسمع اصوات وتحس نفسك في ذاك المكان سبحان الله أحب مكة

  42. الم تلحظو معي يا جماعة أن مشاريع الحرم اصبحت تجارية بحتة وتبعد كل البعد عن معنى الروحانية والله لو قلنا ان فئات من الشعب، وأهل مكة بالأخص مستفيدة من كل هالمشاريع حول الحرم .. كان الأمر يهون لكن المستفيدين هم فئة قليلة.. والكل يعرف من هي مسحوا بيوتا بالمئات إن لم تكن بالآلاف، وأغلب ما تم هدمه ليس لتوسعة وإنما لبناء فنادق وقصور لأصحاب السمو.. دمروا ما تمتلكه الفئة المغلوب على أمرها من مساكن ورثوها أبا عن جد من مئات السنين. ولم يفكروا بهدم القصر المطل على الحرم الذي يقارب مساحته من مساحة الحرم بالله عليكم أي منطق هذا..

  43. موضوع أكثر من رائع الله يعطيك العافية أحلى شيء أبراج البيت مشروع هائل وحلو مـــرة بس هذة الصور شكلها صورتها من وقت قريب وأصلنا لو جلست تلف حولينا الحرم ماتمل بصراحة ما عجبني غير أبراج البيت وأحلى شي الصورتين الأخيرتين B :D:$

  44. بس بصدق انت الي مصورها الي ان في بعض الاماكن ما نقدر نروحلها بس انت كيف وصلت الاماكن اعترف اعترف هيه صحيح حلوه بس انا مني مصدقه انو انت الي مصور 8)8)8)8)8):D:D:D:D

  45. ممكن تقلي وش تعني بصورة الرجل اللي انت حاطه في البداية وش دخله بالموضوع ؟ اخي في الله موضوعك مشوه ويحتاج إلى تنسيق اكثر

  46. :$بسم الله الرحمن الرحيم مشكور ياخوي بو نواف على هذا التصوير المبدع ويعطيك الف عافية ونترية جديدك

  47. ادري اني تأخرت في ابدا الرأي لكن اشكر كل من ساهم في نشر مثل هذه الصور جزاك الله خير ياأبو نواف والله يكثر من امثالك اخوك خالد.

  48. ماشاءالله لاقوة الا بالله يارب دوم عامره واحنه من العراق نفرح لما نشوف هذا التطور بالبلاد العربيه الله يحرسكم ويحرس بلادكم

  49. بصراحة ابداعك وااااااااااضح في التصوير أماكن ما كنت أتخيلها قريبة من مكة المكرمة جزاك الله خيرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : مكة المكرمة 2009

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول