صور + فيديو : بابا ما كنك ناسي شي ؟! + هوشة بنت وخروف


يـسـعـد مـسـاكـم
حي الله قروب أبو نواف كلن بأسمه
ان شاء الله الجميع في اتم صحة وعافية
 

نبدا عاد بالفيديو

مشروع لاعب فنان وخطير
بس يبيله صبر شوي


اعلان






الوالد ينسى طلبات البيت نقول ماااشي
ينسى يودي عياله للملاهي نقول اوووكي ونعديها
اما انه ينسى بنته وهي بحضنه ويطير للكورة !! ههههههههه هذا يبيله جلد

لاتفوتكم نظرات الزعل من زوجته بآخر المقطع
كنك تشوف خدامة كارفتها المعزبه لااا ونفس ميلة الفم هههههههه


بنوته صغيرة مسويه زااحفه وقويه عند صديقاتها
طامرة الشبك وتحارش الخروف
بس ياهو رباهااا هههههههه الظاهر من بعد هالموقف من تسمع صوته بتصيح


صـور

هذا يا انه مشفوح او ما اكل له ثلاث ايام
اشوى مااكل اصبعه

الهنود هذولا إلى خمسين سنة قدام ومافيهم فايده هههههههه

هذي قالوا لها ان الايباد ضد الخدش
راحت تقطع عليه البصل والطماط

اشوى خشمه كبير ولا توهقنا به
مشكله لامنك صرت راكب واللي جمبك نايم على كتفك .. ولدي ؟

عملوا عملتهم وهربوا هههههههههه
هذولا اللي ماتقدر تقولهم شي يحوسون ويخربون وتضحك لهم

صواريخ ورشاشات وشيشه !!! وش هالمزاج هههههههه

طيب وين اروح

هذا شكله هو نفسه خوينا اللي فوق اكل كيسة الساندويشه
بس واضح انه واقف سرا في ماك ساعتين ههههه الوجبه لها تقديير

جايعات ماصدقوا شافوا امهم
انا وش فيني على الجوع والاكل ؟

علبة كاتشب رش رش هههههههههه

يعني لا زحمة ولا يحزنون
بس ماسكه معه يسرقها ترى صدق بعض الناس فيه تناحه ومايحس باللي جمبه

اللي راسمها زاااحف

حركة والله للي يحب يلعب برجيلاته على الرمل

ماعندها وقت

هو صح خبل بس والله ذكي ههههههههههه

الله يحوم تسبد العدو
المشكلة ان فيه ناس تكره الحليب ولا تشربه
وهذا خالط حليب وبيبسي .. حلها عاد


———————————

هذا واحد الله يستر عليه
يحب له بنت ومابقى كلمة حلوة ماقالها للبنت ومافي فايدة
قال اسوي حركة جديدة لعل هالحركة تحرك مشاعرها شوي
بس المسيكين مالقى الا مويه في وجهه



—————————–

هذا محل باليابان لبيع المكرونة او الشعيرية او شي زي كذا مثل الاندومي
المهم ان ولد اختي مدمن اندومي خليته يشوف صور المحل والانواع اللي فيه
اشوى كان متعشي ولا كان راح مننا الولد


———————-

من شرق آسيا خلونا نسير على افغانستان << الله من زين التمشيه
هذا ياطويلين العمر مغسلة سيارات وغيار زيت في كابول
ماله داعي حفرة للزيت ومدري ايش هههههههه لقوا شطب بالارض وهذي صارت حفرتهم
الله يعيننا وياهم والحمد لله على النعمة

تـابـعـنـي :
   


تابعوا جديد شبكة أبونواف على فيس بوك وتويتر

   


تعليقات 22

  1. ههههههههههههه هذي مو علبة كاتشب علبة شطة اسيوية انصحك لا تجربها انا جربتها بامريكا ما ادري عندنا منها ولا لا تحياتي

  2. متألق كالعادة بس في ملاحظة على الايباد تراه من جد ما ينخدش والشطوب اللي تشوفها تراها حقت اللصقة اللي عليها. ومادري ليه هياط البزارين كثر هاليومين خخخخخخخخخخخخخ في النهاية سلملي على الخروف الرومنسي الظاهر انه سير علينا تحياتي لك………

  3. بصرآآحه فنان في الإنتقاء والتعليقات رسمت البسمه على وجوهنا 🙂 ألف شكـر لك أستمر ي مبدع

  4. 😀 اللي بالصوره مو كاتشب هذي شطه عندنا في كندا يازين طعمها جناااااااااااااان

  5. والله آنك آحسن وآحد ض1 بس مَ رحمت إلآ البنت نست كيف تطلع !! وآحس الخروف فلهآإ كل شوي يزود المسآإفه ض1

  6. اوووووه الببسي والحليب كان اخوي يسويها منذو مبطي عشان مانخلص الببسي عنه!

  7. وربي مسكين الرجال لقى له خمه محترمه بس وربي مسكين تفشل . وش يحس اللي خالط حليب وبيبسي الله يقرفه يسوي هياط يعووو… بس وربي اكثر شي كسر خاطري البنت اللي تهايط عالخروف وربي مسكينه << مجربتها :$:$:$ والله ابدااااااااااااااااااااااااااااااع مشكوووور…

  8. هههااااااي والله شييييي يعطييك الف عافيه _ اكثر شي اعجبني اللي نايم بالسياره..!!! شكله يحزن >_< خخخخخخ

  9. متابعه جدا لمواضيعك .. وأحلى شيء تعليقاتك ..هههههههه راااااائع استمررررررر:$

  10. ذا المره اتحفتنا ماقصريتاات مرررررره الكوره … ماشاء الله لا اله الا الله ياجعلي ماضره .. وشذا الكائن البشري انا اول مره في حياتي اشوف واحد يفقع الكوره .. العالم لاطاحو طيرتهم مو طيروها الحمد لله على النعمه اما الي طيح بنته .. يشكر على الموقف بيبقا بذاكرة العالم للعمر نكتتتتتته .. ياحليل زوجته بس ولا توهق وجالس يشرح بعد ارتاع يالبى:$ الي تحرشت بالخروف .. ورفسها تستاهل بس مو كنه زودها شكلها قد زودتها قبل ذا المره وكان مكبر عقله:$

  11. الصور روعه والتعليق اتحف واتححححف توني ادري يعني الا كليت المنديل مع الخبزه … يعني جوعاانه B ههه اجل شكلي كنت ارقــع لعمري واقول المنديل لاصق:$ اما الهندي … ههههههـــــــــــــــــــــــههههههه يرحم ام ام ام ام امك خفف من الصور ذي قلبي بغا يوقف من الظحك الاي باد.. لاااتعليقB ويــه قلبي بس بالنسبه للي ينامون عليك بالسياره .. انا اخر مره سوتها معي تابت صار وجها الحين ستريـــــت سيده لدرجة دخل بحظنها:$

  12. صاحب فكرة رشاش الكتشب يحب يمسك قرشه … مدري الشطه … اجل يبي يعيش عياله على ابو رشه راحة ايام اضغط حتا تفرغ العلبه:( ياسلام صراحا ابو تراب .. عيشني جو البراري ودخلني فيه يازينه من احسااس بس من عندك محد سمعك.. بيشوفونه عندنا بيكنسنونه عبالهم من بقايا العج اليومي ماعندها وقت.. اي والله الله يعينا يالبنات بس ويرحم حالنا

  13. ……. اما يابعدهــــــــم لا تقولي.. ماقد شفت البعض من عيالنا … اقول بس ذا يحليله حليب وببسي … الي عنك لبـــــن وببسي وما حل له وطاب بس على هداوه وروقان تعودو يشربونه اما ذا خامــــس صوره مبين شربه بنفس واحد وتوه يتذكر يتنفس وشنتر المناخر الحبيب ابو ورد الاتحاري .. قله لايتعودها زيــن جت على مويه وهي تبتسم .. المره الثانيه تقلب تنين وموية نار ااااااااآآآه جد ياحياتي يالاندومي .. تزيد همي هم انت ترا :$ عوضني وجبلي اياه من تحت الباب .. مو في البيت صاير ممنوع لانه صنف من ضمن 4 اخطر شي في العالم من بعد النووي والخمر والاعاب الناريه 🙁 اشتقتلك ماعليك كلام اليوم مبدع مبدع مبدع و الى الامــــــــــــــــــــــــ ســــــــر ــــــــــــــام

  14. يابو نواف الله يستر عليك في الدنيا والاخرة ؟…………..آمين يارب ….زاقسم باالله اني ميت ضحك من التعليقات اللي عاى الصور اكثر من الصور نفسها الله يخليك ولايحرمنا من تعليقاتك الحلوه .وتقبلو اجمل تحياتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور + فيديو : بابا ما كنك ناسي شي ؟! + هوشة بنت وخروف

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول