سوالف القايلة و رزان مغربي _ في الرياض


ما ودي اطول عليكم المقدمة باختصار شديد صارت لي سالفه
وبقولها لكم على السريع

.
.
.

)))))القصه واقعيه(((((
.
.
.
.
في يوم الاحد الموافق 8/6/2003م

طلعت العصر من بيتنا ما عندي من الشيطان طريق
مريت كم محل اعمل شوبنق وشي شوبنق ذي
ماعلينا

وصلت شارع العليا
شارع ثلاثين العليا بالظبط

ادور محل دايم اشتري منه ملابسي الرياضيه >>>> مهوب عاقل توم كروز يمدحون البطحاء
الزبده اني وصلت المحل وشفت في الفترينه اشياء حلوه قلت خليني انزل اشوف وش فيه

قعدت اتمشى في المحل الرياضي كان عندهم اشياء حلوه ورهيبه
شوي الا واسمع صوت زعقه غراب ( قاااااااااااااااق )

قاااااااااااااااااااااااااااااااااااااق

ارتعت

قمت اناظر يمين ويسار وجع وش ذا

شوي الا الغراب يزداد بالصراخ وصار بدل النعيق يقول هاااااااااااااااي ماي فريند

خير انشالله بدت الغربان تحتسي انجليزي

والله يوم دققت النظر الا ثنتين لبنانيات داخلات محل الرياضه
لابسين عبايات ليتهم مالبسوها كنهم سوبر مان

وادقق اكثر واكثر

واكثر واكثر واكثر

واكثر واكثر واكثر
.
.
.
.


قاااااااااااااااااااااااااااااااااااق

الا والله هذي رزان مغربي

هااااااااااااااااي ماي فريند وسط المحل

انا اناظر واقول بنفسي وجع محناب في بوبس اند توبس وش هالزعاق يامال اللسنه
والله اني خفت اظلم رزان قلت لا مهيب هي كن الشبه مهوب الي انا خابر


وفي خلال هذه اللحظات رن تلفون صديقه رزان
واذكر رنه التلفون كانت نغمة اغنيه ياغالي انشغل بالي

والله القديمه بعد

وانا استرق السمع بطرف اذني
الحوار
صديقه رزان : اهلين حبيبي
التلفون ……………………
صديقه رزان : اي حبيبي انا معاي رزان وجايينك عالبيت بس نخلص شوبنق
التلفون ………………….. : اي حبيبي انشالله باااااااااااااااااااي laugh.gif
التلفون …………………. وش بيقول بعد

ملاحظه
وش الي بجيك ومعي رزان وفي الرياض
شكل الرجال عازم زران وخويتها في الفطيره الدمشقيه
عندهم عش البلبل على الكيف tongue.gif


بعد المكالمه ايقنت انها فعلا رزان مغربي
عاد بدأ يتميلح سوالف القايله smile.gif

المهم قلت ياولد عيب اخاف يفهموني غلط الي بالمحل اني اغازل او شي sad.gif
خلاص مهوب لازم tongue.gif الله اكبر يعني عشانها طالعه بالتلفزيون tongue.gif

انا طالع في التلفزيون في برنامج مع الناس __ مع المذيع الرائع سليمان العيسى __
مهوب مقابله بس اذكر اني اسلم ورا الكيمرا 8888.gif  ¦المحل
ركبت سيارتي

وش رايكم بالاكورد
قبل لا احرك وامشي جت رزان مغربي واثاري سيارتهم هي الي جنبي على طول واقفه
عشان تركب سيارتها
ومن حسن الحظ جت رزان في الجهه الي عندي smile.gif

انا : blushing.gif ودي احتسي واخيرا قويت نفسي وفتحت الشباك وهي عند باب السياره

قلت لها

الله من الملح الزايد
لو سمحتي اختي

قالت لي بشين نفس

شو شوووووووووو

يوم التفتت علي بوجهها من قريب ياليتها ما التفتت

والله ياجماعه الخير ان خشتها كنها كوع ريحه
وش خرايط وش نفر وش شخابيط وش وش وش
وقصيره كنها ربع توله
انا قلت وجع وين ذاك التميلح الزايد ولي بيحبونا يتابعونا

كل ذا قلته في نفسي

قلت لها
لو سمحتي اختي انتي رزان مغربي

قالت لي بكل مصاله
dry.gif

لا حبيبي انا مو رزان انا اختااااااااااااااااااا
كلهم عم بيقولولي هيك بس انا مو هيا
ثم صفقت باب سيارتها الهونداي اكسنت بوجهي

الله من زين السياره
كنها قبووون >>>>>>>> ( خنفس البر) اخر مره شفته في نفود شقراء عام 91
وسلملي على الي مستضيفها عارف لها مستاجر لها هونداي بـــ 70 ريال في اليوم
من فوقها tongue.gif

انا صراحه بعد ما صكت باب سيارتها بوجهي قبل لا اكمل كلامي تغير وجهي

وراحت الابتسامه وبقت سنوني عيت تدخل واحمر خدودي blushing.gif

وش دعوه وش هالغرور
ما تدري رزان ان الغرور مقبره النجوم

smile.gif السالفه هذي صارت معي البارحه في الرياض في حي العليا شارع الثلاثين بالظبط
ولولا اني اخاف اشوه سمعه المحل الي صارت فيه السالفه لذكرت اسمه

وبعدين والله احس اني افضل من رزان عاد الله واكبر يارزان وشي زايده فيه dry.gif
عشانها تبطح على الكنب في برنامج بوب اند توبس

انا اتبطح في مجالس ابو نواف tongue.gif


مقارنه بين سوالف القايله ورزان مغربي

رزان المغربي


كوع ريحه

النفس

نعال على الطبيعه .. وانواع ثقل الدم اسالوني الهندي حق المحل بغى يطردها
تكاسر وش هالمذيعه الي تكاسر ohmy.gif تبيه يخفظ لها عشرت اريل tongue.gif

الجمهور لا يتعدى 700 بزر

كل جمهورها بزارين ومراهقين
وعني انا اذا جاء برنامجها غيرت القناه
وحطيت برنامج مع الناس

لو سالتم عنها القوقل Google
والله العظيم ما طلع لي الا بلاوي تفشل

صوره زي قلتها
ونص الصفحه محجوب لامور الله اعلم فيها
_ _ _ _ _ _ _ _ _ _ _ _ _ _ _ _ _ _ _

سوالف القايله

كله ملح >>>>> ايه هين

النفس

انتم خابريني اوسع من صدري مافيه
واشيل الكبير والصغير فوق راسي واكره مالي الغرور
والي المس من كلامه الغرور احاول اتحاشاه قد ما اقدر
وهذي طبيعتي

جمهوري اكثر من 50.000 الف مشترك واكثر والحمد لله
smile.gif ph34r.gif 8888.gif p30.gif
lamo.gif salut.gif hehe.gif holiday.gif nerd.gif
الحمد لله منوع والكل يحبني بدليل رسائل الاشاده من الكبار والصغار
واكثرمن رساله اخرها من السفاره السعوديه في الصين
تشكرني على رساله رحله للقصيم…… سفاره السعوديه بالصين كلهم قصمان
عاد يا ملح القصيمي يحكي صيني شنج اويلاه tongue.gif
ورساله من اكثر من كاركتير سعودي يشكروني على رسائلي
وهذا ما يشجعني على الاستمرار
ورسائل من شتى العالم العربي

لو سالت عني القولقل Google

ماراح تلقون عني الا كل علم غانم وكل علم يسركم
تفضلو بقسمي الخاص الله يحيكم
ما عندي شي محجوب او قله حيا الحمد لله


في النهايه احب اقول كلمه صغيره

اوجه شكري لكل النجوم الي صارت لي معاهم لقائات مباشره وكانو قمه التواضع
وعلى راسهم

الفنان المصري ا لكوميدي المعروف المنتصر بالله

قمه التواضع والادب والاخلاق يستقبل الصغير ويحيي الكبير والصغير ok.gif
وسوف ترون لقاء قريب انشالله اجريته انا مع فنانا المحبوب / المنتصر بالله

الفنان الكوميدي الكويتي / طارق العلي

طارق العلي الذي التقيت به مرتين في الرياض وفي البحرين
قمه التواضع ان يدخل الكوفي شوب ويلقي السلام على الموجودين ويطلب مني ان اجلس معه على الطاوله
مره ثانيه لازم انقل لكم لقاء خاص مع طارق العلي بس خلوني اصيده
طارق شخص انا احترمه كثير لتواضعه مع الناس وهذا شي شفته منه
اكثر من مره بدون اي تصنع ماشالله عليه

والكثير من الفانين الي ينحطوت على الجرح يبرأ ok.gif

مهوب مثل شينه الحلايا dry.gif

بالله هذي مذيعه ……. اقول الله يخلي المكياج والله لو تشوفونها ان ترتاعون
قسنمبالله بدون مكياج ان تسنها اسماعيل ياسين في فلم ابي فوق الشجره وش هالفلم الجديد

مو مهم الشكل dry.gif عاد من زين المنتصر بالله ولا طارق العلي tongue.gif
بس اهم شي التعامل والاخلاق ونترك الخلق للخلاق ( سبحانه وتعالي)

مع اجمل تحياتي لكم

اخوكم سوالف القايله


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

سوالف القايلة و رزان مغربي _ في الرياض

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول