شخباركم يازارعي المتعه
زمان عن ارسال مواضيع للقروب .. من أول في خاطري أكتب بس ماجت فرصه فـ السموحه >> ادخل في الموضوع محد درى عنك
والآن صار حدث وحبيت أعرضه عليكم
وبصراحه بعد تشجعت بعد ماشفت تجارب باهره للبعض هنا الله يعطيهم العافيه يارب
و يبدوا إن سالفة الديكورات وتغييرها صارت شي من أجمل الأشياء اللي أستمتع فيه
لي تجربه سابقه ماعرضتها هنا .. خلونا في الجديد
هالمره كانت الخطه على استوديو صغير
وكيف نخلي الغرفه الواحده هي غرفة المعيشه وهي غرفة النوم وهي المطبخ في نفس الوقت
استلمت الغرفه وهي على وضع مزري للغايه .. بدأت بتنظيف المكان من كل شي وخليناها على البلاطه
واخترت الألوان للصبغ .. وهالمره ماكان بيت الشركه ، يعني خذ راحتك في الألوان ياجاسر
اخترت لونين مختلفين للجدران + اللون الأبيض في السقف وبعض الدواليب
وبدأت المعركه
خلصت جزء
وانتقلت للجدار الثاني اللي بيعطي لون مكان الجلوس
وبما إن الألوان زيتيه والجو بارد فـ بتاخذ وقت مضاعف لين تنشف + انها يبيلها أكثر من وجه
خلصت من الصبغ وفرشت الأرض ( باركيه كذاب )
وهذه بعض من مظاهر العفسه العفيسه اللي كنت فيها اما بروحي أو معي بعض الشباب الله يسعدهم
واحد جايني بثوبه وعقاله وتحمس وكانت النتيجه كما ترون في الصوره أعلاه ،، العقال في وادي وهو في وادي
وهنا منظر المكان اللي مفترض يكون المطبخ والثلاجه
قبل
بعد
وهذا المكان بعد ماخلصت ترتيب الأثاث
وهذا بعد مايتحول سرير
وخلصنا
نشوفكم على خير مع تجارب جديده ان شاء الله 
