السلام عليكم ورحمة الله وبركاته
مساكم / صبحكم الله بـ الخير جميعـاً
عودهـ لكم من جديد في الجزء الثالث من تقريري المصور
لـ رحلتي في مملـكـة تـايــلانـد 
واللي ماشاف الأجزاء اللي قبل .. يضغط ع الروابط :
رحلتي إلى تايلاند – تقرير مصور < الجزء الأول >
رحلتي إلى تايلاند – تقرير مصور < الجزء الثاني > 
انتهى الجزء السابق بـ نهاية الرحلة البحرية في ساموي
طبعا في الليل تعشينا من مطعم خطيييييير اسمه زيكو 
اللي بـ يروح هناك انصحه يمر عليه .. من جد لايفووووووته 
كنا حاجزين من بكرا الصبح على بوكيت
عاد لاتفوتكم الطيارة اللي رحنا فيها
بغيت ادق على طيارتي الخاصه وارجع السعوديه يوم شفتها 
من جد عليهم طيارة تقل لعبه على هـ الالوان والمراوح 
كل طيارات الرحلات الداخلية تبع خطوط بانكوك زي كذا 
يوم نزلنا المطار .. ونلقى السواق اللي حاجزينه قبل
واقف ومعه ورقه فيها اسامينا ورافعها .. حسيت اني شغاله يوم شفته 
عاد رحنا للفندق .. والله فللله ع البحر وكلللللللل الخدمات فيه
ياشيخ لو اعطس جو اربعه معهم مناديل 
لا من جد خدمات ولا أحلى و اكثر من راقي .. والليله بس بـ 300 ريال !! << قال ايش قال شقق ابها
هذي صورة ع الشاطيء جنب الفندق .. اعجبتني حركة مجسمات الدلافين في الارض
وكان فيه هوا قوي ومطر ذاك اليوم
طبعا ماحبينا يروح علينا ذاك اليوم بدون طلعه والا مشوار
فـ أخذنا رحلة للـ فانتاسي .. زي الملاهي وفيها ألعاب حظ ومحلات بيع هدايا وملابس
وفيها بعد قصر الفيلة .. عبارهـ عن مسرح ضخم قدموا فيه عروض ولا أروع << بس قهر ممنوع التصوير 
وهذا غدانا .. شوفوا حتى البيبسي فوقه قطعة اناناس 
في اليوم الثاني طلعنا رحلة بحرية لـ جزيرة Phi Phi << عبارهـ عن جزيرتين
وفي الطريق شفنا صخرة الجمل camel rock << يسمونها كذا
من جد كنها جمل
لا والسواق حق الرحلة يستهبل .. يقول هذا جمل جاء من السعوديه واعجبه الجو وجلس 
هذي المنطقة سبحنا فيها
السمك نرمي له قطعة اناناس ويتجمعون وياكلونها بـ لحظه << حتى سمكهم يحب الاناناس 
السباحه كانت فلللللله .. والمناظر اللي بـ الماء شيييييي
بس للاسف مانقدر نصور داخل المويه ..
فيه اوروبيين معهم اغطية للكاميرات ضد المويه
طبوا يسبحون و يصورون قهروني 
وصلنا جزيرة Phi Phi الأولى
هذا منتجع في الجزيرة الثانيه .. رحنا نتغدى فيها 
هذا الطريق يودي لـ شاليهات المنتجع
التصوير من الجوال .. خلصت بطارية الكاميرا 
طلعنا بعد الغداء لـ جزيرة صغيرهـ ع الطريق
وكان الجو خطيييييييييييييير .. غيوم ومطر وفللللله 
اليوم الثالث في فوكيت .. حجزنا على رحلة من الصبح إلى العصر
وتشمل : زيارة معبد بوذا + رحلة بحرية لـ جزيرة جيمس بوند + زيارة مصنع الـ casheway
<< بعد شوي اقولكم وش معناها 
اول شي رحنا لـ معبد بوذا << كهف مظلم وكله اصنام وخفافيش 
لا وعند المدخل قرود .. وكـ العادهـ الاوروبيين يصورون معهن
واللي يحرسون مدري يتعبدون داخل الكهف لابسين حرام بس لونه برتقالي 
بعد التماثيل هذي فيه درج
يمين طريق يدخل جوا الكهف .. ويسار المنظر الروعه هذا 
بيني وبينكم .. الكهف من داخل يظلم اكثر واكثر والخفافيش تكثر
يعني ترانا دخلنا وكملنا 
هذي الخفافيش بـ السقف << صورتها وهجيت 
بعدها طلعنا في الرحلة البحرية لـ جزيرة جيمس بوند
ركبنا قارب طويل ومزززززعج
ومعنا هنود << ترى ماطلعت روايحهم الحلوهـ يوم امطرت 
طبعاً الجزيرة لها اسم بـ التايلاندي .. بس سموها جيمس بوند
لانه مثل فيها فيلم : man with the golden gun
فيلم قديم .. جاي على mbc 2 مليون مررهـ
عموماً الجزيرة رووووعه واللي عجبني أكثر ان اهلها مسلمين 
الطريق كان خيآآآآآل .. ودخلنا بهـ القارب الطويل من فتحة بـ الجبل << ذكروني بـ التجديف
بغيت اقوم اسوق واطلع مهاراتي بس قلت ماله داعي 
وصلنا جزيرة جيمس بوند 
هذي محلات المسلمين .. بس للـ أسف شوهوا صورتنا !!
معاملتهم سيئة جداً .. كل وحدهـ تسحبك من جهه وبـ الغصب تبغاك تشري من محلها !!
أصلاً الجزيرة صغيرهـ ومافيها محلات .. ويبيعون تحف واكسسوارات
يعني بدون تسحيب أكيد اي سائح يجي راح يشتري منكم للـ ذكرى !!
والسواح وش كثرهم عاد
من جد اول مانزلنا من القارب << طبعا واضح من اشكالنا اننا عرب
الا واشوف خمس متحجبات جايين رررركض لمي 
وكل وحدهـ تصارخ لا إله الا الله << عشان يعلموني انهم مسلمات
قسم بالله حسيت اني في معركه
هذي اللي مثل فيها جيمس بوند .. منظرها خطيييير 
بعدها طلعنا لـ جزيرة ثانية نتغدى << تبع جزيرة جيمس بوند وحتى سكانها مسلمين
أمطرت وحنا نتغدا .. وكان الهوا قووي .. وهـ النسر ماقدر يطير و وقف عندنا 
لا والظاهر حقين المطعم متعودين عليهن
جت وحدهـ منهم مسكت النسر وقالت اللي يبي يصور معه بـ اربعين بات << يعني اربعه ريال
من جد مايفوتون اي فرصه عشان يتكسبون
وحنا مانفوت اي فرصه بدون تصوير << بـ يعلمكم انه صور مع النسر 
ولاتفوتكم طريقة تقديم الأناناس بعد الغداء
من جد خطييييييير << وتلوموني اذا قلتلكم ضرررربنا فيه
والله شكله كذا يخليك تسعبل حتى لو انت شبعان 
انتهت الرحلة البحرية ورجعنا لـ فوكيت عشان نشوف مصنع عصير الـ casheway
اللي لـ حد الان مايدري وشو .. ابيكم تحسون بـ معاناتنا يوم نروح وحنا ماندري وش الطبخه
من جد يوم ركبنا السيارة قال السواق الحين نروح لـ مصنع عصير الـ casheway
طبعاً ماندري وشو هالـ casheway فـ سكتنا وانتظرنا قلنا نشوف وش يطلع بـ الاخير !!
في المدخل حق المصنع شفنا مجسم كبير لـ نبات زي التفاحه بس طالع من تحتها شي
والسواق يقولنا شوفوا هذا نبات الـ casheway
دخلنا المصنع وعند البوابه عطونا هـ العصير << بغيت اجيب العيد طعمه تقول عصير تمر
مشينا داخل المصنع .. ومعنا واحد يشرح لنا طريقة استخراج وتنظيف وعصر الـ casheway
كل هذا وحنا ماندري وشو بـ الضبط 
!!
وبـ النهايه وعند بوابة الخروج .. لقيتهم حاطين صحون فيها ..
7
7
7
7
7
7
كـاجـــو
<< هذا هو الـ casheway اللي صاجينا فيه من الصبح
يعني للـ أسف ماعرفناهـ الا في نهاية يوم طلعنا من المصنع
عاد قلت حسافه ماصورت شي .. واخذت لقطه لـ إعلان العصير
شوفوا نبات الكاجو كيف شكله تحت حرف الـ C 
وبـ كذا خلصت الرحلة لـ ذاك اليوم وخلص الجزء الثالث من تقريري المصور
وانتظروا الجزء الرابع بعد كم يوم ان شاءالله << ادري مليتوا بس ابشركم تراهـ الاخير
تسعدني وتشرفني متابعتكم 
