صور : لملم جروحك وإنسحب.. مالك نصيب باللي تحب


][ لملم جروحك وإنسحب.. مالك نصيب باللي تحب!! ][

إبتعد عني ماحبك وش تبي بي؟؟
قدرك الغالي رميته في الثرى.!
واحسايف قولتي لك ياحبيبي..
يوم قلبي جاهل بك ما درى.!

///
.

السلام علاكم يالربع والربعات / /
صبحهم ومسهم بالخيرات والمسرات / /
أخباركم عساكم تزقحون ان شاء الله؟؟ / /
,
وش ذالإجازة اللي كل يوم والثاني عروس؟
تقول مابقى أحد عزوبي ولا بقت وحده عانس هههههه / /
الله يتمم لكم كل أبوكم على خير ياللي مابعد أعرستوا ../
ويوفقكم يالمعرسين والشياب والعجز يارب../
يالبى المسيار بس !! / /
وشسمه .. توني أتأكد أن السعوديين ماينفع لهم بوفيه مفتوح ..
أجل ذاك اليوم رايح عرس واحد من الأقارب, وحاط بوفيه مفتوح كثر الله خيره!!
ويجونك هالرجاجيل يصفوّن سرا ورا بعض وزحمه وحالتهم حاله تقول كأنه بيخلص !!
وكل واحد يصفّ له عشرين نوع فالصحن !!
المشكله كلها مو هنا .. لما خلصوا عشا كل واحد باقي في صحنه أكثر من النص !!
وربي بعضهم بس يذوق ذواقه ويخلي الباقي .. من جد حرام وحسوفه عليهم!!
ليش الواحد ما ياخذ على قد اللي يكفيه؟ يعني مثلاً يقول انا يكفيني قطعتين لحم وصحن رز!!
ويحط له الكميه اللي يحس انها تشبعه!!
اذا ماشبع يرجع ويحط مره ثانيه!!
/
عاد مدري عن الحريم لأني ماقد دخلت أرقص عند الحريم ولاشي / !! <~ هذا همّك بس خخخ / /
يمكن أنهم ألعن شوي من بعض الرجال !! / /
قلت شوي ماقلت كثير .. لذلك نسألكم يامعشر الأنثويات وجاوبونا وعلمونا عن بعض السلبيات من بعض المشفوحات !! / /
/
على طاري الأنثويات .. ليش بعض الحريم مايعرفون يفكرون زين ؟
مره رايح السوق مع اهلي ودخلنا محل أقمشه , دخلت حرمه تكاسر على قطعة قماش بـ 15 ريال تبيها بـ 10 ريال, والبيّاع رفض طبعاً لأنه بيبيعها بخسارهـ!!
طلعت الحرمه ومعها بنتها وهي تقول لها يالله مشينا سوق الخزان هناك بـ 10 ريال!!
طبعاً لو حسبنا تكاليف البنزين من هالسوق لسوق الخزان بتطلع فوق 10 ريال.. أكثر من الفرق اللي تبغاه هي !!
يعني بتخسر وقت + 10 ريال بنزين + تسوّي زحمه فذاك بحكم أنها دباااا شووي !! / /
ولحّد يقول أنت تناظر الحريم ومدري أيش .. هذا شي صاير قدامي وصوتها عالي , ماتجسست ولا شي جالس مع أهلي وأسمع وماتحرشت!! / /
/
وعلى طاري المحارش .. فيه بنات قسماً بالله ودي أصطرهم ..
((عباياتهم يبغى لها عبايه!!))
تطريز وألوان جذابه من الفوشي وطقته تخلي الواحد يناظر ويفصخ .. /
يفصخ الحياء يعني ويخربها لاقدر الله!! / /
أتوقع لو ما يلبسون عبايه أحسن لهم بكثيييير!! لأنها صارت زينه وجذب أكثر من أنها ستر!!
.
اللهم أستر بناتنا وبنات المسلمين..
اللهم أسترنا فوق الأرض وتحت الأرض ويوم العرض !!

.

///
الله يبلغنا رمضان ويرزقنا صيامه وقيامه /


اعلان





/

][ م ـدخ ـل ][
.
/
.
جتني تقول..
محبوبتك لا تنتظر ميعادها!!
جتني تقول..
هذا الجواب اللي بقى لك عندها!!
لملم جروحك وإنسحب!!
مالك نصيب باللي تحب!!
وأرجوك إقبل عذرها!!
هذي الحياة وهذا حكم أقدارها!!

//

/

][ ألم الضرس ,, ولا انتظار فالعرس ][

/

الزمان: 3 الظهر
المكان: في الصالة جنب ترمس الشاي

.
مرزوق: وش ذالكشخه على وين إن شاء الله؟؟
منال: اليوم عرس سويّر صديقتي ولازم نروح له, وأرسلوا لنا بطاقه
مرزوق: الله يوفقها, طيب وش المطلوب مني؟؟
منال: الله يعافيك ودّني الكوافيرهـ عشان أحجز دوري مبكرّ
مرزوق: بس ألحين تونا الساعه 3 الظهر
منال: إيه عشان يمديني أحجز دوري مبكر
مرزوق: طيب يالله ألبسي ومشينا ..

الزمان: 4 العصر
المكان: مشغل وضحى

منال: لو سمحتي ياسديقه سوّي شعر أنا سوا سوا موناليزا رايس
الفلبينية: مين هادا؟؟ أنا مافيه معلوم؟؟
منال: طيب سوّي زي أم فيصل سديقه مال أنا !!
الفلبينية: أيوا هادا معلوم ماما فيصل .. سوّي سوا سوا كدش أنا معلوم سوّي ..!//
منال: طيب وسوّي لي ميك أب ومساج أب وصبغات وعمليات تجميل وكل شي عندكم !!
الفلبينية: طيب ماما .. إمسكي سرا مع كولو نفر .. وسوّي عدّ إلى ألفين //..

الزمان: 8 مساء
المكان: في غرفة الملابس

منال: تعال ياولدي فؤاد ألبس عشان نحطك عند خالتك هيله
فؤاد: يمّه مابي أروح عند خالتي هيله عيالها مايحبوني ولا يلعبوني معهم!!
منال: كل تبن بس ماصدقنا على الله أحد يضفك ألبس صروالك عجل !!
مرزوق: وش فيتس عليه حبيبتي لاتغصبينه!!
منال: أقول تحمم بالشامبو وغيّر ثوبك وخلصنا تأخرنا مرهـ ع العرس!!
مرزوق: إن شاء الله طال عمركـ ..!//

الزمان: 10 مساء
المكان: قاعة الزواج

منال: شفتي العروسه تجنن
موضي: وييييه .. ماعندتس ذوق والله
صيته: والله أن المعرس أملح منها .. لبى قلبه بس
منال: الصراحه كلهم حلوين
موضي: أسكتي بس ماعندتس سالفه ..
صيته: أقول يابنات, من ذي اللي كل شوي تناظرنا وتخزّ خزّ ؟؟
منال: الظاهر أنها فوزيه أخت لولوهـ, إنتبهوا منها تراها حسوده!!
موضي: يووه شوفوا يابنات خخخخ وش ذالخلاقين اللي لابستها رهف؟!
صيته: ماعليتس منها قرويّه ماتعرف تلبس زي الناس !!
منال: شوفوا شوفوا ذاللي ترقص وطالع نص ظهرها ماتستحي!!
موضي: ماعرف زوجها يربّيها والله!!
صيته: حرام ياصبايا لاتحشون ههههه//

الزمان: 12 فجراً
المكان: قاعة الطعام

مرزوق: ألو.. هلا منوله هاه ماخلصتوا؟؟ ترى حنا خلصنا
منال: لا مرمر .. تونا نتعشى ألحين والله..
مرزوق: طيب بنتظر فالعرس إلمن تخلصين..
منال: عندهم بوفيه مايتفوّت والله .. بتعشى وبكلمك

الزمان: 1 فجراً
المكان: قاعة الزواج

مرزوق: ألو .. يلا خلصتوا عشا؟؟
منال: لا حبيبي تونا باقي الزفه مابعد خلصت
مرزوق: طيب كم يبغى لكم؟؟
منال: شوي بس ساعه يمكن.!!

الزمان: 2 فجراً
المكان: على البست

مرزوق: ألو.. يلا منااااااال أنحرجت منهم مابقى إلا أنا وأهل العروسه!!
منال: طيييييب حبيبي بس طلبت أغنية وأنتظرها برقص عليها..
مرزوق: اللهم صبرك ياروووووووح !!
منال: حتى بيغنون فيك يازين مرزوق بينهم !!
مرزوق: طوط طوط طوط//

الزمان: 3 فجراً
المكان: على الكنب

مرزوق: ألو .. منال بيأذن الفجر ووراي دوام وتعبت مره!!
منال: طيب حبيبي روح نام إذا وراك دوام .. أنا برجع مع أختي هند
مرزوق: يعني جالس أنتظر كل ذالوقت ليش؟؟ طيب كان قلتي لي من أول!!!
منال: ألوو .. طمبق طمبق .. تررن ترنننن .. ما أسمعك حبيبي بدت الأغنيه .. طوط طوط //

الزمان: 5 صباحاً
المكان: في سيارة هند

منال: الله يعافيتس ياهند مدري وش أسوي بدونتس والله.. زوجي سحب علي ونام وقال تصرفي!! //
هند: وش دعوه حنا خوات لبعض.. ماله داعي هالحكي !!
منال: طيب وصلت البيت .. إقلطي معي خلينا نسولف شوي معك أنتي وبنتك!!
هند: طيب ساعه ماتضرّ دام زوجي مسافر..!

الزمان: 6 صباحاً
المكان: ملحق منال

منال: والله العرس يهبل أنبسطت فيه, شفتي العروسه يقولون شينه!!
هند: لا والله شعرها يجنن بس عيونها صغار مرااا..
منال: بس أحس أنها قصيره وكرشتها بارزهـ
هند: أجل شكلك ماشفتي سكسوكة العريس مايله هههه
منال: عاد البنات يقولون أنه لابس صروال سنه !! //
هند: هااااااااااااو !! شدرااااهم !!
منال: مدري وأنا خيتس والله !!
تهاني (بنت هند): يمّه بطني يعوّرني!!
هند: بسم الله عليتس يابنتي.. شفيتس وش ماكله؟؟
تهاني: ماكلت شي يمه بس مره يوجعني!!
منال: أكيد أنها عين .. أنا شايفه نويّر بنت حصيّص تناظرها طول الوقت!!
هند: بكرا أجل بناخذ (غسالها)
منال: لا مايحتاج, خلينا نشرّبها موية زمزم تافلـ(ن) فيها إمام مسجدنا.. //
فؤاد (توه صاحي مرتاع): يمه شفيكم سمعت صراخ في غرفتي وجيت!!
منال: مافيه شي ياولدي, تعال تعال .. وش ذالأحمر اللي في يدّك ؟؟ مين طقك؟؟
فؤاد (خانقته العبره): أحمد ولد عمتي طقني عشاني لعبت بألعابه وعمتي هاوشتني!!
منال: أنا داريه أنها ماتطيقني ولا تطيق عيالي!! مدري وش خلاني أوديه لها!!

الزمان: 9 صباحاً
المكان: نفس الملحق اللي قبل شوي

مرزوق صاحي من النوم ويدخل عليهم الملحق
مرزوق: صبحهم بالخير.. صوتكم واصل لغرفتي وماعرفت أخمد زي الناس.. ومتأخر عن الدوام ماصحيتيني!!
منال: آسفه حبيبي بس تعال شف أختك وش مسويه بولدك !!
مرزوق: طيب أنتي اللي أصرّيتي يروح عندها!!
منال: طيب عندي أختي هند وبنتها .. شرايك تجيب لنا من أقرب فواّل أحلى فطور؟!!
مرزوق ……………………………………….!!!! !!!!

/
//
.
* ملاحظات:
– تهاني بنت هند شاربه لبن قليل الدسم مع بطاطس ليز بالملح (العصر) .. طبيعي يمغصها بطنها فالليل!! لاعين جتها ولاشي!! //
– الغسال هو يخلون الشخص اللي حسد يشرب عصير وياخذون بقايا العصير يخلطونه مع شيء ويشربه المحسود, أو يتروش به!! //

.
* مايستفاد:
– قال الله تعالى: ((ويل لكل همزةٍ لمزه)) .. والويل: هو وادي في جهنم !!
– وقال تعالى: ((ولايغتب بعضكم بعضاً أيحب أحدكم أن يأكل لحم أخيه ميتاً فكرهتموه)) !! والمقصود بأكل اللحم هو الغيبه!!
– قال رسولُ اللهِ صلى اللهُ عليهِ وسلَّم: أَيّمَا امرَأَةٌ مَـاتَت و زَوجُها عنْها رَاضٍ دَخَلَتْ الجَنَّةَ

/
/

][ الكهرباء والصيف ][

/
.
/
.
/
.
/
.
/
.
س/ شركة الكهرباء .. وين الخطط المستقبلية.. ولا كله توقيع على ورق وإعلانات؟!!
* اللي عندهـ تعليق على إنقطاع الكهرباء في بيتهم أو حارتهم أو ديرتهم حتى يجي يفضفض فيذا .. المساحة مفتوحه للجميع.. قبل يطفى الكهرب!!

/

][ آدم × حواء ][

/

زوج يستأجر رجل لمغازلة زوجته لاختبارها !

اقتباس:
ذكرت تقارير إخبارية أن مواطنا أستأجر شخصا لمغازلة زوجتة كي يختبر إخلاقها . وأفادت صحيفة (عكاظ) السعودية بأن المفاجأة حينما علمت الزوجة ان الشخص الذي ظل يغازلها لشهور ما هو الا مؤجر من قبل زوجها لاختبار إخلاقها .. وكانت الزوجة قد أشتكت لزوجها مرارا وتكرارا من ذاك المعاكس الذي يطاردها في كل مكان لكنه لم يعر شكواها أي أهتمام ثم اشتكت الزوجه لإخوتها , الذين لجأت اليهم لحمايتها من معاكسات الشخص أوسعوه ضربا ليلقنوه درسا لن ينساه مدى حياتة في كمين نصبوه له ما أضطره للأعتراف بالامر الذي أذهل الجميع وخاصة الزوجة.


فعلاً .. شرّ البليّة مايضحك !!
ألحين يوم أنك تشكّ بأخلاقها ليش تزوجتها من الأول !!
بس سبحان الله .. اللي يسوّي الغلط يتوقع كل الناس يسوون مثله !!

زوج يطلق زوجته عبر مكبّر الصوت بعد قبولها ورقة معاكسة

اقتباس:
لجأ رجل إلى مكبّر الصوت في أحد المراكز التجارية في السعودية، ليعلن تطليق زوجته، بالثلاثة، بعد قبولها ورقة معاكسة من شاب غريب. جرت الحادثة حين كان الزوجان يتسوقان برفقة أطفالهما الثلاثة في أحد المراكز التجارية الشهيرة للملابس الرجالية والنسائية. وبعد دخولهما المركز، ابتعد الرجل عن زوجته لشراء بعض الحاجيات التي تخص الرجال، تاركاً إياها لشراء احتياجاتها النسائية. حينها، قام شاب بإعطاء السيدة رقم هاتفه الجوال على ورقة، بغية التعرف عليها. فما كان منها إلا أن أخذت الرقم، ووضعته في حقيبة يدها، دون أن تدري أن زوجها رأى ما جرى من بعيد. وعلى الفور، توجه الزوج إلى السيدة، طالباً رؤية حقيبتها. ولما رفضت، سحب الحقيبة بالقوة، ليجد الورقة التي تحمل رقم الشاب. حينها، توجه الزوج إلى أمين الصندوق (الكاشير)، ليطلب منه مكبّر الصوت، ليعلو صوته بالقول أيها الحضور وأيها المتسوقون اسمعوني وأريدكم شهوداً على ما أقول، أنا فلان بن فلان وزوجتي فلانة بنت فلان فقد طلقتها ثلاثاً وليس لها رجعة بعد اليوم، وفق ما نقلت صحيفة الرياض السعودية الاثنين 31-12-2007. بعدها، خرج الرجل من المركز، واستقل سيارته بمفرده، تاركاً زوجته المطلقة وأطفاله بالسوق، في موقف أدهش مئات المتسوقين الذين تابعوا الحادثة
.

شتـّان بين هالسالفه واللي قبلها !!
يوم حفظته وصانته .. راح يدوّر لها ع الزله !! ويشكك في شرفها وعفتها !!
ويوم حفظها وصانها .. خانته !! وجابت له العار والفضيحه !!

القصة الأولى .. لحواء:
س/ وش موقفتس ياحواء لو دريتي أن زوجتس يسوّي بتس تسذا ويرسل وراتس شباب عشان يختبرتس؟؟!
//
القصة الثانية .. لآدم:
س/ وش موقفكـ يا آدم لو شفت زوجتك مكانها وسوّت بك تسذا ؟ هل بتحل الموضوع كذا ؟ ولا عندك حل ثاني؟؟ ووشو؟؟
//
( اللهم أسترنا فوق الأرض وتحت الأرض ويوم العرض )

 /></p><p> <span style=color: red;>][ ف ـاص ـل ][</span><br /> <span style=color: #000000;><br /> ياحبها يادنيتي وحلم العمر..<br /> ياحبها ياللي بـ يديه كل الأمر.. <br /> كيف الهروب من حبها؟!<br /> وهيه منايا وغايتي!!<br /> كيف أتحاشى قربها؟!<br /> وعنها أداري غيرتي!!<br /> يا ذالقدر وش اللي أقول؟!<br /> شنهي الوسايل والحلول؟!<br /> شنهي حياتي بعدها؟!<br /> /<br /> لملم جروحك وإنسحب!!<br /> مالك نصيب باللي تحب!!<br /> وأرجوك إقبل عذرها!!<br /> هذي الحياة وهذا حكم أقدارها!!</span><br /> <span style=color: #000000;><br /> <img src=http://g.abunawaf.com/2009/8/17/b.s11/a15.gif alt= /><br /> <img src=http://g.abunawaf.com/2009/8/17/b.s11/a22.gif alt=

][ M.M.S ][

هذي التصاميم إهداء من صنع الأخت patchi جزاها الله كل خير, وحقوقها للجميع ..
وخاصه بقدوم شهر رمضان تصلح فالتواقيع, كل من يقراها لك مثل أجره بإذن الله .. والأجور في هالشهر مضاعفه بإذن الله ..

 /></p><p> <img src=http://g.abunawaf.com/2009/8/17/b.s11/2.gif alt=

 /></p><p> <img src=http://g.abunawaf.com/2009/8/17/b.s11/4.gif alt=

 /></p><p> <img src=http://g.abunawaf.com/2009/8/17/b.s11/6.gif alt=

 /></p><p> <img src=http://g.abunawaf.com/2009/8/17/b.s11/8.gif alt=

 /></p><p> <img src=http://g.abunawaf.com/2009/8/17/b.s11/10.gif alt=

 /></p><p> </span><span style=color: red;><span style=color: black;>][ زواج  لايف ][</span></p><p> <img src=http://g.abunawaf.com/2009/8/17/b.s11/w2.jpg alt=
.
الإسم: مناحي أدهم.
المكان: جيبوتي.
مواصفاتي: شاب أطخم ما أدخن إلا إذا سكرت, رومنسي راتبي 1500 على بند الأجور, وأعرف واحد يشتغل في بنك بس مايعرفني.  /><img src=http://g.abunawaf.com/2009/8/17/b.s11/a1.gif alt=
المواصفات المطلوبة: بنوته زي القمر عمرها بين 45 و 50 تشبه لميس أو نور وتكون ركبها بيض.  /><img src=http://g.abunawaf.com/2009/8/17/b.s11/a1.gif alt=
.
الإسم: صيته مرجان.
المكان: السنغال.
مواصفاتي:شابه تاخذ العقل وتطيح السما من الطير, أشتغل مدرسة والعصر خطابة وفالليل طقاقة, أبلغ من العمر 65 سنه فقط.  /><img src=http://g.abunawaf.com/2009/8/17/b.s11/a1.gif alt=
المواصفات المطلوبة:شاب يخاف الله فيني ويحب مزعل فرحان ومايقول لاتاكلين كراث ويكون ساكن في خنشليله وماحولها.  /><img src=http://g.abunawaf.com/2009/8/17/b.s11/a1.gif alt=

أنتشرت قنوات التعارف بشكل كبير.. تحت غطاء الزواج و العفاف والستر وجمع راسين بالحلال..!!
/
س/ هل تعتقد/ين أنهم صادزين في توجهاتهم؟ وأن المتقدمين بالطلبات راغبين فعلاً بالزواج والعفاف؟ أم غير ذلك؟
س/ هل من الممكن أن تتزوج/ين بهذهـ الطريقة؟
س/ من هو القائد العسكري الذي فتح القسطنطينية؟ <~ سؤال خاش عرض..  /><img src=http://g.abunawaf.com/2009/8/17/b.s11/a1.gif alt=

 /></p><p> <span style=color: red;>][ رمـ ض ـانيات ][</span><br /> <span style=color: black;>.<br /> قال الله تعالى: { <span style=color: red;>شَهْرُ رَمَضَانَ الَّذِى أُنزِلَ فِيهِ الْقُرْآنُ  هُدًى لّلنَّاسِ وَبَيِّنَـاتٍ مِّنَ الْهُدَى وَالْفُرْقَانِ </span>} [البقرة:185].<br /> .<br /> وعن ابن عباس رضي الله عنه قال: ( <span style=color: red;>أنزل القرآن كله جملة واحدة في  ليلة القدر في رمضان إلى السماء الدنيا ، فكان الله إذا أراد أن يحدث في الأرض شيئاً  أنزله منه حتى جمعه </span>) . <br /> .<br /> إذا كنت تتصفح النت خل هالصفحة مفتوحة وعدّاد الأجر يزود عندك بإذن الله<br /> <a rel=nofollow href=http://www.tvquran.com/ target=_blank> <span style=color: #217b8d;>http://www.tvquran.com/</span></a><br /> .<br /> إذا بغيت تقرأ القرآن من اللاب توب<br /> <a rel=nofollow href=http://www.quranflash.com/quranflash.html target=_blank> <span style=color: #217b8d;>http://www.quranflash.com/quranflash.html</span></a><br /> .<br /> إنشروها .. من قرأ حرفاً أو سمِعَ حرفاً لك مثل إجرهـ بإذن الله..<br /> والله يضاعف لمن يشاء..<br /> </span><br /> <img src=http://g.abunawaf.com/2009/8/17/b.s11/a22.gif alt=

][ إهداء خاص لكم ][

 /></p><p> <img src=http://g.abunawaf.com/2009/8/17/b.s11/a22.gif alt=

][ م ـخرـج ][
.
يازولها ياللي على الخاطر تمرّ ؟!
عن شوفها كيف أتصبر وأعتذر؟!
كنت أحسبك حبي الجديد!!
وأثاري ظني مو أكيد!!
حبيت وخانـّي الإختيار!!
ضاع الرجا في الإنتظار!!
يا ذالقدر وش اللي أقول؟!
شنهي الوسايل والحلول؟!
شنهي حياتي بعدها؟!
/
لملم جروحك وإنسحب!!
مالك نصيب باللي تحب!!
وأرجوك إقبل عذرها!!
هذي الحياة وهذا حكم أقدارها!!


 /><img src=http://g.abunawaf.com/2009/8/17/b.s11/a22.gif alt=
كلمات / يوسف ناصر

 /></p><p> <span style=color: #000000;>في آلختآم .. أشكركم على  متابعة موضوعكم …<img src=http://g.abunawaf.com/2009/8/17/b.s11/a15.gif alt=
وأتمنىآ آن يحوز على رضى الرحمن ورضآكم وينآل ذآئقتكم كل آبوٍكم .. /><br /> تعليقك على جميع الفقرات أو بعضها وإبداء وجهة نظرك يفيدني جداً .. :$ <img src=http://g.abunawaf.com/2009/8/17/b.s11/a15.gif alt=
اللهم إغفر لي ولكم .. ولوالديّ ووالديكم وأجدادي وأجدادكم وجميع المسلمين والمسلمات الأحياء منهم والأموات (F)  /><br /> </span><span style=color: red;>اللهم بلغنا شهر رمضان المبارك, وإجعلنا من صوامه وقوامه  .. اللهم آمين (F)</span><br /> <span style=color: #000000;>اللهم في هذا الشهر الكريم  تشفي أم مصعب, وتشفي خالتي أم سلطان وترجعهم بالسلامه يارب العالمين.. <img class=EC_inlineimg title=Icon Smile src=http://g.abunawaf.com/2009/8/17/b.s11/icon_smile.gif alt=
سبحانك اللهم وبحمدك , أشهد ألا إله إلا أنت , أستغفرك وأتوب إليك
 /><br /> </span><span style=color: red;>اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني  وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ  شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي  ، فَإِنَّهُ لا يغْفِرُ الذُّنُوبِ إِلاَّ أَنْتَ</span><br /> <img src=http://g.abunawaf.com/2009/8/17/b.s11/a15.gif alt=
.
الإستماع للقرآن الكريم
http://www.tvquran.com
سورة الكهف ليوم الجمعه
http://al-kahf.com
 /><br /> </span><span style=color: #000000;>كتبه وأملاهـ الفقير إلى  عفو ربّه:<br /> باء نقطه شين<br /> <span style=color: #ff0000;>بدر.الشوق</span><br /> وفي روآية / أبو س ـعد<br /> <img src=http://g.abunawaf.com/2009/8/17/b.s11/a15.gif alt=
سلآمـ
 /><img src=http://g.abunawaf.com/2009/8/17/b.s11/a15.gif alt= /><br /> .</span><br /> <img src=http://g.abunawaf.com/2009/8/17/b.s11/a27.gif alt= /><img src=http://g.abunawaf.com/2009/8/17/b.s11/a27.gif alt=

للتواصل

[email protected]


تعليقات 53

  1. كنت انتضر ايميلك بفارغ الصبر وادري اني قروشتك ع المسن بصراحه ايميلك هالمره جايبو ع نقاط حساسه يعطيك العافيه مدري ايش اقول غير الله يزوجك ههههههه وشهر مبارك اصفق لك بحراره ع طريقه طرحك مواضيعك تحيتي لك اخوك مؤيد..^^:D

  2. صبحك الله بالخير …. ايميل شرقت و غربت فيه تقول اخر ايميل بترسله و ماودك تفوت حاجة:D , على طاري البوفيه المفتوح ذكرتني بحج 2007 كانت الحملة توفر لنا الوجبات بوفيه مفتوح جزاهم الله خير لكن للأسف الاخوات انواع الاسراف تلم من كل شي فوق طاقتها و ما تخلي نصيب غيرها اللي رايحة ترمي او تطوف و بالاخير الاكل مصيرة القمامة حرام معصية في طاعة الله يهدي الجميع يارب . لو زوجي يرسل خويه يتقصص وراي ما ظنتي بسامحه و يمكن توصل للانفصال يطعن فيني عند خويه و يخوني ماهو برجال ابدا و مثله اللي طلق زوجته بمكبرات الصوت الله امرنا بالستر بينا و بين بعض فما بالك بين الزوجين هي صحيح اخطأت لكن ما يعالج الخطأ بخطأ …….. و بالاخير اقول جزاك الله خير باتشي على التصاميم الحلوة

  3. مشكووور تطرقت لعدة مشااكل بطريقه ونكه فكاهية وغير ممله وارتباط الاغنيه بالموضووع اعطـاء للموضووع جمال ورووعه اشكرك جزيل اشكر وانا اعتقد انو هذا افضل موضووع …….

  4. اول شي يعطيك العافيه ولي تعليق بسيط على قصة المعاكسه الثانيه الرجل اخطأ وتسرع يعني فضح نفسه وفضحها حتى لو غلطت استر عليها وعلى سمعتك وطلقها بدون فضايح يكفي انه بينكم عيال ترا سمعتهم بكره بتتضرر بسبب امهم وجهلك بمعالجة الموضوع اجل انا فلان وزوجتي فلانه وش الفايده من التشهير وانت بتطلقها هذا واحد اثنين والله اعلم بالنوايا انه الحرمه مو قصدها تاخذ الرقم وخصوصا انها ام اطفال ومعها زوجها اكيد اقلها بتخاف ينتبه لها بس يمكن خذته خوف وسوء تصرف ماتبي زوجها ينتبه ويسوي مشكله وتكبر السالفه انا ماقول انها صح بالعكس في الحالتين غلط بس يمكن هذا قصدها لنه مره وانا بالثانوي واحد نشب لي ومن كثر مانا خايفه وابي افتك منه خذت رقمه وحطيته بشنطتي ويوم راح رميته هو غلط بس كنت صغيره وماعرفت اتصرف 🙁

  5. الصراحة اخوي بدر الشوق موضوعك جاء على الجرح الحريم ما عندهم الا الحش علشان كذا انا ما احب اروح عروس كثير اما بالنسبه لسؤالك عادي اذا زوجي يراقبني مصيره يعرف معدني واخيرا مشكور اخوي اسلوبك رائع وموضوع اكثر من رائع:)

  6. هلآ بدر الشوق ( أبو سعد ) رسالتك حلوهـ والله بس تكفى .. طالبك .. أرجوك .. وفي روآية : بلييز لآتغلط على خنفشيله .. قصدي .. خنشليله .. ترا مآ أرضى عليها و على حوآريهآ .. أنتبه .. ههههههههه لآ والله .. خذ رآحتك .. واقعد ( ذب ) على الحي .. مو على سكآنهآ .. بس لآتفلّها :$

  7. يسلموووو ع الايميل متابعه ايميلاتك داااائمااا وبالنسبه للبووووفيه حق الحريم مو احسن منكم تخيل كل وحده من الحريم تاخذ ملعقه وتلف ع الصواني تاكل بالملعقه وبدون ماتحط لها بصحن قمة القرف شي فضيع وعاد انت حاول تدخل بدررري عشان ما تصادف هالنوعيه وبالنسبه لشركة الكهرب حدث ولا حرج معاناه فضيعه معها ..بعز الصيف يطفون الكهربا ماسكيننا حي حي كل يووووم الدور على واحد من الاحياء ويطفونها مره وصلت طفوها 8 سااعات يقولو ضغط جعل الضغط يجيهم اما اللي مرسل واحد يتحرش بزوجته هذا صراحه مريض نفسي قبل يومين شفت فيلم في 2 نفس القصه ويوم قريت كلامك قلت شكله االاخ مطبق الفيلم ..يعني وصلت في العالم للدرجه هذي؟؟ وين عايشيين احنا ؟؟زوجتك حافظتك وصاينتك وانت جالس ترسل العالم عليها حسبي الله بس وبالنسبه لمواقع الزواج غير ناجحه ابدااا لانه ما يلحأ لها الا اللي يبون المسيار والا اللي فيهم شي ومايبون احد يعرف يعني الشغله ماهي مزبوطه يعني الوحده تتزوج واحد تعرفت عليه عن طريق الشات او النت عموما ولا تتزوج عن طريق هذي المواقع ..هذي وجهة نظري وعذراااا ع الاطاله بس حبيت اجاوب على تساؤلاتك ومشكوووووووور واحنا متابعييييينك دايم وايميلاتك تاخذ العقل

  8. ماشاء الله عليك طرحك بدايتة ترفيهيه ونهايته تعليميه نحتاج لما مثلك ومثل اسلوبك الممتع بارك الله فيك وجزاك الله خير

  9. بددددددددددددددددددددددر !! وينك يابو من زمان عنك تتغلى يعني :$ والله العظيم أطلزز رسايل بتاعتك وإني أنتظرها بفااارغ الصبر وأهم شي لقيت رابط فهاوة ياخي ضيعت الرابط وحست أدور عنه بقوقل 🙁 ع العموم تسلم والله يطو بعمرك ولاتقااااااطع 🙂

  10. يا الله حيهم بجد تسلم الايادي اللي خطت هالكلام موضوعك بطل يابطل بالنسبه للكهرباء معاناة حدث ولا حرج وبالنسبه للانتظار بالعروس الظاهر متمرمط مع الاهل في هالعروس بالتوفيق يابطل

  11. السلام عليكم ورحمة الله وبركاته اسال الله ان يبلغنا رمضان وأن يعيننا على الصيام والقيام الصراااحة انا شفت هالموضوع عن طريق القروب ودخلت الموقع بس علشان اشكرك على هالموضوع الي اقل شي ينقال عنه انه رااائع حقيقة وبدون مجاملة أنا ماتذكر متى آخر مرة قريت موضوع بهالروعة يعجبني اسلوبك الكوميدي الهادف وخفت دمك .. الله يعيطك العافية ويبيض وجهك الصراحة ونستنا وأفدتنا لاتحرمنا من جديدك واستمر بهالمواضيع ..

  12. تسلم بو سعد ع الموضوع بصراحة رووعة واسلوبك مشا الله ماينمل يعطيك العافية ورحم الله والديك يخوي 🙂 ترانا ننتظر رسايلك بفارغ الصبر لاتطول علينا 8)

  13. 😀 يسلمو خيووووو يا مبدع انا تو اشتركت بقروب ابو نواف و اعجبني هالايميل مره و انت تسال عن بوفيه الحريم كانك ما تعرف عن البهم لا فلتوهم على البرسيم:D:D:D مثل ما يصير عند الرجال و اخس انتظر جديدك و ابداعك يا تووووووووووحفه

  14. الموضوع كله على بعضه ذوق .. وشكرا ً لصاحب الموضوع 🙂 شدني تعليق شخص من الموجودين .. المسمى بـ فتى خنشليلة .. ( على فكرة مانيب حضرمي ) .. ليه ياخويا ايش فيه الحضرمي ؟؟ ناقص عنك برجل ولا بيد ؟؟ لاحول ولا قوة الا بالله .. فعلا ً .. المجتمع العربي يحتاج لتثقيف أكثر من اللازم .. اعذروني عالكلام ولكن صدقا ً … لا أستطيع رؤية هذا يحصل وأكتفي بالسكوت . !!!

  15. اللهم في هذا الشهر الكريم تشفي أم مصعب, وتشفي خالتي أم سلطان وترجعهم بالسلامه يارب العالمين.. اللهم امين

  16. ماشالله وفقت كعادتك 😮 موضوع يناقش الكثير من الامور الحاصله في مجتمعنا اول شي بالنسبه لزواجات الحريم بالعكس ما يكثرون مرره اكل و بعضهم يطلع قبل العشا لان يصير متاخر شوي لكن السلبيات الموجوده من الحريم في الزاجات مثلا لما تجي وقت الضيافه ما يخذون شي ابد! من الشوكليت المغلف و تروح بعد ما تخلص الضيافه و تقش لك نص الي بالصينيه بشنطتها حتى طرف القرطاسه نشوفها ولا يروحون عند الصبابات و يسالون كم عطوكم راعيين العرس من قروش والسلبيه الشائعه لما تجي وحده مو من الاقارب مره و تروح عند الطقاقه و تقولها حرااااام!! وقفي وبناتها قاعدات يرصون طيب وش جايبها خلاص اذا ما تحبين الاغاني بالزواجات ارسلي بناتك يسدون عنك و انت سلمي و اطلعي مو تحرجين راعيه العرس قدام الناس !:( وكل مره كذا تجي و تسمع وبعد ساعتين تحس انه حرام يا ناس والله كلكم متعلمين و مثقفين لييش تحصل بعض التصرفات الرجعيه !! بالنسبه لسؤال حواء : صحيح مثل ماقلت انه لو يشك فيها ليش تزوجها من الاساس لكن في امور تتغير بعد الزواج لو حصلي مثل هالموقف ما اطلب طلاق وازعاق وحركات الاكشن يعني يمكن يغار يبي يتاكد خله لان انا واثقه من نفسي من تربيه اهلي ويمكن يكون بيننا عيال فالوحده لازم تفكر بعيالها وانهم لازم يربون وسط اسره متحابه ومتفاهمه لكن الزوجه راح تتغير نظرتها شوي عن زوجها بتصير حذره اكثر لان الي يسوي الشي مره يسويها مرتين ولازم تقدم تضحيه وتتنازل ولا تفتح الموضوع قدامه بالنسبه لقنوات التعارف انا ضدها تماما لو بيدي سلطه كان وقفت بثها لانها تدعو للرذيله مو الستر كل اهالينا تزوجو بالطرق التقليديه و الحمدالله عايشين حايتهم وعلى سنقه عشره و عيالهم تزوجو بنفس الطريقه والحمدالله مبسوطين و بالنهايه التوفيق من ربي مو من هالقنوات !! هههههه محمد الفاتح 8) اسفه عالاطاله لكن تبقى بالنهايه وجهه نظر:D اللهم في هذا الشهر الكريم تشفي أم مصعب, وتشفي الخاله أم سلطان وترجعهم بالسلامه يارب العالمين.. اللهم اعننا على ذكرك وطاعتك وحسن عبادتك

  17. :$:$:$:$:$:$:$:$ روووووووووووووعــــــــــــــــــه منال: شفتي العروسه تجنن موضي: وييييه .. ماعندتس ذوق والله صيته: والله أن المعرس أملح منها .. لبى قلبه بس منال: الصراحه كلهم حلوين موضي: أسكتي بس ماعندتس سالفه .. صيته: أقول يابنات, من ذي اللي كل شوي تناظرنا وتخزّ خزّ ؟؟ منال: الظاهر أنها فوزيه أخت لولوهـ, إنتبهوا منها تراها حسوده!! موضي: يووه شوفوا يابنات خخخخ وش ذالخلاقين اللي لابستها رهف؟! صيته: ماعليتس منها قرويّه ماتعرف تلبس زي الناس !! منال: شوفوا شوفوا ذاللي ترقص وطالع نص ظهرها ماتستحي!! موضي: ماعرف زوجها يربّيها والله!! صيته: حرام ياصبايا لاتحشون ههههه ((((الضاااهر ولا وحده من الحظور حلوووهـ )) حتى العروس والعريس شادين حيلهم بليلتهم ماسلمو من القصب))

  18. والله إيمييييل خطييييييييييير الله يجزآك خيير ويوفقك 🙂 وعلى سالفة المكاسر ياخي مووستخيل وجده فيهآ عرق سعودي ماتكاسر والله صاار ورااثه:~ بس صددق بععضهم ينزززلووون 🙂 وعالبوفيه أنا ماأدخل الا إذا فضى شووي عشان أكل بروقان:D بس صدق إني أنقهر لن الورق العنب يخلص بسسرعه وأشوفه ملياان عالطاولات 🙁 خخخخخ اسمحلي مرزوق رخمممه الله يصلحه:) وعالكهرب قبل أسببوع طفى علينا مشكله في بيت جيرانا فطفوا الحي كله ساعه الاربع :~ ومووقفي من هالزووج قسسسم بالله مررريض نفسي صدددق ماايستحي على وجه يعني ذي مرتك !!ولا البلا تشتكيله 🙁 ما اقوول الا الله يهدي شبااب هالزمن كل يوم طالعينا لنا بحاقه أحسني تحمست بالرد بس جآء بوقته زهقانه وجلست أفصفصه 8) شكرآ والله يجعله في ميزان حسناتك على طريقة النصح الخطيييره استممر:)

  19. بريد مميز كصآحبه .. تسسسلم يمنآك وعسسآك ع القووه يآرب .. بالنسبه لموضوع حواء .. انا لو يحصل لي مثل هالموقف بعصب وممكن توصل للطلاق اهلي مربين ولحمدلله احسسن تربيه مايجي هو ويختبرني اذا مو واثق ليش من الاساس يتزوجني ..!! بعدين كيف بعيش مع شخص مؤسؤس وشكاك :~ هذا تعليقي ويسلموو مرـآ ثآنيه

  20. يسلمووووووووووووووووو بجد الموضوع كله رااااااااااااااااااااااااااائع الله يعطيك العاااااافيه استمررررررررررررررررررر

  21. ماشاء الله الإيميل بحد ذاته بوفيه :$ من كل قطرة أغنيه B مدري أعلق على ايش ولا ايش 😀 بس عنجد ايميل ممتع:D نمبر واحد..بالنسبة لبوفيهات الحريم انواع الزحمة والمدري ايش خصوصااذا كانت الصالة صغيرة..:( نمبر 2..والعبايات تقل فساتين مهب عبايات للستر 8)يارب رحمتك نمبر ثالثا..وقصة منال ومرزوق ذكرتني لا رحنا عرس واتصالات من اخواني وازعاج:( مايدرون ان الحريم لازم يطولون وشسمه : oاما الرجال مامداهم يتعشون الا خلص العرس عندهم 🙁 نمبر اربعة.. اماقصة الزوج يستأجر رجل لمغازلة زوجته لاختبارها ! بصراحة ماله داعي وكلن يشوف الناس بعين طبعه..:( ولا الثاني مسوي طلاق علني صدق شتان بينهماB نمبر5..فاصل تعببت:> نمبر سته..والتصاميم ماررة حلوة B و ][ رمـ ض ـانيات ][ أحلى.. وخاتمة كويسة..:$ مدري أحس إني طولت:$ فعذرا .. { اللهم بلغنا وأحبابنا .. رمضان ~

  22. سلام عليكم اسمح لي ان اعبر عن اعجابي بموضوعك اللي يهيل العقل الصدز انه جااز لي بالحيل سلمت اناملك اخي العزيز وشكرا 😀

  23. ويييييييييييييين موضي صيته منال أسماء طقاقات :D:D يس والله وناسة كنت طفشان ونستني

  24. والله فيني النوم بس ما قدرت انام الين قريت كل الموضوع …. انت مبدع خلاص…

  25. كولكشن روووووووعه .. وانبسطت بقرائتها 😀 واحسن شي كورنيش البرازيل يجنن ,احسن من كرانيشنا ههههه < اكثر شي لفت انتباهي :$ ننتظر جديدك المبدع تحياتي

  26. س/ وش موقفتس ياحواء لو دريتي أن زوجتس يسوّي بتس تسذا ويرسل وراتس شباب عشان يختبرتس؟؟! أفقع وجهه ، 8) توجه الزوج إلى أمين الصندوق (الكاشير)، ليطلب منه مكبّر الصوت، ليعلو صوته بالقول أيها الحضور وأيها المتسوقون اسمعوني وأريدكم شهوداً على ما أقول، أنا فلان بن فلان وزوجتي فلانة بنت فلان فقد طلقتها ثلاثاً وليس لها رجعة بعد اليوم، أحسسسسسسسن تستاهل ،وجه بن فهره :~

  27. شششدني رد أخت العزيزه riyadshadow B والله اعلم بالنوايا انه الحرمه مو قصدها تاخذ الرقم .. إلخ ، لنه مره وانا بالثانوي واحد نشب لي ومن كثر مانا خايفه وابي افتك منه خذت رقمه وحطيته بشنطتي ويوم راح رميته هو غلط بس كنت صغيره وماعرفت اتصرف 🙁 خيييييييييير ، أي إنسانه محترمه يصير لها موقف كذا ، وتحط ببالها بنت مين أنا (K)، ومين أخواني (K) ؟ لاهو ولا عشره من حتت العيل ده يخوفوني أو يجبروني آخذ حاجه تسوي هاله سودآآ حول إسم عائلتي(L) ، riyadshadow عذرك أقبح من ذنب (F)

  28. السلام عليكم بالنسبه للبوفيه عند الحريم بصراحــه احسهم في مجاعه بس على اكشخ شوي(:$خخخخخخخخخخخخخخخ) بنسبه لسؤال حواء كــلـ(ن) يرى الناس بعين طبعه ويعطيك العافيه على مواضيعك الاكثر من راااااااااااااااائعه

  29. ماشالله عليك بدركفيت ووفيت طرح رائع وممتع ومضحك بخصوص البوفيهات تعال ادخل واجلس واتفرج على العالم بعض الحريم تلقاها واقفه عند باب صالة الطعام تنتظر يفتحون الباب علشان تدخل اول وحدهB وتحجز طاولتين لها ولربعها تقول ما كلت من سنه وتشيل صحون المقبلات بكبرها مع صحن الرز واللحم اللي المفروض الناس ياخذون منه كل وحده غرفة رز وقطعة لحم صغيره وفيه ناس يدخلون ياكلون باعتدال ليش لانهم ما يلقون الاحتاحيت وبقايا المفترسات:( وياويلي على الدلع من بعض الدلوعات اللي يدخلون بالاخير ياخذون تفاحه وعلبة مويه ان وجد8)طبعا ترى انا من فئة الدلوعات ولست من المفترسات :~ المهم الزوجه اللي ارسل وراها زوجها رجال يراقبها ترى مو رجال كيف يقبل على نفسه انورجال غريب يلاحق حرمته من مكان لمكان علشان وساوس الشيطان اللي ماليه راسه والمثل يقول كل يرى الناس بعين طبعه عالعموم خليها تأدبه يا يصير رجال ويحط عقله براسه ولا بداله غيره وترى انا صار معي موقف شخصي كنت بأحد السوبرماركات اتقضى للبيت طلعلي واحد كل شوي راز وجهه ورقمه مليت منه اخذت المعلبات وبدون صوت مني رميتهم وحده ورا وحده على رجوله وبعدين ما شفته حرب صامته وش رايكم:$ وأخيراالله يوفقك يا أستاذبدر وتتزوج اللي يحبها قلبك ونصيحه بلاش مسيار ترى ما وراه الاالدمار وربي يفرج همك وكل مسلم ويشفي مرضاكم ومرضى المسلمين ومشكوره باتشي على التصاميم الحلوه ودمتو بألف خير جميعا الله يبارك لنا ولكم برمضان ويجعلنا وياكم من عتقائه من النارآمين

  30. تعليقاتي ,,,, 1- بالنسبه للبوفيه فو الله انك ما كذبت ,,, ياهم مشفح B وفي النهايه يكب الاكل ,,, الله لا يبلانا ,,, و الحمد لله ماني من هم ,,, 2- و كل الاحداث اللي تصير قبل وبعد الزواج ذا سيم ما شاء الله عليك عاجنهم وخابزهم ,,,:$ 3- و بالنسبه للقصص بين الازواج وحريمهم من جد اول مررره اقراها ,,, و بصراحه احس الازواج غلطانين في كل القصتين ,,, (وجهة نظري) 4- و اما شروط الشباب و البنات علشان يتزوجون عجيبه وكل مالها وتزيد تعقيد ( مدري متى يعقلوون ويفكروون بكل عقلاانيه ) 5- تعديل ( هم الضرس ولاهم العرس ) 6- والفواصل كانت حلللوه 7- الله يسلم يد من صمم الرسائل 8- سؤال انا موقع تي في قران كان يفتح معي بس قبل فترة صار ما يفتح مدري ليش ؟؟.؟؟ 9- و في النهايه اقول الله يعافيك على الكلام الرائع والاسلوب الاكثر من رائع واهنيك عليه بصراحه ,,, ** الله يعينك تقرا تعليقاتي ,,,,:$

  31. :Dانا من المتتبعين لمواضيعك الجونااااااااان انا مشتركه في قروب ابونواف ودوم توصل لي مواضيعك وتعليقاتك الروعه وهذا الموضوع فيه حركاااااااات روووووعه حتى الوالده عجبتها التعليقات واندمجت في انتظار جديدك 8)

  32. رآآآئـع..رآآآئـع..رآآآئـع..رآآآئـع..رآآآئـع..رآآآئـع..رآآآئـع..رآآآئـع..رآآآئـع.. اتعــب وانـآ اقوولك موضوعكـ رآآآآآآئع والله انكـ وسعت صدري :$ وانت مبدع دآآئمـآآ الله يوفقك ان شاء الله وتبدع لنـآآ دآآآئمـآآ:D مــبدع..مــبدع..مــبدع..مــبدع..مــبدع..مــبدع..مــبدع..مــبدع.. والله مبدع .. وآآآآآصــل..

  33. والله شي حلو والله يخليك وتفرجينامن هالمواضيع الحلوة……………………. عزيز الياس نمو

  34. مبدع في الطرح ومواضيعك في غاية الروعه وبالنسبه لي لو كنت مكان الي استاجر……………الخ والله لاهين كرامته قدام العالم لانه ليس برجل

  35. أذا انته بالسعودية او محامد الله :> لو جنت في العراق اشلون مشكورررررررررررر على الموضوع

  36. اول حاجة مااارة المواضيع أكثر من رائعة وأخاف أقول سنكيووو وما تكفي والفواصل أكثر من رااااااااااائعة أما السلبيات اللي في الزواجات فليس كما يقال حدث ولا حرج بل أدهى من ذلك فأغلبها ذكرتها الأخت نورة أما ع سالفة المعاكسات فهي أكيد صارتلنا أذكر أول مأخذت شريحتي ماتصدقون واحد ستة شهور وهو جالس يدق وكنت أخليه بلا حراك يدق لمن يطفش لكنه مايأس بديت أرسله أحاديث ونصايح وفي آخر السنة تقريبا شكله أثرت فيه وأرسلي أنا آسف بس وبعدها ماعاد دق هذا يمكن ولد حلال أما البقيه فأضطريت أحول المكالمات على أبويا وأسويلهم كوابيس آآه ايش كمان ايوه ع طاري قنوات التعارف فهي لناس بكل بساطة ….. صراحة ماعندي كلمة غير إنها تثير الإشمئزاز إذا كنت طفشان بس حط عليها وأستانس بالمواصفات العالمية أما ع موضوع الرجال اللي راسل ورى زوجتة واحد هو أكثر موضوع كش بدني منه ….. وماعندي له تعليق …… وكل عام وأنتم بخير ……. تسلم ع المواضيع الحلوة ونتظر جديدك ……..

  37. بصرآحه آيميل وخطرطر وآحلى فقرهـ فقرة .. قنآة آلخطآطيب وخنبقتهآ 😀 بصرآحه آبدعت آهنيك على روحك آلفرفوشيه وخفة دمك 🙂

  38. السلام عليكم ورحمة الله وبركاته بصراحة ما ابي اطول ولكن بغيت أقول الله يعطيك العافية ايميل ماينمل لو غيرك كان من زمان شفت غيره بس ما شاء الله عليك اسلوبك السلس الممتع يخليك ما تقدر توقف >>> سنكرز هههه يعطيك العافية مجدداً بانتظار جديدك ..

  39. لملم جروحك وإنسحب!! مالك نصيب باللي تحب!! وأرجوك إقبل عذرها!! هذي الحياة وهذا حكم أقدارها!! مميز >>>>> من جد ابداااااع مشكور يابدر

  40. والله انك صادتس فكل كلمة كتبتهآآ ..:D ماقصرت .. يعطيك العافية .. ويسعدك دنيآ وآخره ..

  41. ـآهنن ـآهنن . . كيفك يالاطخم ..؟ عسـآك تزقح بسس يرحم امك عطني من هالعروس وـآحد بسس 🙁 توك تدري انوهـ ماينفع معهم اببد .. سبحان الله تقول ماشافو خير بسم الله علينا ماششفت الانثويات كانهم بقر وطابين بملعب ويناقزون فيه << ماغلطت ابد :p ع طـآري العبـآيآت آشوـآ اني قبل مادخل الموضوع رآيحـه اغير عباية الطقاقات حقتي خخخخخخ اللهم أستر بناتنا وبنات المسلمين.. اللهم أسترنا فوق الأرض وتحت الأرض ويوم العرض !! <<آمين يارب اومـآ منـآل هذي يا انهاـآ مهجدته صصح تعجبني والله ليتني اطلع عليها بس مالت عليهم من ششـركـة كهربا رووعوني الله يلعن بليس :s اقوول بدر وراه الموضوع كله زواج لايكون ناوي ولاخبرتنا بس :p patchi < ربي يعطييك آلف عـآفيـه ض1 .. ……. <<فليت امها انا وخششتي :p شسسمه مرررررا موضووعك خقـه .. لاتحرمنا من هييك موـآضييع ض1 .. سـلآمو AraoOoy ^_^ ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : لملم جروحك وإنسحب.. مالك نصيب باللي تحب

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول