السلام عليكم 
صلحت لكم طبخة لذيييذة وانهبببل عليها زوجي و مررره عجبته << محد يتطنز ترى 
سلمكم الله .. فاضت قريحتي قبل كم يوم وجلست أبحث عن طبخات وحليات وحركات مطبخ .. وجمعت لي كم طبخه وسجلتهم عندي .. لأن شهوة الطبخ مهيب باتلتلي 
قبل ما أسدح مقاديري … الله يعافيها اللي مواريها اذا مالقت شي من المقادير عندها في البيت سكرت الصفحه لاتكمل موضوعي 
مقاديرها أضمن لكم ان شاء الله انها متوفره .. واللي موب متوفر كنسلوه محدن ميت قبل يومه
خل أوريكم صورتها قبل .. تشهوو عشان تركزون ع المقادير بضمير خخخخخخخ
نجي للمقادير :
– رز أبيض ( 3 بيالات رز + ماجي + بهارات + ملح + زيت )
نغسل الرز ونخليه ساعتين إلى ثلاث ساعات .. وننتسبه
لأن خلطة الدجاج ماراح تقصر بالطعم
وأساساً الرز الأبيض يكفيه ملح وزيت .. بس أنا أضفت له شوي بهارات عشان مايصير مدري وش يبي 
– خلطة الدجاج ( صدر دجاج مقطع صغار + فلفل بارد مقطع بالطول + جزر مبشور + كرومب مقطع بالطول + بطاطس مقطع مربعات صغار مقلي + بصل + زيت + ملح + بهارات + ماجي )
نحمس البصل في الزيت وبعدين الدجاج .. وباقي المقادير اللي قلتها
أهم شي لاتكثرون ملح عشان ماتتوهقون
<< الغرض واحد وشوله منزله كل الصور ؟ 
<< هنا حطيت البوتاتوو بعد ماقضيت من تقليبه .. غثني الله يغث العدو تمصعت يدي .. لا ومن زين الطبايع .. يد تقلب فيه ويد بالجوال .. قعدت حول نص ساعه وانا اقلب هالدجاج خخخخخخ
– خلطة القشطة : نسوي خلطة مكونة من ( 3 ملاعق جبن سايل + 3 ملاعق مايونيز 
نجيب الصينية وناخذ جزء من الرز ( الباقي خلوه ع جنب بنستفيد منه بعدين )
وبعدها نجيب جزء من الخلطة بعد ( لاتكثرون منها لأننا بنحتاج لأكثرها بعدين 
الدجاج
وهذا شكله بعد ماصفيناه في الصينيه
بعدها نجيب باقي الرز ونحطه فوقه
آخر شي باقي الخلطة
ندخله في الفرن من تحت ومن فوق .. وهذي النتيجه
سمممموا وبالعافيه
ان جازت لكم لاتحرموني من دعوة في فطوركم أو سحوركم .. أو في أوقاتكم المستجابه :$
وان ماجازت لكم .. راجعوا روحكم .. الطبخ يبي له نفس تعرفون وش يعني نففففس 
ابد جازت لكم ولا ماجازت لكم ياجعلها محادير العافيه ع قلوبكم
تابعوا جديد شبكة أبونواف على فيس بوك وتويتر
