صور – حريق في محطة + صراف الرياض


بسم الله الرحمن الرحيم
انا عارف ان الموضوع متأخر بقووة
بس هذا العجز وما يسوي
المهم
هذي طول الله عمركم حريق بتاريخ ؟؟؟؟؟ قبل سبوعين تقريبا في محطة الي بين مخرج 10 و 11 وانت متجه شمال
طبعا السالفة وما فيها ان صهريج البنزين الي يعبي قبس = ولع
ليش ما ادري ليش ؟؟؟؟
بما اني ملقوف حاولت اسأل وش السبب بالضبط لكن عجزت اعرف


اعلان





طبعا ترى الكوريلا ميب سيارتي

برضو الكوريلا ميب سيارتي
والي لابس ازرق واسود تراه عامل موب طالب في كلية الأتصالات

طبعا هذي الي الشاشة الي ندخل الرقم السري فيها قل والله
شوفوا كيف صارت اعوذ بالله

هذا الرف الي فيه امهات 100  اما الي فيه امهات 5 وامهات 200  ما ادري وين راحت له هي انسرقت ولا احترقت
حاولت اخذ المية لاكنها لاصقة في الماكينة
بصراحة غريبة على بنك الرياض ما حسبوا حساب الحرايق وحطوا فولاذ ولا اي شي وااقي

يا سفابها  المية  رااحت والله
طبعا اختي الصغيرة يوم شافتها قالت
يعني فلوسنا الي فيها احترقت يا قهررر

والله راااحت فيها

طبعا المشكلة موب في حرق الصراف
الصراف في قريح
المشكلة سيارات الناس الي كانت واقفة في محل التلميع
تخيل انك حاط سيارتك تتلمع ورحت فرحات تبي تستلمها لقيتها كذا

طبعا  الجمس موب اللكزس

وفي النهاية اقول الحمد لله على السلامه وفي الحديد ولا في فينا
والله يكون في عون شركة التامين الي مأمنه عندها المحطة
وشكرا للجميع
ابو عبد الله


تعليقات 9

  1. لازم يعوضون الناس اللي احترقت سياراتهم هم وش ذنبهم تخيلت نفسي حاط سيارتي المعها وفجاء القى المحطه محترقه والله لاموت قهر

  2. السلام عليكم .. سبب حريق المحطة قبل كل شي هو قضاء الله وقدره .. وثانيا هو بسبب مخالفة سائق الشاحنة لانظمة تفريغ الوقود في المحطات والصادر من الدفاع المدني .. وهذا ان دل فأنما يدل على ضعف الرقابه في الدفاع المدني الذي اكتفى فقط بأصدار الانظمة دون مراقبة تطبيقها .. والسلام عليكم

  3. سبب حريق المحطة قبل كل شي هو قضاء الله وقدره .. وثانيا هو بسبب مخالفة سائق الشاحنة لانظمة تفريغ الوقود في المحطات والصادر من الدفاع المدني .. وهذا ان دل فأنما يدل على ضعف الرقابه في الدفاع المدني الذي اكتفى فقط بأصدار الانظمة دون مراقبة تطبيقها .. والسلام عليكم منقول

  4. لاحولـ ولا قوة الا باللهـ .. مثلـ ما تفضلتـ خيووو فيـ الحديد ولا بالعبيد والله يعينـ التأمينـ 🙂 انا اشهد انهـ بيدفع دم قلبهـ كخخخخخخخخخ

  5. الغريب ان الكزس عليها جنط لكزس موديل 99 وهي لكزس 96 وطبعاً عرفت لان سيارتي ددسن يعطيك العافيه التغطيه وافيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور – حريق في محطة + صراف الرياض

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول