تحليل شامل عن الماسنجر 8 مع الصور


تحليل شامل عن الماسنجر 8 مع الصور + منتجات Live الجديدة من مايكروسوفت

بقلم : سليمان العقل


اعلان





Live … مصطلح نبي نسمعه كثير الأيام الجاية … وهو عبارة عن سلسلة منتجات  قاعده تطورها مايكروسوفت حاليا …. أهم ما فيها هو الماسنجر لايف Windows Live  Messenger المعروف سابقا بـ MSN Messenger … وأيضا جاري تطوير Windows Live Mail Beta واللي يعتبر نسخة جديدة كليا من الـ Hotmail …. ونبي نستعرض بهالمقال الماسنجر الجديد وصور منه وايضاً بعض المنتجات الجديدة :

Windows Live Messenger 8

قبل حتى ما يحولون كل الناس على الماسنجر 7.5 بدأت مايكروسوفت تشتغل على الماسنجر الثامن واللي التجديد فيه راح يكون كبير مرة تقريبا ويبي يكون مليان مزايا جديدة … وأول شي نلاحظه هو تغيير اسمه , صار الإسم Windows Live Messenger ….
ورقم الإصدار اللي منشتر حاليا في الانترنت هو Windows Live Messenger 8.0.0328 والملاحظ هو ان حجم ملف الست أب صار حجمه ضعف الأول تقريبا … 17 ميجا بايت أول ملاحظة هي من ناحية الشكل العام للماسنجر …. زي ما بهالصور :
تحليل

تحليل

الميزة اللي طاااال انتظارها وأخيرا راح نشوفها في الماسنجر وهي الـ Offline Instant Messaging … اللي هي الرسايل في حال عدم الإتصال … “واللي يستخدم ماسنجر الياهو أكيد يعرف هالميزة” … هاذي الله يسلمك اذا كان اللي تبي تتكلم معه مهوب متصل … تقدر تكتب له اللي تبي … وخلاص تطلع وتصك الماسنجر … ومتى ما دخل الرجال تبي تطلع له رسالتك 🙂 …. مفيده مرة هالحركة


تحليل

ميزة الـ Sharing او المشاركة … هي شي جديد صراحة لكن ما قالوا عنه معلومات كفاية …. اللي نعرفه للحين انك تقدر تستخدمها كبديل لإرسال الملفات بالطريقة العادية … لكن للحين ما جربنا شي = …. عموما هذي صورة نافذة المشاركة (الشيرينج) :

تحليل

ذي صورة اذا احد دخل Online 🙂 :

تحليل

وهذا التغيير اللي بنافذة المحادثة … طبعا تغيير اللون اللي فوق نفس طريقة النافذة الرئيسية للماسنجر 🙂 :

تحليل

الشغلة الجديدة انه حسب ماهو مكتوب بالمواقع انه فيه تفاعل جديد مع ماسنجر الياهو … حيث انه يمكن تتحد الشبكتين وتقدر تتواصل مع اصدقائك بالياهو هنا والعكس 🙂 … عموما لتفاصيل اكثر بخصوص هالموضوع هذا لنك الخبر : http://www.microsoft.com/presspass/press/2005/oct05/10-12MSNYahooMessengerPR.mspx
تقريبا هذا كل شي بالنسبة للماسنجر … باقي التذكير انه النسخة ليست رسمية ….. وغير قابلة للاستعمال تقريبا … اذا بغيت تستعملها استعملها على مسؤوليتك ولا تزعل اذا ما اشتغل او اذا علق او صار فيه مشاكل وهذا شي طبيعي بالنسبة لبرنامج Beta وتووه ما خلص 🙂  (معلومات التحميل بالأسفل)

Windows Live Mail Beta
هذا الهوت ميل الجديد …. وطبعا فيه تجديد كبيييييير بشكل ما قد شفناه … (( إلا في بريد القوقل !! )) … اهم التجديدات انه راح يكون فيه امكانية فتح الرسايل بصفحة وحدة بدون ما تضطر انك كل شوي تروح لصفحة الرسالة وبعدين تروح لصفحة الـ Inbox …. تماما مثل الـ Outlook® … وفيه حركة قوية اللي هي تعديل قائمة الرايت كليك (ضغطة الماوس اليمين) … يعني تضغط على الرسالة باليمين وتختار حذف أو رد أو غير ذلك 🙂

تحليل

Windows Live Safety Center Beta
منب متأكد من ذي صراحة لكن الظاهر انها البرنامجين حقات مايكروسوفت الخاصة بالحماية … اللي هو AntiSpyware اللي طلع منه نسخ بيتا قبل فترة وكان برنامج ناجح 🙂 … وعلى فكرة فيه اخبار انه راح يتغيير اسمه ويبي يصير Windows Defender …. والبرنامج الثاني اللي هو مكافح الفيروسات الجديد من مايكروسوفت واللي اسمه OneCare Live beta ..

Windows Live Favorites
باختصار …. تقدر تدخل على المفضلة حقتك اللي بكمبيوتر البيت من أي مكان 🙂 ….
تقريبا ذي أهم الأشياء اللي تبي تطلع …. واحتمال يكون فيه منتجات كثيرة تدخل في نطاق الـ Live 🙂 …. منها الأوفيس 🙂 … وللمزيد من المعلومات هذا موقعهم : www.Live.com

المصدر: إقلاع سوفت


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تحليل شامل عن الماسنجر 8 مع الصور

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول