دعايتنا الغبية


بسم الله الرحمن الرحيم
السلام عليكم ورحمة الله وبركاته وبعد

موضوع الدعايات الموجهة للمشاهد الخليجي قاهرني منذ مبطي من اول ماعرفنا الدعايات حتى اذكر انه حطو شريط اعلاني في القناة الاولى يقولون فيه اللي يبي يشوف اول دعاية يروح للقناة الثانية واحنا على طول صدقنا وقعدنا ننتظر لين جت اول دعاية المهم مالكم بطول السالفة وندرعم على اللي قاهرني بالدعايات

انا اشوف ان الدعايات الموجه للمشاهد الخليجي ماصخة ومالها داعي من جدي تاكل كقتة الى كلها كدا وهذه حياتي وياقلب لاتحزن اول شي الممثلين ما يدرون كيف نتكلم ولما يتكلمون بلهجتنا يصيرون مثل السرج على البقر.




والشي الثاني اللي يقهر بزيادة انهم يستخفون بعقلية المشاهد الخليجي تحس انهم يبي يحطون دعاية والسلام ولايفكرون باللي يشوفها والغريب ان اصحاب المنتجات المعلن عنها خليجيين انا ابي اعرف كيف يوافقون على المهزلة اللي حاصلةعندهم
انا ماالوم شركات الاعلان لانها تعتمد على كوادر اجنبيه وذول ما دروا كيف هي حياتنا لكن الوم صاحب المنتج انا اتوقع ان مدير التسويق كمان مهو خليجي

اشوا ان السعودية قالت البنات لازم يتحجبون بالدعايات والا استمرينا على دعايات الرقص وتهييج الغرائز الا على طاري دعايات الرقص يقولون ان واحد راح سوق الخيمة يدور البنات اللي يرقصون بالدعاية.

الواحد يشوف دعايات اجنبية ويلقى انها تحترم عقلية المشاهد ياخوك تخليك غصب تروح تشتري المنتج من قوة الدعاية اما دعايااتنا فتخليك تكره الدعاية والمنتج اللي فيها انا كرهت التشبس من الاربعة الدلوخ اللي مسوين الدعاية
 
ودمتم بخير


تعليقات 6

  1. لا وازيد من الشعر بيت اخر خيرات التلفزيون السعودي ظهور الفتيات بدون حجااااااااااب و البقية تاتي وربي يوم الاربعاء شفت فيلم امريكي عارضتة القناة الاولى و ربي خجلت من الكلام اللي عارضينة لا و بعد مترجم كلام ما تصورت انه ممكن اقراة في فيلم ينعرض في ها القناة و صور اول مرة تجيبها السعودية الله يستر من البقية و اسفة على الاطالة.

  2. صادق والله وياليتها وقفت عند الدعايات حتى المسلسلات لو لاحظت خصوصا إذا كانت من إنتاج خليجي ولا حتعرض في قنوات خليجية بغض النظر عن المسلسلات الخليجية يعني الإعلام الخليجي كلو على بعضو …………………………..

  3. واخير لقيت اللى يفهم تصدقون كنت اشتغل في شركة اعلانات وكرهت الاعلانات بسبب هذا الموضوع تلاقيهم ايبون جنسيات ولا تعرف ترمس عربي. والعيب تراه مب بس من شركات الاعلان مهم ما يعرفونا زين لكن تعال على الشركات الخليجية اللى سامحه الهم انهم يلعبون بصورتنا. يعنى الغباء عينى عينك مالناس يعرفون كيف الخليجيات يلبسون اخرتها ايبون وحده لابسه نص عباه وسكارف ومحطتنه وارء الاذن تقول باكستانيه سبق وتناقشه الموضوع مع دكتور في مجال التسويق ومالقينا حل لهذا الموضوع الا انه الخليجين يحتجون على فكرة لة تشوفون الدعيات المصرية تلاقونها تبرز هويتهم لكن نحن ضاعةهويتنا في النص

  4. اهمـ حاجه انها تدر فائده .. شوفو داعايات سبيس تون كيف نافضه جيوب الأهالي هع هع هع يديكِ الف عافيه خيوو ع الطرح اللزيز

  5. بصراحه اخوي من زمان ودي اكتب عن هالدعيات الفاشله وربي مسخره من جد وقولك كلها اغاني زين ملزمين البنات بالحجاب والا بلاوي الف شكر لطرحك هيك موضوع

  6. الصراحة جميل اني لقيت هالكم الهائل يبادلني الشعور تجاه الدعايات الخليجية بحقيقة عقب مواضيع الشباب حول اغرب الدعايات.. شفت الفرق الواسع المشكلة دعايتنا أقلهن اتوقع 30 ثانية… بينما الغربية بتصميم ثابت يلحس مخ مخك باختصار اغلب المواطنين العرب مايهمهم الاعلان وقوته على ما اعتقد والله اعلم… وهذا انعكس سلباً على اصحاب الوكالات الاعلانية..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

دعايتنا الغبية

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول