بسم الله الرحمن الرحيم
في البدايه احب اوجه جزيل شكري للغالي ابو نواف على جهوده الكبيره
وايضا ً احب اوجه شكري وتقديري لكل من راسلني وارسل عباراته اللطيفه .. او انتقاده الجميل .. او ملاحظاته الرائعه …. شكرا ً لتواصلكم .. ونبضكم الجميل
اليوم عندي قصيدة … ودي اشارككم فيها …… قصيده لا تعدو كونها " فكره " اتمنى تعبجكم يارب …
(( خــــديـــــجـــــــة ))
قبل وقت الزوال وعند هاك الغـدير
والـــقمر والنجوم للسطوع تحـبي
كنت رايح أبسمع اندفاع الخــــرير
كني مبطي عن الما ، يالمياه اقربي
يوم شفت البنيه ، ما قويت المسير
ياعيون الغزال ويارموش الظبي
آه لو لي جناح والله اني لأطيــــــر
يمّـها واهمس لها ، آمري واطلبي
يوم شافت عيوني ، ابتدت تستدير
ثم نادت وقالت ، يالأخو وش تبي ؟
قلت انتي من انتي يالجمال الوفير
يوم شفتك جمدت واستراح تعبي !
قالت اسمي خديجة واللي يخفى كثير
عندي امي وابوي والفقر زاد لهبي
كني من قبل اشوفك ياخديجة ضرير
افترشتي الفؤاد ، وامتهنتي السبي
كل خطوة أمام ، تمتلي بالعـــــبــيــر
وتجدب الأرض خلفك ، كيف ماتجدبي
ولع القلب فيك وامتلا بالســـــــعير
ولعيني زياااده ،، يستغيث احــطبي
لانطقتي الكلام ، يسمــــــعك كل طير
واسمك احلى الاسامي مثل مرت النبي
ياخديجة ابسأل وجاوبيني بضمير
وش علام الخطوبة ، يالغلا جاوبي ؟
قالت بصوت خافت ، توّ عمري صغير
قلت في وسط قلبي ياخديجة العبي
قالت وبنت عمك وش يكون المصير
قلت مابي القرايب انتي بس مطلبي
والله اني لأشيلك من حياة الحصير
لي حياة القصور والبي إم الذهبي
ابشري بالذهب واللباس الحرير
والسفر ياخديجه لي دمشق ودبي !!
– وسلامتكم –
** تهمني آرائكم جدا ً … **
صلوحكا
