صور : كيف تعرف سرعة اتصالك


السلام عليكم
اليوم موضوع خفيف ولكن مهم

من زمان ودي اتكلم عنه.. لأنه مهم وخصوصا عندنا هنا بالسعودية


اعلان





كثير من المشتركين مايعرفون هل السرعه الي واصله لهم.. هل هي نفس الي يدفعون ثمنها
يعني الي هم طالبينها من شركة الاتصالات المزوده للخدمه

نجي ونشوف الخطوه الاولى

ندخل على صفحة المودم
كما هو موضح بالشكل وهذي صفحة مودم السبيد تتش (توموسون)
لأحد الاخوان
وطبعا زي ماتشوفون الخطوات
الي يمين الداون لود والي يسار هو الاب لود
والاهم عندنا هو الداون لود ونشوف انه
السرعه عندي ٢ ميقا
يعني سليم
الي هي ٢٣٤٦

/

وهذا مودم اللنكسس واحد اجنبي بالانتزنت
طبعا هم عندهم الداون لود زي الابلود مهب مثلنا يا حسره

٥١٢
/

الان الشركة المزوده للخدمه سليمه
ورايتهم بيضاء


الخطوه الثانيه
حمل اي ملف وتشوف سرعة التحميل
شوف هالحين انا ٢ ميقا سرعة التحميل ما تنزل عن ال ٢٤٠ الا حالات قليله

/

طبعا اذا سرعتك ١ ميقا راح تكون سرعة النقل ١٢٠
وهكذا وانت نازل ٥١٢ سرعة التحميل ٦٠ وهكذا

يعني مزود الخدمة عندي ممتاز


اما اخر شي وهو

تدخل على هذا الموقع وتقيس سرعة اتصالك وانتظر لحد ما يعطيك
صوره واضحه زي الي انا حاطها والي تبين ان السرعه ٢ ميقا

قياس سرعة الإتصال
/

واخير احب اوضح نقطه … كل حي تخدمة شركة افضل من شركة حتى
مهب حي كامل يعني مربعات تكون شركة بهذا المربع افضل من شركة اخرى
فآنت غير اشتراكك اذا ما اعطاك السرعه الحقيقيه لحد ما تجرب اشتراك يتوافق مع مقسم حيك او مربع بيتكم


واذا تبون العلم والله يا موبايلي برودباند
تحس انك شابك من بريطانيا من شدة السرعه
/
موباااااايلي…متعة الاتصال في حياتي


تعليقات 19

  1. طيب وش رايك اللي عنده إتصال جوال نت مفتوح وبينه وبين البرج 50 متر…,جيل ثالث وزحمة وأخرتها السرعة 80Kbs: http://www.speedtest.net/result/515981206.png علما أن الدايل أب 56Kbs يعني أسرع من الدايل أب بشوي باقي شوي وأصيح من القهر والله

  2. الله لا يوفقكم يا stc .. قاعدين يسرقون سرق عيال اللذينا !! أنا 2 GB والتحميل 1 GB وأحيانا 512 !! :(:(:( بأسنتر عندهم علشان أغسل شراعهم الحراميين !! مشكور يالغالي .. ما قصرت على المعلومة ..

  3. حبيبي عندي الاتصال 1 ميقا .. بس سويت تجارب يمكن طلع اقل من 512 .. يعني وش اسوي ادق على الاتصالات والا ايش.. شي يقهر وقصم باللهـ يجيبون لك جلطه في الكليهـ.. حتى الموقع حق قياس السرعه شف وش عطاني الي سهم تحت 0.12 والي سهم فوق 0.23 حبيبي ياليت تساعدني ومشكور

  4. اذا تبون العلم والله يا موبايلي برودباند تحس انك شابك من بريطانيا من شدة السرعه موباااااايلي…متعة الاتصال في حياتي .. ياليت توضح قصدك سرعتهم عاليه .. ولا ضعيفه عشان أعرف لان انا شغال على عذيب GO وأحيان سرعتهم خيالية وأحيان تطفش وأنت تنزل ملف حجمه 2 ميقا .. ياليت توضح لو تكرمت .. وشاكر لك .. تحيتي ..

  5. اتصآلي 1 ميقآ .. بوم دخلت على صفحة المودم كل شي تمآم ويوم جربت الموقع عطآني نتيجه غير الدآونلود 0.86 B وسرعة النقل عندي مهيب 120 مثل مآ قلت في الستينآت 🙁 يعني وش أسوي 🙁 ؟

  6. السلام عليكم .. كيف الحال .. موضوووع جميل وممتاز .. هذي أسرع شيء جبته بالموقع .. بس كان بـ عام 2008 أتذكر أني نزلت فلم حجمه 700 ميقا بـ 4 ثواني والله اعلم.. هذا الرابط يثبت http:www.speedtest.netresult322181343.png شكراً

  7. الله يعطيك العافية بس لو حطيت الرابط حق الموقع .. كان وفرت علينا المشوار

  8. أخوي يعطيك العافيه على الموقع والله يا هو حلو ويطلع فضايح الأتصالات السعوديه …. لك ودي وإحترامي …

  9. يعطيك العافيه معلومة مهمه وكثير يجهلوها لكن تنبيه بالنسبة للصورة تبع مودم لنكسس .. السرعه عنده 5 ميقا مو 512 بس

  10. عزيزي في الصورة الثانية من قال الأبلود مثل الداونلود??? الدونلود 5120 و الأبلود 512

  11. مشكور الله يوفقك والله ماكنت ادري عن هالطريقة الله يعطيك العافية

  12. وهي تقسيم سرعة الإتصال بالثانية على ثمانية. مثال : 512 ÷ 8 = 64 ك.ب. في الثانية مثال آخر : 1028 ÷ 8 = 128 في الثانية

  13. انا صراحتا ما اصدق هالملوقع لان لو عدت مره ثانية يتغير السرعه الي عطاكياها فكيف اعرف السرعه الحقيقية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور : كيف تعرف سرعة اتصالك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول