مساكم الله بالخير و الرضاء و السرور
كل عام وانتم انا و انا انتم
و رمضان مبارك >> معلومة .. ما يقرب لـ حسني مبارك
و اجازة سعيدة للي توهم معطلين
و الي معطلين من زمان :كش عليكم
و الي عندهم دوام احب اهديهم اغنية الصيف جاء حقت الجسمي
..
كيف العنوان يعني اني بقلد حول العلم في 80 يوم
قبل شهر و و 8 ايام رحت للكويت الدولة الشقيقة
و سويت الموضوع بعدها بيوم واحد
بس توني انزلة الحين
تعرفوني واحد توة معطل
و خلاص بنشب على قلوبكم
..
نبذة عن طلعتنا
كنا 3 طلعنا الاربعا بالليل و دخلنا الكويت الخميس الفجر و طلعنا منها المغرب
طبعا كلنا اول مرة ندخل الكويت
ما نعرف اي شي فيها لدرجة اننا ما اكتشفنا ان الدينار الكويتي يعادل 13 ريال سعودي الا قبل كم يوم
اول نحسبة الدينار بـ 10 ريال مثل البحرين
و اكتشفنا اننا مسروقين
طبعا فية شي غريب عندهم لاحظتة انا بسرعة بديهتي
ان كل لوحات السيارات الي هناك لوحات كويتية >> اقول ورا ما تنثبر بس
سوال يدور في اذهانكم جميعا بحكم اني اعرفكم ملاقيف
وش لون تدلون هناك و انتم اول مرة تروحون
احب اقولكم خلو اللقافة عنكم
وشو لة شارين I PAD
تخيلو ما استفدت من الاي باد الا هالمرة ولا باقي الايام رامية بدرج السيارة
طبعا كانت رحلة مررة رايقة و انبهرنا من الكويت صراحة
ما كنت متوقعها بهالشكل ابدا
فيها من ناطحات السحاب بشكل خورااافي جدا
اعداد مهولة فيها و اشكال و تصاميم جذابة جدا
تعرفون هذاك الي مع طارق العلي الي دايم يتمسخر علية طارق العلي و يقولة انت تسوي دعاية للجمعية
شهاب حاجية الظاهر
الزبدة انا ما كنت ادري وش معنة جمعية
عاد لقيت جمعية بالكويت و دخلناها و طلعت بقالة
ههههههههههههههههههه
احسبها شي زين موب عندنا
عاد هذي بعض الصور حبيت انكم تشاركوني رايكم فيها
..
ابراج الكويت وقت الفجر
..
و هذي الي اقولكم ناطحات سحاب
..
و هذا سوق اسمة سوق شرق
تصميم السوق داخل البحر و في الوسط فية مينا سفن طالع الشكل خورررافي جدااا
..
مبنى ما ادري وشو بس انة على البحر و شكلة حلو صورتة
..
بعدين رحنا للكورنيش
و جلسنا نتمشى ونصور و فجأة تجمعو علينا حقين الدبابات البحرية يتميلحون
و المكان ممنوع تدخلة الدبابات
..
وبدأ شغل التميلح
..
و فجأة طبو خفر السواحل و تفرقعو كلهم
..
و كان فية عيال كويتيين مزعجيننا صورناهم و يقولون متى بتنزل الصور بالجريدة
>> طبعا ما احد كذب عليهم و قالهم انة صحفي
..
و في الاخير بعض الصور مجمعة
الهاف مون حقهم
..
هذي نفس الزحاليق الي عندنا >>
..
طبعا حوادثهم شنيعة جدا معروفين الكويت فيها و هذا حادث على الطريق شفناة
هذا ملخص زيارة الكويت في يوم واحد فقط
سررت بالتواجد معكم
اخوكم مبهم آل مبهم
تابعوا جديد شبكة أبونواف على فيس بوك وتويتر
اللهم احفظ لنا الكويت وسائر بلاد المسلمين من مكر الماكرين وغدرهم صور رائعه تمنياتي لك بحياة اجمل وافضل في كنف الرحمن وسنة النبي العدنان اخوكم أ.بلال – فلسطين بغزة