][ روضة الخرارة في زيارة مفاجئة ][


السلام عليكم ورحمة الله وبركاته
كيف حالكم جميعا ودون استثناء
وشلون الاهل والاحباب والاصحباب
أتمنى أن تكونوا بأتم الصحة والعافية


تكثر في هذه الايام العواصف الرملية اللتي تهب علينا بين الفينة والأخرى (( <<=== حلوه الفينه خخخخ ))
ومع هالفينات ينزل مطر بأذن الله يثبت الغباار ويركده وتصحو السماء بعده
لكن الغريب انه في فترة اليومين الماضيين نزل علينا عواصف غريييبه وكثييره وبنفس الوقت نزلت امطاار كثيير كثييره جدا جدا
واللي ساكن بالرياض يقدر يأكد لكم هالشي

الموهم
بعد هذي الامطار توقعت أنا والشله ان الاجواء راح تكون مناسبة يوم الخميس ونقدر نطلع ننبسط بهالاجواء
لكن جاءنا عجاج ما قدرنا ننزل من السياره .. وسدحنا المراتب وتغدينا جوا
لكن بعد فترة بسيطة وفقنا ربي بأجواء خراااافيه
ونقلت لكم بعض الصور من هذي الاجواء
طبعا كنا في منطقة اسمها (( روضة خراره )) وهي منطقة رملية 
أو (( نفوود )) وفيه بحييره مياه كبيييره وعجييبه وتتجمع هذي المياه اذا كان فيه موسم طيب من الامطاار
وهذا رابط تقدرون  تنزلونه وتفكون الضغط بيطلع لكم ملف خاص ببرنامج قوقل ايرث يحدد موقع الروضة وتشوفون الشكل العجيب لها .. لكن المشكلة ان الصوره في قوقل ايرث والروضة ناشفه ما فيها شي

إضغط هونيا

وحنا بأذن الله بنعووضكم ونوريكم الروضة وهي مليانه مويه
هذي الصوره الاولى وقت الوصول وتلاحظون سوء الاحوال الجوية

روضة

وهذي الصوره لوقت هطول المطر واحمرار التربة وتداخل لوني عجييب

روضة

لــحــظـــة إنــقــشـــاع الــغـــيــوم

روضة

زاوية أخرى بعد انقشاع الغيوم وخروج اشعة الشمس

روضة

عرض آخر وتداخل لوني مميز

روضة

روضة

طبعا كثرت عليكم الصور بس والله من جمااال المنااااظر اني ودي تنبسطون وتعيشوون الجو معي
هذي صوره شبه بانوراميه للروضة من منطقة مرتفعة فووق النفوود
أتمنى تعجبكم

روضة

بعد الزاوية الخرافية هذي
كان لابد من التحرك الى الجهاات الأخرى واخذت لكم بعض هذه اللقطات

روضة

روضة

بانوراما من الجهه المعاكسه

روضة

بعد ما رجعت لموقعنا سليما معافا
قربت المويه وأخذت بعض اللقطات اللي اتمنى تعجكم
إنعكاس لذيذ

روضة

بشكل أوسع مع تلاعب بالألوان

روضة

عاد هذي اللي يبي يفهمها يشرح لي وش اللي صاير

روضة

وصلنا الى خط النهاية .. وعدنا الى قواعدنا سالمين غانمين
أتمنى أنكم تفكون الاحزمة .. وتكونون استمتعتوا بالرحلة

والى اللقاء في رحلات أخرى قادمة
شيييييييييييييييييييييييييييييييييييييييييييييكرا ,,,


اعلان






تعليقات 9

  1. وااااااااااااااو الصور روووووعه مررررررره يعطيك الف الف عافيه على الالتقاط الرائع 🙂 بس ياربي على التجمهر الي قدم المستنقع اللي يشوفهم يقول بحر ههههههه يعطيك الف الف عافيه ماقصرت على المناظر الخلابه وتقبل تحياتي جي جي

  2. بصراحة المنظر جداً ……… رائع تمنيت من كل قلبي اني اكون في السعودية علشان اروح للمكان هذا ….. بالرغم من اني من سكان الرياض ما عمري سمعت عن هذي الروضة……… مشكووووووووور علي هذي الصور استمتعت وحسيت بشئ بسيط اني بالسعوديه من خلال هذي الصور ….نريد منكم المزيد………

  3. والله صور روعة يا اخوي خالد اول مرة ادري ان الخرارة تصير كذا لا وتصويرك مهوب سهل الله يعطيك العافية

  4. بصراحة يا خالد صور روعة وحلوه مع إني يمكن شايفها قبل الأعضاء بس فعلاً تستاهل دائماً الإشادة بالشي الجميل والرائع وإشادة مني تعتبر إشادة جريحة أمام هذا الإبداع الرائع . شكراً خالد أخوك / عبد العزيز

  5. يعطيك ربي العافيه وتسلم على هالموضوع وجودة الصور والتصوير الرائع تسلمـ 🙂

  6. ارجو توضيح موقع روضة الخرارة حسب الجي بي اس واقرب روضة وطريق او فيضة ومحافظة وشكرا جزيلا

  7. تحية وممكن اقدم لكم وصف لموقع روضة الخرارة : تقع بالقرب من محافظة المزاحمية غرب الرياض 35 كم أتجه بطريق مكة ولما تنزل من القدية يجيك كوبري مرات وضرماء خليه اتجه مباشرة للمزاحمية يجيك مخرج 5 خليه يجيك مخرج 6 خليه يجيك مخرج 7 أطلع معه وأرجع للرياض يجيك على يمينك أول محطة بنزين أظن اسمها زمزم بعدها مباشرة خط زفلت يروح جنوب أتجه معه وتمشي مسافة ممكن 3- 4 كم ويجيك مدخل الخرارة على يسارك وتفضل الله يحييكم للمعلومية تصل إليها اي سيارة واي استفسار ان انا مستعد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

][ روضة الخرارة في زيارة مفاجئة ][

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول