صور – اعترف لك اني فعلا ما عرفتك


][ اعترف لك اني فعلا ما عرفتك ][




السسسسلام علاكم ياجماعة الربع ..
ازيكم شو عاملين ؟؟ يبعت لكم حمّي من هون لـ ديار لميس (حقت سنوات الضياع)
والله يا لكم فقده .. خاصه عقب هالمطر الزين <= هذا اللي ماعرف يعبر قام ينصب .. الرياض ومطر.؟!
شكرا لكل من رد علي في مواضيعي ورسايلي السابقه .. واعتذر من من لم يسعفني الوقت للرد عليه ..
لكن شكرا لكم .. اسعدتني متابعتكم لمواضيعي ..<= تقاسموها ورجعوا الباقي هع

الموهم مابدّي طول عليكون فالمقدمات والخرابيط .. لاني اكرهها .. بس مدري شلون تطلع معي مقدمات مفهيه مثلي تال اومري
الموهم .. قبل تكملون ضبطوا لكم كوب شاي .. وروقوا
واللي اتصاله موب دي اس ال انا موش مسؤول ..
ابوعبدالعزيز <= وحشتني ياوحش
وشكرا ابو سوسو ع الصور لبى قليبك يشييييخ
ابو بندر .. انت اطلق شي فالعالم
ابونواف .. لو فيه ثلاثه منك كان القروبات كل ابوها بخير

نخوش دوغري فالموزوع

لا هي نار .. ولا هي ماء
لاهي غيمة .. ولا ظمى
ان حكت غنت سنابل من رضى
والسكوت ان صار نيران الغظى

يارضاها وقف وناظر شوي
شف غلاها ايش سوّا ب قلب حي
كيف حي ولا لقاها
وان لقاها ما بقى ب يدينه شي
غير انه يحتريها


][ صباح الخير ياوطني ][

السودان دايرين يوصلون للقمر .. وحنا جيّدين في سرقة نشرات الاخبار .. وعرض المسلسلات بعد 3 سنين من اول عرض خخخ
هذا برنامج ف قناة السودان يعرض اخر موضه وصلت لها الملابس والبلايز

صح انها خلاقين وملابس قديمه .. بس ع الاقل ماوصلوا لها ربعنا .. ولا ..؟!
ازين شي سووه صباح الخير ياوطني

اطلق شي فالعالم سويته انا .. شفرت قنوات السعوديه كلها ..
صرت ما افتح الا القناة الثالثه .. في وقت المباريات بس .. اذا خربت علي الـ art
انا من رايي يفتحون قنوات السعودييه للمساهمه اصرف لهم ولا يفتحونها شات ابرك خخخخ


][ صور و تعليق ][

هذا عندنا في الكليه .. ورقه طايحه ..
يوم رفعتها واقرا اللي فيها ..
ولا اقول .. شوفوا انتوا اول بس .. :


ماعرفتوا وش الغلط فيها ..؟!
طيب انا اقول لكم
اذا كانت الارقام مكتوبه بالانقلش .. فهو كتب الكلام بالعربي .. وحب يتفلسف بالانقلش بالارقام بس .. يعني يسلك عمره ..
واذا كانت الارقام مكتوبه بالعربي .. ف هو كاتب انه انتظر من الساعه 15 الى 11 , يعني انتظر 20 ساعه ..
انتوا وش تتوقعون هو كاتب الارقام باي لغه ..؟!

هذي المشكله اذا خلوا هندي يكتب لوحة

قناة قطر .. اغاني زمان .. الله يرحمك ياسيد مكاوي .. وياعايشه المرطه .. حسيت انهم هم ههههههههه

على طاري الشاهي .. هذي اطلق شيشه ب نكهة النسكافيه .. قسم ان تخليك مصحصح ومتنّح طول اليوم <= شلون تجي لحدّ يسالني خخخخخ

سمعتوا ب سالفة العنز دولي .. اللي استنسخوها ذيك الايام .. اكيد .. قولوا ايه عشان اكمل .. <= ورا ماتاكل هوا وتكمل..
الموهم .. هذي عملية تهجين ل حمار عادي وحمار وحشي .. وشوفوا وش طلع ؟؟ << الا وش دخل دولي والاستنساخ ؟؟

لحّد يسالني وش يعني تهجين ..؟!
افتحوا كتاب العلوم حق سادس ابتدائي خخخخخ

نفس سالفة خوينا الهندي .. اللي كاتب اللوحه .. ارحمونا ياناس ..

اموت واعرف ليش راكب الدباب وهو ف التريلا ..؟!
يعني يقال لك ب ينسرق مثلا ..؟!
ما اقول الا الله يعين وشسمه ..
ايه الله يعين ظهره بس خخخخ
الا فيه سؤال(ن) محيرني .. تتوقعون مين ب يوصل اول .. الدباب ولا التريلا ..؟! <= جاك المفهي عاد هههههههه


هذا عيب اللوحات المميزه .. اذا ماركبت صح على السيارات الموب مميزه ..
ليتني اركبها بس فالهايلكس 76 اللي عندي .. احس انها راكبتن اكثر هههههههههه

ياسر معه لكزس , سامي معه بي ام , مالك معاذ معه همر (مدري شلون يسوقه) , سعد الحارثي معه كامري الجديده , محمد نور وش معه ..؟!

قد سمعنا بالجسر المعلق … بالقطار المعلق .. بالحدائق المعلقه .. اما بالاشاره المعلقه .. هذي ماتشوفونها الا بالرياض بس ههههههههه

الاشارات المروريه الطبيعيه .. في العاده تقول لك رح يمين ولا يسار .. ولا قدام ولاد يور ..
قد شفتوا اشاره تقول لك (طر) فوق هههههههههه

سؤال الموضوع .. وهو السؤال اللي سالني عنه مصور الصوره ابو سوسو .. الله يعطيه العافيه .. ولا عرفت جوابه المن قال لي .. المهم تمعنوا فالصوره زين : , وقولوا من اي مكان التقط الصوره ..؟

لا تخلوني احلف ان راعي ذالتريلا باكستاني مخالف وما معه اقامه اصلا خخخخ


احلى يا شديد انت ..
امحق دعايه بس ل محله ..

هذا يوم وظفوا الهنود الخكاريا في محلات خطاطين .. شوفوا وش ابدعوا فيه بس خ خ خ

نجي دلواتي لـ صيدات النوم ..
هذا مسيكين نايم عند مركز تصوير .. الظاهر بنت الناس موصيته يصور لها مجلّد ولا بعد خلص ..

وهذا من فلبينية اهل الشرقيه ( لبى قلوبهم بس ) مسكين احس انه شوي ويطيح ..
قلت لولد خالتي رح زيّن راسه واعطيك عشره خ خ خ

هذي الصوره بعد فالشرقيه ..
ولد خالتي تحداني احطها وخليتها يومين المن يبّست هع هع
عاد وشسمه .. تراني ما رجعتها فالكوب مرتين
اتوقع شركة الربيع ب يعطوني نسبة عموله عشان الدعايه هع هع


اه من قلبي نصحته
بس عيّا’ ينتصح نبضه يبيها
اه منه ليه عزّم يترك الكون ويجيها
ما عرفت القى .. لهذا القلب حلّ
الجواب اقفى ب ظله وارتحل
ما بقى لي غير انتي ياغريبه
يارحيل العمر فيني ياحبيبه


بعض الاشياء تعلمك انك عايش فالسعودية 100% :
– تروح لمطعم شواية الخليج .. وتطلب كبسه حمرا ودجا’جتين ونص .. وتصر تطلب (بيبسي دايت) .
– تشترك في بودي ماستر الفرع الذهبي .. لمدة ثلاث شهور .. ولا تداوم الا 3 ايام بس ..
– غالبية عيال الاشخاص اللي يشتغلون في وزارة المعارف .. يدرسون في مدارس خاصه ..!
– المسؤولين عن السياحة الداخليه .. يشجعون لها .. ويسفرون عوائلهم اوروبا وامريكا ..!
– الوزير الفلاني .. يستغفل الشعب .. ويطلق التصاريح والنصائح الهمجيه ..!
قالوا مين سمح لك يا فلان ؟
قال مين منعني اصلا ..!


والله وراحت هيبة الثوب يا قماعه ..

-=- اسئلة نقاش -=-
س – هل انت-ي مؤيد-ه لـ التغيير في موديلات الثياب .. ؟ ولا كذا طقة وحده كله ابيض وخلاص ..؟!
س – هل تحس انك خكري اذا لبست مثل كذا .. ولا تعتبره تطور ..؟! وانتي يابنت .. وش شعورك تجاه الشخص اللي يلبس هيك..؟!
س – تتوقع- ين بيكون فيه بعدين ثوب طيحني او ثوب سامحني يا بابا ..؟! <= شلون مطري عاد ..!
س –  واحد من العوال عام يئول .. انه فيه تشبه ب ملابس النساء من ناحية الالوان والتطريز وغيرها .. وهالشي محرم طبعا في الشرع .. شرايك انت-ي..؟!
س – كم باقي ع الاجازه؟!


][ جب خبز بريال ][

حمد: الو .. هلا يمه ..
ام حمد: هلا ولدي حمد ..
حمد: فيه خبز يمه؟؟ ..
ام حمد: لا مافيه ..
حمد: طيب تبغون خبز ..
ام حمد: ايه الله يعافيك
حمد: طيب وش تبغون خبز مفرود ولا صامولي ولاتوست..؟
ام حمد: لا جب خبز مفرود..
حمد: طيب تبغون برّ ولا عادي ..
ام حمد: جب خبز بر عشان ابوك ما ياكل الا برّ ..
حمد: طيب ب كم تبغون ..؟!
ام حمد: ب ريال يكفي .. مافيه الا انا وانت وابوك ..
حمد: ان شاء الله جاي الحين .. مع السلامه
ام حمد: مع السلامه ياولدي .. والله يحفظك ..!

النتيجة :
حمد كلم امه ب خمسة ريال … عشان يجيب خبز ب ريال ..!


][ البسمة على راس الخدمة ][

ربما تكون شعارات اكثر المحلات مجرد دعايه
ونادرا ما تكون اسما على مسمى ..!

واقصد ب نادرا انه لايوجد شعار اسم على مسمى الا في في مركز معاذ للتصوير .. الذي يقع بالقرب منبيتنا ..


سولفي للناس عنّي
قولي اني ماعرفت اختار من قلبي يحبه
سولفي للناس اني
ماعرفت اقرا وجو5 الحاضرين من الاحبه
اعترف لك اني فعلا ماعرفتك
ماقدرت اوصل مع قلبي ل حل وما فهمتك

تجمعين الضد في كل الامور
غامضة مره ومره مثل نور
تشبهين ايام اوقات الخريف
تمطرين احيان احساسك زهور
صدقيني صرت من بعدك ‘اخاف
واعترف ان الخلاف واسع طريقه
واننا مانلتقي في اي شي .. فينا اختلاف ..!
للاسف هذي الحقيقة ..!

اتمنى انكم استمتعتوا بمقتطفاتي المتواضعه .. واعتذر ع القصور
— سبحاناك اللهم وبحمدك ، اشهد ان لا اله الا انت ، استغفرك واتوب اليك —
سبحان الله وبحمده عدد خلقه ورضا نفسه وزنة عرشه ومداد كلماته


للتواصل
b.s11@hotmail.com


تعليقات 18

  1. شكرا على الصور الطريفة الأرقام بالورقة بالعربي لأنه الحروف التي نستخدمها ونقول عنها عربية هي في الاصل هندية أما الارقام 1 2 3 4 5 6 7 8 9 0 هي العربية الاصيلة

  2. بالنسبة لحمار الوحش فان شكله هكذا عندما يكون جحشا الى ان يظهر عليه الجلد المخطط.. أما صورة على قطع راسي بتجنن هههههههههههههه

  3. يعطيك العافيه اخوي مقدمه أليمه تسدحت من الضحك …اما متعم وجات فرهيبه ننتظر جديدك

  4. مشكوووور اخوي بدر الشوق على المقتطفات الظريفه جداااا تصلح تصير مدرس املاء ههههه مصيد اخطاء العالم بالأملاء >>الله يستر علي ههه اما الاشاره المعلقه ههههههه احلى شي عجيييييييبه ههههه اما بالنسبه لأسئلة النقاش عن الثوووب ج) انا أؤيد التغير في الموديل بس البسيط مو التغيير الجذري يعني تغيير اللون الى لون مقارب للأبيض كالأصفر والبيج او التغيير بقصات الثوب البسيط منها فقط ج)ماادري راح احس ان الشخص هذا عنه مشكله يبي يلفت الانظار بأي طريقه وماتعجبني نوعية الرجال اللي يبالغ بشكله >>بعدين ماقال شي الثوووب الابيض يجنن خخخ ج)نعم فيه تشبه شوي بالنساء يعني مثل وجود التطريز بالألوان المغايره للثوب والالوان ماادري احس فيها شوية انوثه>>حلوه شوية صح خخخ في النهااايه مشكووور على الصور الروعه والتعليق الاروع

  5. خخخخخخخخخخخخخ الله يرجك حتى اشرف حق الكليه وصلت له الله يرجعه بالسلامه على العموم الموضوع اكثر من رائع واهنيك اخي بدر الشوق ولك خلص تحياتي وتقديري

  6. روعة يا اخي الطيب ما وضحت لنا من صور وشروحات وما لدينا اعظم لو لدينا شذرات مما لديك في شبابنا لكنا افضل في كشف الحقيقة والاستعلاء على الظلم وعدم ترك الحال على ما هو عليه الان ولو بدافع الكوميديا الصادقة البريئة حياك الله اختك في الله مملكة النرجس العراقية

  7. اول شي الشيشه و الشاهي اوكي اهنيك عليهم تنفع تفتح قهوه للناس الي مزاجهم دانكن .. والمكان هذاك الشي الي فوق طبعن لاالفيصليه ولا المملكه المكان واللـه أعلم انه من خزان بيت ابو سوسو 😛 لان هذولي شفهن هناااك ورااا من بعييييييد واذا على موديلات الثياب بصراحه بصراحه كذا ومن الآخر ان المصمم خطييير اعجبني >>>>لاحظ ان المصمم اعجبني مو التصاميم بكرا ان شا الله نسمعكم تقولون بروح للمصمم اليوم مواعدني بسوي بروفه ويارب يضبط الثوب على هالخساير .. لووووووووول الزبده الزبده عاد ومن غر مصاله ان الرجال الي يلبس ثوب فيه تطريز اسمحولي اقول عنه خكري وغصب بيحتك بالبنات لانه عييييييييب والله عييييب يلبس ثوب بكم مطرز والا من ورا حركه غريبه الله يستر بس بكرا نشوفها موضه عند الشباب ثوب قصير من قدام و طويل من ورا والا كله كريستال يلق .. يع يلق=يلمع ما ابي اطول بس الصور اليمه ويعطيك العافيه يا بدر ..

  8. زمان عنك يا بدر الشوق , إمممم .. بالنسبه للصورة بتاعت ابو سوسو أتوقع إنها من برج المملكه =D ؟! أما عن أسئلتك .. ج1 : لا صراحه ما أأيد هالثياب لأن الواحد لو يبي يكشخ يكشخ بتي شيرت وجينز .. يعني الثوب له هيبتة بالمناسبات الخاصه .. ما أتوقع له داعي هالتغييرات والخرابيط .. ج2 : ما بعد ثوب الآي بود شي =PpP ج3 : ما أحب أخش بأحكام الدين وأفتي بشي مالي فيه .. بس ما أتوقع ! , هذا والله أعلم ج4 : باقي ثلاث اسابيييييييييييييع وجه متشقق الله يعدي هالثلاث اسابيع على خير .. يخليك لغاليك يا بدر .. لا تطول ( F )

  9. يسلمو بصراحه ايميلك رووعه مرره وضحكت من قلب .. كلش في كوم والحماار في كوم.. امم على طاري الثياب .. بصراحه انا ما اايد اللي يغيرون فيه الا بشكل بسط على يعني اللون وبعض الاختلافات البسييطه لكن اللي انت عارض ..لو يلبسونها شبابنا قلت عليهم العوض ..بصراحه ما احس ان الرجال رجال الا من هيبة ثوبه .. يسلمو مره ثانيه

  10. بسم الله الرحمن الرحيم… يسعد صباحــكـ/مساكـ الصراحة الصوور ماعليهــا كلاآآم تجنن خاصة صورة الإشارة ههههههههههه من قلب ضحكت عليهــا… اما بالنسبة للثيـــاب ابد ابد ماتنفع احس الرجال يكوون فيهــا ماله هيبة<< أخس يالهيبة ههههه والله أن الثووب الأبيض احلى وارتب من هالثياب بكثييير... لا عدمنا هالابداع ان شاءالله و تسلــم ايدينـــك ,,,

  11. يعطيك العافية على الصور اما الخلاقين المطلق عليها ثوب رجال هذا مههههههههههههههزلة ولا اظن ان رجال سعودي مئة بالمئة يلبسها الا للاستهبال تذكرني بقمصان وجلابيات عندنا والله من جد خاصة ابو رقم ,,قميص وابو تطريز الاول ,,,جلابية,,,,, ولا يابناااااااااااات بس يبون يغيرون حتى لو السشيء يفشل فضااااااااااوة يقولون اهل العقول براااحة (:

  12. يسلمو بدر الشرق على الصور الظريفه ونتظر جديدك سؤال : متى الاجازه <<<<<<هع هع هع هع

  13. انا بنسبه لي الثوووووووب ابدددددا ماااايد انه يسوي فيه ولاشي يععع اكره الولد لاجاك مخربط بثوبه ووع احسه مهب رجال والله يعطيك العافيه

  14. بصراحه عمري مافكرت أرد … تعليقاتك تجنن .. أيميلك يوسع الصدر والكلمات العذبه اللي تعطر الرساله قمه في الروعه والأروع الخاتمه المميزه … كفارة المجلس سلمت أخي

  15. يا اخي على ان شكلك ثقيل طينه بالكليه وتجيب الهم لكن والله يجي منك ههههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور – اعترف لك اني فعلا ما عرفتك

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول