دينانت المدينه الحالمه

مرحبا اعضاء ابونواف

هذا مراسلكم في اوروبا يحييكم مرة اخرى >>>الا والله غثكم

هذي رحله خفيفه جدا مابي اكثر عليكم الصور والمدينه هذي ماطولت فيها

يوم الاحد يعني قبل امس 2005-05-02

كنت مسافر من لوكسمبورج الى بلجيكا ومرينا على دينانت

طبعا كنت في رحله سياحيه واللي معي كلهم اجانب مافيه  مسلمين الا انا وواحد يهودي

طبعا تعتبر دينانت من اجمل المدن البلجيكيه وفيها ولد الرئيس الفرنسي الراحل شارل ديجول

وزارها الرئيس الامريكي راعي البنات بيل كلينتون قبل 9 سنوات ايام العز

وتشتهر دينانت بجمال فتياتها وكانت ملكة جمال بلجيكا 2002 من هنا

مع اني ماشفت غير العجز بهالديره

اترككم مع الصور

طبعا كنا مارين من فوق الجسر واعجبتني المدينه هذي قلت للمرشد السياحي

خلنا نروح لها قال اصلا ماجبت شي جديد انا ناوي اخليها مفاجأه لكم بس انت لو ترجع باخر الباص احسن

لانك ادوختنا خخخخخخخخخ

الوقت كان قبل الغروب

ضاحك عليهم هالمقاول وقايلهم ان هذا دوار

معجبتني هاللقطه

تصطف المطاعم والمقاهي على جانب النهر واكثر الاكلات شهره هنا هي بلح البحر

وهذا بسكوت تتميز فيه دينانت عن غيرها  يصنع من البيض والعسل والدقيق

بس لاتجربونه لانه قاسي تقول تاكل بلكه   الظاهر يبنون فيه البيوت وحنا طحنا فيه

طبعا بالرحله هذي كنت لحالي وصادقت لي 4 يابانيين واذا شافوني جالس لحالي جو وجلسوا معي

ماعندهم لعب اليابانيين تصدقون اذا جلسنا نتقهوى في مقهى كل واحد يصنع له شي

اللي يصلح مسجل واللي يصلح رادو واللي يصلح ساعه ماهو مثلي بس يطقطق اصابعه

مابي اطول عليكم بس انتظروا باقي الرحلات والزيارات

حصريا على قروب ابونواف