بلوتوث + صور : هجولة باص × فندق خمس نجوم بطعم الفأر

بسم الله الرحمن الرحيم

السلام عليكم ورحمة الله وبركاته

حيا الله أعضاء شبكة

أبو نواف

،،،

ـــــــــــــــــــــــــــــــــــــــــــــــــــــــــــــــــــــ

[ بلوتوث ]

-1-

البلوتوث هذا مشاركة من :- صــوـوـوت آلمــآـآـآء

تسجيل خطأ إملائي بوحدتن من هالقنوات

يعني اللي عندهم تلفزيون اربعطش بوصة ماهو شايفها بس اللي عنده من هالمفلطحات يبي يصيدهم

اللي يقهر ان الحرفين نون وتاء جنب بعض بالكيبورد ولا يفرق بينهم الا نقطة … طيب ليش أحس ان الخطأ مقصود

الخطأ في المقطع : بدل ما يكتبوا اعزائــنــا المشاهدين .. كتبوا اعزائــتـــا المشاهدين

للتحميل اضغط هنا

الحجم [ 261 ك.ب ] … النوع [ 3GP ]

-2-

لاعبي نادي النصر هبلوا بالمطرطع إلتون

أحس انه هاك المرة يوم يسحب على الفريق بسبب انه خاف منهم

وقال هذولا ما ينمزح معهم ابد

للتحميل اضغط هنا

الحجم [ 1.2 م.ب ] … النوع [ 3GP ]

-3-

بالعادة نلقى لنا اربعة مجتمعين بالفصل وقاعد يهزون بالكراسي

تحمسوا مرتن من المراريت وصاروا خمسة

بس اني اشوف باص كامل كلهم يهز مع بعض هذي يبي لها قيادة صح

للتحميل اضغط هنا

الحجم [ 440 ك.ب ] … النوع [ 3GP ]

-4-

ليش هالحين الاسراف والتبذير

نبي نصير رياضيين ونحرك رجيلاتنا شوي ماهو اذا بغيت تروح للمسجد بوسط حارتكم

ما تروح الا على السيارة

خلونا مثل هالشايب ماشاء الله عليه هو وسيكله وينصح شعب دولة عُمان أنهم يسوقون سياكل

للتحميل اضغط هنا

الحجم [ 1.2 م.ب ] … النوع [ 3GP ]

-5-

واحد مستلم اخوياهـ سواليف

ومعطيهم من هالرخيص وهالبطولات اللي مثل ما يقولون خل و خل

والله يا انا عجزت استوعب بعض القصص

انا ما ادري وش يحسبوننا هاللي يتسذبون علينا ويتوقعون اننا مصدقينهم

للتحميل اضغط هنا

الحجم [ 3.8 م.ب ] … النوع [ 3GP ]

ـــــــــــــــــــــــــــــــــــــــــــــــــــــــــــــــــــــ

[ صور ]
 

بعض البزران ما ينفع بهم إلا كود انك تربطهم بحبال <<< هذا اذا انهم مسوين ازعاج

بس اذا كنت طالع انت واياهم وتبي تمشيهم بين هالغابات <<< وينهن <<< أتركوهـ يحلم

مالك الا انك تربطهم وتخيلهم يمشون فوق هالجسر

أكلنا من المطبات لين تكسرت سنونا

وتحملنا مطباتنا اللي لازم احيانا الواحد يصير معه جيب ويشغل الدبل علشان يرقاهـ

بس شارع متسفط مثل هذا

ودك انك تجيب لك وحدتن حامل وتجيبها معه وعلى طول للمستشفى اللي بآخر الشارع

الظاهر ان السيارة مسجلها باسم وحدة من اهله

قعدت حوالي خمس دقايق افكر بهالساعة لو صارت وقت غير كذا

وبالاخير رحت اجيب ساعة الكترونية علشان اعرف <<< مايعرف يتخيل ابد

راعي هالسيارة شكله مدمن افلام

لا وبعد ماهي اي نوع .. ما يحب الا النوع الخرافي

اشين شي انك تروح اجتماعات وتحضر وتتحمس

وبالاخير يصير كلامهم مكرر وتقلب هوشات واعتراضات وحطوا هذا وشيلوا الثاني

فأحسن حل لك انك تسحب أمها نومه ولا عليك من أحد

هالشايب صايدن له شغلتين

الاولى سمك قرش والثانية الظاهر انه السمكة اللي راسه مثل المطرقة

بس الصراحة انه جزوم وقلبه مخليه بالكورنيش ما شاء الله عليه

هالبزر ضاحكن عليه ابوهـ قايلن له

ترى هذولي علب عصير جزر بس لاتعلم احد

يالهو باااالي ازاي كدهـ

والله ان رجليلاتنا تصافق اذا ركبنا بالحوض خايفين تهج بنا السيارة ونروح من كيسنا

بس هالحركة ذي ما ادري وش يسمونها

الطول عز او الطول احيانا يجيب مصايب

طيب لو مرت سيارة من جنبهم وطيرت رجلينه من عند الركب

وش يبي يقول .. مع اني والله اعذرهـ على كبر هالسيارة

بس تدرون بالاخير وش صار .. قالوا له تراك ما فصخت شرابك من اسبوع <<< اطلع برااااا

زادت العائلة كم راس وتوهق ما لقى غرف بالشقة

قال احسن حل انه نبي غرفة خارجية علشان لو زعلنا عليهم نفك المواصير اللي تحت

او يجي واحد مطفي النور ويظف هالعمودين وننتهي

مصيبة اذا صار هذا فندق خمس نجوم بطعم الفار

جينا للأكواب وانواع المزاجات فيهن

راعي هالكوب ماهو مخلي ولا قطرة حتى للي بالصورة

بس اللي يشوف هاللي يلحس والله ان يشتهي يشرب اي شي فيه

ترى كل اللي تشوفونه مرسوم رسم يعني ماهو شي طالع من الكوب

تبي تريح راسك وما يقعدون يسألونك كل شوي

كم قطعة سكر ووش نحط لك حليب أو بدون؟

اجل عليك بهالحل انك تكتب على كوبك اللي تبي .. طيب لو كان اللي يبي يصلح لك ما يعرف يقرأ <<< لاتفكر تكفى

ألوان القهوة

أول ما شفته قلت شكله كوب راعي محل دهانات

بس عقب ما فكرت شوي <<< قلنا لا تفكر

طلعت انه تختار لون القهوة اذا حبيت تحوس وتضيف عليها

 ولااااا كلمة

كوب راعي هوشات <<< خاف انه يكتب شي

وين العدسات وين الفلاشات وين المصورين

هالكوب يصلح لهم بس لايزعلون اذا شافوهـ

يحسبونه عدسة اخذناهـ من كاميراتهم

بعض المطافيق اللي تنتفض ايديهم اذا أول مرة يشربون بكوب ومقدم لهم بصحن

تقعد تسمع طقطقة الكوب عليه تقل ماسكن لك خط ردمية

قالوا خلونا نلصق الصحن بالكوب احسن

وبعد قالوا نصمم له صينية علشان المطفوق الثاني اللي يبي يجيبهن لا يحوسنا

بس بالاخير تبي تصفي علينا على هالاكواب

ما مثلهن

يا حبي للحاف اللي مثل كذا

بس هالرسمة مخربته بقوووة تبي تجيب الكوابيس معه

استراحة ناس مدمنين تتن والعياذ بالله

نعنبو بليس العدو وش هالصدور عندهم اللي مير يصلحهم

كل ابو شي بهالسيكل <<< قايلن لكم اللي بالمقطع عليكم بالسياكل

ثلاثة في واحد

تبي تتمشى خذهـ سيكل

تبي تحصد يصير لك حصادهـ

تبي تروح تشتري من السوبر ماركت وتجيب الاغراض فيه سلة ورا

من تحت لتحت ولا حدش واخد بالوهـ

واسكت عن المخالفة ولا من شاف ولا من درى

مع هالحر اللي بدأ يجينا هالايام الظاهر ما ينفع الا لازم

ان الواحد يطب له بوسط برتسة ماء ويقعد يبربس

واذا شفت واحد من بزارينك احتر خذهـ وحطه بالمغسلة وافتح عليه الماء وخله يستانس

ـــــــــــــــــــــــــــــــــــــــــــــــــــــــــــــــــــــ

وبس انتهينا

أتمنى أني ما أكون طولت عليكم ووسعنا صدركم شوي