تقرير مصور : دبي سبتمبر 2011


{آلًسٌٍلآٍمٌ .. عًلْيٌكُمِ
[أمسيكم][ اصبحكم]
بكل خير]
هذا تقرير دبي سبتمبر 2011
وراح يكون ان شاء الله الجزء الأول
وباقي الأجزاء
راح تكون لتركيا

كان البرنامج دبي 5 أيام
وتركيا أسبوعين
ومع التنقلات كانت 20 يوم تقريبا
والمسافرين أنا وصاحبي فقط
راح ابتدي بدبي ثم تركيا
وراح يكون التقرير على أجزاء
لكثرة الصور والفيديوهات
ــــــــــــــــــــــــــــــــــــــــــــــــــــــــــــــــــــــــــــــــــــــــــ
انصح بالضغط على زر F11 لمشاهدة أفضل
لكبر حجم الصور
ــــــــــــــــــــــــــــــــــــــــــــــــــــــــــــ

تم الوصول لدبي يوم 3 سبتمبر 2011
رابع أيام العيد
وكانت أول الوجهات
فندق إمارات كونكورد
Emirates Concorde Hotel

كان الوصول الساعة الواحدة ظهرا
وكانت أول الوجهات مول الإمارات
وبعد الغذاء كان أول الأنشطة
سكي دبي

حبــــــايبـــــــنا … وش الدنيا بلاكــــــم …

الصور كثيره في سكي دبي
راح اضع باقي الصور في صفحتي بالفيس بوك
وبعد مول الامارات
رجعنا للفندق
وكان فيه تحت مقاهي رايقه
اخترنا هذا

نجي لليوم الثاني يوم 4 سبتمبر
قبل مااسافر كنت مجهز كل شي
تذاكر السفر .. حجوزات الفنادق ..الانشطة الي راح نسويه
كلها اون لاين ودفعت قيمتها بالفيزا قبل العيد

ومن ضمنها
border=0

حجزت لشخصين
وهذي التذكرة


وهذا موقع الحجز للي يبي يحجز
At The Top
وانصح الحجز عن طريق الموقع واختيار الوقت المناسب
لان لمى تروح راح تلقى زحمة
وقروبات وراح تتطر انك تنتظر

الدخول طبعا من مول دبي
وفيه ممرات من المول للبرج

الشي الحلو عندهم مسار خاص للي حاجزين اون لاين
فمااطيرت اني انتظر مع الواقفين

بعد ماتعطيهم التذكرة المطبوعة
تدخل غرفة مثل الانتظار وفيه مجسم للبرج وشرح عن البرج وانشائه

نجي الان للممرات الي تودي للبرج

وهذا أسرع اصنصير بالعالم
سرعته 700 متر في الدقيقه
يعني تركب من الطابق الأرضي الى الطابق 124 في دقيقه و20 ثانيه

المناظر من الأعلى

وهذا منظار
تشتري له بطاقه من تحت ب 20 درهم
ولمدة 5 دقايق وفيه عدة اماكن تقدر تختار تشوف منها

وهذا المتجر

فيه أشياء تذكاريه حلوه

هههههههههه

عجبني الاستايل

طبعا مش ملزم بوقت محدد بالاعلى
متى مامليت انزل
وبعد النزول
فيه ممرات برضو للمول
والشي الحلو ان كلها لوحات ومعلومات عن انجاز البرج

وبعدها تسوقنا بالمول
جدا جدا رائع مول دبي

وبعدها نشب فيني صاحبي
الا نتزلج
هههههههه
عدل بدل
ابد لاتحاول
هههههههههههه

هالكندية فنانه
ابد ماصارت تلحقنا طول الحلبه ولا شي
ههههههههههههههه

وبعدها كملنا تسوق بالمول
ومرينا على
دبي اكواريوم

ومقابل دبي اكواريوم
محل
candylicious
خطير هالمحل

ابد ابد مامشينا عليهم نوع نوع
ههههههه

وبعد هالمحل
حان وقت الغذاء

المطعم ذا حلو
قدام النافورة
واكله جدا رائع

وبعد الغذا
وقت الحلا

خطير محل الايسكريم هذا

وبعد الحلا
في مقهى مام النافورة
رايق وجلساته رايقه
وكنا ننتظر النافورة الراقصة
الي تبتدي من 6 المغرب وكل نص ساعه فيه عرض

هذي مجموعة مقاهي ومطاعم على النافورة

وابتدى العرض

صورت لكم فيديو مقطعين

الاول

فيديوالنافورة الراقصة 1

الثاني

فيديو النافورة الراقصة 2

،،يوجد موسيقى،،
وهذب مناظر دبي مول والمقاهي والمطاعم

وبعد مول دبي
توجها لمول بن بطوطه
زياره سريعه
وحضور فلم بالسينم

نجي لليوم الثالث في دبي
يوم الواد ودي

مثل ماذكرت كنت حاجز كل شي قبل مااسافر
فحجزت تذكرتين للواد ودي
عن طريق الموقع العالمي للحجوزات

http://www.isango.com/
والتكلفة كانت 91 يورو
شامله المواصلات
وكلمت على الواد ودي باكستمر سيرفس
واعطيتهم عنوان الفندق
والوقت الي ابيهم يمروني
قبل السفر ب 3 ايام

واخترت الوقت يكون 11 الظهر

وهذا هو وصل

فنان هالولد
ما شاء الله عليه

ووقت الغذاء

فيه احواض سمك
الي تاكل فطريات القدمين
الربع ساعه ب 25 درهم

والان وقت الاستجمام

تفضلوا

وطلعنا على الساعه 7
كان مره زحمه على التكاسي

بس الله يخلي الحجز عن طريق الاون لاين
السواق ينتظرنا

وبعد الواد ودي
رجعنا للفندق
وشور وتجهيز
وطلعنا

تاجرت سياره لان كنا مقررين نطلع عالم فراري
واجلت تاجير السياره لان اوردي بحجزنا فيه توصيل للواد ودي
وبعد ما تاجرتها تمشينا في الستي سنتر وحضرنا فلم بالسينما

وتمشينا بجزيرة النخلة

اتلانتس

نجي لليوم الرابع
من الصباح
توجهنا لعالم فراري ابو ظبي
كان يوم لاااااينسى
من جد تستحق الزيارة

مدخل مدينة بني ياس

متجر عالم فراري

وبعدها شريت تذاكر الدخول
الشخص ب 225 درهم

ووقت الغذاء

وبعد الغذاء تمشينا بعالم فراري
صراحة روعه

هذا كراج فراري مصغر فيه شرح السيارة والمعدات

كان فيه عرض
لفريق فراري
جدا روعه
صورت لكم صور وفديوهات

وهذا المدرج بعد ماانتهى العرض
كان مليااان

الفيديو الاول

  فيديو عالم فراري 1

الفيديو الثاني

فيديو عالم فراري 2



هذي مره خطيره اللعبه
سته متسابقين يلعبونها بوقت واحد
وحركة المنصه وكان بسيارة عالم فراري

خريطة عالم فراري

استمتنعنا جداً

المنظر بالليل روعه

طلعنا على 8 تقريبا
وكانت الوجهه داخل مدينة ابو ظبي

مجمع المارينا مول

تقريبا المشوار ساعة

عجبتني الصوره للشيخ زايد

وصورته

وفيه مقاهي بالمول
جلسنا فيه الى 1 بالليل
وبعدها توجهنا لكوريش ابو ظبي
وجلسنا الى 3
وبعدها توجهنا لدبي

هههههههههه
عاد صورت لكم شي حلو

الصور الي فوق كلها كانت لهذا المكان

هههههههههههههه

وصلنا على5 ونص
ونمنا الى 10 الصباح
كان موعد اقلاع طيراتنا من دبي الى اسطنبول الساعه 2 ونص

توجهنا للمطار  ورجعت السيارة الاجار

مطار دبي

وهذا ملخص تقرير دبي فيديو
  ملخص تقرير دبي HD



،،يوجد موسيقى،،

وبكذا انتهيت من الجزء الاول
اعتذر على الإطالة
وان شاء الله الأجزاء القادمة لتركيا تكون أجمل وأفضل

تحيات ي
اخوكم

AhMeD AlkhalaF

عطي رايك واقتراحاتك وانتقادك
Reply

… تجدوني في




تابعوا جديد شبكة أبونواف على فيس بوك وتويتر

   


تعليقات 13

  1. ما شاء الله التقرير متعوب عليه .. ) و روووووووووووعه 8) بأنتظار تقريرك عن اسطنبول 8)

  2. دبي عالم اخر … عن جد شرفت العالم العربي وانشاء الله جايها قبل عيد الاضحى وشاكر لك تقريرك الروعه مع انك ما زرت ولا نص الاماكن الموجوده هناكـ

  3. أخي الحبيب, أسأل الله سبحانه وتعالى أن يسعدك في الدنيا والآخرة. حبيت أنبه وأذكر بأن المسلم لازم يحرص أنه ما يروح الأماكن اللي فيها منكرات كتبرج وموسيقى وإختلاط وغيرها وأيضا لا ينقل هذه الصور والفديوه لغيره حتى لا ينال الإثم. وجزاك الله خير الجزاء.

  4. السلام عليكم تشكر …. فتجزاء على هذا العمل الذي رائع وافضل من رائع من المولات .. الى الفندق .. الى ذالك الاستايل واخيرا الى الفيراري مع كل الشكر يا حمود ياغلي

  5. الله يعطيك إنت وصاحبك ألف عافيه فعلاً تقرير خطير للغايه وياليت منهو يسوي مثلكم أو كنت أتمنى إني بصحبتكم أجمل شيء للذكرى

  6. والله دبي اتغيرت كنا نمرها ترانزيت كم يوم نتسوق قبل نروح لندن, لكن اجمل ذكرياتي في الويلد وادي تحس ان عمرك يرجع 10 سنين ورا من الهبال.

  7. رحلة جميلة نتمى إنك إستمتعت بالرحلة …….جزاك الله خيراً ننتظر بشوق أي ستكون وجهتك القادمة. 🙂

  8. بصراحة8) تقرير جميل جدأ و رائع, هالحين عرفت ليش الناس تحب تروح دبيB . مشكور أخوي أحمد , إبداع أصابعك على الكاميرا أعطى التقرير جمال.

  9. لاحظت أن عدد كبير من شريحت مجتمعنا ناس يبون بالعربي يعلمونا أنهم ذهبوا لمدن وزارو مناطق ترفيهيه و … و … , طيب لو انهم زادوا ثقافتنا بطبيعة المجتمعات الي زاروها وطريقة عيشهم و طبيعة تفكيرهم والمشاكل التي مرت عليهم وطرق حلها … بالله مو احسن من التفاخر الي ماله دااعي تحياتي

  10. حلم حياتي اني روح على دبي لانو بصراحة اجمل بلد بشيوخها وشعبها مع اني مابعرف ولا حد اماراتي بس اكيد ناس طيبين لانهم من امة الاسلامية.:D:D وابراجها ورملـها اذا بشوفها على التلفزيون بجن شلون حقيقة B B B رحلة روعــــة وتقرير رائــــــــع عقبال المرة الثانية:$:$ دعولي روح على دبي انابعمل تقرير ههههههههههههههه:$:D

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تقرير مصور : دبي سبتمبر 2011

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول