صور ، لاتردين الرسايل .. وش اسوي بالورق !؟


السلام عليكم ورحمة الله وبركاته
اسسسسسهم بالخييير << واحد متعيجز يقول مسّهم بالخير ..
ازيكم شحالكم عساكم مناح يامال العافيهـ كل ابوكم ..
شخبار رمضان معكم ؟؟ ان شاء الله صايمين قايمين ؟؟
على طاري قايمين .. مشتهي سمبوسة بالجبن << وش دخل قايمين؟
ابو عبدالعزيز , رغم كل المسافه بيني وبينك الا انك كل ما طسيت لشقرا اشتقت لك اكثر ,,
مشاري
, ياخي انت اطلق واحد فالعالم يفرمت اجهزهـ , ويحمّل بريزن بريكـ , ويصوم للعصر ..
ابو نواف , ليت فيه منكـ اربعطعش .. لا تسالني ليش .. يمكن رقم الحظ حقكـ << برا ..؟!
موسعن صدرهـ , لكـ فقدهـ يالشين .. عطني ذاك الشي :$


اعلان





مجهز لكم اليوم فقرات ان شاء الله تكون خفيفه وطريفه ومفيدهـ في نفس الوقت , وان شاء الله ماتندمون ان دخلتوا فيذا .. وفيه موفاجاهـ فالاخير .. مدري هي سارّه ولا مخيسه مثلي ..
وفيه فالموضوع محاولة تحرّش فبعض الاعضاء هون والله يستر من اخرتها هههههههه
خلونا نتابع الفقرات اصرف من مقدماتي البايخه <= وجه واحد عاض ثوبه ..

][ مدخل .. اممم اقصد مقتل ][

وليله كانت الفرقى
وقالت لي : فمان الله
وليله ذكرها يبقى
على جرحي ولا انساهـ..
/
وجت تاخذ رسايلها
وخصلة من جدايلها
وتديني جواباتي
بقايا عمر بسماتي
وقالت لي : فمان الله

][ مسلسل / كلنا عيال رقيّه ][






















][ سالفة من زمن يمّه ابمرح ][

مرتن من المرات في حيّنا الرائع الجميل اذن الجمعه , وكان ولد عمتي عندنا نايم , ولد عمتي سبقني وراح الجامع , وانا شاري نعال جديدهـ (وانتم بكرامه) وجالس ادورها, الموهم حست البيت ولا لقيت شي , وخذت لي اقرب زبيريه اتعبرّ بهاا ..
رحت وصليت وكل شي , يوم خلصنا طلعت وشفت نعلتي على الرفوف , ولقيت جنبها كيس طايح , خذتها وحطيتها فيه …
انا رجعت البيت مبسوط لقيت نعلتي , يوم سالوني اهلي وانت وش رايح به ؟؟ قلت رايح بذالزبيريه …
المهم .. ما كملنا ربع ساعه الا وجرس بيتنا يرن , طلع ولد عمتي يقول واحد حرامي سرق نعلتي ومعد لقيتها هههههههههههه
ورجع حافي فـ عز الشموس مسيكين …
طبعا الى اليوم مايدري ان اني انا اللي ماخذها ,, ولا كان حقد علي هع هع

مايستفاد :
1/ لعد تلبس نعلتـ(ن) موب نعلتكـ ..خاصة في الاوقات الحرجة
2/ حط نعلتك في مكان امن دائما , لاتنطلها في كل مكان .
3/ اشتر جرجير وخس من حقين الخضار عند المسجد , تراهم ارخص من المحلات ..

][الفقر و الصدقات في شهر الخير والبركات ][

قال الله سبحانه وتعالى: ( فَاتَّقُوا اللَّهَ مَا اسْتَطَعْتُمْ وَاسْمَعُوا وَاطِيعُوا وَانفِقُوا خَيْرا لِّانفُسِكُمْ وَمَن يُوقَ شُحَّ نَفْسِهِ فَاوْلَئِكَ هُمُ الْمُفْلِحُونَ ) [التغابن:16].
وقَالَ رَسُولُ اللهِ صَلَّى اللهُ عَلَيهِ وَسَلَّمَ « انَّ الصَّدَقَةَ لَتُطْفِيءُ عَنْ اهْلِهَا حَرَ الْقُبُورِ ، وَانَّمَا يَسْتَظِلُّ المُؤْمِنُ يَوْمَ الْقِيَامَةِ في ظِلِّ صَدَقَتِهِ »
/
في هذا الشهر الكريم .. هناك عوائل كثيرة تشتكي مرارة الفقر , ايتام ليس لهم عائل , وارامل ليس لهم معين سوى رب العالمين , يغلبهم الحياء والانكسار من طلب المعونة والصدقة من الناس .
فمن استغل هذه الفرصة الثمينه في هذا الشهر المبارك الذي تتضاعف فيه الاجور الى اضعاف كثيرة , فـ طوبى له ..
/
عندما لا نرى اي فقراء حولنا , فليس ذلك بعذر على ان لا نتصدق ونتبرع ,فالجمعيات الخيرية تعرف عناوينهم وارقامهم وكل مايحتاجونه … استغلوا الفرصة , فمنها سد حاجات كثير من المسلمين , ومنها اجر عظيم في شهر عظيم , والاعظم من هذا وذاك ..
رضى رب العالمين ..

][ فاصل ][
في ليله كنها الليله
عرفتك بسمتي وفجري
وليله زي ذي الليلة
وهبتك بالامل عمري
/
ياليت البسمة ماكانت ولا الاحساس
ياليت الدنيا خانتي وكل الناس
ولا خنتي هواي انتي
ولا.. قلتي : فمان الله

.
][ ص ـور ف ـوتو غ ـرافية ][
محاولة متواضعة بالتصوير الفوتوغرافي , مع بعض التعبيرات لكل صورة ..

لاتسرع .. فالموت اسرع ..!

حينما تـ ع ـشق الشوكولاته

انكسار .. في بداية المشوار

سريااااااان

عمر المدخن في تناقص سريع

/

معلومات عن الكاميرا :
نوع الكاميرا :
Nikon coolpix 5900
الدقة :
5.1 ميجا بيكسل
الزوم :
3 × زوم

فيه بعض المميزات الثانيه هنا .. للي حاب يعرفها :
Steves Digicams – Nikon Coolpix 5900 – User Review
انتقادكمـ يهمني + اطلق صورة عجبتكم .,!

مواقع من اختياري .. لاتفوتكم :
المكتبة الصوتية للقرآن الكريم – MP3 Quran
TvQuran The Holy Quran mp3 player online تي في قران تلاوة القران الكريم مباشر
QuranFlash.com ~ موقع القران الكريم

][ صورة غريبه ][
هذي صورة غريبه عجيبه صورتها , شوفوا كيف تداخل الجبل مع الكهوف , وشوفوا لون السور ووش نوع البويه اللي ضربوها به جوتن ولا توكيلات بورش ..؟!

ما لاحظتوا شي غريب فيها ..؟!
شوفوا …

<< بينطق هع هع

][ على متن الطائرة ][
مرتن من المرات .. كان فيه طيارة اقلعت , عاد زي العاده الكابتن يبي يرحب بالمسافرين :
اهلا بكم اعزائي الركاب على متن الخطوط السعوديه , نتمنى لكم رحلة… ااااخ .. وش ذا .. لا لا .. مو معقووول كذاا … تشششششش .. (صوت وشوشة المايك) ..
وسكت الكابتن ..وكل الركاب خايفين ومرتبكين من الموقف ..!
بعد 10 دقايق رجع الكابتن :
اعتذر اعزائي المسافرين منكم , بس المضيفه كبت كوب الشاهي على بنطلوني الابيض.. اااخ بس لو تشوفون وش صار فيه من قداام؟؟!
رد واحد معصب :
طز فيك وفـ بنطلونكـ , تعال شوف بنطلوناتنا وش صار فيها من ورا ..؟!

][ مخرج .. ربما خروج بلا عودهـ ][
لا تردين الرسايل
ويش اسوي بالورق
وكل معنى للمحبة
ذاب فيها واحترق
/
لو تركتيني في ليلة
بسمتكـ عند الرحيل
دمعة العين الكحيلة
عذرها الواهي دليل

في الختام .. اعتذر عن اطالتي , واتمنى اني قدمت ما يليق بذائقتكم .. ويرتقي لمنتهى رضاكم …
طلب صغير اتمنى ان لا تبخلوا علي فيه .. جدتي فشلت عمليتها اللي راحت .. وسوت عملية ثانيه .. وتسوي الحين غسيل للكلى .. دعواتكم لـ جدتي بالشفاء العاجل تكفوون .. وان الله يخفف عنها الامها وتعبها .. ويجعل ما اصابها تكفير يارب العالمين .. اللهم امين ..

سبحانك اللهم وبحمدك , اشهد الا اله الا انت , استغفرك واتوب اليك

اللَّهُمَّ انْتَ رَبِّي ، لا الَه الا انْتَ خَلَقْتَني وانَا عَبْدُكَ ، وانَا على عهْدِكَ ووعْدِكَ ما اسْتَطَعْتُ ، اعُوذُ بِكَ مِنْ شَرِّ ما صنَعْتُ ، ابوءُ لَكَ بِنِعْمتِكَ علَيَ ، وابُوءُ بذَنْبي فَاغْفِرْ لي ، فَانَّهُ لا يغْفِرُ الذُّنُوبِ الا انْتَ

كتبه / باء نقطه شين
بدر.الشوق
وفي رواية / ابوس ـعد
واعتذر للجميع .. بنقطع عن اي مواضيع جديدهـ .. وبفككم من مصالتي .. لوجود بعض الظروفـ .. حتىا اشعار اخر ان شاء الله..!
منتديات فهاوه
للتواصل:
[email protected]

 


تعليقات 23

  1. ههههههههههههههههه اعجبتني شلة القروب وهم يتبادلون الهموم لبى قلبك ولبى موضوعك .. والله يسهل لك ظروفك

  2. فديتك قلبك والله لفيت على كل الهموم مابقى الاهموم قلة مكافات المبتعثين سقطت سهوا خخخخخخخ وندخل فيلم هندي مع شلتك وشوي نقلبها ربابه مع محمد عبده الله يشفي جدتك ويقومها بالسلامه ومانخلى ولا نعدم من طلاتك

  3. هههههههه والله خقق الصور .. احترت اختار اي واحد عشان اتزوجه .. كل واحد يقول الزود عندي .. الله يشفي جدتك ويقومها بالسلامه ويشفي جميع مرضىى المسلمين …. تقبل مروري …

  4. كـ العاده مبدع ونستني بموضوعك واسلوبك الرائع الله يزيدك ويوفقك يابدر الشوق 🙂 كوميدي درجـه اولى مع مرتبه الشرف بلا منـازع 😀 :: :: وجدتك الله يشفيها اللهم رب الناس اذهب الباس عنها اشفي انت الشافي لا شفاء الا شفائك شفاء لا يغادر سقما اللهم اجمع لها بين الاجر والعافيه اللهم من عليها بالشفاء العاجل اللهم اجعله شفاء لاسقم بعده اللهم تولها بعنايتك والطف بها ياارحم الراحمين. اللهم اجمع لها بين الأجر و العافية دمت بود ..

  5. صبآح/مساء الخير بدر موزوعك روووووعه .. بس المفآجأه مو حلوه ابداً ابداً 🙁 إن شاء الله تعدي الظروف على خير .. الله يشفي جدتك وجميع مرضى المسلمين تحيآتي لك

  6. الله .. هو اي ده اي الجمال ده كله اي الحلوه دي.. الله عليك —————————–ههههههههههههههههههههههه بنتظار جديدك يمبدع

  7. الــصور تدنن حلوهـ مرهـ 😀 وتعليقاتك تموتــ من الضــحكـ 😀

  8. والله من زمااان عن هالطله.. صراحه الموضوع رهيييب وسعت صدورناا وبصراحه استفدنا وانبسطناا , اما صور الهنوووود اقلااااااااع .وكله كووم وزمن يمه بنمرح كووووم ياالله قدددم يعني فيه ناس يقولونه مثلناا , اما بالنسبه للصوره والله حلوه وننتظر ابداعك ,, فمان الله

  9. اللهم رب الناس اذهب الباس عنها اشفي انت الشافي لا شفاء الا شفائك شفاء لا يغادر سقما اللهم اجمع لها بين الاجر والعافيه اللهم من عليها بالشفاء العاجل اللهم اجعله شفاء لاسقم بعده اللهم تولها بعنايتك والطف بها ياارحم الراحمين. اللهم اجمع لها بين الأجر و العافية والله انا ردييت على شاان خاااطر جدتك الله يقووومها بالسلامه ياااارب .. ولاني اعرررررف مكاااانت الاجدااااد الله يخليها لكم يااااارب وتشوووووف عياااااال عياااااالك 🙂 وطبعااااا الايميييل مااااايحتاااااااج مميز كالعااااااده

  10. مميز كعادتك ..الله يعطيك العافيه .. بس خاطرتي تكدر في النهاية عشان جدتك اللهم رب الناس اذهب الباس عنها اشفي انت الشافي لا شفاء الا شفائك شفاء لا يغادر سقما اللهم اجمع لها بين الاجر والعافيه اللهم من عليها بالشفاء العاجل اللهم اجعله شفاء لاسقم بعده اللهم تولها بعنايتك والطف بها ياارحم الراحمين. اللهم اجمع لها بين الأجر و العافية شكرا لك

  11. لقد إنني إستانست مرتن بالحيل على هالإيميل 😀 وخاصة شلة السعد وكيف طرحت فيها مواضيع نعاني منها بطابع فكاهي 😛 وبعد سالفة الطياره ياني ضحكت عليها من الخاااطر الله يسعدك و تروح وترد بالسلامه ^______^ والله يكتب لجدتك الشفاء يارب ويقومها بالسلامه وتفرحون بقعدتها بينكم عاجلاً غير آجل

  12. ياخي انا بصراحه ودي اداوم على الوزراء الي قاهريني تقول يصرفو علينا من افلوسهم…او من حسابهم الخاص.

  13. الله يجزاك الف خير على المواقع الجميلة اللي حطيتها بالموضوع ويجعلها في موازين حسناتك وشفي ويعافي جدتك يارب ويخليها لكم اللهم آمين

  14. رهييييييييييبه بس هو صدق الصور شلة ابو نواف نفسي اشوفكم على الطبيعة,, من جد هذولي انتم ولا تلعب علينا,, بس بصراحة اشكالكم:$ سلام

  15. وناسة×وناسة الله يشفي جدتك ويشفي خالتي بعد يااااااارب من الشلل

  16. بس ابي اسئلك بكم شاري الكاميرا 8),, متأكد ان صوره سريان مصورها بالكاميرا اللي حطيتها B ,,

  17. الله يخفف عنها الامها وتعبها .. ويجعل ما اصابها تكفير يارب العالمين .. اللهم امين .. يعطيك ألف عافيه اخوي بدر الشوق ..

  18. :$ الله يرجك انت وخشتك < مسوي فيها يمون خخخخخخخخخخخخخخخخخخخخ موضوع رايق وذوق خصوصا الهموم ابدعت بالتعليقات وجدتك الله يشفيها ويقومها بالسلامه والصور كلها رووعه وافضل شي انكساء في بدايه المشوار ارق تحياتي

  19. جدتي توفت .. خلاص معد ينفعها دعوآت الشفاء 🙁 إدعوا لها بالرحمه والمغفرهـ ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور ، لاتردين الرسايل .. وش اسوي بالورق !؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول