السلام عليكم ورحمة الله وبركاته
طاااااااااااااااااااط .. طاااااااااااط .. عووووووووو طشششش 
لا حول ولا قوة إلا بالله 
أوه صح .. يا لرداءة أخلاقي لقد نسيت أن أعرفكم بنفسي 
أعمل لدى شركة متعاقدة مع إحدى شركات الجوال الحديثة العهد في السعودية , براتبٍ زهيد طبعًا .. أما بالنسبة للشخص الذي كان يتكلم قبل قليل فهو زميلي ( برّاية ) .. عمره ليس ببعيد عن عمري , يعمل معي في نفس الشركة المتعاقدة .. ويحمل شهادة البكالوريوس , ذكي يحب التطوير والاختراع , وهو شاب نحيل جدًا لا يخرج من منزلهم إلا وقد وضع حذوه حصان في جيبيه كي لا تطيره الريح 
نحن الآن على رصيف مول ضخم حديث الافتتاح نقوم بتصليح بث مقوي للبرج الذي قد وضع فوق سطح المول .. يالحبيب وش جالس تسوي 
* * *
خاطبنا ( دباسة ) بغضب : يلعن إبليسكم للحين ما عرفتوا وين العلة
يترك( برّاية ) ما في يده من أسلاك وأجهزة ويرد عليه بخوف : أعذرني على كلامي يا دباسة بس ما تلاحظ أننا أنا ومستر اللي جالسين نشتغل وأنت ما تسوي شيء 
قاطعتهم مصرفًا ومهدئ ً للوضع : يالله الجو اليوم جميل صراحة .. وش رأيكم يا شباب بعد ما نخلص نروح لكوفي ؟ .. عازمكم على حسابي .. نظر إليّ ( دباسة ) نظرات مريبة ثم أردف قائلاً : عازم مين
تصدق مرة عزمني واحد من أخويائي لمطعم راقي .. تدري وش أول شيء سويته ؟؟ .. حطيت جوالي على الصامت .. تدري ليه ؟؟ .. لأني خايف يرن وأطلعه قدامهم .. يا أخي مليت من كثر ما أحط الجوال في جيبي من الفشيلة .. ودي أكشخ ولو مرة وأحطه على الطاولة وأنا أكل 
قطع ( دباسة ) كلامه حين مرت سيارة BMW فارهة بجوارنا .. ثم أستطرد : شف شف ما شاء الله تبارك الله .. أيه هذا هو راعي العزايم , بالله شف وش معه سيارة .. تدري خل سيارته على جمب وشف شكله وشلون أطخم ويخلي الناس تحترمه , مهوب مثلك يا مستر كل ما مرت سيارة من هنا هدت السرعة وكله بسبب راسك المثلث يحسبونه لوحة احذر المرورية
في هذه الأثناء نزل صاحب السيارة الفارهة فإذا به قد لبس نظارات شمسية نظرت إليه ثم تغيرت ملامح وجهي إلى البسمة المليئة باللكاعة وقلت لدباسة : يا أخي أولاً وأخيرًا احمد ربك على الحال اللي أنت فيه .. بعدين هالزين والغني اللي جالس تشوف مهوب شرط يكون كامل ومرتاح في كل شيء .. تأكد أن كل شخص مهما كان فيه مميزات فيه عيوب , غالباً تكون العيوب ظاهرة ومن خلالها يحكم الناس للأسف !! .. طبعاً أكيد أنت فاهم الكلام اللي قلته كله لأنك إنسان ذكي <<– من قال إني خايف
عموماً خلنا نرجع لراعي السيارة يا دباسة .. للأسف راعي السيارة إللي أنت مغير تمدح فيه وتحسه متهني وكل حياته سعادة طلع أعمى !! .. التفت ( دباسة ) لصاحب السيارة ونظر إليه بازدراء و قبل أن يتفوه بكلمة إذا بصاحب السيارة يخلع نظارته ويسلم على أحد أصحابه بابتسامة تكاد أن تشق وجهه .. استطردت وقلت : أوكي يمكن استعجلت وما صار أعمى بس تراني متأكد أنه حزين
يقطع جدالنا صوت متحشرج مخيف .. التفت أنا ودباسة إلى براية فلم نجده .. ذهبنا كي نتفقده بالقرب من البوكسية فلم نجده أيضًا .. ألقينا نظرة بداخلها فإذا بنا نسمع صوت من بين العديد من الأسلاك : الوضع هنا سليم وما فيه أي عطل مبين معي !! .. يجيبه ( دباسة ) : الله يهديك نلعب حبشه حنا يومك تتوزى بين الأسلاك
خرج برّاية من البوكسية وبدأ في نفض الغبار عن نفسه ثم قال : البوكسية سليمة يبي لنا ندخل المول ونشيك من جوا .. وبالفعل دخلنا المول وبدأنا في تعقب الأسلاك والتوصيلات باحثين عن المشكلة .. صعدنا إلى الدور الثالث والذي بدوره لم يفتتح بعد وأخذنا جولة تفقدية إلى أن وجدنا المشكلة
صعد ( بّرايه ) على السلم وطلب مني أن أحمل صندوق المعدات الخاص به وبدأ في العمل .. وبينما أنا أحمل الصندوق في يدي وجدت جهاز غريب!! .. أخرجته من الصندوق وقلت بدلاخة : الله يهديك يا براية .. ترى ما عندنا اختبار رياضيات اليوم عشان تجيب معك الآلة الحاسبة
أجابني ( برّاية ) وهو منهمك في العمل : هذا أخر اختراعاتي يا مستر .. جهاز يخليك تتصنت على المكالمات .. بس طبعاً لازم تكون قريب ولازم توجه الجهاز لشخص يكلم بالجوال أو بالتلفون حتى ! .. خطف ( دباسة ) الجهاز من يدي وأتجه إلى النافذة وقال : ما راح نتأكد إنه جهاز تصنت إلا لما نجربه 
في البداية سمعنا : تششششش ( الجهاز يوشوش
هنا عرفنا أن الجهاز أشتغل .. وضعت ما في يدي واقتربت من دباسة حتى كدت أن أعانقه وبدأنا نستمع له وسعابيلنا تتقوطر من تحتنا من شدة الخقة على الصوت الناعم فإذا بنا نسمع : بصي حضرتك القهاز ده بالزات احسن قهاز موقود عندنا دلوئتي !! .. ليييييه ؟؟؟ .. ئولتي لي ليه بئه ! .. لأنو فيه وايلرلس .. ولأنو فيه بلوتوس
تششششش .. ( يعني لازم أقول لكم كل شوي أن هذا صوت الجهاز وهو يوشوش
تششششش .. ألو .. عبيررررر وييينك يالشينة ؟؟ .. فاتك ما شفتي الفلم الهندي معي .. يجنن يجنن يجنن يجنن صراحة 
حرك دباسة الجهاز وأشار به على فتاة أخرى : تششششش .. هلا سارة , كيفك ؟ .. هاه للحين صاملة
خدمته وحبيته وعطيته قلبي .. وهو في المقابل وش عطاني ؟؟ .. بس يكرر جملة ( أنا ما قصرت عليك بشيء )
يتوقف الجهاز عن الكلام للحظات وينظر إلينا نظرات مليئة بالريبة من وضعنا المخل ثم يتنحنح ويستطرد
وحضرته جالس قدام التلفزيون ولا يدري عن شيء .. أخر شيء صرت أمر من قدامه كل شوي لعلى وعسى يلاحظ .. وفي الأخير وش يقول لي ؟؟؟ ( ما صليتي للحين ؟ .. وإلا ليه لابسه جلال الصلاة 
المهم شوي وبتصل عليك .. تششششش .. نظرت إلى دباسة فإذا بعينيه تكاد تدمع من شدة التأثر .. مسح دمعته بطرف كمه ومن ثم حرك الجهاز كي يبحث عن اتصال أخر ( أمحق تأثر 
ضحك دباسة بخبث وقال : ازهله
أجابني : الله يقطع بليسك يكلم أمه , وش نبي به بالله عليك !! لو جالسين نتسمع شوي كان سمعناها تشاوره وش يبي تطبخ له غداء
بدأ دباسة يحرك الجهاز بشكل عشوائي باحثاً عن من نتصنت عليه : تششششش .. هلا يا مها ، تراك ازعجتيني .. قلت لك خلاص معزمة على الطلاق يعني معزمة !! .. تجيبها مها وهي تبكي : تذكري يا سارة أن هذا مهوب الحل
ينظر دباسة إلي ويقول : قل عني مريض , قل عني مجنون .. بس الجدار ذا يتحرك أكيد
خاطبنا رجل الهيئة قائلاً : لو سمعتوا أن إحدى شركات الخمور الضخمة أنشأت مشروعاً خيرياً .. طبيعي بتلقون أنفسكم تقولون ( خلهم ينصحون نفسهم في الأول
* * *
القي القبض علي أنا ودباسة ورحنا ضحية آلة حاسبة
النهاية
مـدونـتـي
www.mr-azoz.com
سبحان الله وبحمده .. سبحان الله العظيم
