شوفوا لي حل


مسااااااااااااااايهم بالخيررررر —-اذبح السلقلق ياوورع
ازيكم ياعياالي
بدايتا هذي اول رساله لي في القروب الجميع طبعا ماني غريب بس متابع
بس من بعيد لبعيد
لي شطحااات كثيره حبيت انكم تقروونها قبل مايقروون علي
لان كاني اسمع ان اهلي ناوين يودوني الشيخ خلاص تعبوا مني
دائما مسوي فيها فندام او براد بيت


خلااااااااص خلاااااااااص
شوفي لي حل
ابغى الطلاق ——– هههههههههههههههه
امزح طبعا

ابغى حل في احلامي
ياعالم اتوقع ان راسي في فتحت يو اس بي موصله للتلفزيون
ما اشوف شي الا اتحلم فيه
طبعا مو التلفيزيون بس
اي شي يصير لي قبل النوم

مثلا ذاك اليوم شفت فلم توم كروز المهمه الجزء الثاني
وجاك ذاك الحلم الرهيب متخيل اني توم كروز وان اخوي هو العدو قعدت متعلق بخشم اخوي الا اذبحه
طبعا عندي اهلي بالبيت عارفين الوضع تعودوا علي خلاص عادي مثلا اقوم من النوم واروح اطرد ابوي من البيت عادي

ومره شايف فلم عربي وخذلك حلم سامج قعدت يومين ما قمت ——— ما لقيت له نهايه
ولا تدرون من كثر ما صارلي الشي ذا

مره نايم و اخوي جنبي الزبده جاني جاثوم والي ما يعرف الجاثوم هذا جني يجي الانسي ويخنقه ولا يخليك تتحرك ويقطع نفسك ثواني
المهم جاني وقعدت اهتز وارافس طبعا اخوي جنبي يتذكر اني شايف ذاك اليوم فلم هندي في اخر الفلم ماتوا المملثين كلهم والمصور والمخرج وما بقى الي الحصان حق البطل بس سمعت انه صار له تسمم ومات
المهم واخوي عارف وش سوي طبعا انا فاتح عيني واهتز وراح وقف فوقي قاعد يضحك ويقول يامودمي ياهوه شكله ذا ما يبغى يقووم === وانا قاعد اصيح طبعا داخليا ومنقهر واقول ما متى يروح الجاثوم خلني ادعسه بالسياره طبعا راح وانتفض واصيح وهو اول مره يجيني وانا بموت وهو يضحك ويقول وش فيك اليوم في الحلم البطل ما مات
والله حاله

ولا يوم كنت صغير قسم بالله احلامي اكثر حراميه حرامي طب علينا ولا حرامي قاعد يسرق وتشوفني ناقز على امي حرامي حرامي وامي الله يسعدها تقوم طيب يا وليدي تعال نام عندي وبدق عليه اقول تعال بكره ==خخخخ تصرفني
ولا احلام اني قوي
اووه خذلك احلام والله اني جتني احلام
وبعدها اتحمس واطل برا عاد فيه شله خوال تاكين عند الزوايه

طبعا انا قوي اروح عندهم متحمس ودائما ارجع عيني مفقعه ولا ما علي الا السروال
امووت واعرف الخال ابو راس كبير ليه دائما ياخذ فلينتي دائما يقول ياشباب الفلينه محجووزه لي
ولا كلها كوم
ولا اشوف اغاني وانام كوم
وعاد لما اشوف اغاني الهشك بشك
عاد كوم ولما شفت نانسي حالفه
الا تغنيلي الحالي بس كوم
ذاك اليوم حالفه قايله والله ما اغني الين حموودي يسمع صووتي الحالي

وانا اقولها يانونو يا عمري خلاص اطلعي على المسرح تراك غيثتيني
تقووول علي بالحرام ما اطلع

تصدقون جاتي فكره اني ارووح دكتوور اقله عن مرضي بس
خفت اطلع منه وهو يروح لدكتوور ثاني يكشف على نفسه

ما ادري يا شباب تراني قررت اني ما انام تعبت والله

طبعا فيه شويه شباب قالولي
اشرب علبه فليت قبل النوم
وفيه ناس وصفوا لي وصفه شعبيه
= زيت حشيش
= ورق جرايد
= غتره بنقالي
= مع شويت تفاح خرباان
= وشوي ماء مالح
واخلطها كلها واقعد طالع فيها

المهم
شوفي لي حل
ترى بديت افكر بالنوم وترى مو زين لاني اليوم شايف عبدالرب ادريس يرحم امكم ما اقدر كوابيس





تعليقات 22

  1. الحل عندي قبل ماتنام خل الريموت على يدك و دور لك أحد القنوات الي تسكر بدري و بالذات القنوات الي تطلع صوت طنين و خطوط ألوان إذا سكرت بعدها في راح تدوخ و تنام و لما تجي تحلم تدوخ في الحلم و تنام و لم تنام في الحلم لما تحلم يدوخ الحلم و ينام و هكذا الدنيا تدور ههههههه

  2. عادي الحل بسيط جداً انا احلم بالاشياء مثل الافلام المرعبة اكثر شي اقراء المعوذات وادعيت النوم … وهذي الحلام تظهر لانها موجودة او مخزنه في العقل الباطني للانسان علشان كذا عند النوم يصير مثل عملية البرمجه للحداث ويتكون الحلم وكلها مثل ما قالو من الشيطان سوا كنت بطل او ضعيف الشخصيه الى تكون انت فيها عقلك يكونها لانها تمثل الشخصية التي تشد انتباهك اكثر ……… مشكووووووووور على اعطائنا هذه الفرصه لتعبير عما يحدث لنا نحن كذلك ………..

  3. مشكلتك بسيطة .. منيح يلي بيمشي الحال وبيضل حلم أو منام .. في ناس بيتقصوا الدور ..وبصيرو البطل .. والله قصتك ذكرتني بفلم لشادية .. كان مرضها متل مرضك .. بس المصيبة انها تقمصت شخصية مارلين مورو بس الله يسترماتتقمص شخصية وحش الشاشة .. والله يعين يلي بيوقع بين إيديك .. ونيال مين بيشوفك بعد فيلم ؟؟؟؟؟

  4. هههههههههههههههههه والله عليك سوالف ههههه بس قصتك حلوه لفلم صدقني الكل بيحضره وانا اقولك قبل لاتنام بساعتين استرخي او اتعلم (اليوجا) وبترتاح ^_^ و احلامك كلها يوجا ان شاءالله هههه

  5. مجنون انت هههههههههههههه يا اخي لو انا منك ما عاااد اقووم من فراشي هههه ياشيخ روح بيع افكر احلامك لـ روتانا هههههههه اما توم كروز ههههههههههههههه الله يوفقك حبيبي وربي ما قد ضحكت مثل اليوم اللي قريت فيه ايميلك الله يوفقك ويحميك ويستر عليك دنيا واخره ويسهل لك امرك ويعطيك مبتغاك في دنيته واخرته تحياااتي لك حبيبي

  6. اعلمك من حظ زوجتك مافيه امل تخفي عنها شي لانك تنفضح لانمت بس تدري نم على جنبك الأيمن واقر المعوذات وبتدعيلي

  7. الله يرج سموك .. اقول ورى ماتاكل موز قبل النوم ؟؟ احتمال تعلق بلمبات البيت وتطيح على راسك وترووح الاحلام كلهاا هههههههه أخوي عليك بالذكر قبل النوم .. اقرا المعوذات واية الكرسي .. تحياتي

  8. اشكر كل من تعب وكتب لي تعليق حلو زيه بس فيه توضيح بيسط اقروا فوق كاتب شي من شطحاتي اخواني واخواتي معنا شطحات باللغه العربيه ومفرداها شطحه من شحط يشطح شطحا هههههه مافهمتوا اقوولكم يعني من تخاريفي من وحي خيالي تسلمووووون حبيبي CeeZaaR تسلم حبيبي من جد

  9. شوووف انا كنت احط سورة البقرة قبل لأنام وكنت انام نوم موب طبيعي و كنت اصح على صلاة الصبح اصلي وانا انت جرب و ما بتندم

  10. السلام عليكم حالتك صراحة غريبة بس تدري فيها حاجة حلوة اذا صرت مشتاق لاحد وتبي تشوفه ناظر لصورته ونام ههههههههه بس انت اكيد انك ماتقرأ المعوذات قبل ماتنام ولا تسمس صدقني لو قريتها وقريت آية الكرسي ماراح يجيك شي باذن الله جرب ورد لنا خبر ولا لا عاد تشوف شي طووول اليوم هههههه يالله اتمنى لك احلام سعيدة اليوم ههه

  11. سلام عليكم ,, انا من المتابعين عن بعد لهالقروب الله يسلمه ويسلمنا جميعاً ,, عموما الحل بسيط وربي أولاً قبل الحل أمسكوا ذي تستفيدوا منها ,, بعنوان أحراز قرآنية,, _________________________________ كيف تحمي نفسك أثره وفضله العدد الورد اليومي حارس من الملائكة يحرسه ، وطارد للشياطين عند النوم ، وبعد كل صلاة مفروضة آية الكرسي تكفي من شرور كل شيء وطارد للشيطان لمدة ثلاث ليال قبل النوم أو مرة بعد المغرب آخر آيتين من سورة البقرة تكفي من شرور كل شيء وتحفظ من شر الجان وعين الإنسان ثلاث مرات في الصباح وثلاث في المساء وقبل النوم وبعد كل صلاة مفروضة الإخلاص والمعوذتين كنز من كنوز الجنة ودواء من 99 داء ، أيسرها الهم الإكثار منها بدون تحديد قول : لا حول ولا قوة إلا بالله حامية من كل ضرر ، ولا تصيبه فجأة بلاء ، ولا يضره شيء مع ذكرها ثلاث مرات في الصباح وثلاث في المساء قول: بسم الله الذي لا يضر مع اسمه شيء في الأرض ولا في السماء وهو السمبع العليم مضاد لسم العقرب ومحصنة للأماكن والدور من شر ما يدب فيها ثلاث مرات في المساء ومن نزل منزلا قول : أعوذ بكلمات الله التامات من شر ما خلق الكافية من هم الدنيا والآخرة سبع مرات في الصباح وسبع في المساء قول : حسبي الله لا إله إلا هو عليه توكلت وهو رب العرش العظيم حرز عظيم تكتب له مائة حسنة وتمحى عنه مائة سيءة وله عدل عشر رقاب ، وإذا دخل السوق كتب له ألف ألف حسنة ومحي عنه ألف ألف سيئة وفي وراية يبنى له بيت في الجنة عشر مرات صباحا وعشر مرات مساء أو مائة مرة في اليوم أو أكثر أو عند دخول السوق قول : لا إله إلا الله وحده لا شريك له له الملك وله الحمد وهو على كل شيء قدير….. وإذا دخل السوق زاد بعد ( له الحمد ) ( يحي ويميت وهو حي لا يموت بيده الخير وهو على كل شيء قدير)ا قوة ثلاثية تحصينية من الشيطان وتجعل الشيطان يتنحى عنه مرة بعد كل خروج من البيت قول : بسم الله ، توكلت على الله ، ولا حول ولا قوة إلا بالله تحفظه من الشيطان ليوم كامل مرة واحدة عند دخول المسجد قول : أعوذ بالله العظيم وبوجهه الكريم وبسلطانه القديم من الشيطان الرجيم غفرت ذنوبه وإن كان فارا من الزحف الإكثار منها دون تحديد استغفر الله الذي لا إله إلا هو الحي القيوم وأتوب إليه كفاية الهموم وغفران الذنوب وإدراك شفاعة النبي صلى الله عليه وسلم يوم القيامة عشر مرات في الصباح وعشر في المساء أو أكثر من ذلك الإكثار من الصلاة على النبي تحصن وتحفظ من شياطين الإنس والجن ومن شر كل ذي شر جميع الصلوات المحافظة على صلاة الجماعة في المسجد حفظ الأموال والأولاد وغيرهما من السرقة والتعدي كل شيء يراد حفظه مرة واحدة قول : أستودعكم الله الذي لا تضيع ودائعه نسألكم الدعاء ,, اللهم صل على محمد وآله الأبرار ___________ والله مادري زبطت وإلا ويش لأن المربع حق الردود صغيييييييير وااااااااااجد ,,, عموماً ,,, لو تبي أكثر راسلني أفصل لك وأقول وش تسوي ^_^ سيدأيمن

  12. ههههههههه كلكم هبيتوا عليه انا اشوف الولد يمزح يستهبل بس عليك استهبال رهيب وحلو ^_* ماشالله اسلوبك حلو بالكتابه الله يحميك

  13. الحل اخوي قراءة المعوذات كل مساء وصباح وان شاء الله تروح الاحلام المزعجه ولك تحياتي

  14. شطحااات توووحفة حلو اسلوبك بالكتابة ارسلنا الجديد لا توقف ( ؛ >>>احب انام عشان احلم حلووومي تووحف اعرف اللي بيصير لي في حياتي من احلامي مع انها احيانا تكون شينة

  15. صراحه تعاطفت معك بآخر الموضوع يوم قلت أنك حلمت بعبد الرب أدريس لاني قد مري علي الموقف حلمت بواحدا فيه من بوهته لكن الجاثوم أرحم .. بس كل اللي أقول لك أخوي حمودي الصعنبوطي.. أقرى وردك قبل لا تنام وخلك التلفزيون تراه بتالي يقولون صاير يجيب الماغص….

  16. تسملون حبايبي ردودكم احلى من الرساله نفسها سيد القرش الغامض تسلم ياغالي وجعلها في موازين اعمال بنت البحرين لك شكررررر خاص

  17. هههههههههههههههههه ذكرتني بنفسي <<<<< حلوة ذي انا علي حلوم خطيررررررررة افلام مكسيكية مو احلام انام واقوم وانام واقوم واكمل الحلم ياخي احيانا اطفش بس ماش ريموت الاحلام مضيعينة اهلي <<<<<<<< ترا بكف بس لي فترة تاركة سريري وماعاد اتحلم زي اول اذكر مره متحلمة اني اهدد ارهابيين برشاش والله اني خطيرة يسلمو حمودي على الايميل ولاتحرمنا من ايميلاتك

  18. مرحبااااا ياخي احمد ربك اللي مادخلت الى الان بحلم رومنصي اخاف بعدين تنهبل والا تنحرف خخخخخخخخخ خلك مع احلامك ترا غيرك مو حاصله حتى يهوجس << اقول طسي بس

  19. اسمع انت بس تشوف خشتي تروح تنام على طول عشان تحلم فيني فلم هندي شوي اغني وشوي ترقص وشوي ارقص وشوي تغني ههههه لا والله مالك غير المعوذات وبس واذا صحيت من النوم فزعان انفث من يسارك 3مرات وقل بسم الله الرحمن الرحيم وبسD:

  20. هههههههههههههههههههاااااااااااااي والله تمصعت من الضحك من جد مقلع ابشرك السلك فاصل عندك يبيلك اشتراك بس ياحبايبي اللي صدقوا انك مريض ياناس مافية الا العافية ويمكن مريض بس مرضة اسمة زيادة فلة 🙂 تكفى طلعلك مذكرات احلام حمودي وعطني نسخة ربي يحرسك ياقدع

  21. شف وانا اخوك رح لسوق الزل ودور لك دلة معتقه مطبوخ فيها فتات قرن وعل مطلق زوجته من القهر لأنه يبي القناة الاولى وهي تبي القناة الثانية وبعدين رح جب لك ذنب زرافه كعبها اليسار مكسور من كثر مطارد الشباب لها في الفيصلية ويبسه في الشمس ( الذنب ) ثم وانا اخوك خذ لك حفنه من باقي اثر غراب ملكع يلبس جكيت في الصيف والناس حرانه (يبي يثبت انه مهما اشتدة الحراره زيت سوبر شل يمشيك لين سبت العلاليا ) وش انا قلت !!! اي اثر الغراب خذ الاثر وادفنه في قاع غار ضب متقهوي امس عند نسباه يبي ياخذ بطاقات نسباه على شان يساهم بها وبعد شهر رح طلع الاثر وحطه في كاس مويه وخله شهر واذا رجعت بعد شهر ولقيت الكاس والمويه خذها وكبها في الدله وحط كعب الزرافه و شب عليها النار لمدة خمسة دقايق وبعد ما تفتر رح وكبها في الزباله لأنك اذا شربها يمكن ما عاد تقوم ابد هههههههههههههههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شوفوا لي حل

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول