سلام يا حلوين ..
هالموضوع يكمل رحلتنا مع سلسلة
"صور طازة وتعليقات أطزز"
وهو الجزء الرابع
وبسم الله نبدأ
.: مواصلييييييييييين !! :.
أعضاء المجلس الشعبي الصيني رايحين في سابع نومه وتاركين
رئيس البرلمان يكلم نفسه
..
اموت وأعرف من اللي مرشحهم..هذول يبيلهم
فندق حرام يدخلون برلمان ..
.: نهاية رجل شجاع !! :.
مصارع السومو يوكوزونا يبي 
يكمل على الضحية اللي كان يتحدى
قبل التقاط الصورة بلحظات ..
واللقطة من مسابقة سنوية في اليابان يتحدى فيها المقاتلين بعض
وكل واحد برياضته اللي يفهم فيها
…
يعني ملاكم يتحدى بطل كاراتيه .. بطل كونغ فو ضد مصارع سومو ..
اي واحد يضارب اللي يبي عادي …
وبعضهم يهايطون ويختارون خصم كبر الثور ويتحدونه
زي صاحبنا اللي بالصورة .. 
يقولون أنه أكل
ضرب سنه في يوم هههههههههههه
.: من أجل لبنان :.
فتاة لبنانية ترتدي ساعة فيها صورة للرئيس اللبناني الراحل
رفيق الحريري وبدأ عدد كبير من اللبنانيين بالتعبير عن حبهم
وفقدانهم للحريري كل حسب طريقته الخاصة
وانتشرت هذه الساعات بين أوساط كثير من الشباب في لبنان..
يرحمك الله يا رفيق الحريري
.: صلع من نوع أخر :.
هذا واحد من أجمل القطط المشاركة في مسابقة دولية لإختيار
أجمل قط اقيمت في العاصمة الإيطالية روما..
الشكل تحفة من جد واتوقع ان صاحبته راميته في سطل مليان "نير"..
او يمكن كانت تجرب عليه الحلاوة ..
مهما كان السبب، باين ان القطو مو عاجبه الوضع أبداً
.:عودة الديناصور:.
ضمن فعاليات معرض طوكيو للتقنيات الحديثة، عرضت إحدى
الشركات ديناصور آلي طوله ثلاثة أمتار ونصف وارتفاعه
متر ونص يمكن تحريكه عن بعد..
هذا الديناصور أعجب زوار المعرض كثيراً وربما سيطرح
في الأسواق العربية عام 2088..
عاد انا ابي واحد أحطه في الإستراحة يحرسها
كان كل يوم الاقي حرامي ميت بأزمة قلبية
.: وخير جليس في الحمام كتاب !! :.
هذي سلمكم الله موظفة في مكتبة سانسيدو اليابانية بطوكيو ..
وصاحب هالمكتبة ضرب له زقارة حشيش على ما يبدو وقرر يطبع
أحدث الكتب على مناديل الحمام ..
قال ايش .. قال علشان اللي يدخل الحمام " أعزكم الله" ما يجلس فاضي
لكن يسحب له صفحة من هالكتاب
ويقراها .. وشوي شوي يكون خلص الكتاب كله ويشتري غيره..
واللفة طولها 30 متر .. وسعرها يقارب العشرة ريالات…
.: لا.. للقرصنة ! :.
منظر يحرق القلب 
آه يالديفيديات اللي راحت وطي
اللي راح اندونيسيا يعرف خرابيط القرصنة اللي عيني عينك
في كل شوارع جاكرتا ..
عفاريت هالأندونيسيين يبيعون لك أخر الأفلام
بسعر ما يتجاوزريالين او ثلاثة …
وتلاقي ربعنا يروحون اندونيسيا بشنطة ويرجعون بثلاث
شنط ههههههههه (ما يقصد أحد أبد)
وعموماً، الوضع ما جاز للحكومة اللي بدأت تتلقى شكاوي
من الأمريكيين قالوا لهم اذا عيالكم ما صارو
رجال ترى بنفرض عليكم عقوبات ..
وفي الصورة كميات كبيرة من الإسطوانات المقرصنة جمعها
رجال الأمن ومسؤولين عن وزارة الإعلام وطلبوا من راعي البلدوزر
يفحط عليها وياخذ له كم لفه الين ما تصير فتافيت …
تعالو حراج الكمبيوتر في العليا وشوفوا العجايب ..
برامج سديق؟يبغا سي دي سديق؟
.: حدث في الصين:.
هالصور لحادث غريب في الصين .. راعي الشاحنة جاي طاير وكان
منشغل في تبديل السي دي وماشاف اسلاك الضغط العالي
وتعلق فيها ومانزل من سيارته الا ببراشوت المسيكين …
يقولون ان الصينيين يعشقون التهور (مثلنا) ويموت
أكثر من 100 الف شخص سنويا عندهم
بسبب الحوادث وبدؤا في تطبيق قوانين صارمة للحد من هالمصايب ..
عقابلنا 
.. نبيهم بس يشوفون حل
للإنتحاريين اللي يعشقون قطع الإشارات
نراكم على خير يا حلو انتا وهو ..
