شيء في صدري


السلام عليكم
حيالله قراءنا الحلوين والطيبين اليوم موضوعي جدي شوي===>جدي ولا عمي
فعشان كذا ارجو الانتباه

وا سفاه على بعض الشعب
قال تعالى ( يا أيها النبي لم تحرم ما أحل الله لك تبتغي مرضات أزواجك والله غفور رحيم )سورة التحريم
هناك ثلاثه امور حايمتن تسبدي هاليومين

اولا :
وانا رايح المسجد الا عد المسجد اشوف اثنيان من الورعان يتضاربون ولا بالنعل ويالها من مصارعه قويه واحد على ما اظن بو 10 سنوات لان القواعد عنده بالنطق مش ولا بد
والثاني 11 سنه لان مقاس نعوله اكبر من الي متهاوشن معه بدرجه
وافكك بينهم واسالهم يعنني برنامج افتح قلبك لجورج قرداحي
قالي بوعشر سنوات قاعد يقول اسم امي قدام العيال وقمت ضربته




وياخزياه يوقل اسم امك لا بعدي

ياخي قال اسم اامك مو اسم اختك وش فيها لكن هي على الاساس مو ….يعني الولد هذا من وين جاب هاعصبيه وغيرته على ذكر اسم امه
الا من هالمجتمع لو كان الامر فيه عيب ولا حرام كان احسن الخلق حرمه علينا ولم يذكر لنا اسم امه وبناته و زوجاته

حتى اذكر مره من المرات اشتغلت باحدى المستشفيات الخاصه صيفي
كنت موظف بالاستقبال
وفي واحد جايني كاشخ موظف باحدى الشركات المرموقه عندنا بالشرقيه
واقوله تبقى تعالج من يعني ابقى اسم المريض الي بدخله على الطبيب
اشوف الرجال يتلفت يمين وشمال ويحذف علي ورقه تقول يرقمني ولا معطيني ممنوعات
يوم افتح الورقه الا فيها اسم زوجته وياخزياه
زين قوله وش فيها لا عيب ولا حرام استغفر الله العظيم ولا ياريت اسم زوجته يفشل اسمه اي اسم بنت عادي يعني ليش الحرج ياخي دلنا بالالفيه خلاص بطلوا حركات ولد فلانه وياعيبي وياخزياه


والحدث الثاني

جاني واحد من الشباب جويعي ميت من الجوع يتعصر تقول صايم يومين قلت عسى ماشر ياخي العزيز قال هبلي من مال المسلمين
فطلبت من الوالده متكرم بان تقيم له مادبه عشاء فاخره
على شرفي
يومن ادردش معه على العشاء اقوله وين اهلك قال رايحين زواج اختي
وانت وراك ماراحت ليكون متزاعلن معها ولا شي

سمعوا الرد
قال افا تبقاني اروح عرس اختي والليله دخلتها

ليش طيب تحرم شي وربي احله وهذا الرجال الي ماخذ اختك دافع مهر ومسوي اشهار للزواج مو فضيحه عشان ماروح زواجها
استغفر الله
استغفر الله
استغفر الله

المشكله هذا الولد يدرس بكليه ويقول هذاالكلام بكل ثقه ويعني بكل اقتناع
ياخي ليش كذا غصب البنت عندهم بتعتبر مضدهده اذا كان في ناس تفكيرها هالتفكير
بعدين منت مجبور تروح للعرس ذا ولا نت مجبرور تحرم على نفسك شي ربي اباحه


الحدث الاخير

هو ان في واحد بيتزوج وناقص عليه فلوس
عادذي فلوس ايش
فلوس لازم عندهم ومن عاداتهم
ان يعطي ام العروس 10 الاف ريال ززياده على المهر
هالله هالله على التطور

وين اليسر بالزواج
وين كلمهالاسم يسر مو عسر
استغفر الله

المشكله هالمواقف تصير في بلاد الاسلام
وكاننا نعود لعصر الجاهليه

هذا الي عندي والسلام عليكم ورحمة الله وبركاته


تعليقات 21

  1. يااخي تبي تشارك شارك بس بموضوع مهم بس مو زي موضوعك هذا الله يفشلك والله اني قاعد اضحك ماتوقعت فيه احد عنده زي هالسواليف الي ماترقع

  2. والله ما يفشل الا اللي يفشل ..سبحان الله .. في بهذا الزمان ناس تفكر بهالطريقة ..وهو مسلمين ..مني فيهم هذولين بيرجعوا العهد لعصر الجاهلية

  3. اخي الغالي اوافقك الراي بوضوعك الراقي وخطواتك جريئه تدل على تربيتك واصلك وربي يحفظك اما بالنسبه لتعليقي الاول وهو ان بعض الناس المتخلفه ترا ان اسم الام او الاخت اوالزوجه عار اوفضيحه واقول بعضهم متخلف رجعي وكأنه يعيش في عصر الجاهليه نسوا ان نصف المجتمع النساء.. نسوا ان الرجل لايكمل دينه الا باقترانه من امراءه نسي انه خرج من امراءه وان له من الاقارب النساء من هن افضل منه خلقا وعلما نسي عهد الرسول وصحابته وكيف كان دور السيده عائشه نسي ونسي او اقول بالاصح تناسى او استغبى كماقلت ارجع ذلك للتربيه والتنشئه اللي عاش فيها من يرا ان اسم المره عار اما بالنسبه لزواج الاخت ارى انه ليس عار وانما ما اراه في مجتمعي البسيط ارتباك من قبل اهل العروس وفرح من قبل اهل العريس وذلك خوفا على مستقبل الفتاة وهل صلح اختيارهم ام اخطأ اي انهم فرحون بترقب وتعليقي على الحدث الاخير ليس بكل العوائل وانما قبائل عن قبائل والحمدلله لم نصادف مثل تلك الحالات واكثر فتياتنا مهرا 50 الف بها كل اللوازم الخاصه وحتى ادوات المطبخ وان ارادت به مشاركة في تكاليف فرحها وتعليقي الاخير لصاحب اول رد (ماهمني) ردك ان دل على شئ فانما يدل على اخلاقك الحسنه وليس منا من يحبط حزم اخاه المسلم وان كنت اظن انك من هؤلاء الذين يرون ان المراءه عار استغفر ربك لاحرمك نعمه الزواج وذرية من نساء وشباب

  4. كلام سليم جداً الله يعطيك العافية … بس بجد النوعيه ذي ماينفع معها الحوار . هى اعتقاد متوارث للاسف .. تشكراتى لك ..

  5. السلام عليكم ورحمة الله وبركاته .. بصراحة فتحت موضوع يعاني منه مجتمعنا للأسف .. ويسألون ليش ما نتقدم ونتطور ..؟ وين نتقدم وفيه مثل هالأشكال اللي عقلياتها صغيرة ومو راضيى تقتنع بأتفه الأشياء .. سالفة اسم المرأة شي رافع ضغطي .. بجد ليش وكيف نشأت هالفكرة في روسهم ..؟ بس تدري .. كل واحد يخرب على الثاني .. يعني واحد ما عنده مشكلة بهالشي .. يخربون عليه ويقولون : أنت صاحي تقول اسم أهلك ..؟ فـ يغيرون نظرته .. وبالتالي هو يأثر برضو على اللي حوله .. أما سالفة إنه عيب يحظر زواج أخته .. هذي أول مرة أسمع فيها .. بس وربي هالأخو ما نعتز فيه .. ولو هو أخوي ما تشرفت بأخوته .. بجد شي غريب .. مجتمعكم ذا فيه بدع .. الله يستر بس .. أنا السالفة الثانثة وهي إن الزوج يعطي أم الزوجة فلوس .. ليش ..؟ هو متزوج الأم ..؟ وش دخّله فيها يعطيها ..؟ عسى مو مسئول عنها ..؟ أقول .. هذا تخلف .. وتعسير زواج .. شبابنا يا عمري مو لاقين أحد مقدّر وضعهم .. << طبعاً العاقل منهم .. بس يالله .. نتمنى لهالأشياء الزوال وبسرعة .. يعطيك العافية .. ويا أخوي : ماهمني .. من الرائع الواحد يقوّم نفسه بالأشياء اللي في مجتمعه .. لأنه بعدين إذا مسك منصب كبير بيعرف يقوّم الأشياء الكبيرة .. وكل شي له بداية .. وإلا وش تبينا نحكي عنه ..؟ عن قضايا فلسطين والعراق اللي كلامنا فيه ما يودّي ولا يجيب ..؟ غديـر ..

  6. اول موضوع صارحه سمعنا فيه بس ثاني موضوع انه ما بيحضر عشان زواج اخته والله فطست من الضحك ماني مصدقه اول مره اسمع فيها اتوقع انه الواحد يفرح ان اخته بتتزوج شكرا على الموضوع الشيق ويعطيك العافيه

  7. يارجال عساك سالم بس.. بس ما أقول إلا الله يعطيك العافية بصراحة كفيت ووفيت وطبيت فيهم وبقوة في السوالف هذه والله يعطيك العافية 🙂

  8. الاخ كاتب الموضوع لا اقول الا أصبت في كل ما أوردت سابقاً أما الاخ صاحب التعليق الأول أعتقد أنه من الناس الذي يعتبر المراءة عار ويجب إخفائه و عدم الافصاح عنه وقالوا قديماً (( الضحك من غير سبب قلة …….)) والسلام

  9. والله انك صادق .ز ومو بس كذا .. لا ابشرك .ز تخيل طلاب المدارس اذا طلبتهم الادارة كرت العايلة يغطون على اسماء البنات في الكرت بالقلم الاسود .. لا والمدير بكل اريحية يقبلها ولا يقول لهم نص كلمة .. شكلهم يحسبون ان صورة وجهها تطلع في اسمها .. عشان كذا يغطونه … الله المستعاااااان على هالتخلف .. موضوع جميل اشكرك عليه .

  10. بارك الله فيك بارك الله فيك بارك الله فيك كلام ثقة وجراءة جميلة تتساهل كل خير ياخوي وفعلاً بحاجة الى غسل مخوخ وعقول بعض الناس بشأن هالعادات الجاهلية السخيفة اشد ع ايدك واقول لا تخلي شيء بصدرك اكتب وارتق والله خير معين وفقك الباري لما تحبه وترضاه وابعد عنك كل سوء وشر اختكم في الله زهور البلوشـي

  11. يالله في ناس للحين كذااااا كله كوم و الرجال الي ما حضر زواج اخته كووم ثاني .!! يالله لا تبلانا

  12. موضوع رائع ..سلمت يداك ولي بعض التعقيب..اذا سمحت لي… منذ متى كان اسم الام ..عيبا… والله لو كانت عيبا ما جعلت الجنة تحت اقدامها.. واذا كان اسم الزوجة عيبا ..فلماذا تتزوجها؟؟ واذ كان حضورك لزواج اختك ومشاركتها في فرحتها ..عيبا .. فابحث عن زوجة مقطوعة من شجرة حتى لا تلحق العيب باخوتها.. اما ام العروس..والتي تريد مهرا هي الاخرى ..فنصيحة لك ان لا تتصرفي في مهرك لانك ستعطيه لابنك يوما ما ..مهرالأم عروسه..

  13. هذه من عادات البدو وهذا الشيء موجود في المنطقة الوسطى والشرقية أما في الحجاز فذكر اسم الأم أمر طبيعي عندنا بعض الحجازيين كانوا يذكرون أسماء امهاتهم لكن بعد سخرية الناس منهم والضحك عليهم أصبحوا يرون أن ذكر إسم الأم بين أهل الرياض أمر عيب

  14. حقيقة مشكور على هذه المواضيع لأن فعلا في عقليات متخلفة بالنسبة للموضوع الأول ويرجع للثقافة المكتسبة عفوا المتفحمة الموضوع الثاني هذا عايش في أيام الجاهلية ونسي أن هذه فطرة الله أما الموضوع الثالث فعلا في أمهات وقبايل للأسف هذه شروطهم أنا شخصياً أعرف صديق لي أم زوجته شرطة عليه 20 ألف ريال وإلى لآن وهو ملك له سنة ولسه ما دبر المبلغ فما بالك بالشقة وحق القاعة وإلخ فالله المستعان أبو عبدالملك

  15. جزاك الله خير عالموضوع المهم واللي في رايي يفتح بعض العقول اللي اصابها العفن الجاهلي؟؟؟؟؟؟ وزين انك طلعj اللي بصدرك وماكتمت ترا الكتمان مب زين خخخخخخخخخ خلنا عالموضوع الحدث الاول: طلعت هالظاهرة منتشرة فكل مكان يعني مب بس في السعودية؟؟؟؟؟؟؟ مرة من المرات ولد الجيران بو9سنوات يبي يدرس في بيتنا وفجأة ولد اختي يبي يضربه قلتله ليييييش؟؟؟؟؟ <<<طلعت نفس الاجابة اللي ذكرها ابو 10 سنوات(اللي ذكرته)؟؟؟؟؟ ظاهرة غريبة جدا؟؟؟؟ ______________________ الحدث الثاني: ماعرف شقولك صدمتني بهالموقف؟؟؟؟ معقولة في ناس يحملون هالافكار وبهالعقلية لااااه ومسوي روحه في الكلية؟؟ الله يستر عيل؟ ____________________ الحدث الثالث: ما اقول الا الله يعين الشباب عالزوا ج والله محدن جبره ياخذ من هالعائلة اللي تقصم ظهر البعير قبل لاتقصم ظهر المعرس بكثرة الطلبات اتوقع الام اللي بتتزوج مب البنية؟؟؟؟ ألف شكر على هذا الطرح المفيد.

  16. تسلم على موضوعك يا سيدي… ما أقدر أزيد عن اللي قالوه الأخوان والخوات الله يجزاهم خير بتعليقاتهم… لكن بقول ان أكثر ما حزني وأثر فيني مو الحدث 1و3 ولكن ال2 لأن اللي سبق ذكرهم شبعنا من كثر ما نسمع عن مثل هالناس وياما نصحناهم وياما نقدناهم على الملأ ولكن مثل ما يقولون لاحياة لمن تنادي…. لكن يا عزيزي معقووول يكون في ناس بهالدرجه من الجبروت والطغيان والكبرياء ان الواحد فيهم ما يحضر زواج أخته ليه هو كان عيبه عليه يوم تزوجت وانعقد قرانها على ابن الحلال وإلا وشو … يــــــــــــاخسارة اننا نوصل في هالزمان للدرجة اللي تكون فيها الأشياء واضحه ومحلله ومبينه في الكتاب والسنة ونخليها حرام أو عيب باسم العادات والتقاليد أو باسم أي شي ثاني …. من متى صارت عاداتنا وتقاليدنا هي اللي تمشي حياتنا وتصرفاتنا ؟؟؟ أجل وين راح كلام الله ورسوله لكن ما أقول إلا الله بالمرصاد لكل مفتري و قاسي هذا وهو يدرس بالجامعه بعد !!!!! (لاخير في علم ان لم ينفع صاحبه) وأخيــــــــــــراً أتمنى من كل أحد يفهم كلام ربي ورسوله زين…. وبليـــــــــــــــز كـــــــــــــافي تغترون وتتمادوون بطغيانكم اللي كلام الله ورسوله بريء من فعايلكم… ومشكوووور بالحيــــــل مرة ثانية (كفيت ووفيت) على الاقل (ذكرت ووعيت) أحسن من غيرك اللي فالحين بالإنتقاد وبس… وتسلم أناملك البيضاء.

  17. تخلف وأفكار للحين استغرب إنه موجوده بس ماحزّ بخاطري إلا اللي مايروح زواج أخته .. ليه مب إنسان وش يفشله بالله ؟؟؟

  18. يارجال فيه جزء قليل من الشعب متخلف ورجعي والمفروض مكانه يكون بالغابه وعلى راسهم صاحب الرد الاول انت شف اسمه واغسل يدك..وغير كذا ياخي لاتبعد خويي ظابط بالحرس يقول بعض الافراد الي طلبنا منهم دصور من دفتر العائله جابوها وهم ماسحين اسماء الاناث.. ومازال التخلف مستمر في بلدنا حتى اشعار اخر.. ومشكوووووور على الموضوع الحلو

  19. اسلوبك ظريف وجميل جداً والقصة الاولى نعايشها لوقتنا الحالي .. الله المستعان أما الثانية .. فهذا الاخ مايرفع راس اخته .. ولا يمكن في يوم تعتز فيه أما الثالثة .. اتوقع انها اندثرت .. لأن الحين لو تقول للولد جيب فلوس للام .. راح الولد وخلاهم وهم بالعربي .. مايبون بنتهم تعنس عندهم .. لذلك ماراح يتشرطون زي أول بالنسبة للأخ سلطان .. صحيح يا أخي تلاقي عادات خاطئة عند البد والحضر .. على حد سواء لكن هالكلام مايقتصر فقط على البدو .. تلاقي هالشيء ايضا عند الحضر .. وبالعكس .. البدو .. يكرموووووووووون المرأة أيما اكرام .. البنت يدفع لها المهر .. وباقي مصاريف الزواج على الشاب .. وهذا الشرع أما الحضر .. فالبنت عندهم تشارك في حجز القاعة والطقاقات والمطبخ من مهرها .. مسكينه

  20. بس سبب تعلقي هو الشخص اللي علق اول واحد. اقول ماكان له داعي التعليق هذا لان الموضوع مايستاهل هالاسوب من الانتقاد لانه كان مسلي نوعا ما ,يعني موضوع (حلو) , كان احتفظت باللي كتبته في نفسك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شيء في صدري

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول