رسم : وش رايكم اكمل المشوار؟؟


الاخوة الكرام في شبكة ابونواف
السلام عليكم ورحمة الله وبركاته
ابارك بمناسبة وصول المنتسبين لاكثر من نص مليون منتسب وان شاء الله اكثر واكثر
مشاركتي متواضعة وهي عبارة عن صور للوحات تشكيلية رسمتها بريشتي بس للاسف شاركت
في معارض تشكيلية وما عرضوا لوحاتي وتجاهلوني لاني غير مشهور واسمي ما هو معروف عندهم
, وحبيت انكم تحكمون على لوحاتي وكلي صدر رحب لاي نقد
اخوكم …. البيسك


اللوحة هاذي احبها كثير ولا يمكن اني افرط فيها والطفل الصغير هو (البيسك)خخخخخخخ يوم كان عمري ست سنوات
/

واللوحة هاذي رسمتها قبل زواجي بشهر ومعلقها في الفلة حقتي سسسسسسسس قصدي شقتي!!! ولا
من زين الاتيكيت مسكربها فتحة مكيف في الصالة هههههههههه
/




اما ذي اللوحة سالفة لحالها وانا جالس ارسمها اخر الليل قضت الالوان وتعكر المزاج وما كملتها
/

انا مشكلتي الالوان والتلوين شكلي بحول للرسم بالفحم وقلم الرصاص خخخخخخخخخ واللوحة
هاذي سوتلي مشكلة مع البزران والملاقيف لأن الالوان طولت مانشفت وكل يوم اكتشف بصمات واحد من هالملاقيف ؟؟؟
/

واخر لوحة سميتها الغروب وصغار الجزميري هههههههه وشلون تكتب (حمام القميري)!!!
/

,,,تحياتي


تعليقات 27

  1. الله يعطيك العافيه ………بالنسبه لي انا اقلك استمر والى الامام بس لوترسم شي اكثر روعه وغريب……عشان يلفت الانظار تقبل مروري

  2. ما شاء الله تبارك الله ريشه فنان الله لايضرك صحيح فيه بعض النقصان لكن بشكل عام جميله جدآ والاجمل من بينها الاخيره خاصه تدرج جذع الشجره والسماء بالقرب من الشمس فكر تاخذ دورات وتعلم اساليب الدمج وياليت تشتري الدائره اللونيه بتلقها في المكتبات انا رسامه لكن ما ارسم اروح لحرمتها الشديده وقطعت كل لوحاتي رغم ان عندي لوحه فازت بالمركز الاول انصحك لوجه الله بالابتعاد قدر الامكان عن الارواح او اتصل على شيخ اسأله بخصوص الرأس فقط انصحك ايضآ بأي كتاب يعلمك المنظور واسسم التصميم راح يساعدك في اتقان المجسمات والعناصر في اللوحه وياليت تشتري كتاب فنون الرسم والتلوين لأحمد مفتي اتمنى لك التوفيق ولا تنسانا من الدعاء

  3. اولا الله يوفقك ثانيا : ليه ماتكمل انت مبدع . غيرك ياخذ سنين ما سوى اللي تسويه ثالثا : التطوير مهم للمتمكن والمتبدئ ولكل من يريد الوصل الى القمه والى الامام

  4. موهبه جميله اخوي ومع الوقت راتتنمى وتصير افضل استمر اخوي ونشالله نشوفك في كل معرض:) وتصير اكوس رسام في العالم 😮

  5. الله يعطيك العافيه وانا لا اذكر الجانب الجميل لان اللوحات كلها جميله لي ملاحظات بسيطه على الرسومات اولا لا تهتم بالتفاصيل الصغيره في الصوره مع العلم انها مهمه جدا الامر الثاني عدم التنويع في الالوان الاحظ انك تركز على ثلاثه الوان فقط اخيرا حاول التنويع في رسوماتك واجعل عواطفك تشاركك في هذا الابداع تجد ان الصوره تاسر القلوب قبل العيون اتمنى لك التوفيق وهذا ايميلي ارجو ان تزودني بجديدك وقفه : حاول ان تستشير من سبقك في هذا المجال ولا تهمل اي وجهة نظر وخذ ما يناسبك ودع غيره ولا تجعل نقد الاخرين يؤثر في مشوارك تحياتي [email protected]

  6. سلام ياااخوي انت قلتها من البدايه اكمل المشوار يعني انت عارف انك مبتدي معك اخوك الفنان فهد انتقاداتي هي في النسب واستخدامك لالوان الزيت مش ولا بد بس عشان تستفيد شوف ااعمال الفنانين ومن ضمنهم اعمالي على جسد الثقافه في قسم اصابع ملونه وبصراحه راح تعرف مستواك تكمل ولا لا

  7. انت مبدع والى الأمام صراحه رسوماتك جميله بس ناقصها اشوية تلميع وهذي سهله مع مرور الأيام ان شاء الله بتوصل للي تبيه وبتكون احسن من بيكاسو بعد اشرايك بس على شرط اول لوحه تفوز فيها بتكون لي ها وشرايك الله يعطيك الف عافيه ونتظر المزيد لا تبخل علينا انت بديت بخطوه ونتظر الخطوات الجايه

  8. اخوي مرة الصورة حلوة ولكن لاتخلو من العيوب وانت انسان مبتدء احس فيها نقص بالملامح ويبي لها اكثر دقه وياليت تغير في الالوان وبعد نتتظر جديدك في احلى قروب باسرع وقت وبالتوفيق

  9. مااا شاء الله .. واضح أنك فنااان ,, ,, قااال الله تعالى: وذكر إنّ الذكرى تنفع المؤمنين لا يخفاء عليك حرمة رسم ذوات الأرواح .. وأنت تملك موهبة الرسم فأجعلهااا في مااا يرضي الله وستجدهااا أكثر جمااال وروووعه نفع الله بك ,, ورزقك رضاه

  10. الشكر لجميع من اطلع على مشاركتي وللعلم جميعكم اعطاني شحنة نفسية ومعنوية الله يحفظكم ويرعاكم ويرزكم الصحة والعافية وكل ماتتمنونه. تقبلو تحياتي

  11. اسسسسسسسسستمر ولا توقف طور نفسك وتابع لوحات الفنانين وحاول تدقق بتفاصيلها عشان تتعلم بالتوفيق يارب

  12. بسم الله ما شاء الله أنا كنت زيك بس طنشت والان ما افقه حاجة بالرسم .. حسافة .. واصل واصل واصل حرام عليك إذا اهملت نفسك حاول تدخل دورات مسابقات اي شيء يخص الرسم والله تستفيد سواء معنوياً ومادياً ولاتنسى توظف مهاراتك ورسمك في خدمة دينك لأن السبب في توفيقك الله عز وجل فأنصرهـ بما وهبك إياهـ والله اني اتمنى لك مستقبل مزهر ومشرق اهم شيء اقرأ المعوذات واحرص عالذكر والله يوفقك ويحرسك ويخليك محبك الغامدي

  13. :)ماشالله تبارك الله حلووو بس حاول انك ترسم شي أغرررب وتغير ستايلك بالرسم وتتطلع على الرسامين الكبار وتشوووف كيف صاير الفن الي عندهم<<بس لاتقتبس منهم8) خخخخ بسسسسسسسس ماشالله عليك فناااان وانشالله يكووون أسمك عالمي بأذن الله بس واصل ولاتتراجع:$

  14. اخواني اشكركم على ردودكم واتمنى ان اكون عند حسن ظن الجميع ,,, واوعدكم بمواضيع اجمل ان شاء الله.

  15. بصراحة ابداع ..سلمت أناملك أخي الكريم..أتمنى إنك لا تيأس وتسلح بالأمل ..لأنه بيوم راح يقدرون موهبتك بالتوفيق أخي الكريم

  16. ما شاء الله تبارك الله رسم جميل تابع اخوي ولا وتوقف دام انك واثق من نفسك ورسمك تصدق عاد انا نفسي اتعلم الرسم واتمنى اني اقدر يوماً من الايام ارسم لو ربع اتقان رسمك وان شاء الله راح احاول .. كل ما ابغى ارسم الخبط واقطع الورقه .. ثم ابداء من جديد وثم اتلخبط 8) وبعدين اترك الرسم واايأأاس خخخخ مرة ثانية اكمل ولا توقف .. عابر سبيل

  17. لمساتك ابداعيه بالرسم.. انا مثلك اعشق الرسم بس استخدامي اكثر للفحم والرصاص.. بس فيه شي ينقص بعض الصور اللي هو التدريج بالالوان ومراعاه الاضاءه والظل في التلوين عشان تبرز ملامح الصوره بشكل اوضح .. صوره الجمل والغروب والخيل حلوه بس طريقة التلوين فيها نفس الدرجه تعطي جمود للصوره بس لو حاولت تخفف وتغمق وتتلاعب وتدرج بالتلوين بتطلع واو .. جرب ترسم بالرصاص او الفحم بيعطيك دافع اكبر للرسم والاستمرار .. موفق يا اخوي والى الامام ان شاء الله ونشوفك باقوى المعارض ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

رسم : وش رايكم اكمل المشوار؟؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول