ـسـلام عـليـكـــم ورحمـة اللـــه وبــركــــــاتــه .
شخباركم جميعاً احب اسجل شكري وتقديري للأخ
(ورقة بلوت)
ولايهونون باقي الاخوان , فعلاً القروب متميز جداً جداً ولاكن حبيت اسجل اعجابي بالأخ الكريم
عموماً هذا اول موضوع اشارك فيه
ولو انه مو مهم ماشاركت فيه لاكن اهميته جعلتني اسرع في نشر هذا الخبر المؤلم.
موضوع عن المخدرات مش موضوع لا خـبــر موثوق من صحته .
الموضوع عباره عن حبوب الهلوسه المعروفه بالكبتي غون ( الكبتي ) طبعاً اكثركم عارف هذي الحبوب ومدى تأثيرها على عقل الانسان.
الموضوع بأختصار التقيت واحد من الاصدقاء من المنطقه الشرقيه قبل شوي يعني تونا متغدين مع بعض بالبيت فجأه وحنا نتغدى قال : تعرف فلان الفلاني الي كان يدرس وياك بالكويت !!!؟
قلت ايه اعرفه شفيه !!؟
قال الرجال توفى قبل يومين !!؟
لاحول ولاقوة الا بالله , الله يرحمه ويصبر أهـلـــه , وهذا يومه ولااعتراض على حكم الله , لكن شنهو السبب يابو فلان ؟
قال السبب حبوب الكبتي !!!!!؟
اعوذ بالله الي اعرفه ان الهروين والابر والعياذ بالله هي الي فيها جرعه زايده اما الكبتي تلحس المخ وتخليك بدون عقل .
قال صحيح , بس النوع هذا من الكبتي واصل من اسرائيل وفيه مواد تسبب الموت الدماغي مباشره او تسبب مرض الايدز !!؟
والله العظيم ياشباب انا ماصدقت قلت وصلت لهدرجه اسرائيل تحط سم على سم ؟؟ يعني معقوله مايكفيها ان الكبتي بروحه يلحس المخ هي قاعده تزيده سم !!؟
يعني تبي تعجل بقتل شبابنا وبأسرع الوسائل .
والله ان هالكلام موثوق منه وخلال يومين راح ينتشر الخبر بالخليج وخصوصاً في المملكه العربيه السعوديه , وحالياً المباحث شغاالين بالبحث عن كل تاجر ومروج حبوب كبتي .
وطبعاً خلال اليومين الي طافو مات واحد انا اعرفه شخصياً والثاني مختل عقلياً وفيه وفيه وخلال الايام القليله راح تسمعون بأرقام غريبه.
اقسم بالله ياشباب اقسم بالله .
الحوادث هذي حصلت في حفر الباطن والقيصومه والله اعلم عن الباقي .
والـســـــــلام
