تعليمنا فشخره ومسخره


السلام عليكم ورحمة الله وبركاته
اولاً
اعتذر عن الانقطاع .. ولكل شخص ظروفه
اما بعد موضوعي عن واقع ملموس ونعيشه حاليا
هو التعليم

تعليمنا فشخره ومسخره
اكتب كلماتي هذه باللغه العربيه لتصل للجميع
واكتبها وكلي ثقه لانني لااختلق شي من الخيال
فعلاً وصل التعليم الى اسوء حالته الان
وسوف اختصر الموضوع


اعلان





هناك حالتان
الاولى : الفشخره
اذا كنت تريد التعليم الجيد أو الممتاز
ادفع اكثر
واتكلم الان عن جميع مراحل التعليم ان كانت حضانه او ابتدائيه او متوسط او ثانوي او حتى جاااامعي
هناك جامعات لا انكر انها جيده وتقدم تعليماً لن اقول ممتاز لانه لا يصل في مستوى الجامعات المتعارف عليه
تخليوا فقط هناك استطلاع ..ان الجامعات العربيه ليست بمستوى الاعتراف العالمي

ونكمل حديثنا .. لو حسبنا مثلا المدفوع لــ 4 سنوات
((في احدى الجامعات المعروفه بالسعوديه اكثر من 200 الف ريال سعودي))
لماذا ؟؟ …. هل هي هارفرد او كامبرج لأدفع مثل هذا الثروهـ؟
ادفعها في جامعه مرموقه امريكيه او بريطانيه افضل من ادرس هنا في السعوديه
وهذا المبلغ سوف يغطي كل تكاليفي في الدراسه والسفر لمدة 4 سنوات او اكثر

ونقطه اخرى :
عندما تدخل هذه الجامعه وفي المدراس ايضاً موجود هذا الشيء
انواع الغرور وشوفة الحال … وكأنك اقل منهم مستوى
برغم انك تدفع مثلما يدفعون
وربما حالك افضل منهم ايضا
لكن لا اعلم لماذا هذه الظاهره؟؟؟!!!

الثانيه : مسخره من ناحيه اخرى
((واقصد انه تعليم لا شيء تعليم فااشل بمعنى الكلمه مع مرتبة الشرف))
وتعليم سيئ بمعنى الكلمه
بصراحه كل شخص نااجح ذهب الى الخارج وجلب العلم من الخارج
صحيح يوجد لكن الاغلب من الخارج
تخيلوا فيه بنات ماشاءالله في ناسا ومهندسات
وين درسوا هل تتوقعون بالسعوديه … اكيييد لا

لان ولا ماده دراسيه قد تم شرحها بطريقه جيده
مره من المرات
وعلى فكره اول مابدأ اخي الصغير الدراسه كنت سبب ازعاج لاهلي انا سوف اتكلف في تدرسيه الرياضيات لاني كنت متخصصه في الرياضيات في المرحله الثانويه
كنت ادرس 3 كتب منفصله و6 اقسام رياضيات منها تفاضل وتكامل وحساب مثلثات وديناميكا واستاتيكا .. طبعا سوف يكون كتاب رياضيات للمرحله المتوسطه في غاية السهوله بالنسبه لي
كنت مع اخي قلت … اعطني كتاب الرياضيات سوف ابدأ الشرح لك
فتحته وقمت بتصفحه لم افهم اي شيء منه
((وكأني اطرش بالزفه وعمري مادرست رياضيات))
لا يوجد شرح مجرد مسائل غريبه جداً
حاولت حلها ليس لاخي فقط لنفسي ايضاً
وصدقوني لم ارَ في حياتي منهج معقد بهذه الدرجه
وايضاً كنت اراجع جدول الضرب لفتاة صغيره في الصف الرابع الابتدائي
هل تعلمون اني اعدت شرح جدول الضرب لها من جديد؟
لانها لم تفهم ماهووو اساساً جدول الضرب
وقبل الشرح كانت تحل وامتلأت الصفحه بجدول 2
كل الصفحه من كل جهاتها 2222222222
لم افهم كيف تحسبها!؟؟؟
وشرحته لها من جديد
ماهذا التعليم الفاشل
الذي يعقد الطالب
انا في الجامعه واعترف دراسه سيئه جداً وهناك احيانا شيء من الظلم
كيف سوف يتطور عالمنا وهكذا تعليمنا؟!!
كتبت موضوعي هذا لأنشاد المسوؤلين عن التعليم اين هم
وباللغه العربيه (الفصحى) لكي تصل لهم
تقولون : اننا نحن جيل المستقبل
كيف يكون هناك جيل مستقبل وتعليمنا
فـــشــــخـــــــــرهـ
و مــــســـــخـــــرهـ !!؟
وهذا هو المختصر المفيد
نقطه اخيره:جامعة الملك سعود السنه القادمه تطلب
مجموع 95% ومافوق حسبما سمعت .. شدوا حيلكم .. لازم تدخلون في هالجامعه … ولا راح عليكم مستقبلكم

وترى مواضيع مثل هذا الموضوع يطول الحديث فيه ولاينتهي
وتقبلوا تقديري واحترامي


تعليقات 34

  1. والله مععك حق شي يقهر يقولون العلم..العلم نور ويصيحون تعلموا كيف ذلك وهم يصعبون طريق العلم ووضعوا أمامه سلك إسرائيلي شائك

  2. فعلا ياميلاد والله ان صادقة .. انا طالب هندسة ميكانيكة بجامعة الملك سعود وانا من مكاني هذا .. اتحدى اي طالب من جامعتنا وفي قسمنا وعايش وهو مرتاح ..ياجماعة تخيلوا معاي طلاب من عام 1419 ومتزوجين كمان وهم لسى ولا علبالهم يتخرجوا ؟؟ بس اوصلكم معلومة وحدة ..هل تعلم انه في العالم كله كليتنا هي الكلية الوحيدة في العالم التي تدرس طلابها بأكثر عدد ساعات وهي 160 ساعة ؟؟ واخرتها ؟؟؟

  3. والنكته وين!! جميع من في وزاره التربيه والتعليم عيالهم يدرسون برا 🙂 لاحسيب ولا رقيب والعذر الميزانيه ضعيفه عدد الطلاب كبير الطلاب يبون ينجحون بدون دراسه . مافي مقاعد دكتور يتخرج بالواسطه معيد يدرس بالواسطه .. لا والمدرسين يابنت الحلال خليها على ربك وش تشكي حتى تشكي ..

  4. لا…… وابشرك ان الوزاره رصدت المليارات لتطوير منهجي الرياضيات والعلوم …… ولكن لم نرى شيئا من هذا التطوير ؟؟؟؟؟؟ حاجه غريبه …… صح

  5. ميلاد.. ليت التعليم عندنا فشخره ومسخره فقط!! تصرف فيه أموال طائله لايعلم بها الا الله..لانعلم اين تذهب..ولمن تذهب.. تعليمنا ليس فشخرة ومسخره..!! تعليمنا في الحضيض..بل وأسفل. 🙂

  6. أبشرك… فيه كلية العلوم بالخرج..يقبلون الحاسب والرياضيات والفيزياء على نسب 89 لكن ما اعلم هل بتستمر على ماهي عليه أو..عليكم بهذه الكلية..فهي فاشله لأبعد الحدود

  7. هلا بك اخوي التعليم لا فشخره ولا مسخرة بل اكثر من ذلك اصبح مضيعة وقت بصراحة يذهب الطالب للمدرسه ليدرس ما يرغبه غيره الجامعات تشترط نسبا الله بها عليم بينما في الدول الفقيرة في الموارد المالية من الدول المجاورة وغير المجاورة تقبل طلبتها بأي نسب ( طبعا بالمعقول) وتخرجهم وترسلهم للخليج ليأخذوا الفرص الوظيفية على ابنائنا …. يا جماعة ليش ما يكون فيه سنه تحضيرية يقبل فيها الجميع … وتكون سنه مشددة يعني الدراسة فيها لكل التخصصات ويتم توجيه الطالب حسب ما ابدى فيه تفوقا .. اما ان يحصل طالب الثانوي على 97 او 98 % ولا يجد فرصته في كلية مثل الطب …. فهذه قاصمة الظهر بينما في دول اخرى مصر والشام يقبلونهم حتى 75 و 80 % ويتخرج ويرسل لنا !!!! صحيح ان اغلب النسب التي حصل عليها بعض الطلبه هي من ما دفعه عليه ابوه بالثانويات الأهلية التي لها الدور الأكبر في فشل التعليم ومخرجاته الضعيفه اخيرا هل كنا احسن فصرنا اسوأ اترك لكم الإجابة وربنا يصلح الأحوال

  8. نقطه اخيره:جامعة الملك سعود السنه القادمه تطلب مجموع 95% ومافوق حسبما سمعت .. شدوا حيلكم .. لازم تدخلون في هالجامعه … ولا راح عليكم مستقبلكم ههههههه ياحليلهم يعني مثل اللي يقولوا ادفعوا للمدارس اكثر عشان تطلعوا بنسبة مقبوله للجامعة امحححححححححق تعليم

  9. انا فكلية الحاسب الألي جامعة الملك سعود .. من جد والله قهر اذاكر واجتهد ويجي واحد طعس مايدري وين البرمجة معه ياخي احسن مني قريد ليه عشانه مشبك واحد دافور ومغششه .. لا واقسم بالله وربي يشهد على كلامي .. فيه اثنين من دفعتي قعد اسئلهم ماخذين في مادتين برمجة فوق C اوكيه وهم حتا الوورد والأكسل والبرامج البدائية .. ماقد سمعا فيها .. تخيلوا .. والشي هذا يخلني ماأجتهد .. لأن أشوف غير ي مايجتهد ويجيب قريد .. لكن بصراحة افكر تفكير جدي اني اروح عند اخوي فبريطانيا عند تقدر المجتهد .. عارف اني طولت لكن شيء فالخاطر ..

  10. ياعزيزي انا معاك ان الدراسه فاشله هنا والشهادة الله بالخير وبرضوا الاسعار مبالغ فيها … لكن اخطأت بمقارنتك بالدراسه بالخارج نضرب اقرب مثال السنه الدراسيه في بريطانيا 116 الف ريال وعليك الحساب … وشـــكــرآ

  11. صحيح ما قلتيه ولكن … لقد اسمعت لو ناديت حيا ً … اصبحت الدراسة في المملكة عبارة عن بوابة عبور للوظيفة المرموقة وليست لخدمة الدين والوطن والمواطنين بالعلم النافع الا ما ندر … شكرا ً ميلاد …

  12. مدري بس هل يصلح نطلق عليه تعليم ! يكفي ان فيه مواد تحتاج لتطبيق وحنا ندرسها نظري ! .. من جد شي يضحك خخخخخخ

  13. ليش ما يكون فيه سنه تحضيرية يقبل فيها الجميع … وتكون سنه مشددة يعني الدراسة فيها لكل التخصصات ويتم توجيه الطالب حسب ما ابدى فيه تفوقا .. حلوو كلامك .. بس هنا الواسطات وش فايدتها ! اللي معه واسطه بيدخل اللي .. يعني صبه حقنه لبن

  14. صراحة كلامكِ صادق لأنل أنا الترم الأول مافهمت من المعلمة اللي تدرسنا رياضيات أي شي إلا ماندر رحت لخالتي وهي مدرسة رياضيات وفهمت منها لكن للأسف تدريسها راح في مهب الريح جبت علامه سيئة بالرياضيات

  15. صدقتي بكل كلمه , انا عندي تعليق و سؤال خاشين عرض ليه لما تجي موجهه او حضور للمدرسة فـ ان المدرسة تنقلب فوق تحت !! اسلوب الابلوات و المديرة و ينظفون المدرسة و تجهيزات للتدرس تكلف اكثر 1000 ريال و كل الفصول تشتغل عشان هالدرس لعيون الموجهه و من يتبعها !! قسم بالله مصخرة بالله وين المصداقية ووين الامانة !! ولاشي من الي يسوونه اذا جت موجهه زي الي يسوون معنا !! ولا شوف ذرابة الابلوات بالحصص :S طبعن الحين ابلتنا باااااابشتنا عشان بتجينا موجهه و حضور يوم الثلثا و الله لا يوريكم الكررف مافي عرض و لا نشرة و لوحة الا وقالت لنا سووهاو كله كذب بكذب !! و اضحك شي سالفة بالمتوسط جتنا موجهه فالابلة من النفااااق الي هي عايشته عطتناكوبونات للي حلو سؤال بسرعه يروحون يشترون من المقصف على حسابها.. طبعن اخذناها و ححنا مبسوطين و يوم خلصت الحصة و طلعت الموجهه قالت عطوني الكوبونات !! تخيلو اشكالنا و حنا نرججع هديتها المزعومه !!!!!!! = و امس ابلتنا تقول الي يبي يمدحني بشي يمدحني عند الحضور !! قولي قسسسسسسسم هه و بالحصة اليوم ترد على بنت تقول ( بنات في جزمة ؟؟ ) قصدها انها بتكفخها فيها !! >> هذا الكلاب تفريغ للي بقلبي من انا بالابتدائي خصوصن اني ( طالبة مجتهدة )فـ الابلوات كارفينا .. والله يهدي الجميع .

  16. اولا اشكر الجميع والله حاسه بمعانتكم لان حسيت بالظلم نفسه مع اني مو بـ سعود واحاول انقل لجامعه ثانيه للاسف مافيه ولا فيه تخصصات!! ثاني شي الاخ ابوداحم ادري فييه جامعات غاليه بس موكلها اكيد وتخيلوا بدول العالم الثالث ..((والله شي يبكي)) مثل الهند وباكستان دراستهم مرره زينه وخاصه الماجستر والدكتواره واعرف ناس هناك ويمدحون التعليم الجامعي يعني عندنا مليون اختيار مو بس بريطانيا وامريكا وتخيلوا بس الدول المتخلفه ((يعتبر تعليمها احسن من تعليم السعوديه!!)) وحتى لوو دفعت صراحه موخساره اتعلم تعليم زين ولا انظلم واجتهد وفي الاخير اخذ صفر وغيري نفس الحل والاجابات وياخذون احسن مني!!!وموو اختبار بعد بصراحه ماعندي مشكله ادفع وادفع وادفع ولا اكمل تعليمي الجامعي هنا بالسعوديه ومشكووورين جميعا عالرد

  17. يؤسفني ان ما تقوله الأخت الكاتبة عن التعليم صحيح الى حد بعيد. المشكلة ذات اوجه متعدده. لا اعتقد ان الأسرة والبيت يقومان بواجبهما على الوجه الصحيح. المدرسة لا تعفى من المسؤلية فانا اعتقد ان هناك مجال لتحسين المناهج وتأهيل المدرسين بشكل افضل. فاقد الشيء لا يعطيه. يجب تعيين المدرس الكفؤ وتنمية قدراته وعلمه باستمرار. المصيبة الكبرى التي اشاهدها من خلال عملي كمدرس وأب هي التوزيع المجاني للعلامات اما من خلال مسخ الأختبارات التي ينظر اليها البعض وكأنها بعبع او من خلال الغاء الأختبارات كليا حتى ينجح الجميع وينتقلوا للمراحل التالية والنتيجة علامات شبه كاملة ولكن دون اية قيمة علمية حقيقية وهذا ما يتجلى في المراحل الجامعية الحقيقية التي تتطلب اختبارات جادة.

  18. بسم الله الرحمن الرحيم اولا :كل كلامنا هذا وخوفنا على مصلحة ابنائنا كلة كلااام بالهواء لان كل المسؤلين حفظهم الله مو فاظين يضبطون ولا يعدلون همهم نفسهم وعيالهم لاننا كأننا نخاطب جدارن بس جدارن من نوع ثاني تسمع وترى بس ماتتكلـــم ..ماتتصــرف .. وين العلم وين اجيال المستقبل اللي تتكلمون عنهم وين الاخلاص في العمل ولا ومن زود دراستنا المرموقة((من جنبها)) كل يوم طالعين بمنهج جديد وكل يوم طالعين بقرار متخلف قرار يخفي المواهب العديدة وكل سنة محديدين نسبة متخلفة شلون يبون المواهب والتعليم الصح يطلع وهم مايعطون فرصة من الاساس.. اخخخ بس لو يدخل واحد من المهتمين من وزارة التربية والتعليم ويهتم ويناشد هذا يبيلة بوسة على الراس اما الان صرااااحة اكتشفت الاسم الحقيقي لوزارتنا ((وزارة الفشخـــرة والتــطنيش)) الى متى ..؟ ستبقى امتنا على هذة الحااال واعتــذر على الإطـــالة

  19. السلام عليكم.. صراحه أول مره اكتب رد في القروب موضوعك جا عالجرح لا المشكله اذا جات مدرسه ولا استاذه وماتعرف تشرح وتمسك البنات شرشحه وتهزيئ وأسئلتها أخر السنه أتحدا لو مش نص الفصل او القاعه راسبين شيء يقهر لاتعليم ولامناهج فالحه كله محصل بعضه الله يعين اللي فالابتدائي وراهم مشوار لاويقولو مدارس نموذجيه والله انهم من جنبها الله يعين بس .. أشكرك على موضوعك واسلوبك =)

  20. اي تعليم الله يرحم ابووك تعليم يدرس اقسااام مالها مستقبل عندنا زي التاريخ الجغرافيا العربي لكن شوفي بدول برا يهتمون بشي اسمه جغرافي الان يطبقون نظم المعلومات واحنا تونا ياهادي بدينا ندرسه ويجيك الدكتور او الدكتورة يتفشخر عليك انه جاب الدكترة من بريطانيا ولا امريكا طب لعلمكم انه في جامعات سمعت في بريطانيا تقبل للماجستير حتى لو تقديرك 2 وشوي يعني هنا عندنا مقبوووووووول يادكاترتنا بالمقبووووووووول ؟؟!! ممكن كل شي جايز لو تجيم تناقشيهم بشيء تستحين على نفسك مو لشي بس لان تحسي هالدكتور او الدكتورة مو براسها علم لا ويشوفوا حالهم وحدة ماخذة ماجستير بجامعة الملك عبد العزيز تبي تقدم على وظيفة محاضرة حزروا فزروا وش قالت لها رئيسة القسم لتخصصها 7 7 7 الحين جاين تبون تحطون روسكم بروسنا هههههههههههههههههههههههه امحححححححححححححححق تعليم

  21. رأي الشخصي انها لا فائده من دراستنا في مدارسنا وجامعتنا ما دام الخريج من الثانوي لا يعلم اين يذهب تسأله إلى اين العزم بعد التخرج قتأتيك الإجابة سريعا لا اعلم خريج الجامعة الذي يتخرج وعلامات التعجب على رأسه كيف تخرج من هذه الجامعة وهو سالما عقليا وجسمانيا يعطى وثيقة تخرج وبرمى في الشارع وكأن الدولة مستغنية عن كفائته وعقله إذن فلندع ربنا ان يتحسن الحال او على القليل ان يبقى الحال كما هو ولا يزداد سوءا

  22. مشكووور على الطرح الجيد …وازيدكم من الشعر بيت ان الجيل القادم مايعرف لايقرا ولايكتب..من زين تطوير المناهج

  23. والله انك صدقت في كل كلمه قلتيها يكفي بس ان اخوي الي في ثالث المتوسط قال بنفسه ان الاستاذ يقوله ترا الكتاب حق ثالث متوسط افشل كتاااب تدريس … ولما شفته كتابه ذهلت !!! اجل اووول مايبدأ الدرس يحطون مثال على طول بدون اي اي اي كلام ؟؟ طيب فهمونا وش السااالفه ؟؟؟ للأسف مالنا غير الصبر . . . . . . .

  24. يقول الكاتب أو الكاتبة : اكتب كلماتي هذه باللغه العربيه لتصل للجميع…. و أقول أنا أرى أن في تلك الكلمات فشخرة .

  25. وربي انك صادقه .. ياشيخهه يقطع أبو الجامعات السعودية .. تجيب الهم والمرض .. زياده على تعليمهم المعفن والمتخلف مبانيهم اللي تجيب المرض وتزيد الهم عالقلب … ويقولون ليش ماتطورنا .. طيب تعليمكم رجعي .. ولا اردى من سعود الا الامام.. جامعة التعقيد والتخلف والرجعية .. والا اقسامهم اللي معفنة من زمن جدي .. والحكي كثير بصراحه ولو بحكي مابنتهي .. بصراحه أنا متأزمه حيل من جامعة الامام وقبلها من المدرسة .. ويقولون ليه العالم تدرس برا .. والله حاله مشكووورة ويعطيييك ألف عافية طلعت حرة بقلبي..

  26. اول شي يسلم بؤؤؤؤبك ياأبله ميلاد خخخخ والله انك دوستي ع الجرح ماأقول الا زي ماقال اليونانيين ربنا عـ الضالمـ والمفتري خخخخخخخخخخخ

  27. السلام عليكم .. جبتها ع الجرح… نتكلم ونتكلم ونشكي ولكن لاحياة لمن تنادي اصبرو واحتسبو ): موضوع حســـــاس ,, لك جزيل الشكـــر

  28. بالمنطق يا شباب هذا القت مرحلة انتقاليه انشالله إذا كانت بلادك قبل عشرين سنه يدرسون اولادهم كيف يزرعون بإستخدام حرث الحمير و البقر اعزكم الله كيف سوف تنتقل نقله سحريه لتنافس من هم قبل مئه سنه او اكثر يعيشون تقريبا مثل عيشتنا هذه هذه نظره واسعه للفرق بين المتناظرين بالمقارنه الي وضعتموها المرحله الإنتقاليه و اسبابها ان في بداية التعلم لا بد ان يكن فاشلا لانه لا يوجد اساسيات متبعه لا شي على الهبنق لابد في البدايه يكن فاشلن من ثما إلى ان يصحواو بفهم الشعب العزيز الذي تأخر بالإستيعاب ان التطور ه التعليم هاهم الأن يصحون و يقولون ليش جامعاتنا هكذا و ليش هكذا الحين ما في اليد حيله و الطالب الذي يريد ان يدرس مثل بريطانيا بالسعديه لا اساس له في الإبتدائي يدرسوننا كيف نحفظ فقط وليس كيف نفهم نفكر و المتسط يدروننا كيف نحفظ مع مع قليل من الحفظ المعادلات التي المفروظ انها تكن فهم يعني بالعربي الفصيح طريقة دراستنا دراسه ببغانات يعني بس ردد ردد احفظ احفظ الأن بعد صحه يجي و يقول نبي نبي ولا مؤسس له المرحله الإنتقاليه تكون في تعديلا المناهج من الإبتدائي إدخال الإنقليزيز و ياليت بعد يقشعن الشيبان الي مسوين لنا قلق والله و والله قهر ان يدرسنا في الثانيه شايب عمره خمسين هذا كان يرعى بالغنم و ينتج اللبن و إلى الأن يدرسنا و ينتج اللبن هذا ليس عيب بس نلاحظ انه مهتم بغير الدراسه انسان ما يقرا غير مثقف اللهما بس اشتر تحضير جاهز للماده و رح سولف بالمدرسه يعني تعلمنا فاشله اساساته و يجب ان يكون مرحله انتقاليه و بعد نقطه النهب بالجامعات الدكاتره المصريين هم سبب دهورت جامعاتنا حيث يأتون بعشرين دكتور بشهادة البكلريوس و و احد بشهادة الدكتوراه و يفتحن قسم و يجيبون المصاريه ذولي و ممنع الكلام العربي كله انقليزي و ه اصلن ماهوب عارف انقليزي تقبلو رأيي و شكرا

  29. انا بصراحه استغربة من النقطه الاخيره … لان خريجين جامعة الملك سعود لا يجدون وظائف حسب ما سمعت ,الا ما قل.على العموم انا طالب الكلية التقنية بالرياض بكالوريوس وانصح الشباب اذا جابوا نسبة فوق 85% يقدمون عليها ويكملون بكالوريوس افضل لهم لا ن فرص التوظيف بالهبل ما عليه بس الا يجيب معدل فوق 3,8 . وتراها سهله مو صعبه وخاصة الدبلوم مو شئ. وشكرا لك يا اختي ميلاد.

  30. السلام عليكم ورحة الله وبركته اختي العزيزة والله انك صدقتي بكل الي قلتيه وشايفة شلون الردود الكل جالس يتشكى من واقع التعليم داخل مملكتنا العزيزة …والله هذي من جد مهيب حالة… والله انا ادرس خارج السعودية ..وفرق اسلوب التعليم وتعامل الدكتور مع الطلاب فرق الارض عن السماء… تتكلم عن ايش وتخلي ايش..المناهج ولا حقوق الطالب والله انا كل ماشوف فرق التعامل وفرق الاهتمام بالطالب ..تدمع عيني ..وقول حنا بلاد المسلمين وهذولي احسن عنا في التعليم …ليه وشلون تنقلب الموازين… هنا كل شي موفرينها للطالب ..الدكتور ووقته اهم شي لك ..غير المعلمين المساعدين الي اي شي تحتاجه مغير تروح له غير القروب ستدي وغير السنترات الي مخصصة لاسئلة الطلاب بس ومساعدتهم وغير وغير… طيب ليه حنا عندنا مايصير نفس الكلام.. بس شتقل وشتخلي..خلي الي بالقلب بالقلب والله يسهل على الطلاب والطالبات امورهم ياكريم…

  31. مشكووورين كلكم والله يوفقكم يارب … وان شاءالله يتغير التعليم .. دائما التغيير يأتي بعد خطوه وليش لا مايتغير مافيه شي مستحيل وبالنسبه للي يقول مدرسين ودكاتره والله صادقين مدرسين مامعهم الا بكالوريس على بالهم دكاتره !!! وابدأ ياظلم وبالنسبه للاخ محمد الحربي: وضح مكان الفشخره بالضبط .. هل هو بالكتابه بلغتنا العربيه الفصحى ام ماذا ؟؟؟ وترى اختلاف الرأي لا يفسد للود قضيه ومشكوورين جميعا

  32. تقطعت احبالنا الصوتيه واحنا تنكلم …. ولا احد حولك .. انا راح اتكلم عن الجامعه اللي ادرس فيها .. جامعه الملك سعود العريقه .. فعلا عريقه بطرقه تدريسهم وبمناهجهم وبحتى مبانيهم .. قسم باللله ما حسيت باحباط كثر اللي حسيت به لما دخلت الجامعه .. للاسف الدكاتره انواااااااع شوفت النفس الا من رحم ربي.. والشرح قللللليل اللي يشرحون زين .. وللاسف انا الحين ولا كأني ادرس بالجامعه ارجع منها وعلى مدرسات خصوصيات لان لااسف اكثر مدرساتي فششششل بالتدريس وصعوبه بالاسئله.. على الاقل لو تعرف مستوى شرحها وتجيب على قده اسئله كان حلو .. بس لاااا شرح شين واسئله صعيه .. والادااااااااااااااره وما ادراكم ما الاداره. قمه المصخره.. ادب ما فيه .. زيييييييييرو..قسم بالله اني لما اطلب منهم ادنى شي كاني طالبه الجنه .. كل همهم فطورهم وقهوتهم .. في بدايه التيرم هذا كنت ابغى اسأل عن شي في مكتب وحده من الاداريات وكانت الساعه تسعه تقريبا .. تخيلوا كلمتها وهي بررا وكانت تمشي بتدخل مكتبها قلت لها لو سمحتي استاذه وتوني اببدا كلامي الا هي واصله مكتبها ومسكره الباب .. انا تنحت مدري وش اسوي استفهامات على وجهي انا وصديقتي .. وقفنا قدام الباب شوي قلنا يمكن عندها شي ضروري وبتطلع لنا بعد شوي.. واحنا واقفين جت استاذه ثانيه بتدخل المكتب نفسه وفتحت الباب وش صار عندها تتوقعون ؟ جمعه فطور .. اااااااه يالقهر طيب ليييه كذا افطري على عيني وراسي هذا حقك بس طيب وين الادب ؟؟ قسم بالله انقهرت ذاك اليوم قهر.. لاااااااااااا والمشكله اللي تحرق القلب حرق .. اللي من جد تسمى مشكله ..>>>> الواااااااسطه .. ما فيه شي يمشي عندهم الا بواسطه .. وتحسبون انهم يخفون الموضوع لااااا ابدا .. بشكل واضح وصريح .. عيني عيييينك .. وحده من البنات كانت تبغى تحول من قسم لقسم راحت بتسال عن التحويل تخيلوا قالت لها الاداريه عندك واسطه بيمشونها لك ما عندك اقعدي احسن لك .. <<<< البنت قدمت اعتذار مع الاحباط لان ما كان عندها واسطه تمشيها .. ادري طولت عليكم .. بس والله مع القهر .. ابقولكم شي بس لا تحسبوني من النوع المطنش واللي قاعد يحط عذره بفشل المنهج والمشكله اصلا فيه قبل ما تكون في النهج .. لا انا جاولت بأقصى جهدي اني اتماشى مع طريقتهم الغبيه بس للاسف المستوى ما يرضيني ويرضي طموحي ..لاني انا جبت نسبه في الثانوي عاليه الحمدلله ودخلت القسم اللي كنت احلم به .. بس للاسف التدريس يكسر مجاديف ويمحي شي اسمه طموح .. تحياتي للجميع واسفه على الاطاله .. واتمنى من كل قلبي يتعدل الوضع هذا

  33. انا من دخلت المدرسة الى تخرجي لم افهم شي في الرياضيات غير جدول الضرب وقليل من المعادلات اللي حاولت جاهدة اني افهمها وبصعوبه اعتمادا على نفسي يعطيك العافيه ماقصرتي اتمنى يوصل كلامك للمسئولين يمكن يعدلون المناهج وبلا فشخرة ومسخرة عالفاضي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تعليمنا فشخره ومسخره

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول