صور، مسيرة الهارلي الخريفيه بكورنيش الخبر


يا مراحب فيكم ون باي ون فور ايفر تو قذر بقروب ابو نواف
الموضوع هذا في الحقيقه جا قبل موضوع كنت ناوي انزله بعد يومين عن وسائل السلامه في مسيرات الهارلي
واللي راح يكون اكثر من جزء .. الجزء الجاي بيكون عن الاشارات الدولية المتعارف عليها باليد . عند استخدامها يجب على قائدي المركبات فهمها والتعايش معها عند مرور الدراجات

و بعدها باذن الله نغطي ( رالي الشرق الاوسط التاسع – بالفجيرة ) اللي فيه راح نقطع ان شاءالله حوالي اكثر من 3000 كم في يوم 17 نوفمبر ولمدة اسبوع وبيشارك فيها مجموعه من ملاك الهارلي السعودي
المهم يا اخوان مالكم بالطويله …. اليوم مسكت معي احط كم صورة لمسيرة سويناها بكورنيش الخبر بدون اي تجهيز

والتصوير كان بسيارة من اللي كانوا يمشون ورانا
طبعا عشان ما يقوم تفقيع الوجه قلت ياولد امسح وجيه العيال احسن ما يدعسونك


اعلان





يوم الخميس الماضي 6 نوفمبر كنا بنادي الهارلي بالظهران وكانو مسوين غداء هناك بصفة شهريه
يوم تغدينا طلعت عالعصريه وانادي عليهم …..
Who wants to prepare for riding with me !!!
(( بالعربيك )) اللي وده ياخذ لفة معاي يقوم يحمي سيكله ———>> نص العيال يسمون الدباب سيكل !!!
طبعا وقفت دبابي عند بوابة النادي عشان الي يبي يصف يصف بالطابور
قلت ياولد رح خذ لك ماء اشربه قبل ينشف دمك مع سواقة ربعنا هنا ( وياقلب لا تحزن )
المهم ما امداني ادخل واطلع الا واشوف لكم 15 دباب وراي ……. بسم الله ….. من وين طلعتوا ……. انا حدي اسوق ب 5 دبابات مو 15 …. على كل حال صرت قائد التشكيل Road Captain
و الشكوى لله …. خصوصا معنا 6 دبابات توهم جدد واول مسيرة لهم بمجموعه و داخل مدينه ويوم خميس وبعز الزحمه
طبعا هالكلام معناه لازم تمشي بشويش و تحاول انك تجاوز عند الاشاره كل المجموعه مو نص راح والنص باقي … وتمسك حارة وحده بالطريق مو كل شوي مطامر بين السيارات وتسوي خياطه باخوياك
مشينا من النادي ماسكين خط الساحلي اللي يمر بالراكه . و انواع المطامر بالحفر و ما اسمع الا صراخ العيال وراي ( مادري هم يهاوشون والا يتوجعوون ) طبعا عشان الامانه و المواصلات كلن يقط المسؤوليه عالثاني ———>>> تهديفه طايره
واخذنا دوار السلام باتجاه الكورنيش الشمالي ومنها عالواجهة الجديده وبعدها للكورنيش الجنوبي (( اللي من جد بهالمكان بعد ما وقفنا كل واحد يتحمد عالثاني بالسلامه )) وبعدها على كورنيش الشبيلي ودوار العزيزيه ورجعنا مع نفس الطريق
وبهذه المناسبة احب اتحمد الله على سلامة زميل الدراسة المهندس عارف السلطان ( الهيئة العليا للسياحة ) على حادث الانقلاب اللي تعرض له عند تقاطع الميناء بدراجته الهارلي

اخليكم مع الصورمسيرة يوم الخميس

– استراحة قصيرة بالشبيلي هاي رايز –

– اغلب اللي يمرون بس يعطون منبهاات .. مادري يحسون براحه عقبها !! –

– جو رهيييييييييب –

– لحظه الاستعداد لتكملة المسيرة –

– ماشاءالله …… مسطرة …. 7 يمين + 8 شمال –

– السرعة 60 كم/ساعه-

– العودة من شاطئ العزيزية –

– اشارة التحلية –

على طريق الدمام – الخبر السريع

وصلنا النادي عالمغرب ونحصل الشباب مضبطين هالمفاطيح

قبل انهي الموضوع
حبيت اهدي لسكان مدينة الجبيل الصناعية الصورة هذه لما شاهدناه من طيب استقبال واحترام الطريق وادب التعامل منهم الكبير والصغير

دمــــتمـ بود
وانتظروا الموضوع القادم عن السلامة و تغطية رالي الشرق الاوسط التاسع للهارلي
اتمنى لكم قيادة آمنه
—————————————————

الرحال
م.ظافر محمد الشهري
عضو مجموعه آيرن كمل

The Rider
Eng.Dafer M. Alshehri
I.C.B
[email protected]


تعليقات 37

  1. اسمحلي ياخوي .. أنا لو أصادفكم بدعي عليكم لييييييييين تختفون من الشارع :~ اي لاتستغرب .. الواحد مو ناقص ازعاج وقلق .. وقبل كل شي بخاف على اللي يسوق معاي من الازعاج والربكه اللي يتصير .. بدون شي الواحد مايسلم .. بذمتكم انتوا مو حاسين بالزحمه ؟! مو شايفين شوارعنا الشوارع ماتنطاق بدون شي شلون اذا شرفتوا انتوا والا بس شي تبون تسوونه وخلاص مومهم غيركم وبصراحه شي ماله داعي .. تضيقون على خلق الله بس .. وقبل كل شي في خطر على أرواحكم حتى لو تمشون بطئ ,, فرضاً واحد دخل عرض عليكم لاسمح الله وقتها شبتفيدكم هالخرابيط .. شوفوا لكم مكان ثاني .. حفاظا على أرواحكم وأرواح المسلمين الله يهديكم .. 🙁

  2. يا اختي العزيزة .. النظام هو ثقافة أمم … والترتيبات وحجم التجهيز اللى نقوم به بالقروب على مستوى عالي من التنظيم والدقة ….. صدقيني لو اتبع الجميع جزء بسيط من تنظيمنا الصارم .. لما كانت هناك مشاكل وما راح تكون شوارعنا أكثر زحمة من شوارع مدن شرق آسيا .. ولكن احترام قوانين السير لشعوب تلك البلدان هو السبب الاساسي لقلة نسبة الحوادث لديهم .. وما يحتاج اخبركم وشكثر ربعنا محترمين قوانين السير وفقنا واياكم لكل خير

  3. . والله ما عندهم الا تقليد الامريكان والا بالله اي رياضة هذي؟ بعدين انا اللي اعرفه ان ملاك الهارلي بامريكا عرابجة على الاقل تشبهوا باناس محترمين

  4. يعطيكـ الف عافيهـ صراحه اتمني اكون معاكم بس لاسف ما ينفع لاني بنت واعترض ع كلام بعض الاخوه

  5. :Dوالله فله هالمسيره والدبابات اتخيل نفسي وانا معاهم واركب دباب كان يطلع شكلي تحفه وكان الجو مره حلو

  6. القروب رهيب و صادفته بنفس اليوم الي تتكلم عنه شغلهم مرتب وماشين بنظام ولا اروع رواعين الهارلي دوم زقرت ليت قروبات دبابات السبورت يتعلمون من نظامكم اقول ليتني معكم بس للأسف ما اعرف للسياكل

  7. اذا جاء الشتاء وصار هدوووء اسمع في أخر الليل حوالي الساعة الواحدة و ثنتين ونص في بعض الايام وانا في البيت صوت ماطور الدباب ( الصراحة شيء ) وهم يمرون على شارع الدمام الخبر السريع (قريـب من حديقة الاسكان او عمائر الاسكان الدمام ) . :>

  8. ياخي وش فيكم اللي يقول زحمه واللي يقول تقليد امريكان اذا قلدنا الهنود ما قلتوا شي بس هذي الحركه مو مخصصه للأمريكان اكثر ابو العالم يسويها واونس من قعده البيت واحسن من المفحطين وش الفرق بينها وبين مسيرة السيارات؟ لو يشوفون اي موكب ما قالوا شي بس على الهارليات وما استبعد يجي واحد بيحرم هالشي اللي ردودهم زعل ونقد اتوقع انه يا طفشان او انه ما تعود على المدن الرئيسيه بالمملكه وعلى شكل الهارليات وحده كامري ويفحط بعد انتوا تابعوا قناة اوتو ون وبتفهمون وبالتوفيق م.ظافر محمد الشهري

  9. لا أرى هذه الريــاضهـ من الرياضات المحترمة . . بصراحة إستعراااااض . . في المدينة وفي شوارع خاصة بالسيارات. . دايم المصــارعين معهم ذولي ؟؟ إيه بالتوفيق . . ياليت تكونون دايم كذا مرتبين . . أقصد من ناحية القيادة وعدم مضايقة السيارات .. تشكراتي إستاذ مهندس . .

  10. ما ادري عن الاخوان اللي يقولون انها رياضه غير محترمه …. والاخر يقول هدفهم الاستعراااض … ياعزيزي انت وهو …. اذا في امكانكم تسافروا زي ما قالكم المهندس 3 الاف كم بالدبابات انا اتحداكم …. بالسياررره ويالله الستر هذه اصول التحمل … بعيد عن المدينه وعن الاستعراض كما ينطق بها عقولهم … والطريق زي مهو للسيارات حق فيه .. فللدراجات احقيه بذلك .. دام انها مرخصه من جهات النقل والاختصاص هذا احنا العرب … دائم نهتم بالامور الصغيره وندقق فيها و نوقف الدنيا عندها !!!! باش مهندس …. الله يوفقكم …. وماعليك من الكلام اللي ما يودي ولا يجيب …. سوي اللي يرضاه الله لكم ثم اللي يرضي ضميركم … وحطوا ببالكم .. لا ضرر ولا ضرار …. وارفعوا راس الوطن عالي الله يوفقكم ويحميكم

  11. اذا كان هذي هوايتكم وما تضر أحد واذا كنتم ملتزمين بالقوانين فأنا يقول الله يوفقكم …

  12. صراحة احلى شيء في الحياة هارلي ركبته واحنا بالمانيا بس صراحه يخوووووووووووووف المفرض مايسوقه الا الرجال لان الحريم مايقوونه بس صراحه رفعتوا روسنا قدام اللي ماينذكرون:D

  13. بصراحه شغل تمااام وتنظيم روووعه .. ننتظر جديدكم .. 😀 وياليت الكل مثلكم بالتنظيم ..

  14. الله يوفقكم على الاقل لقيتو شي يشغلكم وبعض الناس اللي يعلقون كلمهم ماله داعي احس فيه قهر وتعصب يعني الا متى هالكبت على الشباب والله افضل من انهم يتجهون للمخدرات والحشيش اقولك اخوي الى الامااام وننتظر مواضيعك القااادمه وبالتوفيق لك ولمجموعتك ووصلهم تحياتي :$

  15. ناس فاضية ما وراها أعمال دوران بالشوارع وتقليد وضيع لأهل الغرب في طريقة اللبس والكلام والتعامل مع المجتمع ( خالف تعرف ) وشئ دخيل على مجتمعنا هناك أشياء أهم من ركوب الدراجات والدشرة في الشوارع بالساعات الوطن محتاج لجيل شباب عاقل يكمل مسيرة التطور بالعلم والمعرفة الله يهديكم …. الشرهة مهي عليكم … التربية لها دور

  16. مع احترامي للبعض فيه ناس ماتعودت على هذه ولا الومها لأن تربى وترعر في بيئة غير تعود دايم يسمع هذا محرم وهذا تقليد للغرب وهذا ما ادري ايش حتى لو الشيء جايز مع ان القاعدة العامة في الشرع الجواز تشوفه يبحث عن شيء يحرمه غصب طيب مشكلة التخلف عندنا متوارثة ، والتحريم يسري في عروق البعض مثل هذه الرياضة والرياضات الاخرى جداً مفيدة وممتعة ولاضرر منها اذا كام فيها استخدام ادوات السلامة مويجي شخص ويقول هذا تقليد للغرب ، اقول ياعزيزي عيش بالبر عشان لاتقلد الغرب كذبة وصدقها البعض ، هنا يجي دور مشايخنا اللي مع الاسف هم السبب في تخلفنا ، ماغير يتصارعون ويبحثون عن اي شيء يحرمونه وياقلب لاتحزن

  17. بصراحة اهنيكم على رياضتكم الحلوة هذي واهنيكم على هالنظام الي شفناه بالصور انتبهوا لأنفسكم ترا شبابنا غالين علينا والله يوفقكم ..

  18. ما اقول الا الحمد لله على نعمه العقل تقليد للغرب واللي يقول غير كذا يغالط نفسه المشكلة ليت التقليد بالشي النافع دايم ما نقلد الشي الغلط اجل ما لقيتو الا تقلدون عرابجة امريكا حتى الاشكال واللبس مدري وش يبي ما اقول الا الله لا يبلانا ويحلل عرابجتنا عندكم

  19. صدقت اخوي عبدالله السالم فيما قلته لكن اعتقد انه خانك التعبير فيما ذكرت عن المشايخ المشايخ لم يحرموا الهارلي ولكن ان حرموه سوف يزالون مشايخنا وتوج رؤسنا ويكفي انهم ورثة الانبياء.. فاحذر فلحمهم مسموم…………….

  20. لهالحين والناس ما استوعبت ردي قالوا ايش قالوا تقليد للغرب من زين جلسة الاستراحات ولعب البلوت وانا والحمدلله ما جربت جو الاستراحات والبلوت ولا كوره ولا بلاي ستيشن وما يلعبون الا وينينج اليفن وبلاي ستيشن تو بعد وكل حياتي بتصير بإستراحه واكيد انكم مع اللي ما يبون سينما اللي هي عباره عن بروجكتر وسبيكرز انتوا لو تعيشون حياتكم شوي راح تطول اعماركم بإذن الله وفيه اللي يقول تقليد باللبس… ترى حتى الاجانب طاحوا بالشماغ بدال السكارف ولا عملوا عندهم لجه وعفسه… وحتى انهم لابسين لبس ساتر ومو لابسين شورت ولا لو ويست… ولا تبونهم يسوقون الهارلي بثيابهم هههههههههههه واللي يقول عرابجة امريكا اصلاً سواقين الهارليات بالغالب مو عرابجه ويتقيدون بالقوانين ولهم برامج تلفزيونيه تعرض مواهبهم بالتعديل الداخلي والخارجي.. اما انتوا متأثرين بالأفلام… وانا اعتبر سواقين الشاصات عرابجه واقسم بالله ان عرابجة الشاصات والهايلوكسات اردى من اللي يطلعون بالافلام وبعض الناس تقول البلياردو تقليد للغرب يعني تبونا نلعب كيرم؟ زبدة الكلام اللي يسوونه الشباب فله وسعة صدر ويتقيدون بالقوانين اما اذا تبون وناستنا استراحات بالصيف وبر بالشتاء 24 ساعه 7 ايام بالاسبوع فالصراحه ما ذقتوا طعم الوناسه والتغيير وبالتوفيق م.ظافر محمد الشهري

  21. ابي اسألك انت لحمك طيب لذيذ يعني ؟؟ اجلد فيك واصلخ ليل نهار واتلذذ بلحمك بس العلماء والمشايخ لا اعوذ بالله لحمهم مسموم ؟؟؟؟ ياخوي ربنا سبحانه وتعالا خلقنا سواسيه اذا الله سبحانه وتعالى ضمن للمشرك والكافر حقهم ان كانو مظلومين حتى من المسلمين ؟؟ انا ماعندي اي تعليق عن الموضوع وعن التحريم من المشايخ انا تعليقي عليك وعلى هالجمله اللي اسمعها من زمان ولا انا راضي عنها؟؟ تحياتي ومودتي ..!!

  22. هذا والله التخلف انا اسأل يقدر الواحد يفتح بيت ويتحمل مسؤلية وهل اذا تقدم على احد بيقبلة بهذا الشكل الحمدللة على تعمة العقل والله لا يبلانا كل يومة دوران فى الشارع كيف الامة تنهظ وهذا مستوى تفكيرهم الغر ما عليهم شرهة

  23. أنا أشوف أن الدنيا أظلمت:~ وما جبتو لكم صورةB عند المسجد ملبقين سياكلكم علشان تصلون ولا على الأقل صفيتو صفين يال15 وصليتو:( لأن الرسول صلى الله عليه وسلم قال : هذا أثنيتم عليه خيرا ، فوجبت له الجنة ، وهذا أثنيتم عليه شرا ، فوجبت له النار ، أنتم شهداء الله في الأرض .

  24. ما عليك من الي تعليقاتهم ضد هالامر استانس وانبسط لا سويت شي حرام ولا عيب كل السالفه انكم اختوا فره بالدباب بشكل جماعي وبس وين الغلط تدرون الهند عندها نفس الحكاية و لا بس اي شي فيه امريكا لازم يكون غلط واحب اقولك تسلم على اخر صورة الي فيها الجبيل …ولو هذا اقل من الواجب

  25. ههههههههههه المسيره حلوه ولكن اتمنا مايخرجون الى الصباح حتى لايكن هناك ازعاج

  26. :~:~:~:~يفلدون الغرب بكل شئيا والله تفاها بلبسهم واشيئهما:~:~:~:~ :~تفاها:~:~:~

  27. فلونا الله يهديك شفيك شبيتي على الرجّال الرجال بحاله ولا سوا لك شي , مهب عشان ثنين ازعجوك تقومين تدعين على كل واحد معه دباب 🙁 وبعدين الزحمه من السيارات مهب الدبابات ,, وسالفة واحد يدخل عليهم عرض ويصدمهم ترا حتى اللي بالسيارة معرّض لهالشئ ,, وسلامتكم

  28. الحديد فيه منافع للناس ولكن فيه ايضا بأس شديد اللهم احفظ من يسوقون هذه الدراجات البخارية قولو ….( أمين )…..

  29. ليتهم تشبهوا بقدوتهم محمد صلى الله عليه وسلم والعجيب أنهم حتى في طريقة لباسهم نجدهم يقلدون الغرب فالتقليد الأعمى هذا احد الأسباب شبابنا تفننوا بالتقليد ولو كان ذلك ضد مصلحتهم المهم انهم يقلدون فلان وفلانه ولايعلمون ان كل ذلك ضد رجولتهم وضد دينهم الحنيف وأسألهم عن صلاتهم التي ضيعوها والله المستعان الى متى ستظل قنواتنا العربيه عنصر هدم لابنائنا نساله الرحمه والغفران من مثل هذه الامور

  30. الله يوفقكم يا شباب مسيرتكم كانت في غاية الروعه وبالتوفيق وانا واحد من راكبين الدبابات بس مش هارلي اركب القولد وينج هوندا واذا ما في مانع في المستقبل اشاركم في المسيره يكون لي الشرف. ودمتم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور، مسيرة الهارلي الخريفيه بكورنيش الخبر

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول