ترى ما جابني إلا أنت .. وشوقي يا أقرب الخلان ..!


غبي فاز بلكزس من شركة زين ..
يوم جاء التسليم رفض يستلمها .. ليش؟؟
يقول : خلوها تصدي


اعلان






السلام عليكم ورحمة الله وبركاته

صبحهم يارب بالخيرات ..
ويارب مسهم بالمسرات ..
وأرزق شبابنا مليارات
وبناتنا ركب بيضات
وزوجني بأسرع الفرصات
تكرونيتن من التكرونيات
<< بدر بن فطيس الفراعنة خخخ

شخباركم عساكم بخيرات ان شاء الله؟؟ يارب أنكم دوم تزقحوون على قولة شكيرا وهبي خخخ
أشوا الجو بدا يتحسن شوي .. وبدينا نحس بالدفا ونخفف من ذالجكيتات والجمر اللي يكتم أم الصدر ..
ماغير تشوفونا نتبطح على بطوننا ونمدد رجولنا على الدفايات كل يوم قدام مباريات السعودية خخخ
لا بعد نلبس ونتلحف ونولع المكيفات وكل شي وآخر شي حافين ماعلينا شراريب ..
شرّاب العائله .. كم أحبكـ حباً جماً خخخخ
على طاري السعودية .. ألف مبروكـ فوزها المباريات اللي راحت وعقبال كأس العالم اللي يبطون ياخذونه خخخ
بالله عليكم ذالفيس () إذا شفتوهـ ماتضحكون غصب زيي؟

أمممم قبل أبدأ أحب أنوّهـ على نقطة ألا وهي أن الإنسان غير معصوم من الخطأ ..
شكراً لمن أهداني أخطأئي وزلاتي ..

نروح للموزوع .. كل واحد يشمّر أكمامه ويلبس زبيرياته (الله يكرمكم) وينزل تحت ..
.

][ مدخل ][

خـيـر إن شــاء الله
وش الـلـي زعـلـك مـنـي؟!
خـيـر إن شــاء الله
وش الـلـي غـيـرك عـنـي؟!
تــــرى مـا جـابـني الا انـــت ..
و شــوقـي يــا أقــرب الـخـلان ..
انــا و الله ابـد مـا خنت..
و لا فـكـرت بـالـنسيان ..
و اذا تـقـوى انـا مـا أقوى..
تــرى الـدنـيا و لا تـسـوى ..
خـير إن شـاء لله..!

.

خشب الحبس خمس خشبات
خشم العان خمس حنسات
رقم الجحش خمس خمسات

حلفتك بالله تكررها ثلاث آلاف مرهـ وبتعرس على فطومة , وإذا فتحت الرساله ولا كملتها بتصير حياتك تعيسه ووين ماتطقها عوجا…!
وإذا كنتي بنت وقريتيها 3000 مرهـ بتعرسين على بدر (من نحاسة الحظ خخخخ)
وإذا قريتيها مرهـ ولا كملتيها بيطلع لك قمل فشعركـ , ويجيك مشق فـ ليلة الدخلة..!

رسايل دايم توصلنا الهدف منها دعوي لكن أسلوبها مايحبه كثير من الناس , يمكن يسكرّون الرساله أول مايشوفونها لأنهم ينتقدون الطريقة اللي يطلب فيها هالطلب ..
أغرب موقف الصراحة مرّ علي واحد من المتمسنجرين معي (سابقاً) .. دليت حالياً

وجع يدعي علي .. ياجعله المغص والإسهال النصفي
تعليقاتكم؟

*مايستفاد:
مافيه أي شي يقدر يقول لكـ لاتدوّر الأجر , بس دوّر الطريقة اللي يحبونها الناس, وعشان تضمن أكثر عدد من الناس يكملون رسالتكـ أو دعاءكـ ..

][ جهاز البصمة والشايب ][

مرتن من المرارير الأطلق شي فالعالم .. فالصيفية اللي راحت .. الموهم أني رايح أحد الهيئات الحكومية ..
عاد توهم مطبقين فيها نظام البصمة .. عاد بطبيعة الجهاز إذا حطيت أصبعك وتطابقت البصمة , يطلع صوت بنت شقرا لونها أسمر شعرها بوي طويل عمرها كبير فالتسعطعش .. يقول (Thank You) = (شكراً = لغير الناطقين بالبرتغاليه) << لاحظوا كل ذا عرفته من صوتها
وإذا ماضبط تقول (حاول مرتن ثانيه) <= بس بلهجتهم
عاد توني بركب الأصنصير (المصعد=لغير الناطقين بالحريدزي)

جا واحد أنتهى دوامه ويبغى يبصم .. وكل شوي تقول له (حاول مرتن ثانيه) .. بعد 4 محاولات ضبطت البصمة وقالت (Thank You) .. كل هذا حلو
بس الشي الغريب أن ذالشويّب يرفع يدهـ ويسلم على جهاز البصمة ويقول شكراً ويمشي ..!
يعني من جد مدري وش يحس به؟!
بعد ذالموقف أقتنعت أن الفهاوهـ أحياناً تؤدي لحوادث شنيعة <<<

* مايستفاد:
1- إن بغيت تضحك تعال أول الدوام أو آخرهـ .. بتشوف أنواع المواقف المضحكة والمبكية (وموقف الشايب مبكي من جد).
2- نظام البصمة يا هو خرّب على ناس واجد , خاصة اللي يوصي أخوياه يوقعون له , أنا مرتن من المرات سويت حركة رهيبه , أجي مواصل الصبح وأبصم , وأرجع البيت أرقد , وأرجع على نهاية الدوام أبصم ثانيه … ولا من شاف ولا من درىآ ..
3- عش رجباً ترى عجباً , سدّهـ وأستريح <<
4- يقول الحكيم البهبهاني بن الأصفهاني في باب ماجاء في تعليق الشمعداني ( لين بغيت تدعي على أحد قل له : جعلك تراجع معاملة حكومية ) جعل اللي مايرد يراجع معاملة حكومية هع هع ..

][ اللي في بطنه ريح مايستريح ][

مرتن من المرارير صالت علي خنافري وقلت أبي آخذ موعد عند أحد المستشفيات ..
الموهم دقيت وردت علي وحدهـ .. باين من صوتها سعوديه ..
.

.
أنا:السلام عليكم
الخاله:وعليكم السلام
أنا:لو سمحتي اختي أبغى أحجز موعد عند الدكتور فلان
الخاله:طيب متى تبغاهـ؟
أنا:أقرب موعد لو سمحتي
الخاله:طيب فيه يوم السبت الجاي الساعه 10 الصباح
أنا:أوكي يناسبني .. أحجزيه لو سمحتي
الخاله:طيب عطني رقم ملفك اخوي ..
أنا (على نياتي):طيب تفضلي ××××××××××
الخاله:ياخي عيب عليك .. وش هذا متى تبطلون؟؟
أنا:ليش شفيك شسالفه؟ وش مسوي لكـ انا؟؟
الخاله:ليش تحط رقم جوالكـ؟
أنا:هذا رقم ملفي الله يستر عليك .. بس أني حاطه برقم الجوال أسهل لي للحفظ..
الخاله:ليش طيب تحط رقم جوالك؟؟ أكيد قصدك ترقيم وقلة حيآ ..!
أنا: لو سمحتي عن الغلط .. أول شي أنا يوم فتحت الملف مستشفاكم ماكان يشتغل فيه إلا الفلبينيات.. ثاني شي مو معقوله بحط رقمي عشان أرقم فلبينيه.. ثالث شي اللي أقترح أني أحط رقمي موظف الإستقبال اللي عندكم كان يشتغل .. رابع شي ترىآ ماخلصوا البنات يوم أرقمتس .. خامس شي بكرا إن شاء الله بقابل مديركم وبقول له كل اللي صاير بالضبط..
البنت بعد كل ذالتزبيد قمطت العافيه وخافت مسيكينه هههههههههه
بس والله أني صادز فكل كلمتن قلتها .. إلا الأخيرهـ بس حقت الشكوىآ ..
الخاله:آسفه أخوي بس والله كنت أتوقعك حاطه كذا وما أنتبهت .. أكرر أسفي
أنا (وقد كبر رأسي إنتصاراً على الخاله):طيب لاتتعودينها..!.
مايستفاد:
لعد تحط رقم ملفك هو رقم جوالك ولا بيجرك أو ماشابه ذلك .. حطه رقم عداد كهرب بيتكم وعساك تسلم من الشرشحه خخخخخ

][ فاصل ][
أحـس بـآهـتك نـبره ..
و حـزن و شـي مـا عرفه
و أشـوف بـنظرتك عـبرة ..
ضـوت بـالحيل مختلفة
عسى ما جيت في وقت لغيري ..
و عسى ما جيت لك صدفة
خـيـر إن شــاء الله
وش الـلـي غـيـرك عـنـي؟!
تــــرى مـا جـابـني الا انـــت ..
و شــوقـي يــا أقــرب الـخـلان ..
انــا و الله ابـد مـا خنت..
و لا فـكـرت بـالـنسيان ..
و اذا تـقـوى انـا مـا أقوى..
تــرى الـدنـيا و لا تـسـوى ..
خـير إن شـاء لله..!

][ دوآر آلسفآرآت ][

مرتن من المرارير رايحـ(ن) أنا وأبو عبدالعزيز بنطلع فيزآ من أحد السفارات ..
الموهم كنا متأخرين وباقي نص ساعه وينتهي دوام السفارهـ ,
وكان لازم نروح نسحب من الصرّاف ونرجع ..
عاد سحبنا المبلغ المطلوب وحنا فالطريق (وخبركم حي السفارات كله دوارات وغث)
كان فيه واحد معه كآبرس سبعاوي .. وطاق الريوس ويرجع فوسط الدوار بسرعهـ ..
وكان الدوار زحمه شوي لحظتها , وأضرب له بوري والرجال ما عنده فأحد .. مظلل وداعس على وراآ ..
عاد وقفت انا بس مقدر أمشي ريوس عشان مايصدمني .. بس علقت ع البوري ..
وصدمني المخيس من قدام .. بعدين يفتح قزازته ويطل ويصارخ يقول : أنت ما تشوف ؟؟؟؟؟
همـّـن عاد يدعس ولا كأنه شي صآر ..!
كنا بنلحقه أنا ورفيدزي أبو العز , بس كنا مستعجلين ع السفارة ,
شفت متخلفين كثير .. بس مثل هالمتخلف ما شفت ..!

مايستفاد :
1/ لعد تروح للسفارات إلا معكـ سيارة قرنبع ..
2/ خذ معك فلوس دايماً إحتياط.
3/ لا تطلع فيزآ إلا وأنت محسن النيه < وجه يغمز ليوسف صقيقي


,
][ غزهـ .. تستغيث ..! ][

وا معتصماهـ ..
وا غزتاهـ ..
وا إسلاماهـ ..

زمن المعتصم ذهب ..
وغزهـ هاهي تذهب ..
والإسلام (إن لم نتحركـ) سـ يذهب ..

قال تعالى: (( وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ)) ..

عندي بعض الصور جديدة وما أنعرضت في أي قناة, من مراسلنا في دولة ألمانيا الشقيقة عن المظاهرات عشان غزة ..
شكراً أبو العز <<ولد خالتي وبلقبه بكيفي..
عبدالعزيز عندهـ طلب بسيط منكم الله لايهينكم ..
دعواتكم لوالدته بالشفاء العاجل وعسى ماجاها تكفير يارب ..

اللهم أنصر الإسلام والمسلمين
ودمّر أعداء الدين من اليهود والضالين
وكل كافر وحاقد يارب العالمين
اللهم نصركـ الذي وعدت به يامن بيدهـ القوة والتمكين
اللهم أرنا في إسرائيل ومن عاونها عجائب قدرتكـ
وإجعلهم عبرة للمعتبرين
اللهم أعن أهل غزة
ونوّر عليهم بنورك يالله
اللهم إنكـ قلت وقولكـ الحق
(أدعوني أستجب لكم)
اللهم منا الدعاء , ومنكـ الإجابة
اللهم آمين

,

][ أبي أموووت ][

كان يامكان في قديم الزمان في سالف العصر والأوان <<الله يذكر خالتي أم عبدالله بالخير
كان فيه بنت صغيره عمرها 6 سنوات ..
الموهم أنه في يوم من الأيام دخلت عليها أمها فالصالة وهي تصيح وتصارخ (أبي أموووت أبي أموووت)..!
أرتاعت أمها وطقتها أم الرّكب ..
نادت عيالها الكبار ومرتاعين يحاولون فيها (وش فيك ليش تبغين تموتين؟؟)
بس ماترد..!
أتصلت على زوجها فالدوام ورجع مرتاع ..
حاول فـ بنته الصغيرهـ وما قدر يعرف شي ..
راحت البنت الصغيرهـ ودخلت الصالة ..
وفجأهـ ..!
سكتت .. !
أنقطع صياحها .. !
وصوتها ..!

دخلوا عليها أهلها ..
لقوها ساكته ..
حاولوا يعرفون شفيها

ساكته وجالسه تتفرج ع التلفزيون .. وتغيّر فالقنوات ..
صارت تصيح تقول (أبي أموت) .. يعني (أبي الريموت) ..!
وتوته توته خلصت الحتوته

القصة منقولة من صديقي سلطان بتصرف

][ مخرج ][

حـنـيني غـصب يـدفعني ..
و يـاخذني الـوله يـمك
و أبــد مـا أظـن تـمـنعني
مـسـافات الـظما عـنك
تـــراك أنـــت الـوحـيـد الــلـي بـقـالي ..
و هـمـي .. ولـيتني هـمك ! ..
تــــرى مـا جـابـني الا انـــت ..
و شــوقـي يــا أقــرب الـخـلان ..
انــا و الله ابـد مـا خنت..
و لا فـكـرت بـالـنسيان ..
و اذا تـقـوى انـا مـا أقوى..
تــرى الـدنـيا و لا تـسـوى ..
خـير إن شـاء لله..!

الشاعر :: الأمير نواف بن فيصل
التصميم :: محاكاة لأحد تصاميم المبدع سعد الدين

في آلختآم .. أشكركم على متابعة الموضوع للأخير …
وأتمنىآ آن يحوز على رضآكم وينآل ذآئقتكم كل آبوٍكم ..
وترىا مو لازم الواحد يرد على الموضوع كله إذا كان طويل .. قسمته لعدة فقرات عشان كل واحد يرد على اللي يعجبه , اللي تعجبه فقرهـ يرد على فقرهـ .. واللي تعجبه عشر يرد عليها كلها
(F)
وإن تسانه عجبك الموضوع قل معي :
اللهم اغفر له ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
ولكم باذن الله مثل ما تدعون لي به
اللـهم آميـن

سبحانك اللهم وبحمدك , أشهد ألا إله إلا أنت , أستغفرك وأتوب إليك

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

منتدى فهاوه

للفهاوة طعم آخر معنآ
للتواصل:
[email protected]

كتبه الفقير إلى ربه / باء نقطه شين
بدر.الشوق
وفي روآية / أبو س ـعد

سلآمـ


تعليقات 33

  1. بيض الله وجهك , على صور المانيا وكل ابو دايم مواضيعك حلوه والله دمت كما تحب

  2. ههههههههههههههههههههههه توووووووووووووووووووحفه من جددددددد موضوعك كل ابوووه وامه توووحفه اعجبني كلامك عن اللي احلفك بالله وان نشرته بيجيك خبر زين وان مانشرته بتموت

  3. ماااااااااااااشاء الله وش خليت ابداع كل بارت فيه ملح:$ ربي يسلمك

  4. 😀 اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. لي الشرف اكون اول من تدعوا لك ولوالديك

  5. اخي بدر مواضيعك دائماً رائعه اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللـهم آميـن

  6. يسلمووووووووووووو ماشاء الله عليك ماخليت ولا بقيت عجبني اسلوبك مره حاول تستغله بالدعوه لانه اسلوب رائع ويجذب القارئ يارب اصير مثلك:$ اكررررررررررررر شكررررررررررررررري

  7. الله يوفقك …….. وين مارحت ,,, ويسعدك ,,,, ويدخلك فسيح جناته… مواضيعكـ حلوه …. والاحلى تعليقاتك… مشكور ولا تحرمنا الجديد.. اما حقت الشايب مسكته.. اخوكـ/ متعب الحربي

  8. ياخي انت وش تاكل 🙂 علمنا كود يصير دمنا خفيف مثلك 🙂 مشكور اخوي بدر الله يوسع صدرك بالعافيه خذت اجري على ذا الصبح موضوعك ممتع واحلى شي خلوها تصدي 😀 الله يعطيك العافيه اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. ولكم باذن الله مثل ما تدعون لي به اللـهم آميـن

  9. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. و جميع المسلمينْ ..

  10. يسلمووووووووووو والله يعطيك العافية 🙂 اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. ولكم باذن الله مثل ما تدعون لي به اللـهم آميـن

  11. تسلم على الموضوع الرائع كالعادة اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين واجعل دعاءهم مستجاب في الدنيا والآخرة .. آمين

  12. مساء الظهر تخيل يا بدير الظهر ودرجة الحراره 18 // كالعاده مواضيعك يا حلاتها ياعسل لكن عندي ملاحظه اخويه تحصل بعض الاحيان من الاخوه الزملاء معاي فى الاداره بخصوص نظام البصمه تعليقي يوم انك تبصم وتروح تنام وترجع تبصم الخروج الظهر اذ الناس والمدير مادريو عنك تأكد ان الله يدري وتاخذ راتب على دوامك هذا تحياتي ياقميل

  13. الله ينصر المسلمين ويعزنا بالاسلام نحن الا نبحث عن معتصم لان المعتصم مات ولا عن عمر ولا عن على رضي الله عنهم نحن نبحث عن بطل وبعون الله عز وجل سوف ننتصر في النهاية عندما ينطق الشجر يا مسلم هذا كافر خلفي فقتلة

  14. 8) يعطيك العافية مواضيع حلوة ومختصرة ولا تعيد قصة البنت بس ترى انلطشت سلام

  15. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللـهم آميـن ….8) موضـــــووع ولا آحلــىآ يعطيــك ألــف عــآفيــهـ …

  16. يعطيك العافيه اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللـهم آميـن ….

  17. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. وسع الله هذا الصدر كما وسعت صدورنا

  18. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. ولكم باذن الله مثل ما تدعون لي به اللـهم آميـن سبحانك اللهم وبحمدك , أشهد ألا إله إلا أنت , أستغفرك وأتوب إليك اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

  19. والله العظيم فطسست ضحك على زيين والكزسس الله يرجك هههههههههههههههههههههههههههه يمين بآلله رووعــه.. يسسلم بوئك

  20. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللهم امين

  21. جعل اللي مايرد يراجع معاملة حكومية هع هع B B خوفتني ههههههههههههههههه اللهم امين زي ماقلت

  22. اما كتاباتك حاجه مركزه وفي الصميم تشكرات اوي اوي يا مستر بدر الله يعطيك العافيه

  23. وآبطل قدع من هوّه .؟ بآأإآأإإدر >> صآفه وورآهآ عيآل خآلاآتها من إلى يغنون له ../ وقسمن يا ان الشويب اللي على سآلفة البصمة ينرحم 😀 ../ و قل لولد خآلتك رآعي القحتوته اللي بتموت لا عمره يقص قصص ترآهآ ميب بآيخه ابد >> مهآيطيه هالبــت ../ ووشسمه سلآمي و اما ادري وش الثآني كل ابوه لـ غزّة و ذاك الدآعية اللي عندك بالمآسن ياعليه اسلوب ابو جلمبو ^_^ ../ آمين يارب >>> تآمن ع الدعآء

  24. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. ولكم باذن الله مثل ما تدعون لي به اللـهم آميـن يعطيك العافيه وأسعدك الله كما اسعدتنا

  25. اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. الله يجزاك كل خير صقيقي بدر والموضوع رائع بكل تفاصيله من اوله لااخره واعجبني اكثر شي بدعوتك (( مشق ليلة الدخله )) ههههههههههههههههههههههههههههههههههههه ههههههههههههههههههههههههههه كل التوفيق لك يامبدع واستمر ونحن متابعين

  26. تستاهل إني أقولك اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللـهم آميـن…..

  27. معك حق الرسايل من تالي كاثره بهذا الشكل لكن بقوة الدعوه هذي ماشفت والحين ماتبي احد يدعي عليك وانت تدعي علينا بمعامله حكوميه (راد عشان كذا ) اللهم اغفر لنا ولوالدينا ولجميع المسلمين وانصر اخواننا في (غزة)

  28. والله ان مواضيعكـ كلها خونطيره .. ونتابعها واحده تلو الاخرى ولا يسعنا الا ان نشكرك على سعة الصدر هذي وطالبينك طلبه ان تقول تم .. لا هنت في مقدمه كل بريد ترسله للمجموعه ترز لنا فيسك في البدايه .. شفنا الربع واسماعيل .. ولا شفناك .. وان شاءالله مايكون الطلب ثقيل .. واستمر .. بهالاابداع ودمتم سالمين

  29. مشكور اخوي بدر على هالمواضيع الحلوة ماشاء الله عليك // دائما تجمه بين الفائدة والطرافة بسألك ما فهمت وش قصة الشايب مع البصمة ؟؟ ممكن توضح لا هنت وعلى فكرة تراك ثاني مرة تعيد قصة روحتك لحي السفارات والحادث اللي صار لك عموما شكرا لك والله يحفظك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ترى ما جابني إلا أنت .. وشوقي يا أقرب الخلان ..!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول