تصوير مبتدئ


السلام عليكم ورحمة الله وبركاته
وبعد
الصراحة انا صار لي مشترك بالقروب بتاعكم اكثر من 6 اشهر وحبيت كل شي بهذا القروب خاصة الصور فيه
اللي الصراحة إبداعات ولا اجمل من كذا وفكرت في اني ادخل مجال التصوير ودخلت إشتريت كميرا canon d400 والصراحة لمن صورت شفت اني ولا شي جنبكم فحبيت أطور نفسي وذلك عن طريق نصائحكم إن امكن في إعطائي ما هو يجب علي فعله وما لا يجب علي فعله وأين هي نقاط ضعفي بعرف كترت عليكم بس انا اخوكم الصغير ولازم تستحملوني
وهذا وشكري الجزيل لكم ولإدارتكم المحترمة

عبد المعطي



































تحياتي لكم


اعلان







تعليقات 16

  1. ليس لدي خبره بالتصوير ولكن من وجهة نظري بداية رائعه واحترافيه منك اخوي عبدالمعطي استمر واتمنى لك التوفيق

  2. مرحبا بك اخوي عبد المعطي اتمنى لك كل التوفيق في مجال التصوير وبصراحة انا مثلك هاوية تصوير واتابع المصورين اللي في ابوانواف لكن لحد الآن مااشتركت في القروب ولاعرضت صوري لكن… حبيت اني اعلق واعطيك شوية مساعدة من اللي اعرفها لكن اتمنى من كل قلبي انك تتقبل كلامي لأني مثل ماقلت لك انا حالي من حالك هاوية تصوير ماوصلت الى الإحتراف اتمنى تتقبل كلامي واذا ماعليك امر لاتهمله لأن بودي انصحك علشان تكون احسن مني وتوصل للأفضل الصورة الأولى : كفكرة انك تصور شغلة خارج عن المألوف او المتعارف عليه , شي حلو لكن انا مرة صورت مثلك شغلة معينة بطريقة غير..وانتقدوني الخبرا وقالوا مفروض مو كذا..يعني لمن تجي بتصور مكان وبالذات يتعلق بالأرض او البحر او مكان بين السما والأرض نصيحة مني ياخوك لا تميل العدسة خل الكاميرا في وضع مستقيم ومضبوط (طبعا بتقول ليه) لأن اللي بيشوف الصورة وش راح بيتخيل ان الأرض او البحر مايل وماراح يتقبلها (نصيحة من خبير عطاني اياها وانا بدوري اعطيك اياها) لكن كفكرة تراها حلوة الصورة الثانية : مرة حلوة طريقة الفوكس والخلفية والوقت جاي ابد تمااام ولكن…الوردة..لو انك جايها بطريقة ثانية كانت افضل يعني لا تفهم انها مو حلوة لا بالعكس لكن ليه ماخذت جزء من الوردة اكثر..! يعني لو انك ماخذ الجزء السفلي (الساق) مع الوردة كان افضل , لكنها حلوة الصورة الثالثة : روعة مررررة روعة (اخيرا قلت شي يبرد القلب 🙂 ) شكلها ولونها وطريقة التصوير والظل حلو طالع فيها حلوة مرة الصورة الرابعة : ماشاء الله عليك تجنن صراحة , طريقة اخذك الصورة والكيفية اللي خذتها مرة تجنن مبينة فيها الورود بشكل حلو الصورة الخامسة : نفس الصورة الثالثة , يعني لو ماخذ شوي من الساق او مو شرط تاخذ لو جاي من فوق او ماخذ زاوية ثانية كان طلعت افضل , يعني الشي الوحيد اللي يمكن اعلق عليه طريقة اندماج الظل مع اللون طالع حلو الصورة السادسة : بصراحة حلوة بس كان شي ناقصها وتطلع ترتيب , لو كان عليها خنفوسة صغيرة لونها احمر ومنقطة بأسود…روعة تكون , لكنها حلوة الصورة السابعة : هذي بجد سبحان من خلقها انا اول مرة اشوف ورد هالشكل لكنها حلوة , طريقة عرضك للألوان حقينها مرة حلوة بس لو كان يمها وردة ثانية كانت حلوة , لكنها روعة سبحان من خلقها وابدع فيها الصورة الثامنة : نفس الشي لو ماخذها من زواية ثانية كانت اروع , لكن اللي عجبني فيها دقتك في تصويرها , لو تلاحظ في خطوط على الوردة مرة صغيرة لكنها طالعة حلوة الصورة التاسعة : الصورة حلوة وتمام وتوقيتك كان مضبوط , لكن لو كانت الموية اللي مر عليها الحصان اكثر وتنثر الماي بكل مكان , كانت بجد روعة , لكنك صدتها في التوقيت وهذا شي مرة حلو ومو اي احد يضبطها الصورة العاشرة : حلوة طريقة اخذك للشجر من زاوية بحيث تشوف الأغلب , مرة تمام والوقت حلو , يعني ماشاء الله عليك ضابطها الصورة الحادية عشر : بصراحة انا مادري وش وجهة نظرك , لكن لو انا كان خذت صورة الشجرة مع الكنيسة اذا انها تكون مضبوطة , لكنها حلوة وقتها مضبوط الصورة الثانية عشر : بجد روعة ماشاء الله عليك , ذكرتني بشجر الكرز مادري وش اسمه اللي في اليابان اللي اول نشوفه في فلم كرتون (ايكو سان …….الله طلعت غبرة 🙂 ) لابجد حلوة الوقت تماااام معطيها انعكاس حلو الصورة الثالثة عشر : روعة عجبتني وضوح هذا اللي داخل الوردة حقين حبيبات اللقاح اذا ماخانتني الذاكرة , لكنها حلوة الصورة الرابعة عشر : هذا اللي كنت اتكام عنه في الصور اللي قبل , يعني صحيح انك خذت الوردة وجزء من الساق ولو انه مو باين لكنها طالعة روعة لأنك جيتها من زاوية مرة حلوة , بصراحة عجبتني حييييل يعني شوف كيف طالعة حلوة , الظل واللون ونفس الوردة تجنن الصورة الخامسة عشر : حلوة ودقيقة , باين فيها اجزاء الزهرة من الداخلة بشكل مرة واضح , لكن حسيت كأن الجو كان مغيم وقت ماخذتها او انك حطيت عليها فلتر …! الصورة السادسة عشر : حلوة نفس الشي دقيقة , لكن لو خذت الخلفية يعني الورد اللي وراها وركزت الفوكس عليهم كانت روعة , لكنها تمااام الصورة السابعة عشر : الفوكس مو مضبوط فيها , ولو انك خذت ورد متفتح كان افضل , لأن لو احد بيشوفها بيقول وطيب ورد مابعد يتفتح وش استفيد منه ؟ عرفت كيف ياخوي الصورة الثامنة عشر : احس ان الوردة كأنها ميتة يمكن لأن الصورة والألوان كأنهم باهتين , يعني الشمس شكلها ساطعة عليها ومادري اذا انك حطيت فلتر او لأ…؟ بشكل عام…تصويرك حلو وباين عليك مثل ماقلت انت انك مبتدأ وبالعكس بداية مرة حلوة وروعة وانا بصراحة لاحظت انك ماشاء الله عليك توقيت تصويرك جدا ممتاز والصور حلوة وروعة وانا اعتذر لك بشدة لأني طولت عليك ويمكن انتقادي مايعجبك ويضايقك لكن انا عطيتك من وجهة نظري واللي اعرف عن التصوير وعلى فكرة انا حالي من حالك هاوية للتصوير يعني مو تقول هذي شافت نفسها علي ! لا وربي وبصراحة اتمنى انك ماتخفي الموهبة اللي عندك وانك تطلعها لاتصير مثلي عاجزة اني ابرز ابداعاتي للكل …. اتمنى لك كل الخير والتوفيق وترى احتري تكملة لتصويرك يعني مو مرة وخلاص ….لأ استمر ترى التصوير مرة حلو وبتحبه تقبل سلامي ومروري واي شي تبيه من مساعدة او استفسار او اي خدمة تراني حاضرة لايردك الا لسانك وربي يوفقك ويسهل عليك واسفة لأني خذت من وقتك وطولت عليك وعلى قروب ابو نواف وشكرا اذا قريت تعليقي الله معك تقبل سلامي : المحترفة (~_^)

  3. تصوير موفق وجيد كمصور مبدأ وعجبتني صورة الحنطور تبع الحصان رائعه وانطلق الى تصوير الطبيعه والاماكن واجعل الصوره من عدة زوايا وابحث عن ا لضوء الذي يجعلها ملفته للأنتباه

  4. بداية جيدة وعندي ملاحضة في تصوير الصورة الثالثة والخامسة وما شابهها انك تخلي الصوررة كاملة على الوردة بالتوفيق

  5. مشششاء الله عليك اخوي عبدالمعطي مرهـ تصوريك روعه على مبتدأ والكاميرا اللي معك تساعدك كثيـر .. انت مارس التصوير وراح تكتشف اشياء اروع من هذي ..الى الأمام

  6. أخي الفاضل : إن كان هذا تصوير مبتدأ فالقادم أفضل إن شاء الله . لكن قد يكون من الصعب أن نحكم أكثر أو ننتقد أكثر وأنت لم تنوع في الصور ، ولم تستخدم سوا فكرة واحدة ، فلو استخدمت على سبيل المثال التلاعب في الإضاءة من خلال استديو صغير في البيت ، وهي طرق سهلة كل أربع أباجورات تنوع ألوان الإضاءة فيها وتمزج الألوان وتصور أما طفلة أو قد يكون قطعة أثاث قريبة منك وهكذا من خلال ذلك نحكم . فالذوق وبعد الخيال يسبق جمال الصورة . تحياتي لك .. وأنت أيضاً تقبل تحياتي . دائماً .. فيافي

  7. برافو عليك، اولاً موضوع الصور حلو (موضوعي المفضل وزهرتي المفضلة تيوليب) والصور فيها اتقان، ما شاء الله

  8. ما شاء الله تصوير جدا ً رائع ولن أزيد على كلام الأخت المحترفة ولكن هناك ملاحظة جدا ً مهمة تصويرك من النوع المميز [ العفوي ] يعني كأنك مصور بالفطرة لما كنت مبتدئ لم أستخرج مثل هذه الصور يعني أن لديك [ ملكة الأبداع ] طبع وليست صفة مكتسبة فقط لم نشاهد أي توسيط في صورك وهذا في حد ذاته يعتبر [ عفوية فنية ] ولكن يبقى أن هناك بعض العناصر الرئيسية تم إقتطاع جزء منها من دون داعي مثل الصورة الأخيرة أخي الفاضل حتى تحصل على أفضل نقد افضل أن تقوم بطرح ثلاث صور على أكثر تقدير لأن كثرة الصور تجعل الناقدين يحجمون عن الإدلاء بآرائهم الفنية

  9. مرحبا اخي مشكووور عالصور فعلا روعة بس حبيت اعلق عالعنوان الكلمة تكتب (مبتدىء) وليس (مبتدأ) شوووكرا ^_^

  10. والله عمي الصوره كمبتدا ممتازه تسلم ايدك على كل صور هيه فيها شوي تبي تعديل بس والله عاشت يمينك يا بطل عرفت تختار وعرفت تركز اقلك بصراحه اعظم مصورين بالعالم اذا على صوره ورده يصورها اكثير من 100 صوره وبعدين يروح على الكومبيتر يختار افضل صوره ورد عندا حتى يقدمها للمعرض او للجريده الي يشتغل فيها وانا بدوري صحفي في امريكا واعمل مصر لدى وكالة AP الامريكيه ولمن ي بعثوني اصور مكان او شي اصور صور كثير يعني بالمئات حتى بعدين يختارون صوره او صورتين المهم تسلم ايدك مره ثانيه على الصور اخوك حسنين

  11. السلام عليكم أنا من المعجبي جدا بصورك و حقيقة لا تبدو صور مبتدأ إنما صور محترف أتمنى لك التوفيق و أن تتحفنا أكثر بصور أجمل و أجمل شكرا

  12. السلام عليكم ورحمة الله وبركاته بدايو موفقة الصراحة ابداع تصوير مبدع وفنان

  13. ماشاء الله عليك الصور كولهاااا كوووووووووول ناقص بس ايطار يكون خااص فيك تمنياتي لك باالتوفيق وحمستني اشتري الـd400 مع العلم اني متحمس للنيكون d80

  14. بدايه جدا موفقه وزي ماتفضل اخواتي واخواني هذا بدايتك القدم احلا وكاميرتك تراها احترااااااااااااف وحلوه وانتبه عليهاكميرتي ماخذت شهر وخربت موفق يارب

اترك رداً على المحترفة إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

تصوير مبتدئ

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول