تقريري المُصور لسيرلانكا – الجزء ٢


bentota
بنتوته


riverina
4 days

كان حجزنا بواحد أحلى منه .. لكن قدر الله وما شاء فعل
وهذا ترى مهوب شين بعد ..


اعلان





واللي بيطلع من هالمدينه لايستغرب اذا انقلب لونه سيرلانكي
يعني البنات الياي لازم يقحشون لهم كريمات وخنبقه ..

أحلى مافي المنطقة بحرها ..
جوها عادي .. مثل ماقلت اذا ماطلعت الشمس طلع حلوو :$

الفجر الى 9 الصبح .. جو خراااااافي خصوصا ع البحر
بعد المغرب يستبرد الجو شوي ..

ياحليلك يابو ورده اذا رحتوا شوفوه من جينا الين طلعنا وهو مايغيرها خخخخ

سيارتنا .. لحد يضحك .. أول ماجا يأخذنا السواق من المطار تنّحنا !! سلامات ابو هنوده في مكه ع هالباص ! خخخخخ
واثر كل الديره هذي سياراتهم .. بالذات السيّاح

حتتة الفطور

كورن فليكس في قلوبنا مواحن لبعض الناس

حقين المساج .. وقراده .. رحت وجيت ماسويته

ياذي ياهي نشبت لنا نشششببببه !! عاد معنا كائنات رقيقه ماتتحمل خخخخخخخخخ
بس والله مهوب مزديه فيها يوم اني اصورها وانشر صورها ؟

ياربيه ياعزي انت وحركاتك .. ودي اكلك
,

غرفة الألعاب كلها مجانيه الا البلياردو الظاهر بقرنقش " مقفلين عليها ام فلوس " .. بس المكان ياهووو حررررر وكتمه مدري وش بيضرهم لو طرفوا الدريشه !
لكن تم الاستمتاع وتحليل ألعابهم

غرفتنا تطل ع هالجهه .. الغرف اللي ع المسبح واللي شفتوها بأول الصور .. تقريباً دبل سعر هذي !!

أهم شي الترويقه

عَ البحر
.. المحيط الهندي ..

الحرس كل الوقت موجودين .. بس مدري وين اختفوا وأنا أصور !

مساكيين .. مادوا ان فيه شعب يركّبون البساط والعده قبل ملابسهم ولو يحصل مشوي وكاتم ماقالوا لا بعد

ع طاري الكلابه .. اكرمكم الله
هناك جاني تبلّد احساس ! يمر جنبي .. يجلس جنبي ! يمشي معي ! كلها واحد
لأن ع كلام الناس .. ان اللي ينحاش أو يخاف منه يجيه .. فلذلك أطقها صداقة معه أرحم خخخخخخخخ

هذا فرنسي عليه سباااحه ويغوص بعد مايحقر عمره خخخخخخخخ ماشاء الله .. جاااز لي مرره
،

Photos people

.. طريقنا للبحيره ..

ذي للتأجير ع ما أظن ..

اهم شي السعودية

حركّنا

طبعاً هذي رحله في القارب مده ساعه او ساعه ونص ناسيه .. قيمتها للشخص الواحد 30 ريال .. والسواق يخلونه ببلاش .. ايه ولد ديرتهم !

امتحنونا بالتصوير ذولي كل شوي يقولون انتم اووكي غثوونا !! اهم شي مواحن حنا .. نصورهم كل ماصورونا

بفلوس التصوير لو سمحتوا

وقفنا ورقينا جبل موب عالي مره .. المهم فيه بيت واحد يصنع اشياءات .. منها قرفه و خوص وهالاشياء .. وسواها قدامنا .. ويوم خلص قال ترانا نبيع يعني اشتروا

رجعنا للقارب

فالين امها بحوش بيتهم خخخخخخ

سواقنا ..
،

رحنا بعد ماطلعنا من البحيره .. لمدينه جايها تسونامي .. تبعد 45 دقيقة تقريباً .. الطريق بصراحه بطططل يمينك بحر ويسارك شجر .. مافيه مغز ابره والباقي بيوتهم ومحلات وهيك .. ماشاء الله

السواق حقنا مدري وش ديانته بس الظاهر بوذي المهم انه يقّدر هالخرابيط وكل مامر من عندها نزل يسوي حركات .. عاد يقولنا هذا الشسمه حقهم .. ربي حاميه من التسونامي

مسجد صلينا فيه الظهر والعصر

شفتوا الرجالين اللي هناك .. قالولنا تبون نطب من فوق بـ 5 دولار
ماتسوا تصير في ذمتنا طال عمرك بس والله المكاان عااالي ويخوف


تابعوا جديد شبكة أبونواف على فيس بوك وتويتر

   


تعليقات 21

  1. أختي سميحة … الفندق اللي في بنتوته أسمها الريفرينا … والفندق اللي تقصدينه اسمه التاج … افخم من اللي رحتوا له بـ 100 مرهـ … لكـن الواحد يحس في الرفرينا براحه لأن تصميمه على شكل دائري ملتف على مسبح الفندق والمحيطـ أما التاج ستة أدوار بس ما فيه راحه مثل الريفرينا … أزعااااااااااج القطااااااار :$:$ سيلان رووووووعــه …

  2. وقسسم انها صور فله وشقه وعماره طايح نصها من جد إبداع في التصوير ومناظر خلابه < تعجبني كلمة خلابه من زمان ودي اقولها هع شكرأ لاتاحة الفرصه عشان اقول هالكلمه > شطح الولد 😀 المهم انه رجعتوا السعوديه والا باقي ؟ اذا باقي علموني بوصيكم تجيبون لنا شغاله بدال اللي انحاشت .. موفقه اختي ورحله سعيده وعسى ايامك كلها سعاده وشاكر لك الموضوع الجيد وهذا اول رد لي بالقروب والله مدري الرساله توصل والا ماتوصل لكن اهم اللي اللي بالقلب وحب الوطن 😀

  3. شكراً على الاستطلاع … لكن اغلب الصور في الفندق ؟! وبعدين احس ان البلد بدائية وطبيعتها عادية :$ اعتقد ان تايلاند تعتبر بلا شك جنة ونظيفة ورخيصة واهلها سويييتي :$

  4. مشكورة على الجزء الثاني لكن ارى انك تركزين على وصف الطبيعة اكثر من كذا المره الجاية وتوضحين العوائق اللي واجهتوها هناك وتعامل الشعب معكم.. افضل من وصف الناس وتصويرهم

  5. تسلمي يا سميحه صور في منتهي الروعه وجميله جدا وادعوك لزياره شرم الشيخ بمصر تري اجمل مليون مره من سيريلانكا ولكي اجمل تحياتي انتي وكل اهل السعوديه

  6. رووووعة بمآآ تعنيه آلكلمه هذآ آلفندق آسمه فندي إيدن بمنطقة آسمها بوربيليآآ آظآآهر وووقسم آنه رووعه صح جوه كآنك بآلشرقية بس رووعة وآللي يقول مآ لقيتوآ آلآ سريلنكآآ معليك منهههم ورربي مآ يعرفون آلسيآآحة وينهآآ رآآآيحه آستمتعت بآلجزء آلثآآني آتمنى تكوون هنآآآآك صور ليوريليآآ مدينة آلشآآي وكذلك لكآآندي وخصوصآ فندق آمآيآهيل وكذلك لمنتجع هوونآآس فوولس وووربي رووعة وخصوصآآ للعوآآئل ننتظظر جديدك على احر من الجمر ميرررسي8)

  7. اول اول اول شي احب اعلق على تصويركـ الاكثر من رائع ماشاء الله تبارك الله اعجبني طريقة التصوير وطريقة اختيار زاوية التصوير والاشياء اللي مصورتها من جد ابدااااع ثانيا ماتوقعت سريلانكا بهذي الروووعه من بداية الصور بالجزء الاول كنت بأقول مالقيتوا الا سريلانكا خلصت بلدان العالم؟!! لكن بجد تستحق الزيارة موفقين واتمنى لكم قضاء اوقات ممتعه اكثر واكثر وعقبالنا ههههه تقبلي مروري..

  8. مشكورر على الصور الحلوة و ما شاء الله عليك تعرف تعبر بس هذي روحه مت تنسي و إن شاء الله مو اخر مرة و تعيدة و تستانس فيها مشكووووووووور

  9. استمعت بمتابعة هالجزء وبديت اعيش معاكم جو الرحلة صدق 🙂 طبيعة شرق اسيا حلوة وممتعة للنظر لولا الحرارة بس ماصادفتوا زواحف ؟؟ :~ يعطيك العافية سموحة ومتابعين ان شاء الله معاكِ بقية الأجزاء 🙂

  10. مرحبا سموحه رحلتكم حليوه اختياركم حلو لكن شكلكم ماخططتوا مبكرين..اغلبها استرجاليه او بدون دراسه مسبقه شكلها اول رحله دوليه خارجيه لكم!! المره الجايه ابحثو اكثر وطالعو مواقع تفيد وخططوا قبلها بوقت الا على الطاري من متى وانتي جامعيه؟؟شي جديد ما شاء الله تخرجتي يعني يلا اجل عقبال الوظيفه الحكوميه بلا واسطات وتمسكن

  11. بصراحه خشيت جو كان ودي نشوف صور أعمق وأدق وما شفنا بضايعهم على الاقل .. لو علك أبو طقعه :$ لكي كل الود

  12. غاده / ياحبيلك والله تسلميييين .. وهيّن الجزء الأول كان كله في العاصمه .. وخبرك العواصم وجوها .. نور / الا فيه بس شسمه في الغابات وكذا .. لكن في الفنادق يوم نروح مافيه :$ علويه / خبرك عتييييق .. توظفنا من زمان :p

  13. اول شي تسلم يمناك وتسلم عدست عينك 😀 وربي شي رووووووووعه من جد جنه شي يحمس والمشاهده فيها ناايس واقولك مره ثانيه تسلم يمنااك:D

  14. علويه هي ماتخرجت لسى ادعي لها باقي لها سنه على الدبلوم متوظفه بشهادة ثانوي معي بالاشراف اسلوبك يبي له كرب :$ موفقه

  15. لولي .. الله يسلمك بسمه .. لا حطي بطاقة العائله ازين خخخخخخخخخخخ باقي لي

  16. ماشاء الله تبارك الله من جد صور فلــته الله يحرم هاليدين اللي صورت على النار 8) حسيت كأني انا اللي مسافره من زود الحماس وانا اتابع التغطيه جزء جزء 😀 / مداخله من بعد اذنك سموحه :> علويه : وش دبلومه شكلك مشبهه على الطاري صدق انتي تدرسين دبلوم والا وش جاب طاريه كنك تلمحين فيه توظيف بالدبلوم والا لا . اذا قصدك كذا ترى فيه ناس توظفوا مامعهم دبلوم زيي :$ – آنسه بسمه: انا بالأشراف وش رأيك نتقابل انا وياك وسموحه ونكرب على سموحه وتشوفين كودي يبيلي كرب ومنها حنا بعد نشوف يمكن يبيلك اكثر منا بس انتي مالاحظتي 8) بخصوص الشهادات الله من وحدتن معها شهادة كبر الدنيا ومخها كبر يدي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تقريري المُصور لسيرلانكا – الجزء ٢

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول