السلام عليكم ..
يالله حيهم 
اليوم جيتكم ويارب اكون عند حسن ظنكم واوريكم موضوع مميز ويعجبكم
طبعاً جيتكم ومعي تغطيه لمعرض سيارات 2010
الي مقام حالياً في معارض الرياض وبينتهي يوم الإربعاء الجاي
بشكل العام المعرض حلو وتغيير جو وإطلاع على بعض الموديلات والوكالات الي طورت في
منتاجتها .. صحيح موب كلهم طورو تطوير سنع بس البعض يعني 
الوكالات المتواجده في المعرض كثيـره بس نقصها وكالة مرسدس و BMW
والسيف ولكزس والكابرس واخواتها
وبعد فيه صالة سينما زي العاده لشركة تويوتا تعرض فيها نشأئتها وكذا ..
خلونا نشوف مع بعض صور للمعرض
//
بالبداية راح نشوف وكالة تويوتا والـ FG
التغيـر الي عليه الكلام ان المكينه صارت راسين والباقي اعتقد انها اكسسورات نقدر نضيفها على موديل 2009
وهذي الوطايه كانت بموديل 2009 جايه بشكل عادي موب مبروم وحامي مثل كذا
من جوى ما فيه فرق اللهم الأزار الزياده تبع الكبوس الأماميه ..
وش وجهه الشبه ؟!
تويوتا يابانيه والبنوته يابانيه
//
طبعاً بنشوف اغلب الوكالات مطورة في سياراتها بشكل عجيب
وحاطه اكسسوارات فخمه لأبعد درجه بس تبقى الوكاله واسمها خير شاهد على جودة الإستعمال
يعني نشوف هونداي وكيا .. مطلعه موديلات فيها مواصفات اكثر من رائعه واكيد يرغبه
الي متعود على هذه الوكلات وراغبها بالأصل
هنا الأكورد .. سبورت
وهذي الأكورد العاديه .. طبعاً الفروقات بتركها لكم وللي باخص هالسيارات بعام 2009 وكذ
وهنا طراز من TOYOTA واسمه SEQUOIA
اعتقد لسى نازل بالموديلات القريبه واعتقد بـ 2009
والحين نشوفه بالـ 2010
وهنا حديث الناس
نشتري لاند احسن منه 😛
فخآمه
لو انه 8 سلندر بس
هنا المكسيما 
MURANO من نيسان برضو كشخه
قميـل
وهذا الباترول
كشخه
وهنا الأرمادا .. فيه منه ثلاث نوعيات .. بس ما افهم فيهم
هنا الأكس بدشن
فيه حقه
نشوف الحين صرخة فورد 
مقصورته شيي
لأول مره مايكروسوفت .. تحط هالشي بالسيارة
ودي اروح اطعس واكشت فيه يوم واحد بس دايم معي معصي
وش بياخذه ذاا اذا بوقفة بالحارة الثانيه يمكن
والباقي كله معروف
^^
كيف اللقطه بس
^^
هونداي مسويه شغل في هالمعرض
الحين نشوف المجنونه
ابد كنها لكزس ويقولون عشانها ما جت الشركات الكبيره مثل بي ام ولكزس
ولا مرسدس 
فاخره
وما قصرو شغلوها لي
كم لافته عجبوني
هذي عائليه ممتازه
وهذي كويسه
نجي الحيـن نشوف الألتيما
وهذي Z
والـ GT
والبيجو
وهنا الهايلكس بس ما جاوبو الا دفرنسين ديزل
والأفلون ابداً ما تغيرت
وهنا عرض لسيارات الرالي
FG ترى ابد ما ركبته
وهذي الكامري
وهنا الي عجزت احفظ اسمها مرات اقول اوريو << صار شوكلا
ومرات اقول روينو وشكلها ايرنو
ونختم هالرد بالاند كروزر
لا تعليـق سيارة فارضة نفسها 
ما في الحتسي فايده
وهذي لقطتين كذا على الصاله
وهنا عرض لسيارة بكامل اجزائها وبشكل واضح
وهنا مثل ما قلت لكم قبل صالة السينما وعرض لمسيره ونشأت TOTOTA
وهنا دعايه لـ FG
وفيه عرض تسلق بالحبل
وقلت برقى واصور
ونزلت وكملت المسيره
وشوي ولقيت لي نفر راقي مثلي قلت بوريكم كيف الشكل وانت طالع
وابد ما خلو علينا قاصر كلشي متوفر بس اشتروو
والأكسسورات لها حقها في المعرض
وفيه كفي وجلسات وشغل عدل
وهذولي العاملين فيه
عاد يقولون معالمتهم وتسويقهم بالسعوديه ما يساوي ولا 40% من شغلهم خارج المملكه
قبل ما ننتهي من السيارات جوى الصاله بوريكم سيارة مخصصه للفئات الخاصه
والي يحتاجون رعايه وإمكانيات خاصه في تنقلهم ومواصلاتهم
وتويوتا ما قصرت صنعت هالسيارة ومخصصه لهم
طبعاً فيه مقعد خاص ومتحرك ومريح لهم
خلصنا من الصالة .. وقربت يخلص هالموضوع
وبناخذ لفه سريعه عليها ..
اشكال هندسيه
^^
منحشر معهم المسكين
انواع واشكال السيارات الكبيـره والثقيله
تريلات .. قلابيات .. باصات .. سطحات كلش
خلصنا ولله الحمد من معرض الرياض لسيارات 2010 في عام 2009
وهو طبعاً بدئ من السبت 25/12 /1430 وبينتي اليوم الأربعاء 29 ذو الحجه
يارب يعجبكم هالتقرير
وهالموضوع عبارة عن حوالي 150 صورة .. حبيت اعلق عليها عشان اعطي الموضوع
رونق احلى ونوريكم هالمعرض وانتم ببيتوكم 
آسف على الإطاله وثانكس على المتابعه 
