تقريري المصور : تركيا سبتمبر 2011 الجزء الاول

{آلًسٌٍلآٍمٌ .. عًلْيٌكُمِ
[أمسيكم][ اصبحكم]
بكل خير]

شخباركم عساكم طيبين
،،،،،،،،،

شكرا شكرا شكرا

لكل من رد وعلق على تقرير دبي
صراحه ،، اعجز عن الشكر
كلكم ذوق وخجلتوني من كثرت الردود
وحبيت اعمل شي بسيط بسيط بسيط
لبعض الردود الي وصلتني

هذا رابط باليوتيوب لبعض الردود
بعض ردود تقرير دبي

وهذا رابط تقرير دبي للي فاته التقرير
تقريري المصور : دبي سبتمبر 2011

نجي الان لتقرير تركي
راح يكون من عدة اجزاء
وااسف على التاخير في كتابة تقرير تركي
لانشغالي بالعمل بعد الاجازه

وراح اكتب اول ثلاثه اجزاء مع بعض
وهذا راح يكون الاول

،،،اكره المقدامات،،،
فراح اذكر جميع المعومات بين الصور

كان برنامج السفر من دبي الى تركي
ومن تركيا الى دبي ثم الى السعودية
على الخطوط الاماراتية

حجزت اول 3 ايام باسطنبول

Hotel Lausos

الفندق كان مره رايق وحلو
في منطقة سلطان احمد بقلب اسطنبول
ويطل على المسجد الازرق

وباقى المدة حبيت اني اروح لاسطنبول
واحجز من مكتب سياحي

لاني قبل اسافر لتركيا بحثت في النت والمنتديات
كرهت مدن كثيره بتركيا من كثرت السواح العرب ومن كثر ماشفت لها صور وتقارير
كلهم يروحون بورصا وانطاكيا اومليت
فحبيت اروح مدن جديده
ماقد احد راح لها من العرب
فدخلت منتديات اجنبيه
وبالتحديد اسبانيه
والله يخلي مترجم قوقل
فاخترت مدن فيها سواح اوربين بكثره

وفعلا الحمد لله توفقت في مدن مره حلوه
راح اعرضها بالتقرير بالتفصيل
ومن ضمنها كبدوركيا و بموكاليه و افيسس
والله من بعد خروجي من اسطنبول الى رجعوي لاسطنبول تقريبا 11 يوم
ماشفت ولا سائح عربي
موب بس سعودي
ولا عربي
وهذا احلى شي عجبني في هذه المدن
هههههههههههه

ــــــــــــــــــــــــــــــ
انصح بضغط زر
F11
لمشاهدة التقرير بشكل افضل
ــــــــــــــــــــــــــــــ

للأسف
في مطار دبي
طاحت الكاميرا من يدي على الدرج الكهربائي
واختربت
فاطريت اني اصور بلايفون
لحين وصولي لاسطنبول واصلاحه

مكان اصدار الفيز

وقيمتها 20 دولار للشخص

الفندق الي ذكرته بلاعلى
وموجود رابطه

وصلنا تقريبا للفندق 8 بالليل
فكان اول ليله باسطنبول تمشيه حره
وكانت اسطنبول كلها بدون اي برنامج
تركت البرامج للمدن الي ذكرته

والسبب كثرت التقارير عن اسطنبول
حسيت اني رحتها من كثر ماشفت التصوير فيه

هذا المسجد الازرق الي يطل عليه الفندق
وهذا واحد بالشارع يرسم ههههه
ترا ابد ابد موب انا
ماضبط ملامحي ابد
بس حلو رسمه

صحيت من بدري لاصلح الكامير
وكان هذا المنظر من نافذة الغرفة

واخيراً
تصلحت الكامير
بعد عنااااااااء طويل

عجبني طريقة فص الليمون
ركزو فيه

هذا موجود بتركيا بكثره
بكل زاويه
جربته
طعمه كذا مثل الرز
وماعجبني

هذا المنظر من غرفة الفندق

المسجد الأزرق

الصور بلاعلى كانت لأول يوم في اسطنبول
باختصار شديد

نجي لليوم الثاني

ركبنا قارب
ياخذ بك جولة على المعالمة السياحية الي على المضيق

وبعد القارب تمشينا باسواق منطقة سلطان احمد

وهذا سوق شعبي من الاسواق

هههههههههه
هذا رهيب
يقول انها علاج
دوده يحطها على وجهك وتاكل الخلايا الميته

لمى تروح تركي
لازم تجرب الشوارما ولو مره واحده

فهذي المره جربنه
وكان طعمها رهيييب

وحركتهم حلوه
يحط لك الشوارما بالميزان
ويوزن لك الكميه الي تبيه

وبعد التمشيه بلاسواق والغدى
رحنا لمقهى لقيته صدفه
وعجبني مرررره

لدرجة اني رجعت له مره ثانية بالليل تعشينا فيه

هذي ساحة عند المسجد الازرق

وفيها رسامين
وبسطات وهيك

عجبني رسم هذا الرسام
واعطيته الايفون يرسم صورة الوالد

كستنا مشوي

هذا المطعم الي كنت فيه العصر

جيته بالليل والجو كان احلى واحلى

عندهم اكله رهيبه
كباب بالجره
يجيبها على النار
ولازم يجي معلم المطعم ويكسرها لك

اتعب وانا اوصف طعمه
كان يجنن يجنننن

طبعا في تركيا عملتهم الليرة
وياخذون دولار و يورو
بس الافضل تصرف ليرات
والليره
ريال 2.2

كانت هذي اخر ليلة باسطنبول
بعدها تمشينا لاخر الليل
ورجعنا الفندق جهزنا شنطن
ومرنا سواق المكتب الي حجزت عنه ال 4 مدن الجايه بعد اسطنبول

الجو كان رووووووووعه

بوابة المطار

كانت رحلتنا من اسطنبول الى مطار ازمير
على الخطوط التركية
ومن ازمير الى كبدوركيا بباص
المسافه بالطياره ساعه ونص تقريب
وبعدها بالباص ساعه
لان لايوجد مطار في كبدوركي

هذا مطار ازمير بالخارج

بكذا انتهى الجزء الاول
كان لاسطنبول فقط
حاولت قدر الامكان اختصر صور اسطنبول

وماحبيت اشرح وافصل كل شي
لكثرة التقارير عن اسطنبول

لاكن الوعد بالمدن الجايه
كبدوركي
بموكاليه
افسس

وهذا فيديو ملخص الجزء الاول والثاني

،،،يوجد موسيقى،،،
ملخص تقرير تركيا الجزء الاول + الثاني HD

اعتذر على الإطالة
وان شاء الله الأجزاء القادمة لتركيا تكون أجمل وأفضل

تحياتي
اخوكم

AhMeD AlkhalaF
ايميلي

اعطني رايك واقتراحاتك وانتقادك
Reply

… تجدوني في

تابعوا جديد شبكة أبونواف على فيس بوك وتويتر